Fəlsəfə və sosial-siyasi elmlər – 2011, № 2
- 64 -
uyğunluq ayrıca bir maddi obyektə deyil, onun daşıdığı bu və ya digər
ümumiyə, ideyaya, daha doğrusu, ideyalar arasındakı münasibətə, struktura
aid ola bilər. Məsələn, elektrik yükünə malik olan bir cismin başqa bir cisim
tərəfindən cəzb olunması və ya itələnməsindən deyil, bu elektrik yüklərinin
bir-birini cəzb etməsi və ya itələməsindən danışmaq daha düzgün olar. Ya-
xud qravitasiya cazibəsindən danışarkən riyazi qanunauyğunluq iki cisim
arasında deyil, iki kütlə arasında münasibəti ifadə edir. Çünki biz bu zaman
həmin cisimlərin həcmindən, formasından və s. xüsusiyyətlərindən sərf-nə-
zər edərək, ancaq onların kütləsini nəzərə almalıyıq və bu kütlə hansı isə bir
həcmə səpələnmiş halda yox, fəzada müəyyən bir nöqtəyə aid olmalıdır. Be-
lə ki, birinci nöqtədəki kütlə m
1
və ikinci nöqtədəki kütlə m
2
-dirsə, onda on-
ların arasında bu kütlələrlə düz mütənasib olan bir cazibə qüvvəsi olacaqdır:
P =
γ m
1
m
2
/ r
2
. Yəni sabit riyazi münasibət – düstur
hansı isə konkret cisim-
lərin arasındakı münasibəti deyil, mücərrəd ümumilər arasındakı münasibəti
ifadə edir. Kütlənin öz vahidi, uzunluğun da öz vahidi vardır. Onların sim-
vollarla işarəsi isə həmin vahidin misillərini göstərir. Məsələn, m
1
dedikdə,
kütlə vahidinin neçə mislindən söhbət getdiyi nəzərdə tutulur. Başqa sözlə
desək, riyaziyyatda m
1
sadəcə rəqəmdir. Yəni, yuxarıda misal çəkdiyimiz
qravitasiya düsturu sadəcə olaraq surətdə bir neçə ədədin hasili, məxrəcdə
isə hansı isə ədədin kvadratı olan adi hesab əməliyyatını ifadə edir. Onu fizi-
ki gerçəkliyin göstəricisi edən – bu ədədlərin hansı vahidin misli olmasıdır.
Deməli, mənanın daşıyıcısı misillər, ədədlər yox, vahidlərdir. Çünki vahid –
növün, mahiyyətin timsalıdır.
Sıfır və vahid. Sıfırın daxili dinamikası.
Lakin başlanğıc vahiddirmi? Yoxsa hər şey sıfırdanmı başlayır? Zira,
vahidin əksliyi var, sıfırın isə əksliyi yoxdur və ya özünə bərabərdir. Yəni
sıfıra bir boşluq kimi, nə isə məzmunu olmayan bir şey kimi də baxmaq
olar, müsbət və mənfi vahidlərin (əksliklərin) birləşməsi kimi də baxmaq
olar. Bu baxımdan, sıfır vahiddən daha fundamental görünür. Müasir elmi
araşdırmalar göstərir ki, maddə ilə yanaşı antimaddə də var və bu ikisinin
təmasında annigilyasiya hadisəsi baş verir, yəni hər ikisi “yox olur”. Amma
əks proses də mümkündür, yəni müəyyən bir şəraitdə bu yoxluqdan, sıfırdan
Epistemologiya
- 65 -
müsbət və mənfi işarəli iki zərrəcik, məsələn, elektron və pozitron yarana
bilər. Bu isə “heçlik”, “yoxluq”, “sıfır” kimi qəbul olunan varlıq formasının
əslində daha mürəkkəb bir varlıq olduğunu göstərir. Necə ki, atomlar ney-
traldır (çünki müsbət və mənfi yüklər bir-birini tarazlaşdırır), eləcə də icti-
mai həyatda müsbət və mənfi istiqamətdəki kənaraçıxmalar, məsələn, xeyir
və şər bir-birini neytrallaşdırır. Həm xeyiri, həm də şəri bətnində saxlayan
normal hal nəzərə çarpmır, ancaq hansı situasiyada isə irəli çıxan, tarazlığı
pozan xeyir və ya şər nəzərə çarpır. Yəni, riyazi dildə desək, 1 və -1 müəy-
yən qiymətə malik olduğu halda, 0 özü də və onun misilləri də qiymətsizdir.
Halbuki, 0 parçalananda, 1 və -1-in cəminə bərabər olur, yəni, sən demə, hər
ikisini özündə saxlayırmış.
Bizim tədqiqatdan çıxan nəticələr və ümumiyyətlə müasir düşüncə sı-
fıra münasibətin dəyişilməsini tələb edir. Sıfır təkcə boşluğun deyil, həm də
bütövlüyün, tarazlığın, neytrallığın simvoludur. Bu məsələdə sıfır hətta va-
hidlə rəqabətə girir. Çünki ənənəvi dünyagörüşü vahidi vəhdət və bütövlük
simvolu saydığından, sıfırın məna çalarlarından birini qəsb etmişdir. Bu
məqamda sıfırın həm də sükutu və sükunəti səciyyələndirdiyini yada salmaq
yerinə düşür. Sükut əslində səsin, sükunət isə hərəkətin yoxluğudur. Amma
başqa keyfiyyətlərin, məsələn, mərhəmətin, sevginin, səxavətin və s. yoxlu-
ğu əslində çox vaxt sıfır məqamı ilə, neytral vəziyyətlə deyil, əks keyfiyyət-
lərin varlığı ilə, məsələn, qəddarlıq, nifrət, xəsislik və s.-lə ifadə olunur.
Amma bunlar həmin keyfiyyətlərin o biri qütbüdür. Bəs sıfır məqamı necə
müəyyənləşir? Bunu çox vaxt başlanğıc, yaxud keçid nöqtəsi kimi, yəni nə
mərhəmət, nə qəddarlıq; nə sevgi, nə nifrət; nə səxavət, nə xəsislik halı kimi
başa düşürlər. Amma bu o zaman mümkün olur ki, bizim qurduğumuz
model birölçülü fəzadadır. Yəni burada dəyişilmə -1 ilə +1 arasında baş
verir və 0 sadəcə keçid nöqtəsidir. Lakin hətta bu model daxilində belə, biz
sıfırı həm pozitiv, həm də neqativ keyfiyyətin sadəcə yoxluğu kimi deyil,
onların qiymətcə bərabər, istiqamətcə əks hallarının vəhdəti, toplamı kimi
başa düşə bilərik. Buna dinamik tarazlıq deyilir. Hətta bəzən bir az sevgi və
bir az nifrət yox, onların hər ikisinin kulminasiyası birlikdə ola bilər.
Düzdür, bu halda müvazinətin tez-tez pozulması və bir qütbdən digər qütbə
sıçrayışlar da mümkündür, amma bütöv mənzərə ancaq dinamik sıfırla ifadə
Fəlsəfə və sosial-siyasi elmlər – 2011, № 2
- 66 -
oluna bilər. Amma biz hadisələri ikiölçülü və üçölçülü fəzalarda da təsvir
edə bilərik. Bu zaman hər hansı bir keyfiyyət halı vektorial kəmiyyət (yeri
gəlmişkən, terminoloji pərakəndəliyə diqqət yetirək: keyfiyyət halları, xas-
sələr fizikada “kəmiyyət” kateqoriyası ilə ifadə olunur; ruslar buna “вели-
чина” deyirlər, biz isə “kəmiyyət” kimi tərcümə etmişik) kimi götürülməli-
dir. Onda bu keyfiyyətlərin bir-birinə diametral əks pozisiyaları ilə yanaşı,
fərqli bucaqlar altındakı vəziyyətləri də nəzərə alına bilərdi. Sıfır halı isə an-
caq o zaman mümkün olardı ki, əvəzləyici vektor sıfıra bərabər olsun. Yəni
reallıqda sıfır halı çox nadir halda mümkündür və ya sadəcə idealizasiyadır.
Bizcə, real vəziyyəti sıfır ətrafında fluktasiyalar kimi təsvir etmək və onun
riyazi ifadəsini də vermək olar.
Biz indi mənəvi həyatdan misallar gətirdik. Bu sahəyə riyaziyyatın tət-
biqi hələ ki, yox dərəcəsindədir. Riyaziyyat daha çox fiziki hadisələrin iza-
hında istifadə olunur. Ona görə də, daha anlaşıqlı olan istilik və soyuqluq,
müsbət və mənfi elektrik yüklənməsi hallarını nəzərdən keçirək. Məlum ol-
duğu kimi, nəyi isə isti və soyuq kimi dəyərləndirməyimiz cisimlərin istilik
keçiriciliyinin fərqli olmasından dolayı nisbi xarakter daşıyır. Ona görə də,
sıfır vəziyyəti kimi istiliyin keçirilmədiyi məqam, yəni cismin temperaturu-
nun insan bədəninin temperaturuna (36,6
0
) bərabər olduğu hal götürülə
bilər.
İstilik statistik hadisənin yekun göstəricisi olduğuna görə, bura vekto-
rial kəmiyyət modelini tətbiq etmək bir qədər çətindir. Son nəticədə biz ay-
rı-ayrı zərrəciklərin hərəkət trayektoriyasına keçməyə və yekun temperaturu
bu zərrəciklərin hərəkətini göstərən vektorların əvəzləyicisi ilə təyin etməyə
çalışsaq, məsələ çox mürəkkəbləşər. Məhz bu mürəkkəblikdən xilas olmaq
üçün statistik metodlar tətbiq olunmuşdur. Lakin fizikadan məlumdur ki,
temperaturun 0 vəziyyəti heç bir vəchlə daxili sükunəti ifadə etmir. Belə bir
vəziyyətin idealizasiya halında ancaq –273
0
-də mümkünlüyü fərz olunur. 0
0
isə cismin kifayət qədər dinamik hərəkət halıdır. Düzdür, fiziki halların ənə-
nəvi riyaziyyatla uyğunlaşdırılması üçün Kelvin şkalasına keçmək təklifləri
də yaranmışdır. Lakin, bizcə, fizikanı ənənəvi riyaziyyata uyğunlaşdırmaq-
dansa, riyazi anlayışların, o cümlədən sıfırın təbiətinə münasibəti dəyişmək
lazımdır. Müsbət və mənfi elektrik yüklənməsinə gəlincə, burada da neytral
Dostları ilə paylaş: |