166
və onların bazasında yaradılan MARC-21 formatlarından da istifadə edilir.
MARC-21 hazırda Avropa ölkələrində, ABŞ və Kanadada daha geniş tətbiq
edilir. M.F.Axundov adına Azərbaycan Milli Kitabxanasında tətbiq olunan
VTLS Avtomatlaşdırılmış Kitabxana İnformasiya Sistemi MARC-21 formatı
əsasında fəaliyyət göstərir. [12, s.7]
UNİMARC formatının mövcud strukturu nişanlar, indikatorlar və
altsahələr daxil olmaqla, nisbətən stabil sayılır. UNİMARC formatında bütün
biblioqrafik məlumatlar 9 blokda əhatə olunub. 3 rəqəmli nişanla əhatə olunan
sahələr isə bu funksional bloklarda cəmlənir. Bloklardakı biblioqrafik
məlumatlar (verilənlər) ənənəvi kataloq yazısındakı məlumatlardan fərqli
deyil. Formatdakı blokların siyahısı aşağıdakı kimidir:
0_- İdentifikasiya bloku
1_- Kodlaşdırılmış informasiya bloku
2_- Təsviri informasiya bloku
3_- Qeyd bloku;
4_- Təsvir əlaqələri bloku
5_- Qarşılıqlı əlaqəli sərlövhələr bloku
6_- Mövzunun müəyyənləşdirilməsi bloku
7_- İntellektual məsuliyyət bloku
8_- Beynəlxalq istifadə bloku
9_- Milli istifadə bloku
Göründüyü kimi, sahələrdə verilən yazıların məzmunu iki növ
məlumatları əks etdirir. Kodlaşdırılmış məlumatlar nəzarət nömrələrini, nəşr
tipini, mətnin əsas dilini və s. istifadə etmək üçün olan kodlardır. Məsələn:
010_ _$a 0-11-8840940.
UNIMARC formatında hər bir blokun daxilində təyin olunan sahələr
müxtəlif növlü, formalı və səviyyəli informasiyanın verilməsini təmin edir.Hər
bir sahə üçrəqəmli nişanla işarələnib, daxil olduğu blokun məzmununa uyğun
biblioqrafik informasiyanı əks etdirir. Məsələn, 700-cü sahə 7-ci “İntellektual
məsuliyyət” blokuna daxil olub, “ilkin intellektual məsuliyyət kimi şəxs adı”nı
əks etdirir. Blokdaxili hər bir sahə öz nişanına uyğun biblioqrafik məlumatın
tipini əks etdirir. Ümumiyyətlə, UNİMARC formatında hər bir sahə (nişan və
adından sonra) aşağıda verilən sxemə uyğun təsvir olunur.
1. Sahənin müəyyənləşdirilməsi
2. Sahənin mövcudluğu
3. İndikatorlar
4. Sahənin məzmunu haqqında qeyd
5. Qarşılıqlı əlaqəli sahələr
6. Nümunələr
Yuxarıda göstərilən bu sxem hər bir sahədə verilir. [10, s.19]
UNİMARC formatında mübadilə məqsədilə tərtib olunan hər bir
biblioqrafikyazı - yazı markeri, məlumat kitabçası və dəyişən sahələrdən ibarət
olur.Hər bir biblioqrafik yazı 24 simvollu yazı markeri ilə başlayır. Yazı
167
markeri biblioqrafik yazının strukturuna aid materialları əks etdirir. Yazı
markerindən sonra məlumat kitabçası gəlir.Məlumat kitabçası 12 simvoldan
ibarət olub hər bir sahənin nişanını göstərir. II hissə dörd simvoldur və
məlumat sahəsinin uzunluğunu göstərir. Yəni birinci hissədə verilən sahənin
simvollarının (bura indikatorlar, altsahənin indikatoru, mətn və ya
kodlaşdırılmış məlumatlar və sahə ayrıcları da daxildir) sayını
müəyyənləşdirir. III sahə beş simvoldan ibarət olub başlanğıc simvolun
mövqeyini göstərir. Dəyişən uzunluqlu məlumatlar sahəsi isə məlumat
kitabçasından sonra gəlir və biblioqrafik məlumatları əks etdirir. Formatın
quruluşundan sonra şərh olunan hissə, yəni yazı markeri, məlumat kitabçası və
dəyişən uzunluqlu məlumat sahələrinin bu sxemi mübadilə zamanı
istifadəçilər tərəfindən görünməyən hissədir.
Mürəkkəb quruluşa malik olan elektron kataloqun təşkilində müstəsna
əhəmiyyət kəsb edən biblioqrafik yazı formatları sənədlərin təsvirində (o
cümlədən nadir və qiymətli nəşr sənədlərinin) istifadə olunur. O, quruluş
etibarilə təsvir qaydalarından fərqlənir, lakin axtarış etibarilə onlara xeyli
yaxındır.
XX əsrin 70-ci illərində kitabxana-biblioqrafiya və informasiya
proseslərindəmeydana gələn yeni tələbatları ödəyən elektron kataloqlar
yaradıldı və elmi ədəbiyyatda OPAC (Online Public Access Catalogue)
adlandırıldı.Qeyd etməliyik ki, xarici ədəbiyyatda OPAC iki mənada işlənir:
onlayn elektron kataloq;
biblioqrafik məlumat bazasına müraciəti təmin edən interfeys hissəsi.
Burada elektron kataloq adı deyilən birinci mənada işlənir.
XX əsrin 70-ci illərindən başlayaraq OPAC-a maraq artmağa başladı.
Bunun nəticəsində 70-ci illərin əvvəllərindən Ohayo ştatında fəaliyyət
göstərən elektron kataloqla birlikdə iki növ OPAC işlənmişdir. Onlardan
birinci növə aid ediləni və yayılanı aşağıdakılar idi: [11, s.24]
- NOTİS-Şimal-Qərb Universitetinin inteqral sistemi;
- MELVUL-Kaliforniya Universitetinin Sistemi;
- VTLS-Virciniya Elmi Texniki Kitabxanasının sistemi;
- LİAS-Pensilvaniya Universitetinin sistemi;
- SULİRS-Sirakuz Universitetinin sistemi;
- CARL-Kolorado ştatı Elmi Kitabxanalar İttifaqının avtomatlaşdırılmış
sistemi.
Ən kütləvi sistemlərə ALEPH (Şrayl), NOTİS və VTLS aiddir. VTLS
dünyanın 500-dən artıq kitabxanasında istifadə edilir. O cümlədən
M.F.Axundov adına Milli Kitabxanada tətbiq edilməkdədir. 1993-cü ildə
VTLS sistemi Rusiya Dövlət Kitabxanası tərəfindən tətbiq edilmiş və sonralar
ALEPH sistemi ilə daha da təkmilləşdirilmişdir.
İkinci növə (qrupa) ixtisaslaşdırılmış firmalar tərəfindən işlənmiş
OPAC-lar daxildir. Bir qayda olaraq belə sistemlər fərdi kompüterlər hesab
168
edildiyindən kitabxanaların xeyli hissəsi hazır şəkildə onları kommersiya
təşkilatlarından alırlar.
Son illərdə avtomatlaşdırılmış kitabxana-informasiya sistemləri (AKİS-
lər) istifadəçilərə daha səmərəli xidmət və informasiya axtarış baxımından
daha da təkmilləşdirilmiş və ənənəvi (kartoçka) kataloqlara nisbətən
üstünlüklər qazanmışdır. Hər iki kataloqun fərqli cəhətləri aşağıdakılardır:
Daha geniş funksional imkanlar:
müxtəlif kataloq tiplərinə (əlifba, sistemli, predmet və s.) və sənəd
növlərinə (kitab, dövri və davam edən nəşrlər, dissertasiyaların
avtoreferatları, texniki sənədlərin xüsusi növlərivə s.) görə kataloqların
avtomatik formalaşdırılması və vahid halda mühafizə;
elektron kataloq istifadəçilərə xidmət üzrə inteqral sistemin tərkib
hissəsinə çevrilir, fondda sənədin olub-olmaması, onun tam mətninin
verilməsi mümkünlüyü barədə məlumatlar verir;
elektron kataloq ərazi əhatəsi (yerli, regional, milli, beynəlxalq)
baxımından müxtəlif ola bilər. Prinsip etibarilə istənilən kitabxananın
fondu vahid bir kataloqda əks etdirilə bilər.
Daha geniş axtarış imkanları:
kitabxana fondlarına yeni daxil olmuş ədəbiyyatın biblioqrafik
məlumatlarının elektron kataloqda minimal əl əməyi sərf etməklə
operativ daxil edilməsi;
kitabxana fondlarının çoxaspektli əks etdirilməsi, yəni biblioqrafik
yazının istənilən elementi üzrə axtarışı;
adlara, predmet rubrikalarına nüfuzlu faylların verilməsilə onların
vahidləşdirilməsi və isnad əlaqələrinin təmin edilməsi;
elektron kataloqda paralel olaraq (eyni zamanda) təsnifat indeksi,
predmet rubrikaları, açar sözlər və s. üzrə axtarışın təmin edilməsi.
Beləliklə, elektron kataloq dörd komponentdən ibarət olan informasiya
məhsuludur: proqram (əsas) komponenti; texnoloji (örtük, əhatə) komponenti;
informasiya (interfeys) komponenti; aparat (ixtisaslaşma) komponenti.
Elektron kataloqun əsas xüsusiyyəti onun müxtəlif avtomatlaşdırılmış işçi yeri
(AİY) kimi istifadəsidir.Lakin bu, elektron kataloqun daxili funksiyasıdır.
Əsas funksiya isə xarici funksiyalardır, yəni elektron kataloq istifadəçinin
müraciətlərini, yaxud onun avtomatlaşdırılmış işçi yeri ilə təmin edilməsidir.
Elektron kataloq həmçinin maşınlaoxunan formada reallaşdırılmış
kitabxana kataloqudur. O, kataloq əlamətlərinə cavab verən biblioqrafik
məlumat bazası, avtomatlaşdırılmış kitabxana-informasiya sistemi, yaxud
altsistemidir, onlayn kataloqdur. [1,s.99]
Elektron kataloq haqqında göstərilən bu tərif xarakterli deyilənlərin hər
birində onun informasiya-axtarış sistemi kimi mahiyyəti, struktur-funksional
imkanları bu və ya digər aspektdən ehtiva olunur. Ümumiyyətlə, yeni
informasiyalaşdırılmış
cəmiyyət
şəraitində kitabxanaların sosial
Dostları ilə paylaş: |