47
Onu da qeyd etmək lazım gəlir ki, təsəvvüf şeyxləri heç də
məhəbbət və eşqi eyni şey hesab etmirlər. Bir qayda olaraq,
irfan sahibləri eşqi məhəbbətin daha şiddətli dərəsi kimi dəyər-
ləndirirlər. Adətən eşq közün özünə, məhəbbət isə közün işı-
ğına bənzədilir. Yəni eşq atəş, məhəbbət isə onun nurudur.
Buna görə də eşq daha çox yandırıb yaxır. Onun hərarəti daha
ziyadədir.
Ancaq eşq və sevgi nə qədər əzəmətli duyğu, möhtəşəm
hiss olsa da, bir o qədər də cəfaverici xislətə malikdir. Buna gö-
rə təsəvvüfdə «eşq müşkülü», «bəlayi-eşq» adlanan ayrıca bir
anlayış hakimdir. Orta əsr klassiklərimizin çox tez-tez bədii
dillə «eşq müşkülü»ndən və «bəlayi-eşq»dən şikayət
etmələrinin səbəbi də budur. Belə ki, eşq işi ilk öncə asan və
cazibədar görünür. Lakin elə ki, bu dərdə mübtəla oldun onun
müşkülləri ortalığa çıxır. Eşq və məhəbbətin çətin, ağır,
əzabverici bir hiss olduğu bəlli olur. Vəhdəti-vücud fəlsəfəsinə
görə vəhdət aləmindən ayrılıb kəsrətə düşən zərrənin «şəbi-
hicran» günləri başlayır. Öz əslindən ayrılan zərrə «şəbi-
hicran»ın zülmət və qaranlığında vücudü-küllün sevgisi ilə
əzab çəkir. Bu sevgi artdıqca cəfa da artır. Əslində isə eşq
yolunda daha çox əzab çəkmək bəndənin Haqqa olan sevgisinin
böyüklüyünə dəlalət edir. Füzulinin Məcnunun dili ilə ifadə
etdiyi kimi insan «bəlayi-eşq ilə» nə qədər çox «aşina» olursa,
nə qədər çox məşəqqət və qovğa çəkirsə, vücudi-mütləq
qarşısında öz eşqinin böyüklüyünü, məhəbbətdə sabitqədəm və
sədaqətli olduğunu bir o qədər çox isbata yetirmiş olur.
Vəhdəti-vücud fəlsəfəsinə görə əslində eşq, aşiq və mə-
şuq, məhəbbət, həbib və məhbub, sevgi, sevən və
sevilən ma-
hiyyətdə eynidir. Sadəcə olaraq təzahürlər fərqlidir. Həm də
müşkül iş olan eşqin həqiqətini hər kəs anlaya, cəfasını hər
kimsə çəkə bilməz. Onun zövq və səfasını ancaq eşq zövqü
olanlar, cəfasını isə həqiqi əzabkeşlər və sadiq bəndələr çəkə
bilər.
48
Eşq eyni zamanda hüsnlə, yəni həqiqi gözəlliklə bağlıdır.
Bunlar biri digərini tamamlayır.
Biri olmadan digərinin aşkar
olması mümkün deyil, biri olmadan digərinin qiymət və
dəyərini anlamaq olmaz:
Eşq olmasaydı, olmaz idi hüsn müştəhir,
Hüsn olmasaydı, eşq itirmişdi şöhrətin.
Füzuli
Eşqi zahir edən hüsn, hüsnün dəyərini bildirən eşqdir.
Eşq ağıl və elmdən daha yüksəkdir. Ağıl və elmlə ancaq
maddi dünyanı və ona aid bilikləri kəsb etmək, anlamaq olar.
Əvvəlcə də dediyimiz kimi, bunlar ilahi həqiqətləri anlamaq
üçün kifayət etmir. Həmin həqiqəti dərk etmək və ona çatmaq
yalnız eşqin yardımı ilə mümkündür.
Təsəvvüf və irfan düşüncəsində son və başlıca məqsəd
kamil insan problemidir. Əvvəlcə də dediyimiz kimi, insan ən
şərəfli xilqət, Allahın yer üzündəki varisi, xəlifəsidir. Quranın
«Fatir» surəsində deyildiyi kimi: «Sizi yer üzünün varisləri
edən (bir-birinin yerinə gətirən) Odur» (ayə 39). Varlıq da
insana xatır yaradılmış, insanın timsalında Tanrı onu görəcək
gözlər və tanıyacaq qəlblər xəlq etmişdir. Deməli, əslində,
«nüsxeyi-səğir» olan, cövhəri mənadan ibarət, lakin müvəqqəti
olaraq surətə gəlmiş insanın əsas məqsədi yer üzündə Haqqa
yönəlmək, onun sevgisi ilə yaşamaq, nəfs adlı şeytanın, əğyarın
fitnəsinə uymamaq, vacibdən başqa bütün masivanı, hətta öz
cismani varlığını da unutmaqdır. İlahi əxlaqla əxlaqlanmaq,
mənəvi saflıq, ruhani kamillik sufizm etiqadında başlıca qayə-
dir. Təbii ki, belə bir insan dünyanın hər cür şər və bədxah
əməlindən uzaqlaşıb, ancaq xeyir və nəcib əməllər
mücəssəməsinə çevrilir.
Təsəvvüf ideoloqları insanları dini, irqi, milli, cinsi və s.
mənsubiyyətlərinə görə fərqləndirib bu əlamətlərə əsasən birini
digərindən üstün hesab etmir. Kəbə ilə kilsə, məscidlə bütxanə,
49
müsəlmanla xristian həqiqət əhlinin nəzərində mahiyyətcə eyni,
bir-birindən fərqi olmayan varlıqlar sayılır:
Kəbəvü deyr nədir, qeyr nədir, seyr nədir?
Məscidü bütkədəvü xirqəvü zünnar nədir?
Nəsimi
İrfan əhlinin baxış və qənaəti belədir:
Ayrı bilmişsən, Füzuli, məscidi meyxanədən,
Səhv imiş ol kim, səni biz əhli-irfan bilmişiz.
Füzuli
Ey Füzuli, sən məscidlə meyxanəni (küfr məkanı sayılan,
şərab içilən yeri) bir-birindən ayırırsan. Bu səhv bir yoldur.
Halbuki biz səni mərifət sahibi, əhli-irfan hesab edirdik! Bu ali
təsəvvüf düşüncəsində əsas inam və prinsipdir.
Təsəvvüf və irfanda insanlar bir-birlərindən yalnız cahilli-
yinə və
kamilliyinə, Haqqamı və ya maddi dünyayamı
bağlılıqlarına, Haqqınmı və ya nəfsinmi (şeytanınmı) qulu
olduqlarına görə fərqlənirlər.
İlahi varlıqdan ayrılıq – hicran dərdi və Haqqa qovuşmaq
– vüsal həsrəti təsəvvüf fəlsəfəsində xüsusi populyarlıq kəsb
edən məsələlərdən biridir. Aşiq, bəndə, salik surət aləmində
daim «şəbi-hicran»ın əzablarını yaşayır, öz məşuqundan ayrıl-
dığına görə möhnət və iztiraba düçar olur, ağır və müztərib hal-
lar keçirir, göz yaşı tökür. Lakin Allah – məşuq, yar aşiqə qarşı
laqeyd və soyuqqanlıdır. Bir tərəfdən, əğyar (nəfs) vüsal yolun-
da maneədirsə, digər tərəfdən də məşuqun etinasızlığı aşiqə
əzab və dərd verir. Məşuq isə öz təmkini və laqeydliyi ilə aşiqin
eşqdəki səbr və səbatını yoxlamaq, vüsal uğrundakı iradə və cə-
fakeşliyini sınamaq niyyətindədir. Bədii ədəbiyyat üçün bol
material verən bu mövzu orta əsrlərdəki təriqət meylli sənətkar-
larımızın yaradıcılığında geniş şəkildə öz obrazlı əksini tapmış-
50
dır. Salik, bəndə və arif üçün ən böyük sevinc də vüsal sevin-
cidir.
Hər bir həqiqi sufi kamillik yolunda hicran, möhnət əzabını
və vüsal həsrətinin iztirablarını yaşamalıdır. Ümumiyyətlə, ka-
millik yolu uzun, məşəqqətli və çətin bir yoldur.
Təsəvvüfdə rəmzlər və simvolik yozumlar. Sufizmdə rəmzi
ifadələrin və simvolik yozumların böyük rolu vardır. Burada bir
sıra rəmzi anlayışlar vardır ki, onlar özünəməxsus mənalarda,
başqa sözlə, öz həqiqi mənasından fərqli anlamda işlədilir.
Buna görə də dini-fəlsəfi cərəyan olan sufizmin məxsusi
simvolik dili olduğu tez-tez nəzərə çatdırılır. Həmin dil obrazlı
şəkildə «quş dili» («məntiqüt-teyr») adlandırılır. Deyilən
mətləbi Nəsimi bir qəzəlində bu cür vurğulayır:
Hər kimsə Nəsimi sözünü kəşf edə bilməz,
Bu quş dilidir, anı Süleyman bilir ancaq.
Təsəvvüfdəki rəmzi anlayışları, onun «quş dili»ni bilmədən
təsəvvüfün əsas ideyalarını, məram və şərhlərini, elmi-fəlsəfi
mahiyyətini də dürüst şəkildə anlamaq mümkün deyil.
Dini-təsəvvüfi ədəbiyyatlarda varlığın başlanğıcı məbdə,
sonu isə məad adlanır. İnsan da bir xilqət kimi məbdədən gəlib
müvəqqəti olaraq maddi aləmdə qərarlaşır və sonra məada-son
qayıdış məkanına dönür.
İnsan surət aləmindəki yaşayış prosesində mənəvi-əxlaqi
kamilləşmə və Haqqa doğru yüksəliş yolunda bir sıra məqam
və hallardan keçir. Bunlar hər ikisi yüksəliş yolunun pillələri
olsa da, heç də eyni şey deyildir. Məqam Haqq yolçusunun
əməli fəaliyyyət, təcrübə və sınaqlar vasitəsilə tədricən qazan-
dığı mənəvi-əxlaqi və psixoloji vərdişlər sistemidir. Məqam
mürid və salikin şəxsi iradəsi, çalışma və səyi ilə qazanılır, yəni
məkasibdir (kəsb ediləndir). Məqam davamlı və uzunmüddət-
lidir. Hal isə ilahi vəcd (ekstaz) və ilham yolu ilə əldə edilən,
salik və arifin qəlbinə müəyyən an çərçivəsində nazil olan