Microsoft Word heyd?R. doc 23 axirinci doc
Yüklə 2,69 Mb. Pdf görüntüsü
|
- Bu səhifədəki naviqasiya:
- Heydər Əliyev
- Nikolay Aksyonenko
- AZƏRBAYCAN DƏNİZ NEFT SƏNAYESİ İŞÇİLƏRİNƏ
___________________________________________________42 Biz Sizə minnətdarıq ki, Siz müdaxilə etməmək, bu məsələlərin həll edilməli olması mövqeyini dəstəkləyirsiniz. Biz bu məsələlərlə Rusiyada məşğul olacağıq. İnanın, biz problemi maksimum dinc yolla həll etməyə çalışırıq. Amma elə metastazlar da var ki, onlar çoxdan bəri kök atilə, bir qədər başqa münasibət göstərilməsini tələb edir. Bax, bu başqa münasibətdən son dərəcə müstəsna hal kimi istifadə olunur.
Bilirsiniz ki, bunların hamısı çox mürəkkəbdir. Azərbaycanda Siz elə bir yollar tapdınız ki, bunlar insanlara sülh, qurub-yaratmaq imkanı verdi. Odur ki, bu gün Azərbaycanda baş verən hadisələr daxili məsələləri necə həll etməyi göstərən bir nümunədir. Heydər Əlirza oğlu, biz buna sadiqik və Sizin müdrikliyinizi son dərəcə yüksək qiymətləndiririk. Biz Rusiyada bütün bu məsələlərin həlli yollarını, inanın, hökumətlərarası komissiyanın xətti ilə atdığımız addımları, indiki görüşümüzün, söhbətimizin nəticələrini nəzərə alaraq tapacağıq. Bizim bir niyyətimiz var - hər şeyi etməyə çalışırıq ki, indi hamımızda olan yönümü, əhval-ruhiyyəni və arzuları itirməyək və mürəkkəb şəraitdə elə yollar axtarıb tapaq ki, bunlar müvəffəqiyyət gətirməyən və müəyyən vaxtdan sonra bizi peşman edəcək hər hansı sərt hərəkətlərə uymağa imkan verməsin. Heydər Əlirza oğlu, biz hamımız hövsələli, müdrik olmalıyıq. Biz baxacağıq, deyilənləri dinləyəcəyik, vəziyyəti həqiqətən lazımi istiqamətdə irəlilədən qərarlar tapacağıq. Zənnimcə, bunun məhz belə olması üçün Rusiya ilə Azərbaycan arasında bütün imkanlar var. Demək istəyirəm ki, işimizə qara yaxmaq, nəyi isə başqa cür demək üçün, şübhəsiz, hər cür cəhdlər var. Bu, müəyyən kin-küdurətə, müəyyən daxili gərginlik yaranmasına gətirilə çıxarır. Məncə, bizim iradəmiz birini digərindən ayırmağa və məsələlərin həllinə yönəldilməlidir. Heydər Əlirza oğlu, bununla əlaqədar Sizə demək istərdim ki, biz Rusiyada komissiyamızın çərçivəsi daxilində işləyəcəyik, bu keşməkeşli zəmanəmizə müvafiq fəaliyyət göstərməyə, səhvlərə və nöqsanlara yol verməməyə çalışacağıq.
___________________________________________________43 Heydər Əliyev: Azərbaycan ilə Rusiya arasında viza rejimi tətbiq olunacağı barədə dünən bəyanat verilməsi və bu gün nota almağımız ilə əlaqədar bəyan etmək istəyirəm ki, əlbəttə, bunların hamısını biz dövlətlərarası münasibətlərə uyğun surətdə nəzərdən keçirəcəyik. Siz bilirsiniz, MDB ölkələrinin Bişkek sazişinə əsasən 90 gün əvvəldən bildirilməlidir ki, viza rejimi tətbiq edilir. Biz buna baxacağıq. Amma bəyan etmək istəyirəm ki, Rusiya tərəfindən bu təklifin meydana gəlməsinin səbəbi ilə heç cür razılaşa bilmərəm. Çünki əgər biz sadəcə, müəyyən əsaslandırmalarla adi, sakit ruhlu bir nota alsaydıq, onda bu, dövlətlərarası münasibətlər baxımından həqiqətən normal hal olardı. Amma dünən bütün dünyaya car çəkiləndə ki, Azərbaycanla viza rejimi qoymaq lazımdır və bütün bunlar Çeçenistan hadisələri ilə bağlanılır, onda bu səbəblə razılaşa bilmərəm. Əlbəttə, Sizin dövlətinizin belə bir məsələ qaldırmağa haqqı var, amma mən bu səbəbi rədd edirəm.
danışıqlar çərçivəsində elə bir yol axtarmağa imkanımız var ki, bu gün üçün real vəziyyəti əsas götürdükdə, ikitərəfli münasibətlərimizdəki vəziyyəti, faktları, habelə sərhədlə ayrılmış əhalinin qohumluğunu nəzərə aldıqda, hazırda həmin yol doğru olardı. Düşünürəm ki, Rusiyanın Xarici İşlər Nazirliyi də Sizin Xarici İşlər Nazirliyiniz də məhz belə bir mövqeyi əsas götürəcək, nəzərə alacaqdır. Doğru buyurdunuz ki, danışıqlar prosesi gedir, hər iki tərəfi kifayət qədər obyektiv surətdə razı salan nəticələr əldə etmək olar. Gəlin, bu gün Azərbaycanın və Rusiyanın əhalisi, sakinləri tərəfindən ağrılı qəbul oluna biləcək sualların cavablarını danışıqlar prosesinin bu cür inkişafı çərçivəsində tapmağa çalışaq. Heydər Əliyev: Yaxşı. Görünür, indi bəzi konkret iqtisadi məsələlərlə bağlı mülahizələri də dinləmək olar.
___________________________________________________44
AZƏRBAYCAN DƏNİZ NEFT SƏNAYESİ İŞÇİLƏRİNƏ
Əziz neftçilər! Sizi, bütün Azərbaycan neftçilərini Azərbaycan dəniz neft sənayesinin 50 illik yubileyi münasibətilə səmimi-qəlbdən təbrik edirəm. Əlli il bundan əvvəl Neft Daşları yatağında ilk neft fontanı ilə dəniz neft sənayesinin hələ əsrin əvvəlində Biləiheybət buxtasında və Pirallahı adasında başlanmış inkişafında yeni bir mərhələnin əsası qoyuldu. Azərbaycan neftçilərinin açıq dənizdə dəmir özüllər üzərində neft və qaz hasilatının olduqca mürəkkəb elmi-texniki və təşkilati məsələlərini uğurla həll etmələri dünya neftçıxarma sənayesinin inkişafında tarixi əhəmiyyət kəsb edən bir hadisə oldu. Neft Daşları yatağının kəşf edilməsindən keçən yarım əsrin hər bir ili neftçıxarma sənayesinin inkişafı ilə bağlı elmi və texniki problemləri, kadr hazırlığı məsələlərinin həllinə öz töhfəsini vermişdir. Azərbaycanın ən böyük sərvəti həmin illərdə Xəzərdən külli miqdarda çıxarılmış neft və qaz deyil, məhz neftçıxarmanın müxtəlif sahələri üzrə toplanmış zəngin təcrübə, təşəkkül tapmış böyük alim və mütəxəssis ordusu, insan potensialı olmuşdur. Bu yubiley günlərində biz Neft Daşları yatağının kəşf olunması və istismarında fədakarlıq və qəhrəmanlıq nümunələri göstərmiş Azərbaycan neftçilərinin ilk nəsillərini dərin ehtiram və böyük iftixar hissi ilə yad edirik. Onların bir çoxu ali dövlət və hökumət mükafatlarına layiq görülmüşdür. Həmin nəsillərin ən böyük mükafatı isə qədirbilən xalqımızın bəslədiyi dərin hörmət və məhəbbət duyğuları olmuşdur. Də-
Yüklə 2,69 Mb. Dostları ilə paylaş:
|