67
ri, «talib» isə öyrənəndir. Əsərdə yeri gəldikcə mənzum parça-
lardan da istifadə edilmişdir.
F.Nəimi hürufiliklə bağlı mətləb və ideyalarını şərh edər-
kən Quran ayələrindən, sünnə və hədislərdən, müxtəlif pey-
ğəmbərlərə, müqəddəs şəxsiyyətlərə isnad edilən rəvayət və
kəlamlardan, həmçinin Tövrat və İncildən də bol-bol bəhrələn-
mişdir. Onun qənaətinə görə Allahın sirri 32 ilahi hərfdədir ki,
Məhəmmədi, yəni islami olmayan kəsə həmin hərflər vasitəsilə
yaranan kəlamla anlaşılan gizli sirlər əyan ola bilməz. Deməli,
mütəfəkkir filosof ilahi həqiqəti anlamağın yolunu islami
dəyərlərdə görür.
Onu da deyək ki, hürufilik şiəliyin bir qolu kimi nəşət tap-
mışdı və ondan ayrılmışdı. Hürufilər imamətə böyük önəm
verir və birinci imam Əlini ilahi varlığın yer üzündəki təzahürü
hesab edirdilər. Əli İbn Əbutalibi müqəddəsləşdirmək və
imamətə bağlılıq hürufiliyə şiə xarakteri aşılayırdı. Hətta
hürufilər 12 imamdan 11-ni qəbul edir, şiələrin qeyb olduğunu,
nə vaxtsa qayıdıb zühur edəcəyini və yer üzündə şərin kökünü
kəsəcəyini güman etdikləri 12-ci imamın (Mehdiyi-sahibi-əz-
zaman) əvəzində isə Fəzlullahı görürdülər. Yəni Fəzlullah 12-ci
imam, insan surətindəki Tanrı, canlı Allah və xilaskardır. O,
yer üzünü şərdən xilas üçün zühur etmişdir.
Nəimi başqa-başqa əsərlərində, xüsusilə də «Cavidan-
namə»də özünü peyğəmbər elan edir və bunu əsaslandırmağa
çalışır. Fəzlullaha və ümumiyyətlə, hürufi inancına görə «küntü
kənzə»nin «sirri-nihan»ı, yəni ilahi aləmin indiyə qədər heç kə-
sə məlum olmayan mübhəm sirləri ilk dəfə məhz Nəimiyə bəlli
olmuş və onun vasitəsilə aşkarlanmışdır. Bir tərcibəndində filo-
sof sənətkar yazır:
İlk dəfə mənə əyan olundu,
68
«Küntü kənzən», bu sirli dastan.
1
Hər kəs 28 və 32-nin sirrini anlaya bilsə, yəni hürufi elm
və hikmətindən xəbərdar olsa, ona həmin ilahi sirləri dərk edib
duymaq səadəti nəsib ola bilər.
Hürufilikdə Allah, hərf (söz-kəlam), insan, maddi varlıq və
4 ünsür münasibətləri bir-biri ilə əlaqəli, tam və bütöv bir vəh-
dət halında götürülür: Hər şey Allahdır
→ hər şey 28 və 32
hərfdir (yəni söz və kəlamdır)
→ hər şey həmin hərflərin
sirrinə vaqif olan insandır
→ hər şey maddi varlığın əsasını
təşkil edən 4 ünsürdür. Hürufilər əzəli və əbədi olan ilkin
zatın (xaliq) təcəllisindən zühur edən varlığın yaradılış
nizamını bu sistemdə qəbul edirdilər: Allah
→ söz → kainat
→ insan.
Hürufiliyin müəssisi belə hesab edirdi ki, Allah hər yerdə-
dir, bütün əşyaların mahiyyətindədir, bütün xilqətin canındadır,
hər qətrədə, hər zərrədidir:
Piri-müğana döndü inan zahidi şəhrin,
Vaxta ki, ləlin şövqi xarabatdan ucaldı.
Arif nəzərində sənin eşqindəki qüdrət,
Yüz şəklidə, yüz rəngdə səmavatdan ucaldı.
Hər kəsdə ilahi sifəti çilvəgər olmaz,
Bu eşqi-səfa ülvi məhəbbətdən ucaldı.
Hər qətrədə, hər zərrədə etdinsə təcəlla,
Ol dəmdə ənəlah səsi zərratdan ucaldı.
Ta getdi Nəimi yenidən bir də xəyala,
Eşqin sənin ol odlu xəyalatdan ucaldı.
1
Burada və sonra F.Nəiminin əsərlərindən verilən bədii-poetik
tərcümə nümunələri üçün bax: «Azərbaycan» jur., № 8, 1973,
səh.65-72. Nəiminin həmin şeirlərini fars dilindən azərbaycancaya
B.Azəroğlu çevirmişdir
.
69
Göründüyü kimi, «vəhdəti-vücud » nəzəriyyəsinə münasi-
bətdə hürufilərin baxışları sufilərinki ilə üst-üstə düşür. Hürufi-
likdə də ilkin, yeganə, əzəli və əbədi substansiya kimi vahid
varlıq olan Allah qəbul edilir. Var olan yeganə məbud Allahdır.
Əslində varlıqda Tanrı zatından başqa heç nə mövcud
deyil. Bütün mövcud olan mənəvi və maddi varlıqlar Tanrı
zatının müxtəlif ölçü, görünüş və rənglərdəki təzahüründən
başqa bir şey deyil. Nəimi bir hədisə isnadən həmin fikri belə
ifadə edir:
«Yox tanrıdan özgə» - söylədik biz
Çün mərifət əhli insanıq biz.
Xaliqlə məxluq, yaradanla yaradılan mahiyyət etibarilə
vahid və eyni substansiyadır. Nəsimi də:
Mən gənci-nihani, küntə-kənzəm,
Mən gənci-nihan, nihan mənəm mən. –
dedikdə məhz bunu nəzərdə tuturdu.
Lakin hərf və sözə münasibətdə hürufilərin görüşləri təsəv-
vüf ideoloqlarının inancından fərqlənir. Belə ki, Quran ayələ-
rində dəfələrlə deyildiyi kimi, dünya Allah-taalanın «kon»
(«ol») əmrindən yaranıb. Hürufilərə görə madam ki, dünya
sözdən yaranıb, söz isə hərflərdən ibarətdir, deməli, varlığın
əsasında dayanan da söz və hərflərdir. Söz və hərf
müqəddəsdir. Təsəvvüf düşüncəsində isə bu, bir konsepsiya və
bütöv prinsip kimi mövcud deyil. Bununla belə, varlığın eşqdən
yaranması, Xaliqin dünyanı sevərək xəlq etməsi sufizmdə
olduğu kimi, F.Nəimi tərəfindən də qəbul edilir:
Eşqə məkan oldu eylə ki can,
«Kün» əmrini eşq bildi insan.
Dünya üzü döndü çil-çırağa,
Gün çıxdı buludlar arxasından.
70
Tohididür eşqə əsl məna,
Zülmətdədür ancaq abi-heyran.
...Eşq mənidir, kainatsa şadlıq,
Dünya da bu mənidən doğandır.
Nəimi Allah, hərf (söz-kəlam), insan və 4 ünsürdən ibarət
maddi varlığı eyniləşdirir və qeyd edir ki,
«torpaq hərfdir»,
«hərf və kəlmə insandan ayrılmazdır», «ruh və hərf hər ikisi
eynidir», «hər şeyin adında 32 vardır», «söz istər etiqad-
sızların, istərsə də peyğəmbərlərin, övliyaların yeganə
həqiqətidir». Hərfi hər şeyin əsası hesab edən Nəimiyə görə
bütün əşyalar hərflərin təzahürüdür: «Əgər kəlməni cismin
varlığından ayırsaq, onun vücudu olmaz». «Söz olmasaydı,
Allah-taalanı tanımaq mümkün olmazdı». Allahdan başlayaraq
nəğmə oxuyan quşa qədər hər şeydə hərflərin sirri və təzahürü
vardır. 28 və 32-nin sirrini bilməyən haqq yolçusu kəlmeyi-
şəhadətdəki «Allahdan başqa Allah yoxdur» («lailahə illəlləh»)
kəlamının hikmətini anlaya və bütün əşyalarda Haqqı görə
bilməz. Bütün elmlər bir nöqtədə birləşir, həmin nöqtə isə 28 və
32 hərfdən yaranan elmdir.
İnsana münasibətdə hürufilərin özünəməxsus mövqeyi var-
dır. Onlardakı insan konsepsiyası başqa dini-fəlsəfi təriqət və
cərəyanlardan fərqlənir.
F.Nəimi əvvəlki əsərlərində də irəli sürdüyü belə bir kon-
sepsiyanı «Cavidannamə»də qəti olaraq yekunlaşdırır: «Həme
əşya vücude-adəməst».
1
(«Bütün cismlərin vücudu insandır»).
«Hərgah ke adəm bər surəte-Xoda bu çun xubu (Madam ki,
Adəm Allah surətindədir, deməli o, onun özüdür»). «Həme əşya
yek vücud adəm bu» («Bütün cismlərin vücudu insandır»).
Fəzlullah cismləri yalnız insanın özü ilə deyil, onun nitqi
ilə də eyniləşdirirdi: «Həme əşya nitqe-adəm bu» («Bütün
1
Nəiminin əsərlərindən fars dilində sitatlar aşağıdakı mənbə
əsasında verilir
:
З.Кулузаде. Хурифзм и его представители в
Азербайджане. Б., «Элм», 1970, стр.96-146