Fəlsəfə və sosial-siyasi elmlər – 2011, № 2
- 70 -
insanlar da obyektdirlər. Subyektiv amilin istisna olunması dedikdə, ümu-
miyyətlə insanların iştirakının yox, ancaq tədqiqatçının müdaxiləsinin is-
tisna edilməsi nəzərdə tutulur. Yəni əsas məsələ ictimai proseslərin tədqiqat-
çıdan asılı olmayaraq necə baş verdiyini aşkara çıxarmaqdır. O arqument ki,
ictimai hadisələrdə iştirak edən, yəni obyektə daxil olan ayrı-ayrı insanlar
şüurlu və iradəli məxluqdurlar və onların nəinki sərbəst seçim imkanları ola
bilər, həm də tədqiqatçını sezə bilər və informasiyanı məqsədyönlü surətdə
poza bilərlər, heç də kifayət qədər əsaslandırılmamışdır.
Sosial eksperiment və ya müşahidə bir adamın üzərində aparılmır. So-
siologiyada hadisələr ancaq statistik proses kimi öyrənilməlidir. Miqyas o
dərəcədə böyük götürülməlidir ki, statistik tendensiyalar üzə çıxa bilsin. Tək
bir insan üzərində müşahidə artıq sosiologiyanın deyil, psixologiyanın pred-
metinə aid olacaqdır. Burada da tədqiqatçı öz obyektini elə hala gətirə bil-
məlidir ki, o sanki özü ilə təklikdə qalır və tədqiqatçının iştirakından irəli
gələn hər hansı bir reaksiya istisna olunur. Bu hala çox vaxt trans vəziyyəti
deyilir.
V.Heyzenberq məsələni belə qoyur: “Müasir elmin metodologiyası
üçün iki cəhət səciyyəvidir: birincisi, təcrübəni təcrid və idealizə edən və
ona görə də yeni hadisələr törədən eksperimental situasiyaların quraşdırıl-
masına yönəliş və ikincisi, bu hadisələrin təbii qanun statusunda sayılan ri-
yazi konstruktla müqayisəsi” (Bax: 6, s. 169). Maraqlıdır ki, “təbii qanun”
təbiətdən eksperimental yolla alınmaqdansa, riyazi yolla aşkar edilir. Vaxti-
lə Qaliley də “təbiətin kitabı riyaziyyat dilində yazılmışdır”, – deyirdi. Bəs
eksperimental yolla alınan nədir, hansı biliklərdir? Təsadüfi deyil ki, Hey-
zenberq təcrübəni təcrid və idealizə etməkdən bəhs edir. Yəni eksperimental
yolla təbiətin özü yox, onun ehtiva etdiyi hansı isə sonlu, məkan-zaman mü-
əyyənliyi olan lokal bir hadisə öyrənilə bilir. Empirik idrak ancaq məhdud
və sonlu olanı dərk edə bilər. Əslində tədqiqatçının aldığı informasiya həmi-
şə gerçəklikdə olduğundan azdır. Biz təcrübə şəraitini yaxşılaşdırmaqla və
eksperimental cihazları təkmilləşdirməklə getdikcə daha çox səhih məlumat
ala bilərik; amma həmişə məhdud və həmişə təkmilləşməyə möhtac olur.
Riyazi düsturların, riyazi modelin isə gerçəkliyə daha çox adekvat olduğu
nəzərdə tutulur. Heyzenberq deyir: “Mürəkkəb hadisələr dünyası yox, hadi-
Epistemologiya
- 71 -
sələrin arxasında dayanan təbiətin riyazi qanunları daha vacibdir” (3, s. 26).
Riyaziyyatın məhz universal prinsipləri ifadə etməsinə inam o dərəcədə güc-
lüdür ki, bir çox görkəmli alimlər onu təcrübədən və faktlardan daha üstün
hesab edirlər. Pol Dirak yazır: “Tənliklərin gözəlliyi onların eksperimentə
uyğun gəlməsindən daha önəmlidir” (Bax: 4, s. 15).
Bu da məlumdur ki, Platon riyaziyyatı Xeyir ideyası kontekstində təq-
dim edirdi. Ən azından bütöv, kamil və ideal olan varlıqlar cismani dünya-
nın təhrif olunmuş kölgə varlığında deyil, dəqiq və birqiymətli rəqəmlərin
dilində danışa bilərdi. Üstündən neçə min il keçdikdən sonra, yeni dövrün
böyük riyaziyyatçısı A.Uaythed yenə də “Riyaziyyat və Xeyir” mövzusuna
müraciət edir (8, s. 322-336). Bu problem bizim “Haqq, Həqiqət, Gözəllik
və Xeyirin eyniyyəti” (2, s.183) adlı yazımızda da təhlil olunur. Düzdür, biz
məsələni daha çox nisbi ilə mütləqin dialektikası kontekstində qoymuşuq;
amma burada söhbət dünyadakı varlıqların növlərə bölünməsi və hər növ
üçün həqiqət, gözəllik və xeyir etalonunun müəyyənləşdirilməsindən gedir.
Daha bir addım ataraq bu sıraya “ bütöv” anlayışını da əlavə etmək olar.
Yəni hər şey ancaq tamamlandıqda, öz bütövlüyündə kamil olur, yetkin olur
və bu mənada vəhdəti, vahidi təcəssüm etdirir. Eləcə də tərsinə, hər hansı bir
şeyin yarımçığı yox, ancaq bütövü vahid hesab oluna bilər.
Vahidlər və mütləq vahid
Biz diqqəti ona görə vahid anlayışının üzərinə yönəldirik ki, hər hansı
bir şeylə yanaşı, bütövlükdə dünyanın da vəhdətindən və ya vahid dünyadan
bəhs edə bilərik. Məsələn, bir bina tikilir və öz layihəsinə, ideyasına tam
adekvat hala gəldikdə tamamlanmış sayılır. Ona qədər həmişə nə isə çatmır,
yəni realizasiya, reallıq ideyaya nisbətdə naqis olur. Təsadüfi deyil ki, Pla-
ton ancaq ideyanı kamil hesab edirdi. Başqa sözlə, ancaq ideya vahid ola bi-
lər. Lakin müxtəlif şeylərin növünü, mahiyyətini, anlayışını, ideyasını sonda
bir etalon, ideal, vahid kimi təsəvvür etmək bir şeydir, bütövlükdə dünyanı
ahəngdar, qanunauyğun, tamamlanmış, mükəmməl bir varlıq kimi təsəvvür
etmək başqa şeydir. Belə ki, hər növün mövcudluğu başqa növlərin məka-
nında, mühitində, əhatəsində mümkün olur. Və hər növ öz kamillik dərəcə-
sinə çatmaq üçün öz mühiti ilə mücadiləyə girir və bu mühit nə qədər geniş
Fəlsəfə və sosial-siyasi elmlər – 2011, № 2
- 72 -
olsa, kamilliyə yaxınlaşmaq ehtimalı da bir o qədər çox olur. Yəni ayrıca
götürülmüş bir şey ancaq bütün dünya kontekstində və əslində bütün dünya-
nın ahənginə uyğunlaşmaqla, bütün ziddiyyətlərdən azad olmaqla kamilliyə
çata bilər. Başqa sözlə desək, bütövlüyün, kamilliyin yolu dünyaya qarşı
durmaqdan, qütbləşməkdən deyil, dünya ilə vəhdətdən keçir.
Adi təsəvvürlərə görə, dünya sonsuzdur və görünür ki, onu riyaziyyat-
da da sonsuzluq işarəsi ilə ifadə etmək lazım gələrdi. Lakin biz dünyanın ri-
yazi ifadəsi üçün məhz vahidi təklif edirik.
Görünür, yeni bir anlayışın – mütləq vahid anlayışının daxil edilməsi-
nə ehtiyac vardır. Bütün başqa vahidlər ancaq öz növü (tayfası, milləti və s.)
üçün vahiddir – etalondur, mütləq vahid isə iki fərqli keyfiyyəti özündə ehti-
va edir. Əvvəla, o təkdir və onun iradəsi xaricində heç nə yoxdur. İkincisi,
o, ehtiva etdiyi hər şeydə təmsil olunur, yəni ümumilərin ən ümumisidir.
Məsələn, Günəş – təkdir. Lakin o, ümumi deyildir. Baxmayaraq ki, o,
öz şüaları ilə bu dünyanın cisim və hadisələrini işıqlandırmaqla müəyyən
mənada günəşləndirir, amma bu proses kəsiləndir və məhdud dairədə baş
verir. Bununla belə, Günəşin məhz bu keyfiyyəti müxtəlif dövrlərdə insanla-
rın ona sitayiş etməsinə, onu ilahiləşdirməsinə səbəb olmuşdur. İnsanların
şüuru həmişə ümumiləşmək keyfiyyətinə malik olan daha universal bir tək
axtarışında olmuşdur.
Fəlsəfədə ən paradoksal məsələlərdən biri özünü təkcə və ümuminin
dialektikasında göstərir. İdrak üçün ən çətin məqamlardan biri ümumi ilə
cəmin fərqini anlamaqdır. Cəm təkcələrin toplanmasından yaranır. Ümumi
isə təkcələrin hamısında iştirak edən ortaq elementdir. Riyaziyyatda buna
ortaq vuruq deyilir. Bütün ədədlər üçün ortaq olan ən universal vuruq va-
hiddir. Lakin həm də cəmin vahid olması üçün bütün toplananların öncədən
bu vahidin hissələri olması lazımdır. Yəni a
1
+a
2
+...+a
n
=1
Paradoksal olan budur ki, cəm olan vahidlə ortaq vuruq olan vahid nə
dərəcədə eyni ola bilər?
Lakin riyaziyyatçılar vahidin bu xüsusi yükünü, bir vahidin başqa va-
hiddən fərqini nəzərə almadıqlarından, onlar müxtəlif yüklü rəqəmləri rahat-
ca müqayisə edirlər. A.Uaythed yazır: “Biz bu və ya digər qrupu təşkil edən
Dostları ilə paylaş: |