Microsoft Word H. Eliyev 21 cild haz?r doc
Yüklə 2,7 Mb. Pdf görüntüsü
|
- Bu səhifədəki naviqasiya:
- Heydər Əliyev
- «MUSİQİNİN BÖYÜK İPƏK YOLU» BİRİNCİ BAKI KLASSİK MUSİQİ FESTİVALINA
- HEYDƏR ƏLİYEV Azərbaycan Respublikasının Prezidenti
__________________________________________ 386
edir. Məsələn, mən Tbilisidə olarkən prezident Şevardnadze ilə görüşdüm və gördüm ki, o da bu məsələdən olduqca narahatdır O, belə bir fikir söylədi ki, bu cür işlərə, terror aktlarına əl atanlar buna yenidən qayıda bilərlər, bu işi sonsuz davam etdirə bilərlər. Bir halda ki, bu hadisəbr sizin qonşuluğunuzda olan ölkədə baş verir, xahiş edirəm, öz fıkrinizi, münasibətinizi bildirəsiniz. Heydər Əliyev: Şimali Qafqazda və konkret olaraq indi Dağıstanın ərazisində gedən prosesbr, yəni terror aktları, Dağıstanın ərazisinə soxulmuş quldurlar bizi çox narahat edir. Bizim Rusiya ilə sərhədimiz Dağıstandan keçir. Dağıstan isə Rusiyanın tərkibində bir respublikadır, yəni Rusiya Federasiyasının bir subyektidir. Biz həmişə hər bir ölkənin ərazi bütövlüyünün təmin edilməsinin tərəfdarı olmuşuq və bu gün də Rusiyanın ərazi bütövlüyünün təmin olunmasının tərəfdarı kimi çıxış edirik. Ona görə də biz hesab edirik ki, Dağıstan Rusiyanın ayrılmaz hissəsidir və ayrılmaz hissəsi olmalıdır. Rusiyanın hakimiyyəti Dağıstanda bundan sonra da davam etməlidir. Belə döyüşlər, terror aktları, bu cür çox qorxulu partlayışlar və sairə hər bir ölkə üçün təhlükəlidir. Biz məsafəcə Dağıstana çox yaxın olduğumuza görə bundan çox narahatıq. Bir də bilməlisiniz ki, Dağıstanda təxminən 120-130 min azərbaycanlı yaşayır. Dağıstanla Azərbaycan arasında belə bir vəziyyət var ki, Dağıstanda olan ləzgilərdən Azərbaycanda da yaşayanlar çoxdur. Azərbaycanda avarlar da çoxdur və Dağıstanın başqa etnik qruplarından da Azərbaycanda var. Ona görə də bunlar hamısı tarixən həmişə bizi bır-birimizə bağlayıbdır. Dağıstan bizim üçün dost ölkədir. Şübhəsiz ki, Rusiyanın ayrılmaz bir hissəsi olaraq. Bir arzu edirik ki, tezliklə Rusiya federal qüvvələri və Dağıstanın öz qüvvələri Dağıstanda
__________________________________________ 387
gedən bu proseslərə son qoysunlar, orada sabitliyi, əmin- amanlığı təmin etsinlər. Mətbuatda verilən məlumatlardan demək istəyirəm ki, orada guya islam ekstremistləri, guya mürtəcə siyasət həyata keçirmək istəyənlər, başqaları - onlar şübhəsiz ki, Dağıstana heç vaxt xeyir gətirə bilməzlər. Dağıstan xalqiarının hamısı islam dininə itaət edirlər. Amma islam dini heç vaxt nə terrorizmin, nə də ekstremizmin tərəfdarı olmayıbdır. Hesab edirəm ki, o terroristlər sadəcə, insanların hissiyyatlarından istifadə edirlər. Rusiyadakı partlayışlar, şübhəsiz ki, çox qeyri-adi bir haldır. Rusiyanın, yaxud keçmiş Sovet İttifaqının tarixinə nəzər salsanız mən belə şeybr xatırlaya bilmirəm. Mən bunu xatırlaya bilmirəm. Çünki hər-halda o dövrün böyük bir hissəsi mənim gözümün qarşısında olubdur. Bir də biz kitabları da oxuyuruq, tarixi oxuyuruq. 20-ci illərdən bu tərəfə mən Rusiyanın ərazisində belə partlayışlar olduğunu görməmişdim, eşitməmişdim. Bizim arzumuz odur ki, Rusiyanın hökuməti, Rusiyanın hakimiyyəti tezliklə bu hadisələrə son qoysun, onların qarşısını alsın. Cinayətkarlar yaxalansın, cəzalansın və ümumiyyətlə, Rusiyada ictimai-siyasi sabitlik təmin olunsun. Rusiya bizim üçün dost ölkədir. Rusiya ilə bizim geniş əlaqələrimiz vardır və istəyirik ki, Rusiyada, o cümlədən Rusiyanın böyük bir hissəsi olan Şimali Qafqazda sülh olsun, əmin-amanlıq olsun, sabitlik olsun. Görürəm, daha sualınız yoxdur. Sağ olun.
__________________________________________ 388
«MUSİQİNİN BÖYÜK İPƏK YOLU» BİRİNCİ BAKI KLASSİK MUSİQİ FESTİVALINA
Hörmətli festival iştirakçıları! Sizi - müstəqil Azərbaycanın paytaxtı Bakı şəhərində təşkil olunmuş klassik musiqi festivalının iştirakçılarını səmimi-qəlbdən salamlayıram. Musiqi ayrı-ayrı dillərdə danışan, müxtəlif inkişaf yolları keçmiş, bir-birindən fərqlənən mənəvi və maddi dəyərlərə malik xalqların ən gözəl qarşılıqlı anlaşma və ünsiyyət vasitəsidir. O, hər bir ölkədə xalqın mənəvi aləminin parlaq ifadəsi olmaqla onun dünyada tanınmasında, beynəlxalq əiaqələrinin genişlənməsində mühüm rol oynayır. Sizin festivalınız da bu ali məqsədə xidmət edir. Sevindirici haldır ki, siyasətçilərin və iqtisadçıların üçüncü minillik üçün xüsusi əhəmiyyət kəsb edən tarixi İpək yolunun bərpası ilə bağlı səylərinə bu gün sənət adamları da qoşulurlar. Böyük Britaniyadan Yaponiyaya qədər tarixi İpək yolu ölkələrini təmsil edən görkəmli müsiqiçilərin birgə səyləri ilə qədim Azərbaycan torpağında həyata keçirilən bu tədbir mədəniyyətin yüksək humanist ideallarının təntənəsini, Azərbaycanın sülhə, dostluğa və əməkdaşlığa həmişə hazır olduğunu nümayiş etdirir. Festivalınızın keçirilməsi respublikamızda artıq ənənəyə çevrilmiş Üzeyir musiqi gününə təsadüf edir. Bu gün musiqi mədəniyyətimizin ən görkəmli simalarından biri Üzeyir bəy Hacıbəyovun xatirəsini anma günüdür. XX əsrin əvvəllərində Azərbaycan milli musiqisinin dünya professional musiqı sənəti ilə qovuşması yolunda misilsiz xidmətlər göstərmiş bu dahi Azərbaycan bəstəkarının nə dərəcədə uzaqgörən, onun
__________________________________________ 389
sənət aləmində seçdiyi yolun nə dərəcədə doğru olduğunun əsrin sonunda bir daha şahidi oluruq. Bu, Uzeyir dühasının təntənəsidir. Bu günlərdə biz müstəqil Azərbaycan Respublikasının öz neft sərvətlərindən səmərəli istifadə edilməsi yolunda müstəsna əhəmiyyəti olan «Əsrin müqaviləsi»nin imzalanmasının beşinci ildönümünü də təntənəli surətdə qeyd edirik. Bu iki hadisənin bir-biri ilə rəmzi bağlılığı vardır. Azərbaycanda XX əsrin əvvəlində neft sənayesinin sürətlə inkişaf etməsi bütün sahələrdə olduğu kimi, musiqi mədəniyyəti sahəsində də böyük irəliləyişə səbəb olmuşdur. Əslində, ilk nəzərdən bir-biri ilə heç bir əlaqəsi olmayan «neft» və «musiqi» məfhumlarının belə qarşılıqlı təsiri ölkəmizin iqti-sadi, elmi və mədəni inkişafında böyük rol oynamışdır. İnanıram ki, XXI əsrin astanasında keçirilən bu əsl musiqi bayramı Azərbaycan musiqi mədəniyyətinin, xüsusilə ifaçılıq sənətinin sürətlə inkişafına təkan verəcək, xalqlarımızın daha da yaxınlaşmasına xidmət edəcəkdir. Festivalımza böyük uğurlar arzulayıram, hər birinizə möhkəm cansağlığı, xoşbəxtlik və sənət yollarında yeni-yeni nailiyyətlər diləyirəm.
Azərbaycan Respublikasının Prezidenti Bakı şəhəri, 18 sentyabr 1999-cu il
Yüklə 2,7 Mb. Dostları ilə paylaş:
|