Microsoft Word jurn Kitabshunasliq ve bibilioq 1(40) 17. docx
Yüklə 16,45 Kb. Pdf görüntüsü
|
51 Azərbaycan xalqının ümummilli lideri Heydər Əliyevin “Məhəmməd Füzulinin anadan olmasının 500 illiyi haqqında” 16 mart 1994-cü il tarixli fərmanından sonra dahi şairin 500 illik yubiley şənliklərinə məhz Türkiyədə başlanılması türkdilli ölkələrin bir araya gətirilməsi üçün gözəl şərait yaratdı. Bu, türk dünyası mədəniyyət və incəsənət xadimləri arasında ədəbi-mədəni əlaqələrin genişləndirilməsinə də böyük təkan verdi. Daha sonra yubiley şənlikləri Bakıda 1996-cı ilin noyabr ayında TÜRKSOY beynəxalq təşkilatının VIII toplantısı ərəfəsində davam etdi. Belə ki, noyabrın 6-da Azərbaycan Milli Elmlər Akademiyasının Rəyasət Heyətində türk dünyası yazıçılarının III qurultayı [14, s.7], daha sonra TÜRKSOY beynəlxalq təşkilatının VIII toplantısı keçirildi. Hər iki tədbirdə Ulu Öndər iştirak etmiş, dəyərli fikirlərini, türkdilli dövlətlər arasında əlaqələrin genişlənməsi üzrə tövsiyələrini bildirmişdir [14, s.16]. Sonrakı illərdə də TÜRKSOY təşkilatının fəaliyyəti türkdilli ölkələrin mədəniyyət sahəsində ayrı-ayrı təşkilatların, müstəqil qurumlarının yaranmasına səbəb olur. Kitabxana sahəsində belə bir təşkilatın yaranması məqsədilə 4-8 iyun 2007-ci il tarixində Türkiyə Respublikasının Ankara şəhərində Türk Cümhuriyyətləri Milli Kitabxana direktorlarının iştirakı ilə konfrans keçirilir. Konfransın əsas məqsədi türkdilli ölkələrin Milli Kitabxanalarının fəaliyyətini əlaqələndirən və onlar arasında qarşılıqlı iş birliyinin qurulmasını təmin edən və türkdilli xalqların ortaq mədəniyyətinin, ədəbiyyatının, əlyazmalarının tədqiqi üzrə layihələrin işlənməsini təmin edən bir qurumun yaradılmasından ibarət idi. Belə bir qurumun yaradılması qərarı hələ 2006-cı ilin dekabrında TÜRKSOY-un toplantısı zamanı Azərbaycanın Mədəniyyət və Turizm naziri və Türkiyə Cümhuriyyətinin Mədəniyyət və Turizm naziri tərəfindən irəli sürülmüşdür Bununla da artıq Azərbaycan Milli Kitabxanası digər türkdilli dövlətlərin kitabxanaları kimi TÜRKSOY çərçivəsində keçirilən tədbirlərin həm iştirakçısı, həm də təşkilatçısı timsalında çıxış etməyə başladı. Türkdilli ölkələrin Milli Kitabxana direktorlarının II konfransı Bakıda 2008-ci il noyabrın 18-də Milli Kitabxananın 85 illik yubiley tədbirləri çərçivəsində keçirilmişdir. Burada Avrasiya Kitabxanalar Assambleyası əməkdaşlıq təşkilatının ümumi iclasının keçirilməsi də nəzərdə tutulmuşdur. Türkdilli ölkələrin Milli Kitabxana direktorlarının II konfransında Türkiyə, Qazaxıstan, Qırğızıstan, Özbəkistan, Tacikistan, Tatarıstan, Xakasiya və Başqırdıstan Milli Kitabxana rəhbərləri, rəsmi nümayəndələr iştirak edirdi [4, s.21]. Azərbaycan Respublikasının Prezidenti cənab İlham Əliyevin Türkdilli ölkələrin Milli Kitabxana direktorları konfransının və Avrasiya Kitabxanalar Assambleyası əməkdaşlıq təşkilatının ümumi iclasının iştirakçılarına müraciəti olmuşdur. Müraciətdə ölkə başçısı müstəqil Azərbaycan dövlətinin dünya mədəni məkanına inteqrasiyasında türkdilli dövlətlərlə əməkdaşlığın mühüm əhəmiyyət kəsb etdiyini göstərmiş və qeyd etmişdir ki: “Qloballaşan dünyada informasiya cəmiyyətinin tələblərinə uyğun olaraq müasirləşən milli 52 kitabxanalar ölkələrin davamlı inteqrasiyası və xalqların qarşılıqlı mədəni əlaqələrinin zənginləşməsi proseslərinə öz layiqli töhfələrini verməkdədir. Ümidvaram ki, konfransınızda müzakirəyə çıxarılan məsələlər və qəbul edilən qərarlar milli kitabxanaların xalqlarımızın mədəni sərvətlərinin yaşadılması və intellektual potensialının artırılmasında faydalı olacaqdır” [2]. Konfransda türkdilli ölkələrin vahid elektron kitabxana və elektron kataloqunun yaradılması məsələsi müzakirə olunmuş, hər bir ölkənin milli kitabxanasında türkdilli ölkələrin xüsusi guşəsinin yaradılması məsələsi qərara alınmışdır. Qeyd etmək lazımdır ki, bu qərar ortaq türk mədəniyyətinin, ortaq ədəbi irsimizin bütün türkdilli ölkələrdə tanınması və gələcək nəsillərə ötürülməsi, təbliği istiqamətində mühüm bir mərhələnin başlanğıcıdır. Türkdilli ölkələrin Milli Kitabxana direktorları növbəti dəfə 2009-cu il sentyabrın 8-də Qırğızıstanın Bişkek şəhərində görüş keçirmişlər. Görüş Qırğızıstan Milli Kitabxanasının 75 illik yubiley tədbirləri çərçivəsində baş tutmuşdur. Burada 2015-ci ilə kimi türkdilli ölkələrin milli kitabxanalarının əməkdaşlığının əsas istiqamətləri müəyyən edilmiş, bu ölkələrin kitabxanalarının toplu kataloqunun yaradılması və türkdilli ölkələrin elm, tarix, mədəniyyət və dili haqqında məqalələr mübadiləsinin təşkili məsələləri müzakirə olunmuş və qərarlar qəbul edilmişdir. Bu konfrans Türkdilli ölkələrin milli kitabxanalarının direktorlarını bir araya yığmaqla kitabxanalar arasında əlaqələri bir daha genişləndirmiş və əməkdaşlığı gücləndirmişdir. 2012-ci ildə Türkdilli ölkələrin kitabxanalarının iştirakı ilə qədim əlyazmaların qorunması, mühafizəsinə dair seminar da təşkil etdilmişdir. Belə ki, 2012-ci il noyabr ayının 28-dən 29-dək Türkmənistan Milli Elmlər Akademiyasının Əlyazmalar (Qolyazmalar) İnstitutunda TÜRKSOY və İSESKO arasında əməkdaşlıq proqramı çərçivəsində Aşqabad şəhərində “Kitabxanalarda saxlanılan qədim əlyazmaların qorunması problemləri” mövzusunda seminar keçirilmişdir. Seminarda Türkdilli ölkələrin kitbxanalarında qorunan qədim əlyazmalardan, onların müasir informasiya texnologiyaları vasitəsilə elektron- rəqəmsal formata köçürülməsindən, qədim türk xalqlarının tarixinin öyrənilməsində bu əlyazmaların rolundan və qarşıda duran vəzifələrdən söhbət açılmışdır. Türkdilli ölkələrin Milli Kitabxana direktorları şurası 2010-cu ildən başlayaraq TÜRKSOY təşkilatının türk dünyasının görkəmli tarixi şəxslərini, mütəfəkkir, şair və yazıçılarını, habelə digər böyük şəxsiyyətlərini bütün dünyaya tanıtdırmaq məqsədilə elan etdiyi və təşkil etdiyi yubileylərə, xatirə gecələrinə və digər kütləvi tədbirlərə qoşularaq beynəlxalq elmi konfranslar, dəyirmi masalar, kitab təqdimatları keçirir. Belə tədbirlərin keçirilməsinin fəal təşkilatçılarından biri M.F.Axundov adına Azərbaycan Milli Kitabxanası olmuşdur. Silsilə olaraq 2010-cu ildə TÜRKSOY təşkilatı tərəfindən görkəmli başqırd türkoloqu, şərqşünas alim Əhməd Zəki Validi ili çərçivəsində Əhməd Zəki Validi Toğanın anadan olmasının 120 illiyinə həsr olunmuş beynəlxalq elmi konfrans Azərbaycan Milli Kitabxanasında, noyabr ayında isə Krım Yüklə 16,45 Kb. Dostları ilə paylaş:
|