_____________Milli Kitabxana_____________
62
olaraq problem aradan qaldırılır
və sonda döyüş qabiliyyətli, nizam-
intizamlı ordu formalaşır.
Bəli, beynəlxalq normalara uyğun olaraq yayılmağı yenə də etik
baxımdan məqbul sayılmayan məlumatlar da var. Bura regionçuluq,
etnik, irqi ayrı seçkilik, dini dözümsüzlük və sairə ilə bağlı
məlumatları daxil etmək olar. Məsələn bakılı əsgər şəkili əsgəri
“gözuo yiyim” ifadəsini işlətdiyi üçün döyüb və ya bu qəbildən
başqa bir məlumatı yaymaqla jurnalist ciddi münaqişələrin
başlamasına səbəb ola bilər. Sözsüz ki, bu qəbildən baş verən
hadisələrin üstündən də keçmək olmaz, çünki gündüz saatlarında
kimsənin gözünü yumması ilə gecə olmur. Gecənin olması üçün
günün batması lazımdır. Bu kimi hallarda daha diplomatik ifadələr
və kimsəni qıcıqlandırmayacaq yanaşma ilə məlumatı ünvanına
çatdırmaq lazımdır.
Hərbi mövzuları işıqlandıran Azərbaycan jurnalistlərinin başqa bir
problemi də hərbi sirri yaymaqda ittiham olunmaları riskinin
mövcudluğu ilə bağlıdır. Qanunla da jurnalistdən hərbi və dövlət
sirlərinin yaymamaq tələb edilir. Amma beynəlxalq normalara görə
jurnalisti hərbi və ya dövlət sirrini yaymağa görə kimsə ittiham edə
və ya onu üstünə belə bir öhdəçilik qoya bilməz. Bəli, müvafiq ordu
birləşmələrinin KİV-lərinin əməkdaşları həm hərbi, həm də dövlət
sirrinin daşıyıcıları ola bilər, onlar bu məsələyə görə qanuni şəkildə
üstlərinə öhdəçilik götürüblər. Jurnalistin isə heç bir öhdəçiliyi
olmadığı üçün o qanuni yolla əldə etdiyi məlumatın hərbi və ya
dövlət sirrinə aid olub-olmadığını aydınlaşdırmaq üçün baş
sındırmamalı və məlumatı dərhal yaymalıdır. Əlbəttə ki yayılmış
sirrə görə kimsə cəzalandırıla bilər və sözsüz ki, bu həmin sirrin
qorunmasına məsul olan şəxs və ya şəxslər olmalıdır. Sözsüz ki, əgər
jurnalist qanunsuz şəkildə hərbi və ya dövlət sirri təşkil edən
məlumatı əldə edibsə və yayıbsa o da məsuliyyətdən kənar qalmır.
Hərbi məlumatların yayılmasında senzura müharibə gedəndə
qanunla tətbiq oluna bilər. Bu hal isə adətən müharibədə iştirak edən
ölkələrin mətbuata aid olunur, əcnəbi jurnalistlər isə döyüş
_____________Milli Kitabxana_____________
63
meydanından təmsil olunduqları əcnəbi KİV-lərə məlumat ötürürlər.
Beynəlxalq normalara uyğun olaraq bu halda jurnalistlər döyüş
taktikası, silah-sursatların dislokasiyası, döyüş texnikasının sayı, bir
sözlə döyüş meydanında görüb, çəkdikləri hər şey barədə məlumat
verə bilərlər. Amma burada da məhdudiyyətlər var. Məsələn mülki
şəxslərin güllələnməsi, mərmidən və ya başqa fiziki təsirdən eybəcər
hala düşmüş meyitlər, qan və s. göstərmək habelə təsvir etmək etik
baxımdan məqbul deyil. Döyüş zamanı jurnalistlər üçün qızıl
qaydalar da var - jurnalist heç bir halda hansısa ölkənin, hətta
müharibədə heç bir tərəf olmayan öz ölkəsinin də xüsusi xidmət
orqanına bu məlumatları ötürə bilməz, jurnalist hərbi geyimdə və ya
hərbi geyimə bənzər libasda ola bilməz, jurnalist heç bir halda əlinə
silah götürə bilməz. Bunları etdiyi halda o avtomatik olaraq jurnalist
statusunu itirir və müharibənin sərt qayda-qanunu ona qarşı işə
düşür.
Bəli bu da sirr deyil ki, bu gün Azərbaycanda normal jurnalistika
ilə məşğul olar şəxslər ilk öncə azərbaycanlıdırlar, hər birimiz həm
də Azərbaycanla-Ermənistan arasında davam edən informasiya
müharibəsinin əsgərləriyik. Biz Ermənistanın da KİV-lərini
oxuyuruq və erməni jurnalistlərinin də bu savaşda necə
döyüşdüklərinin şahidi oluruq. Bütün bunlara baxmayaraq biz
Azərbaycanda demokratik bir cəmiyyətin qurulması, döyüş
qabiliyyətli, nizam-intizamlı ordumuzun olmağını istəyiriksə
problemləri qabartmalı və müvafiq orqanlar enerjilərini jurnalistlərin
üstünə hücum çəkməyə deyil, həmin problemləri həllinə sərf
etməlidirlər.
Qeyd: bu məqalə "Doktrina" Jurnalistlərin Hərbi Araşdırmalar
Mərkəzinın Açıq Cəmiyyət İnstitutu - Yardım Fondunun dəstəyi ilə
keçirdiyi "Hərbi sahədə informasiya əldə etmək mədəniyyətinin
inkişafı" layihəsi çərçivəsində keçirilən "Hərbi məlumatların
yayılmasında məhdudiyyətlər olmalıdırmı?" adlı debat çərçivəsində
dərc olunur.
_____________Milli Kitabxana_____________
64
VIII HİSSƏ
İNFORMASİYALI CƏMİYYƏT: AZƏRBAYCAN KEÇİD
MƏRHƏLƏSİNDƏ
“Hərbi sahədə informasiya əldə etmək mədəniyyətinin
inkişafı” layihəsi “Şənbə gecəsi Sevil Nuriyeva ilə” verilişində (6
mart 2010) - STENOQRAM
Martın 6-da “Şənbə gecəsi Sevil Nuriyeva ilə” adlı verilişdə
“Doktrina” Jurnalistlərin Hərbi Araşdırmalar Mərkəzinin və “Hərbi
Jurnalistlər” İctimai Birliyi tərəfindən həyata keçirilən “Hərbi sahədə
indormasiya əldə etmək mədəniyyətinin inkişafı” layihəsi
çərçivəsində sonuncu müzakirə-debat keçirilib. Açıq Cəmiyyət
İnstitutu – Yardım Fondunun maliyyə dəstəyi ilə gerçəkləşdirilmiş
tok-şouda “Doktrina” Jurnalistlərin Hərbi Araşdırmalar Mərkəzinin
və “MilAz” İnformasiya Agentliyinin baş direktoru Cəsur Sümərinli,
“Hərbi Jurnalistlər” İctimai Birliyinin sədri və
www.milaz.info
saytının baş redaktoru Üzeyir Cəfərov, “Ehtiyatda və İstefada olan
Zabitlər” İctimai Birliyinin sədri, “Müdafiə və Təhlükəsizlik
Sektoruna İctimai Nəzarət” Koalisiyasının koordinatoru Yaşar
Cəfərli iştirak ediblər. Çox cüzi ixtisarlarla verilişin stenoqramı
oxuculara təqdim edilir.
Sevil Nuriyeva: Bu gün Azərbaycanda ən çox dilə gələn
mövzulardan biri də hərbi sahədəki informasiyaları necə əldə
etmə mövzusudur. Çox vax hərbi sahədə jurnalistlər tərəfindən
əldə edilən cavabların, bəyanatların qənaətbəxş olmadığı dilə
gətirilir və hərbi sahədə də ciddi problemlərin olduğu təqdirdə
bunu cəmiyyətə çatdıra bilməməyinin acısını da dilə gətirir
jurnalistlər. Amma digər tərəfdən baxıldıqda dünyanın hər
yerində olan kifayət qədər ciddi praktikalar var. Biz bu
mədəniyyətin inkişafı sahəsində bir şey edə bilirikmi? Yəni
peşəkar olaraq, yəni yazı mediyası, görsəl mediya, jurnalist
təşkilatları və bütövlükdə jurnalistlərin bu mədəniyyəti