______________________ Milli Kitabxana_______________________
346
İnşəqqəl-qəməru – “Ay parçalandı”. Bu ifadə Quranın 54-cü surəsinin lap
başlanğıcında yazılıb:
– “Qiyamət yaxınlaşdı və ay iki yerə parçalandı”.
İstiva xətti – “Ekvator (göy sferasını iki bərabər hissəyə bölən xəyali dairə)”.
Bütün hürufilər, o cümlədən də Nəsimi insan bədəninin boğazından aşağısını
yer kürəsi və boğazdan yuxarını göy aləmi hesab edirdilər. İstiva xətti (ekvator) isə
insanın çənəsindən başlayaraq dodaqları, burun deşiklərini, iki göz və iki qaşın
arasından keçən və onları iki yerə ayıran xəttə deyilir.
İyyəkə nə’budu, min cəmalikə nəstə iynu – “Ancaq sənə pərəstiş edirik, sənin
gözəlliyinə sığınırıq, kömək istəyirik”. Ifadəni Nəsimi Quranın 1-ci surəsinin 4-cü
ayəsindən iqtibas etmişdir.
Kəsrənin məcruri – Yiyəlik hal şəkilçisi ilə hallanan isim.
Kitabun münzəlun – “Göydən endirilən kitab, Quran”.
Köhli-bəsirət – “Görücülük” sürməsi.
Küfrü-əzim – “Böyük dinsizlik”.
Küfr və şirk – Hər iki söz “kafir” mənasındadır.
Külli şey’in halikün la reybə illa vəchühü – “Onun vəchindən başqa hər şey,
şübhəsiz ki, ölüb gedəndir”.
Kün-fəkanə – “Ol, oldu”.
Nəsimi:
Çün əzəldən ta əbəd baqi mənəm,
Kün-fəkanın xəlqi xəllaqı mənəm.
Beytdə özünü həm “Kün-fəkan” ifadəsini yaradan, həm də o ifadə vasitəsilə
yaranan hesab edərək deyir: “Çün əzəli və əbədi olaraq mən varam, ona görə də
mən həm kainatın yaradıcısı, həm də yaranmışıyam”.
Nəsimi bu ifadəni dünya mənasında da işlətmişdir.
Ey verən yarın vüsalın kün-fəkanın varına,
Gör ki, bey’ində necə külli-xəsarətdir bu gün.
Bu beytdəki “kün-fəkan” ifadəsi dünya və “bey’in” sözü isə alver, ticarət
mənasındadır.
Küntü kənzə – “Mən bir xəzinə idim”.
Bu ifadəni Nəsimi Hədisi-Qüdsidəki cümlədən iqtibas etmişdir. Orada yazılıb:
“Mən bir gizli xəzinə idim. Özümün tanınmağımı istədim və xalqı ona görə
yaratdım ki, mən tanınam”. İslam ilahiyyatçıları ancaq Allahın gizli xəzinə
olduğunu iddia edir. Nəsimi isə bütün insan ruhunun dünya yaranmazdan əvvəl
“gizli xəzinə” olduğu fikrindədir.
______________________ Milli Kitabxana_______________________
347
Küntü qədimən – “Mən əzəli idim, qədim idim”.
Qabü qövseyni – “İki qövs (kaman) məsafəsi”.
Nəsimi yazır:
Qabə qövseynin rümuzun sanma kim, fəhm eyləyə,
Kim ki, zahir görmədi şol mahi-bədrin qaşını.
Bu ifadəni Nəsimi Quranın “Ənnəcm” (ulduz) surəsinin 9-cu ayəsindən iqtibas
etmişdir. Orada Məhəmmədin göylərə səyahəti barədə danışılır və deyilir ki,
Məhəmməd ilə Allahın arasında iki qövs uzunluğundan da az məsafə var idi.
Lakin Nəsimi Quranın şərhçilərinin əksinə olaraq həmin ifadənin insan
qaşlarına (qövsə – yaya oxşadığına görə) işarə olduğunu düşünür, çünki insan
qaşları həm yaya oxşayır, həm də bir-birindən azacıq aralıdır.
Beləliklə, yuxarıdakı beytdə Nəsimi deyir: “O, on dörd gecəlik ayın qaşını
görməyən adam “qabü qövseyn” ifadəsinin sirrini başa düşə bilməz”.
Qeyd etmək lazımdır ki, Nəsimi on dörd gecəlik ay dedikdə kamil insanı
nəzərdə tuturdu. “Qabü qövseyn” ifadəsini Nəsimi öz şeirlərində tez-tez işlədir.
Qadirin məqduri – Qüdrətli (Allahın) qabaqcadan hazırladığı (nə isə).
Nəsimi yazır:
Həm ənasir, həm təbaye, həm mürəkkəb, həm bəsit,
Cümlənin əslivü fər’i, qadirin məqduruyam.
Yəni həm 4 ünsür, həm bu ünsürlərdə olan xassələr, həm sadə, həm də
mürəkkəb şeylər mənəm. Mən bütün mövcudatın kökü (mənşəyi) və budaqlarıyam,
özüm də Allahın əvvəlcədən hazırladığı varlığam.
Qaf vəl-Qur’ani – “And olsun Qaf və Qurana”. Bu ifadə Quranın “Qaf”
surəsinin başlanğıcında yazılmışdır.
Qaf vəl Quran yanağından bilindi kim bu gün,
Yeddi xət səb’ülməsani oldu üzündən nişan.
Quranın şərhçiləri “Qaf” dağına işarə olduğunu iddia edərək deyirlər ki, güya
bu dağ bütün yer kürəsini əhatə etmişdir və özü də tamamilə qiymətli daşlardan
ibarətdir.
Lakin Nəsimi insana xitabən deyir:
“Bu gün Qurandakı “Qaf” surəsi yanağından bəlli oldu. Habelə üzündəki 7 xətt,
7 ayədən ibarət olan “Fatihə” surəsi sənin üzündən nişanədir”.
Qalə ixsə’u fiha – “Itilin, çıxın gedin”
Onlar ki, nar əshabıdır çıxmaz tamudan ta əbəd;
Qalə ixsə’u fiha cavab anlar netəkim yalına.
______________________ Milli Kitabxana_______________________
348
Bu ifadəni Nəsimi Quranın “Mö’minun” surəsindəki 108-ci ayədən iqtibas
etmişdir və beytin izahı belədir:
– Od əhli olan adamlar (vəhdəti-vücuda inanmayanlar, Allahı kainatdan ayrı bir
varlıq hesab edənlər nəzərdə tutulur) əbədi olaraq cəhənnəmdən çıxa bilməzlər.
Onlar üçün “itilib gedin” deyə cavab veriləcəkdir.
Qalu-bəla – “Bəli, dedilər”.
Qasiridrak – ağlı, şüuru çatışmayan, kütbeyin adama deyilir.
Qasiratüt tərfi ləm yətmis – “Həmişə gözlərini aşağı dikən və saraylarda
yaşayan bakirə qızlar”.
“Ər-Rəhman” surəsindəki 58 və 72-ci ayələrdən iqtibas edilmişdir. Quranın
şərhçiləri iddia edirlr ki, güya behiştdə elə gözəl qızlar vardır ki, onları ancaq
mömünlər üçün saxlamışlar, qiyamətdə gələcək ərlərini gözləyirlər.
Nəsimi Qurandakı bu ifadələrin maddi aləmdəki insan gözəlliyinə işarə
olunduğunu yazır.
Qul kəfa billah – “De ki, Allah kifayət edər” deməkdir. İfadəni Nəsimi
Quranın 29-cu surəsinin 52-ci ayəsindən iqtibas etmişdir. Orada yazılır:
“De ki, sizinlə mənim aramda Allahın şahid olması bəs edər, Allah göyləri və
yerdəkiləri bilir. Allahı inkar edənlər və boş şeylərə inananlar ziyana düşənlərdir”.
Nəsiminin fikrincə bu ayədəki “şəhid” sözü şahid mənasında deyil, müşahidə
olunan, göz ilə görünən mənasındadır. Boş şeylərə inanan və nəticədə isə zərərə
düşən fəqihlər və zahidlər özləridir. Ona görə də Nəsimi deyir:
Surətin əsrarını zahid nə bilsin, ya fəqih,
Qul Kəfa billaha məhrəm qanda hər heyvan olur?
Ey insan, sənin üzünün sirlərini zahid ilə fəqih nə bilsin? Çünki bu əsrarı
bilmək, ona məhrəm olmaq hər heyvanın işi deyildir.
Qul hüvəllahu əhəd – “De ki, Allah birdir”.
Ey camalın qul hüvəllahu əhəd
Surətin nəqşidir Allahüs-səməd.
Bir ucu zülfün əzəl, biri əbəd,
Hüsnünə şeytan imiş mən la səcəd.
Bu rübaidə (qul hüvəllahu əhəd və Allahüs-səməd) “de ki, Allah yeganə və
biehtiyacdır” ifadəsi Quranın 112-ci surəsinin başlanğıcında yazılmışdır.
Quranın şərhçilərinin fikrincə burada Allahın təbiətdən kənar yeganə bir varlıq
olması göstərilir. Lakin Nəsiminin fikrincə yeganə və biehtiyac adlanan mütləq
varlıq – Allah insan camalında təcəlli etmişdir. Əfsanəyə görə, Allah bütün
məlaikələrə əmr etmişdi ki, Adəmə, yəni insana səcdə edələr.
Dostları ilə paylaş: |