11
dirilib, nəticələr araşdırılmalıdır. Belə olarsa, məktəb təhsilinin real
nəticələri aşаğıdаkı kimi qiymətləndirilir:
a)
təhsilin nəticələrinin şagirdin özü tərəfindən qiymətləndi-
rilməsi;
b)
təhsilin nəticələrinin başqaları tərəfindən (o cümlədən
müəllim, təhsil orqanları, sosial sifarişçilər tərəfindən) qiymətlən-
dirilməsi.
Araşdırmalar göstərir ki, Azərbaycanda belə tədqiqatlar
aparılmamışdır. Aparılsaydı, hansı nöqsanlara görə kimlərin
məsuliyyət daşımalı olduğu aydınlaşardı.
Beləliklə, təhsilin subyekt-subyekt məsələləri aydınlaşar,
təhsil institutları uşaqları öyrədə bilərlər ki, onlar subyekt olaraq öz
gələcəkləri üçün məsuliyyət daşımalıdırlar. Məktəb və digər ictimai
orqanlar isə bu işdə onlara yol göstərən köməkçi olmalıdırlar. Bu
həqiqəti hamıdan əvvəl müəllimlər, məktəb rəhbərləri başa
düşməli, onun həyata keçirilməsinə məsuliyyət daşımalıdırlar.
2. Təhsilin məqsədləri
Müasir idarəetmə elmində təhsil menecmentində məqsəd
dedikdə əldə ediləcək nəticənin obrazı anlanışır. Ancaq bu anlayış
arzu, istək, sosial sifariş, vəzifə, istiqamət sözləri ilə üst-üstə düşür,
çünki onların hamısı bu və ya digər şəkildə arzu olunan nəticəyə,
məqsədə yaxındırlar. Qeyd etmək lazımdır ki, təhsilin məqsədi ilk
baxışda çox sadə görünsə də, məktəbdə təhsil prosesinin məqsədinə
gəldikdə o həm mürəkkəb, həm də əldə edilməsi çətin bir prosesdir.
O, məqsədin aydınlığı, məktəb qarşısında qoyulacaq və həll
edilməsi böyük əhəmiyyət kəsb edən mühüm vəzifələr birliyidir.
Özü də pedaqogika və psixologiya elmlərində az araşdırılmış kate-
qoriyadır. O ki qaldı məktəbin idarə edilməsinə, bu problem, demək
olar ki, öyrənilməmişdir. Təhsil sisteminin qarşısında duran məq-
sədə məktəb səviyyəsində müvəffəqiyyətlə nail olmaq üçün gələcək
məktəb rəhbərləri təhsil məqsədlərini müəyyənləşdirmək sahəsində
obyektiv və subyektiv
12
çətinlikləri bilməlidirlər.
Müasir pedaqoji ədəbiyyatda və müxtəlif xarakterli dövlət
sənədlərində bu məsələyə münasibət müxtəlif xarakter və
məzmunda izah olunur. Məktəblərimizdə illər uzunu təkrar- təkrar
üzü köçürülən illik təlim-tərbiyə işləri üzrə fəaliyyət planlarında
“məqsəd - hərtərəfli inkişaf etmiş gənclərin formalaşdırılması” və
ya bunun üçün şəraitin yaradılmasıdır. Heç şübhəsiz, vəzifə belə
müəyyənləşirsə, hesabatda da belə verilir: bu qədər şagird orta
məktəbi bitirmiş, bu qədər ali məktəblərə qəbul olmuşdur. Belə
çıxır ki, məqsəd bir, nəticə isə başqadır. Bəzən də yazılır: “Mək-
təbin məqsədi şagirdi həyata hazırlamaqdır”. Ancaq onu hansı pa-
rametrlər üzrə həyata hazırlamağın lazım olduğu açıqlanmır.
Əslində yuxarıda açıqlanan bu məsələlər məktəbin qarşı-
sında duran böyük məqsədin ayrı-ayrı hissələridir. Onlar da əslində,
hərtərəfli inkişaf etmiş şəxsiyyətin formalaşmasını tam təmin edən
şəraitin yaradılması müddətini və s. müəyyənləşdirmir.
Məqsəd və nəticə, onların arasındakı münasibət onların idarə
olunması üçün aparılаn əməliyyatları, təhsilin keyfiyyətini müəy-
yənləşdirməyə imkan yarada bilər. Bu tələblər həyata keçirilmirsə,
təhsilin keyfiyyətinə verilən tələbləri, sadəcə olaraq, müəyyənləş-
dirmək qeyri-mümkündür.
Elmi-pedaqoji ədəbiyyatda məktəbdə təhsilin keyfiyyəti
anlayışı adətən məktəbin qazandığı müvəffəqiyyət və məktəbdaxili
idarəetmə sisteminin fəaliyyəti ilə əlаqələndirilir. Təhsilin
keyfiyyəti təhsilin nəticələrini xarakterizə edən mühüm xüsusiy-
yətlərin cəmi kimi qəbul edilir. Bu nəticələr cəmiyyəti, sifarişçiləri
və şagirdlərin tələbatlarını ödəməlidir. Təhlil olunan bu anlayış
durğunluq illərində hökm sürən təhsil keyfiyyətinin eyni deyil. O
vaxtlar keyfiyyət şagirdlərin sayının attestasiya zamanı yaxşı və əla
qiymətlər almış şagirdlərin ümumi sayına bölünməklə müəyyənlə-
şirdi, keyfiyyəti belə müəyyənləşdirmək düzgün deyil, onların
ümumi sayını faiz ilə eyniləşdirmək olmaz. Son zamanlar təhsilin
keyfiyyəti haqqında hamı narahatlıq keçirirsə, bu özü müsbət haldır.
Qeyd etmək lazımdır ki, təhsilin keyfiyyətinə
13
verilən bəzi mühüm tələblər təhsil standartlarının əsasını təşkil edir.
Bu da aydındır ki, standartların formalaşdırılmasına adətən kəmiy-
yət baxımından yanaşırlar. Bu açıqladıqlarımız ümumi münasibət-
lərdir. Fikrimizcə, ümumi münasibətlərdən savayı, bir də hər bir
təhsil müəssisəsi tərəfindən arzu olunan keyfiyyət nəticələrini əldə
etmək məqsədilə bir sıra kompleks məqsədlər müəyyənləşdirilməli
və onların həyata keçirilməsi təmin edilməlidir. Bunlar aşağıdakı-
lardır.
1. Hazırda əldə edilmiş nailiyyətlərin, həll edilməmiş
problemlərin və perspektiv tələbatların proqnozu əsasında arzu
olunan təhsilin keyfiyyət səviyyəsinin modelləşdirilməsi. (Bu, fakti-
ki olaraq məktəbi bitirəcək məzunların modelidir).
2. Təhsil sisteminin və bütövlükdə məktəbin fəaliyyətinin
təmin edilməsi. Bu da müəyyənləşdirilmiş (planlaşdırılmış) keyfiy-
yət səviyyəsinin təmin edilməsidir. (Bu isə özlüyündə hədsiz qa-
baqlayıcı mənada, təhsilin keyfiyyətinin operativ şəkildə planlaşdı-
rılmasından kənara çıxmanın qarşısının alınmasıdır).
3. Keyfiyyətin əldə edilməsinin təmin edilməsi. (Bu da
özlüyündə təhsil nəticələrinə və məzunların müəyyənləşdirilmiş
modellərinə tələbatların yeniləşməsi, onların yeni keyfiyyət əldə et-
məsi deməkdir).
4. Əldə edilmiş təhsil keyfiyyətinin diaqnozlaşdırılması.
Müasir məktəb təcrübəsində bu vəzifələr hələlik eyni səviyyədə və
sistematik şəkildə həll edilmir. Xüsusən də keyfiyyətin yüksəlmə-
sinə lazımi diqqət yetirilməyir. O ki qaldı diaqnostika və
monitorinqin həyata keçirilməsinə, bu sahəyə diqqət lazımi
səviyyədə deyildir və hər yerdə o qədər də yüksək səviyyədə həyata
keçirilmir. Keçirililənlər də daha çox tədbir naminə həyata keçirilir.
Buna görə də monitorinqlərin keçirilməsi heç də həmişə keyfiyyətin
yüksəlməsinə kömək etmir.
Bütün bunlarla yanaşı, təhsilin keyfiyyətindən söz getdikdə
araşdırılmalıdır ki, müəyyən edilmiş məqsədlə nəticə arasındakı
mütənasiblik yəqin ki, təhsilin keyfiyyəti kimi müəyyənləşdirilir,
həm də məqsədin həyata keçirilməsi, nəticənin əldə edilməsi üst-
üstə düşürsə, deməli, müəyyənləşmiş məqsədin əldə olunması üçün
aparılan əməliyyatlar məktəblinin potensial
Dostları ilə paylaş: |