63
xəzlər onun «İskəndərnamə» adlı bir poema da yazdığını
soraq verir. Lakin bu fakt hələlik
dəqiq şəkildə təsdiq olunma-
mışdır və mütəfəkkirin belə bir əsər qələmə aldığı şübhəli
olaraq qalır. O, fars dilində yazıb yaratmışdır. Bununla belə,
«Cavidannamə»nin müəyyən hissələri ərəb və gürgan
dillərində qələmə alınmışdır.
Nəiminin divanı həm dünyəvi, həm də təriqət mövzulu
poeziya nümunələrindən ibarətdir. Dünyəvi mövzulu şeirlərdə
adi, həyati, reallığa müvafiq mətləblərdən danışılırsa, təriqət
mövzulu şeirlərində hürufiliyin məram və məqsədləri poetik
yönümdə əks etdirilir.
Onun «Ərşnamə» əsəri də nəzmlədir. Bütöv şəkildə bizə
gəlib çatmayan əsər məsnəvi formasındadır.
Müəllifin son əsəri «Vəsiyyətnamə»dir. Bundan əvvəl isə
o, əsas dini-fəlsəfi əsəri olan «Cavidannamə»ni qələmə almış-
dır. «Vəsiyyətnamə» nə bədii, nə də dini-fəlsəfi əsər deyil. O,
epistolyar janrdadır. Daha doğrusu, mütəfəkkirin həbs edildik-
dən sonra məhbəsdən öz inanılmış müridlərinə yazdığı bir neçə
məktubu əhatə edir. Həmin məktublar göstəriş, bir növ müəl-
lifin öz xəlifə və müridlərinə, həmçinin qızlarına vəsiyyət xa-
rakterindədir. Yəqin ki, gizlin şəkildə yazılmış bu məktublarda
o, öz müridlərinə və qızlarına necə hərəkət etmək, necə davran-
maq və nə iş görmək barədə göstərişlər verir. Qızlarını etibarlı
müridlərinə tapşırır. Böyük qızı Fatiməyə kiçik qızların taleyi
ilə bağlı bəzi məsləhətlər söyləyir. Tərəfdarlarına məsləhət
görür ki, öz xüsusi geyimlərini (hürufilərin məxsusi geyimləri
var idi. Məsələn, onlar ağ dəridən papaq qoyardılar və s.)
dəyişsinlər, camaat kimi geyinib adamlara qarışsınlar. Oruc
tutub namaz qılsınlar ki, onların kim olduğu bilinməsin.
Mümkün olsa, dağlara çəkilsinlər və ya başqa yerlərə çıxıb
getsinlər. Bütün bu göstəriş və tövsiyələri Nəimi öz
tərəfdarlarını təqibdən və gözlənilən cəzadan qurtarmaqdan
ötrü edirdi.
64
«
Eşqnamə» adı ilə də tanınan «
Məhəbbətnamə» risaləsi
müəllifin ilk əsərlərindəndir. Burada hürufilik təliminin ideya-
ları yığcam olaraq şərh edilmişdir.
Bütövlükdə əlimizdə olmayan və yalnız müəyyən
fraqmentləri gəlib bizə çatan «Növmnamə» isə yuxu haqqında
kitabdır. Burada Fəzlullahın 30 yaşından ölümünə qədərki bir
çox yuxuları və peyğəmbərliyi şərh edilir. Əsərdə müəllifin
tərcümeyi-halına dair bəzi notlar, həmçinin hürufiliyin ilkin
dövrdə yayılma mexanizminə aid məlumatlar da mövcuddur.
Belə ki, Nəimi Astarabad, Bakı, Mazandaran, Xarəzm, Təbriz,
Sufiyan və s. kimi şəhərləri gəzib təriqət ideyalarını necə
yaydığını söyləyir. Eyni zamanda, burada Nəiminin mötəbər
müridlərindən Nəsimi ilə münasibətləri və yazışmaları barədə
də bilgi vardır.
Əliyül-Əla «Kürsinamə» əsərində məlumat verir ki, hüru-
filiyin günəşi Təbrizdə doğmuş və ilk dəfə öz şəfəqlərini Azər-
baycana saçmışdır. Bu ölkə Allahın peyğəmbəri və övliyaları
ilə şöhrətlənmişdir.
Hürufilik panteizmə əsaslanan yarı dini, yarı fəlsəfi cərə-
yandır. Panteizmə görə Allah var, ancaq o, təbiətdən, əşyadan
və insandan kənarda deyil, onun mahiyyətindədir. Başqa sözlə,
Allahla maddi varlıq eynidir. Xaliq məxluqdan kənarda yox,
onun özündədir.
Hürufilər «vəhdəti-vücud» konsepsiyasını ciddi bir nəzə-
riyyə kimi qəbul edirlər. Onların əqidəsinə görə Allah təbiət,
əşya, insan və bütün kainat, bir sözlə, mənəvi olanla maddi
olan, xaliqlə məxluq vəhdətdədir. Allah yeganə reallıq və
həqiqətdir. Varlıqda istər maddi, istərsə də mənəvi olsun Tanrı
həqiqətindən başqa heç bir həqiqət mövcud deyil. Mahiyyət də,
təzahür də, məna da, surət də, məzmun da, forma da elə Haqqın
özüdür. Yaradan da, yaradılan da yeganə reallıq olan Haqqın
zatına bağlıdır və bütöv bir vəhdət təşkil edir.
Bununla belə, hürufiliyin başqa təriqət, cərəyan və təlim-
lərdən əsaslı bir fərqi onların hər şeyi söz və hərfə bağlamaları
65
idi. Elə təriqətin adı – hürufilik! – də buradan irəli gəlir. Onlar
belə hesab edirdilər ki, Allah kainatı və insanı «kon» («ol»)
əmrindən, yəni sözdən yaradıb. Deməli, söz (hərf) həm
yaradılışın səbəbi, həm də elə özüdür. Çünki söz hər şeydir,
müxtəlif kiçik və böyük cismlər şəklində təzahür etmişdir.
Nəsiminin sözləri ilə desək:
Əqli küllü, ərşi kürsü, lövhü qələm
Çar ünsür, nöh asimandır söz!
Bir inanc sistemi olaraq hürufilik müxtəlif ideya-nəzəri və
dini-fəlsəfi qaynaqlara malikdir. Quran, islam qaydaları, sünnə
və hədislər bu qaydalar sırasında öndə gəlir. Hürufiliyin şiəlik
və mehdizmlə sıx bağlılığını nəzərə alıb bu əqidə tərəfdarları-
nın imamətlə əlaqəli bilgi və düşüncələrini də buraya əlavə
etməliyik. Onun islam dinindən ayrılmış təmayüllər olan is-
maililik və gərmətiliklə də bəzi oxşar cəhətləri mövcuddur.
Təsəvvüf və irfan düşüncəsinin, bütövlükdə sufizm ideyaları-
nın hürufiliyə təsiri isə daha çoxdur. Bu təriqətin
qədim hind,
çin fəlsəfəsindən,
manixeyzmdən, məzdəkizmdən,
xürrəmi-
likdən əxz etdiyi bəzi cəhətlər də yox deyil. Bundan əlavə,
onun qədim yunan fəlsəfəsindən, xüsusilə platonizm və pifa-
qorçuluqdan,
Tövrat və
İncildən bəhrələndiyi də məlumdur.
Qədim yəhudi dini-fəlsəfi sistemi olan qabalizmin də
hürufiliyə ciddi təsiri olmuşdur. Göründüyü kimi, haqqında söz
açdığımız bu təlimin qaynaqları rəngarəng və sayca çoxdur.
Məhz bunu nəzərdə tutaraq R.Tövfiq qeyd edir ki: «Beləliklə,
hürufizm eklektisizmdir. Onu öyrəndikdən sonra belə şərh et-
mək olar ki, onda hər şeydən bir az var. Bir az neoplatonizm,
yəhudi qabalizmi, şiəlik, sufizm, trinitarizm, monizm. Əslində
isə bu druzların dinidir... Bütövlükdə ona aid olan budur ki, o,
böyük dinlərə münasibətdə bir karikaturadır» (sitat üçün bax:
26, 14).
66
Onu da deyək ki, hürufilərin ideya-nəzəri izahatlarında, di-
ni-fəlsəfi şərhlərində bir çox hallarda qondarmaçılıq, məqsəd
naminə faktları zorla uyuşdurma aşkar şəkildə hiss olunur. Mə-
sələn, onlar rəqəmləri artırıb əskiltməklə özlərinə lazım olan
şeylərin sayını zorla 28 və 32-yə çatdırırlar. Bəzən şərhləri
məntiqi və sübutlu görünmür.
Bundan əlavə, hürufilik təliminə aid təfsir və izahatları
ərəb və fars əlifbasından başqa qeyri bir əlifbaya tətbiq etmək
mümkün deyil. Onların şərh və qənaətlərinin əsas rüknünü ərəb
və fars əlifbası təşkil edir.
F.Nəiminin həcmcə ən böyük əsəri «Cavidannamə»dir.
Müəllifin yaradıcılığının daha sonrakı dövrlərində, əgər belə
demək mümkünsə, yaradıcılığının, fəaliyyət və
dünyagörüşünün püxtələşmiş çağlarında qələmə alınmış
«Cavidannamə» hürufilik təliminin ən mötəbər qaynağı, bu
təriqətin əsas ideya, məqsəd və baxışlarını özündə əks etdirən
təlim kitabı hesab olunur. Şərti olaraq belə demək mümkündür
ki, «Cavidannamə» hürufilərin Quranı, ana kitabıdır. Nəimi
hürufilik ideologiyası ilə əlaqəli bütün təsəvvür, baxış və
prinsiplərini bu sonuncu dini və elmi-fəlsəfi əsərində
ümumiləşdirmiş, onun ən mühüm müddəalarını şərh etmiş və
müəyyənləşdirmişdir.
«Cavidannamə» özü 2 hissədən ibarətdir: «Cavidane-Kə-
bir» («Böyük Cavidannamə»), «Cavidane-Səğir» («Kiçik
Cavidannamə»). «Cavidannamə», əsasən, fars dilində yazılsa
da, mətnin müəyyən hissələri ərəb və gürgan dillərindədir.
Gürgan dili fars dilinin Astarabad ləhcəsidir. Burada müəllif öz
müddəalarını şərh edərkən çoxlu saydı diaqramlardan, müxtəlif
ölçülü dairələrdən və həndəsi işarələrdən də istifadə etmişdir ki,
bunların vasitəsilə Allah, söz, insan, göy, yer, ulduzlar, bürclər,
4 ünsür, Kəbə və s. arasındakı əlaqə və münasibətləri aydınlaş-
dırmağa çalışmışdır.
«Cavidannamə»nin müəyyən hissələri Saillə talib arasın-
dakı dialoq formasındadır. «Sail» Nəiminin təxəllüslərindən bi-