47
baycan türkləri arasında opera əmələ gəlməsinin birinci amillə-
rindən birisinin “şəbeh” olduğu şübhəsizdir.
...Azərbaycan operalarının forması (şəkli) Avropa operala-
rından əxz edilmişsə, iştirak edənlərin üsulu-təğənnisi şəbehlər-
dən götürülmüşdür. Təvafüt bir bundadır ki, operalar şəbehdən
daha artıq və daha geniş bir surətdə mövcud dəstgahlarımızdan
istifadə edib səhnə tərtibatı və “orkestr” istemalı ilə zahirdə Av-
ropa operasına yavuq bir şəkil alır”
1
.
İlk Azərbaycan operasının yaranmasında ola bilsin ki, müəy-
yən təkan rolunu belə bir fakt da oynamışdır: “Leyli və Məcnun”
operasının yaranmasından hələ çox qabaq böyük maarif xadimi,
“Əkinçi” qəzetinin redaktoru Həsənbəy Zərdabi Ü.Hacıbəyliyə
“xalq melodiyaları əsasında opera yazmaq” ideyasını vermişdi.
2
Əlbəttə, ilk Azərbaycan operasının yaranmasında bir çox ha-
disələrin mühüm amillər kimi əhəmiyyəti olmuşdur. Bunlardan
biz həm əsrlər boyu xalq arasında musiqi ilə müşayiət olunan
müxtəlif tamaşaları, oyunları, həm Şuşada və Bakıda verilən
məşhur “Şərq konsertləri”ni, Azərbaycan dram teatrının bir çox
tamaşalarını, həm də qərb və rus bəstəkarlarının klassik opera
nümunələrini göstərə bilərik.
İlk Azərbaycan operasının xalq arasında qazanmış böyük
müvəffəqiyyəti haqda Üzeyir Hacıbəyli özü belə yazırdı: “Zən-
nimcə, bu müvəffəqiyyət onunla izah edilir ki, artıq Azərbaycan
xalqı öz səhnəsində Azərbaycan operasının yaranmasını gözlə-
yirdi, “Leyli və Məcnun”da isə əsl xalq musiqisi ilə məşhur
klassik süjet birləşmişdir”.
3
Üzeyir Hacıbəylinin elə ilk musiqi əsəri “Leyli və Məcnun”
operası orta əsr dini ehkamlarına, feodal-patriarxal üsulun
mühafizəkar ənənələrinə meydan oxuyan əsər oldu.
1
Hacıbəyov Ü. Əsərləri, II cild, B., 1965, s. 222.
2
Bu faktı bəstəkarın müasiri F.Ağazadə (Şərqli) Azərbaycan mətbuatının
50 illiyinə həsr edilmiş kitabında göstərmişdir. Həmin faktı Zərdabinin həyat
yoldaşı Hənifə xanım Məlikova da xatirələrində gətirmişdir. Bu faktları biz
A.Sarabskinin “Azərbaycan musiqi teatrının yaranma və inkişafı” kitabı üzrə
gətiririk. B., 1968, s. 42-43 (rus dilində).
3
Hacıbəyov Ü. Əsərləri, II cild, B., 1965, s. 275.
48
* * *
“Leyli və Məcnun” operasının librettosunu Üzeyir Hacıbəyli
XVI əsrin böyük şairi Məhəmməd Füzulinin eyniadlı poeması
əsasında yazmışdı. Bəstəkar operadakı qəzəllərin bəzilərini Fü-
zulinin “Divan”ından götürmüşdü. Bəşər tarixində əbədi mövzu
olan yüksək, ülvi məhəbbət mövzusunu tərənnüm edən “Leyli
və Məcnun” əfsanəsinin tarixi çox qədimdir. Bu mövzu hələ
ərəb şifahi xalq ədəbiyyatında mövcud imiş. Leyli və Məcnunun
saf və faciəvi məhəbbəti əsrlər boyu bir çox sənətkarları həyə-
canlandırmışdı. İlk dəfə bu mövzunu qələmə alan XII əsrin bö-
yük mütəffəkir şairi Nizami Gəncəvi olmuşdur. Nizamidən son-
ra bir sıra xalqların sənətkarları bu mövzuya müraciət etmişlər.
Onlardan hindli Əmir Xosrov Dəhləvi (XII əsr), özbək Əlişir
Nəvai (XV əsr), tacik Cami (XV əsr) və başqalarını göstərmək
olar.
Lakin Üzeyir Hacıbəyli “Leyli və Məcnun” operasını yazar-
kən məhz Füzulinin poemasına müraciət etmişdir. Əvvəla ona
görə ki, Füzulinin poeması doğma Azərbaycan dilində yazılmış-
dır, həm də ona görə ki, şairin qəzəlləri əsrlər boyu özünün axı-
cılığı, musiqililiyilə xalq arasında məşhur idi. Azərbaycan xa-
nəndələri isə illər boyu muğamları oxuyarkən Füzuli qəzəllərinə
müraciət etmişdilər.
Opera janrının xüsusiyyətiylə əlaqədar olaraq Üzeyir Hacı-
bəyli əsərin librettosunu yazarkən Füzuli poemasının mətnini
xeyli ixtisar etmişdi. Bir sıra hissələrin mətnini isə bəstəkar özü
yazmışdı. Ü.Hacıbəyli Füzuli poemasında olan bəzi hadisələri,
məsələn Məcnunun doğulmasını, onun atası ilə Məkkəyə getmə-
sini, atasının məzarı üzərində Məcnunun naləsini və poemanın
axırıncı səhnəsini verməmişdir. Lakin bununla bərabər, bəstəka-
rın yüksək dramaturji hissiyatı, ona Füzuli poemasının əsas süjet
fabulasını, ictimai fəlsəfi, əxlaqi ideyasını saxlamağa kömək et-
mişdi. Ü.Hacıbəyli başqa dövrün sənətkarı kimi XVI əsrin poe-
masına öz münasibətini bildirmiş, məhz ona görə poemadakı
Leyli surətini operaya olduğu kimi köçürməmiş, onu daha fəal,
49
öz hüquqsuzluğunu daha aktiv bildirən qadın obrazı kimi ver-
mişdir. Öz gələcək əsərlərində Azərbaycan qadınının emansipa-
siyası uğrunda mübarizə aparan Ü.Hacıbəylinin yaratdığı qadın
obrazları qalereyasında onun Leylisi ilk müvəffəqiyyətli surət
olmuşdur. Orta əsr feodal cəmiyyətinin əxlaq normalarına mey-
dan oxuyan Füzuli poemasının əsas pafosu Ü.Hacıbəylinin mu-
siqisində müasir demokratik cizgilərlə daha da zənginləşmişdir.
* * *
“Leyli və Məcnun” operasını bəstəkar 1907-ci ildə yazmağa
başlamışdı. Lakin bu mövzuda opera yazmaq fikrinə Ü.Hacıbəy-
li hələ çox qabaqlar, 1897-1898-ci illərdə Şuşada yaşayarkən
düşmüşdü. Biz bu faktı təkrar olduğuna baxmayaraq gətirməyə
bilmirik. Bu illərdə 13 yaşlı Üzeyir doğma Şuşa şəhərində səhnə
həvəskarlarının oynadığı “Məcnun Leylinin məzarı üstündə”
mövzusunda kiçik bir səhnəni görmüşdü. Həmin səhnədə məş-
hur xanəndə Cabbar Qaryağdıoğlu Məcnun rolunu oynayırdı.
Üzeyirin özü isə xorda oxuyurdu. Bu səhnə kiçik Üzeyiri elə hə-
yəcanlandırmışdı ki, bir neçə ildən sonra Bakıya gələndə onda
opera yazmaq fikri daha da güclənmişdi. Operanın yaranma tari-
xini xatırlayan bəstəkar yazırdı: “Mən xalq yaradıcılığının klas-
sik nümunələri olan muğamlardan musiqi materialı kimi istifadə
etməyi nəzərdə tutmuşdum. Vəzifəm ancaq Füzuli poemasının
sözlərinə forma və məzmunca zəngin, rəngarəng muğamlardan
musiqi seçmək, hadisələrin dramatik planını işləyib hazırlamaq
idi”
1
.
1
Üzeyir Hacıbəyov. Əsərləri, II cild, B., 1965, s. 274-275.
Operanın məzmunu belədir: iki qonşu ərəb qəbilələrinin övladları Qeys
və Leyli bir-birini böyük məhəbbətlə sevirlər. Onların gizli məhəbbəti çox tez
aşkar olur. Leylinin yoldaşları bu xəbərlə onun anasını agah edirlər. Leylinin
anası qızına öyüd-nəsihət verir. Qeysin ata-anası Leylinin evinə elçi göndərir.
Lakin Leylinin atası iki gəncin məhəbbətinə mane olaraq Qeysi Məcnun ad-
landırır və elçilərə rədd cavabı verir. Bu xəbəri eşidən Qeys səhralara düşərək
həqiqətən Məcnun olur. Məcnunun atası onu səhrada tapır, oğluna yalvarır ki,
evə qayıtsın, lakin Məcnun yalnız Leyliyə olan məhəbbəti və onun xəyalıyla
yaşayır. Səhradan keçən ərəblər və onların sərkərdəsi Nofəl Məcnunun dərdi-
Dostları ilə paylaş: |