57
Kitabxanasının təşkilatçılığı ilə keçirilmişdir. Burada əsasən
təşkilati məsələlər
müzakirə edilmiş, İqtisadi Əməkdaşlıq Təşkilatına daxil olan ölkələrin Milli
Kitabxanalarının direktorlarının İctimai Birliyinin yaradılması barədə qərar
qəbul olunmuşdur. Bu beynəlxalq təşkilata İran, Türkiyə, Azərbaycan,
Pakistan, Tacikistan, Qırğızıstan, Əfqanıstan, Türkmənistan və Özbəkistan
Milli kitabxanalarının direktorları daxil olmuşlar [3, s.15].
Növbəti dəfə 2009-cu ildə Bakıda Azərbaycan Respublikasının
Mədəniyyət və Turizm Nazirliyi və M.F.Axundov adına Azərbaycan Milli
Kitabxanası tərəfindən “Bakı - İslam Mədəniyyətinin paytaxtı - 2009”
tədbirləri çərçivəsində İƏT-ə üzv ölkələrin Milli Kitabxanalarının direktorları
Şurasının II Konfransı keçirilmişdir. Konfransın əsas
məqsədi qloballaşan
dünyada Milli Kitabxanaların öz işlərini informasiya cəmiyyətinin tələblərinə
uyğun qurması problemlərinin müzakirəsi və qarşılıqlı əlaqələrin inkişaf
etdirilməsi olmuşdur.
İƏT-ə üzv ölkələrin Milli Kitabxanalarının Direktorlar Şurasının vahid
portalının yaradılması, türk xalqlarının görkəmli
şəxsiyyətlərinin
yubileylərinin islam dünyasında qeyd olunması və Milli Kitabxanalar ilə bağlı
müxtəlif çıxışlar dinlənilmiş və müzakirələr edilmişdir. Bakı konfransında
İqtisadi Əməkdaşlıq Təşkilatına üzv ölkələrin Milli Kitabxanalarının
Direktorlar Şurasının nizamnaməsi qəbul olunmuş, Azərbaycan Milli
Kitabxanasının
direktoru, professor Kərim Tahirov konfransın sədri, İran
İslam Respublikasının Milli Kitabxana və Arxiv Təşkilatının direktoru,
Prezidentin Mədəniyyət məsələləri üzrə müşaviri Əli Əkbər Aşari isə Baş
direktoru seçilmişlər. Konfransın işində İƏT-ə üzv ölkələrdən 16 xarici qonaq
iştirak etmişdir.
“Bakı - İslam Mədəniyyətinin paytaxtı - 2009” tədbirlər çərçivəsində
İƏT-ə üzv ölkələrin Milli Kitabxanalarının saytlarına birbaşa çıxışı təmin edən
“İqtisadi Əməkdaşlıq Təşkilatına üzv ölkələrin Milli Kitabxanaları” adlı səhifə
hazırlanmışdır [5, s.30].
2010-cu ildə Türkiyənin paytaxtı Ankara şəhərində İƏT-ə üzv olan
ölkələrin milli kitabxana direktorlarının 3-cü toplantısı keçirilmişdir.
Toplantıda Türkiyə, Azərbaycan, İran, Qazaxıstan,
Türkmənistan, Özbəkistan,
Pakistan və Əfqanıstan milli kitabxanalarının direktorları və İƏT Mədəniyyət
İnstitutunun nümayəndəsi iştirak edirdi. Konfrans İƏT ölkələrinin milli
kitabxanalarının birgə əməkdaşlığına və bu əməkdaşlıq şəraitində ortaq
layihələrin həyata keçirilməsinə, rəqəmsal kitabxanaların yaradılmasına və
digər məsələlərə həsr olunmuşdur [6, s.27].
БАЕ (Avraziya Kitabxanalar Assambleyası;
Библиотечная
Ассамблея Евразии БАЕ)Azərbaycan Milli Kitabxanasının sıx əməkdaşlıq
etdiyi qurumlardan biri də BAE-dir. Hələ keçmiş SSRİ dövründə kitabxana işi
sahəsində yaradılan birliklər, şuralar, qarşıya çıxan
problemlərin həllində,
təcrübə mübadiləsində, kitabxanaşünaslıq elminin inkişafında bu qurum böyük
rol oynamışdır. Belə birliklər, o cümlədən Ümumittifaq kitabxana şurası,
(Всесоюзный библиотечный совет (ВБС)), sahəvi kitabxana şuraları və
58
komissiyaları müxtəlif tip kitabxanaların – universal dövlət kitabxanalarının,
akademik, ali məktəb, elmi texniki və digər kitabxanaların ixtisaslı
mütəxəssislərini bir araya toplayırdı. Bu da kitabxanaların ümumi proqram
çərçivəsində fəaliyyət göstərməsinə, əldə olunan təcrübənin yayılmasına
böyük köməklik göstərirdi. Lakin SSRİ dağıldıqdan
sonra hər sahədə olduğu
kimi kitabxana sahəsində olan bu birliklər öz fəaliyyətini dayandırdı. Müstəqil
dövlət quruculuğu yoluna qədəm qoymuş ölkələr ümumbəşəri dəyərlərə
söykənən demokratik hüquqi və dünyəvi dövlət yaratmaq arzularını
reallaşdırmaq istiqamətində addımlar atmağa başladılar. Sürətlə başlanan
demokratikləşmə prosesləri, cəmiyyətin düzgün inkişafı və mədəniyyətin
yeniləşməsini tələb edirdi. Bu kitabxana quruculuğunda da özünü tam büruzə
verdi: köhnə əlaqələrin pozulması, yenilərinin hələ yaradılmaması kitabxana
sahəsində xüsusilə yeni ədəbiyyatın komplektləşdirilməsində çətinliklərin
əmələ gəlməsi və s. Digər tərəfdən oxucuya xidmətdə informasiya çatışmazlığı
kitabxanaların modernləşdirilməsini, yeni xidmət növlərinin
təqdim edilməsini
tələb edirdi.
Bu sahədə əldə olunan bəzi qabaqcıl kitabxanaların təcrübəsini
öyrənmək, problemlərin həllini birgə araşdırmaq məqsədilə kitabxanaların bir
araya gəlməsinə, bir təşkilat ətrafında toplanmasına ehtiyac duyulurdu.
26 iyun 1992-ci ildə Moskvada keçirilən Avropa Humanitar forumu
çərçivəsində Rusiya Dövlət Kitabxanasının təşəbbüsü ilə ilk dəfə olaraq
kitabxana şurasının yığılması qərara alınır. Şuraya MDB ölkələrinin Milli
kitabxana
rəhbərləri, kitabxana assosiasiyaları və birliklərin prezidentləri,
nümayəndələri toplanır. Yığıncaqda kitabxanalar qarşısında duran əsas
vəzifələr, kitabxanalarda olan informasiya qıtlığının aradan qaldırılması,
kitabxanalararası çap məhsulları mübadiləsi, fondların düzgün mühafizə edilib
gələcək nəsillərə çatdırılması kimi məsələlər müzakirə edilir. Yığıncaqda
bütün bu məsələlərin düzgün həlli üçün iştirakçılar birləşərək vahid kitabxana-
informasiya məkanında birləşməyi əsas görürlər. Nəticədə beynəlxalq
kitabxana birliyinin yaradılması qərara alınır.
27 noyabr 1992-ci il tarixində Moskvada və 1993-cü ilin aprel ayında
Sankt-Peterburq şəhərində Azərbaycan, Belarusiya, Qazaxıstan, Qırğızıstan,
Maldova, Rusiya, Türkmənistan, Ukrayna, Ermənistan respublikalarının
kitabxana ictimaiyyətinin razılığı ilə beynəlxalq
kitabxana və kitabxana
cəmiyyətlərinin birliyinin təsis yığıncağı keçirilir Avraziya Kitabxanalar
Assambleyası (БАЕ-Библиотечная Ассамблея Евразии) təşkilatı yaradılır.
M.F.Axundov adına Milli Kitabxana bu təşkilatla sıx əlaqələr qurmuş və
həyata keçirilən layihələrdə yaxından iştirak etmişdir. Belə ki, 2007-ci ildə
Avrasiya Kitabxana Assambleyasının (BAE) Qeyri-Kommersiya Əməkdaşlıq
Təşkilatının Moskva şəhərində Rusiya Dövlət Kitabxanasında keçirilən 9-cu
iclası, 2008-ci ildə Qırğızıstanın paytaxtı Bişkek şəhərində BAE-nin XI
toplantısı, 2010-cu ildə Sankt Peterburqda keçirilən XII ümumi iclası, 2013-cü
ildə Azərbaycanın paytaxtı Bakı şəhərində XV ümumi iclası, 2014-cü ildə
Qırğızıstanın Bişkek şəhərində BAE-nin XVI iclası, 2015-ci ildə Qırğızıstanda