İqtisadi nəzəriyyə
ECONOMICS
360
Milli gəlir – Bir il ərzində yaradılmış ÜDM-un dəyərindən istehlak olunmuş istehsal
vasitələrinin dəyəri çıxıldıqdan sonra qalan hissə (əmək haqqı, mənfəət, renta, faiz) .
Milliləşdirmə – Dekret və qanunvericilik yolu ilə əmlakın, torpağın, obyektin xüsusi
mülkiyyətdən dövlət mülkiyyətinə keçməsi.
Milli sərvət – Millətin tarixən yaratdığı və hazırda malik olduğu bütün maddi və mənəvi
nemətlər.
Monetarizm – İqtisadi proseslərdə və təsərrüfatçılıqda, tədavüldə olan pul kütləsi (miqdarı)
ilə əmtəə-xidmətlərin kəmiyyət arasındakı nisbətin həlledici rol oynadığı irəli sürən elmi
konsepsiya.
Mülkiyyət – Cəmiyyətdə fiziki və hüquqi şəxslərin müəyyən əmlaka (torpağa, kapitala)
malik olması və bundan müxtəlif formalarda istifadə etməsi.
Müsadirə – Məhkəmənin hökmünə əsasən, hər hansı bir şəxsin yaxud təşkilatın (şirkətin,
birliyin) mal-mülkiyyətinin əvəzi ödənilmədən əlindən alınıb, dövlətə verilməsi.
Mütləq üstünlük – Məhsul-xidmət sahəsi istehsalçılarının əmək məhsuldarlığına əsasən
müqayisəsi.
N
Natamam məşğulluq – Ölkə əhalisi arasında işləmək arzusunda olub, lakin iş yeri
tapmayan şəxslərin olması, yaxud qismən işsizlik.
Natamam rəqabət – azad rəqabət bazarından başqa digər bazarlar (inhisar, oliqopoliya,
xalis inhisar).
Natural göstəricilər – Əmtəə-xidmətlərin fiziki vəziyyətini əks etdirən vahidlərlə
ölçülməsi.
Natural təsərrüfat
– Ehtiyacını özü istehsal etdiyi məhsullar hesabına təmin edən qapalı
təsərrüfat tipi.
Natural vergilər – Əmtəə, məhsul, mal formasında həyata keçirilən məcburi ödənişlər.
Nemət – İnsanın tələbatlarını ödəməyə yararlı olan məhsul və xidmət.
Neoklassik iqtisadi nəzəriyyə – Azad rəqabət ideyasını müdafiə edən və tələb, təklif,
qiymət, elastiklik anlayışlarını faydalılıq mövqeyindən təhlil edən elmi-nəzəri istiqamət.
Netti gəlir – Bütün xərclərdən sonra qalan gəlir.
Netto qiymət – mal və məhsulun alqı-satqı yerindəki qiyməti.
Nisbi göstərici – Mütləq göstəricinin baza kəmiyyətinə nisbəti.
Nisbi qiymət – Əmtəənin müəyyən miqdarda başqa bir şeylə, yaxud məhsulla ifadə
olunmuş qiyməti.
Nisbi üstünlük
– Müxtəlif ölkə istehsalçılarının eyni məhsul istehsalı üzrə xərclərinin
fərqli olması.
Nominal dəyər – Qiymətli kağızların (səhmlərin, banknotların) üzərində yazılan, göstərilən
dəyər.
Nominal əmək haqqı – İşçi və qulluqçuların aldığı əmək haqqının (pul vəsaitinin) məbləği.
Nominal gəlir – Müəyyən vaxt ərzində hər bir fərdin, yaxud sosial qrupun əldə etdiyi pul
gəliri.
«Nou-hou» – hələ geniş
yayılmamış, əmtəələrin-xidmətlərin
istehsalının
və
reallaşdırılmasının təşkili üçün zəruri sayılan elmi-texniki biliklər, texnoloji yeniliklər.
Normativ – Məhsulun hər vahidi üçün sərf olunan vəsait və materialların miqdarı.
İqtisadi nəzəriyyə
ECONOMICS
361
Normal mənfəət – Sahibkar gəlirinin müəyyən bir hissəsi.
Nostro – Müəyyən bir bankın (kredit təşkilatının) digər müxbir bankda açdığı qarşılıqlı
ödəmələr hesabı.
Nulifikasiya – Ləğvetmə prosesi, bir şeyin etibarsız sayılması.
Nümunə – Reklam məqsədilə, əmtəənin sərgilərdə alıcıları tanış etmək üçün istifadə
olunan, yaxud göstərilən variantı.
Nümunəvi bazar – Yeni məhsul-xidmət nümunələri satışının keçirildiyi yer
Nümunəvi layihə – Çoxsaylı (kütləvi) obyektlər üçün həyata keçirilməkdən ötrü bir sıra
icraçılar tərəfindən müxtəlif şəraitdə (yerlərdə) istifadə edilən layihə.
O
Offşor mərkəzləri
– Sahibkarlıq fəaliyyəti üçün əlverişli və güzəştli vergi şəraiti yaradılmış
maliyyə-ticarət bazarları (əraziləri).
Ofşor şirkət – Xüsusi güzəştlər təklif edən ölkələrin offşor mərkəzlərində qeydiyyata
alınmış xarici şirkət.
Ofis – Şirkət və birliyin rəsmi mənzil iqamətgahı.
Oliqopoliya – Məhdud sayda, bir neçə şirkət və birliyin müəyyən əmtəələrin istehsalı-
satışı, habelə xidmətlərin göstərilməsi sahələrində ağalığı.
OPEK
– Neft ixrac edən bir sıra ölkələrin təşkilatı.
Opsion – Müəyyən vaxtlığa əmlak və qiymətli kağızların əvvəlcədən şərtləndirilmiş
qiymətə alınıb-satılması hüququ.
Optimal qiymət – Əmtəə-xidmətlərin xərc və gəlirlərinin obyektiv qiymətləndirilməsi
əsasında formalaşmış qiymət.
Orta əmək haqqı
– Müəyyən dövr üçün işçi və qulluqçuların əmək haqqının orta həcmi
(məbləği).
Orta xərclər – İstehsal olunmuş hər məhsul vahidinə düşən xərclərin kəmiyyəti.
Oyken qanunu – ABŞ iqtisadçısı A.Oykenin adı ilə bağlı olub, ölkədə işsizlik səviyyəsi ilə
real istehsalın həcmi arasındakı asılılığı göstərir.
Oyunlar nəzəriyyəsi – Müəyyən seçim və qərar qəbul edilməsilə bağlı, bazar (sövdələşmə)
iştirakçılarının davranışını öyrənən elmi-nəzəri istiqamət.
Ö
Ödəmə fondu
– İctimai məhsulun istehsal prosesində istehlak olunmuş istehsal
vasitələrinin ödənilməsi məqsədilə yaradılmış fond.
Ödəmə qabiliyyəti
– Dövlətin, hüquqi və fiziki şəxslərin tədiyələr (borclar) üzrə
öhdəliklərini yerinə yetirmək qabiliyyəti.
Ödəniş valyutası – Xarici ticarət əlaqələrində aparılan əməliyyatların ödənildiyi valyuta.
Ölkənin sənayeləşdirilməsi – Ölkə iqtisadiyyatının sənaye əsasına keçirilməsi.
Ölü renta – İstifadə olunmayan mülkə, əmlaka, torpağa görə ödənilən icarə haqqı.
Özəl bölmə – Özəl (xüsusi) mülkiyyətdə olan, özəl kapitala məxsus iqtisadi obyektlər.
Özəlləşdirmə – Dövlətə və ictimai mülkiyyətə məxsus müəssisə, şirkət, obyektlərin ayrı-
ayrı vətəndaşlara, xüsusi mülkiyyətçilərə, eyni zamanda xaricilərə satılması.
Öz xərcini ödəmə – istehsal olunan məhsulun satışı və göstərilən xidmətlər hesabına
qazanılan gəlirlə öz xərclərini tam ödəməyə əsaslanan təsərrüfatçılıq prinsipi.
Dostları ilə paylaş: |