31
Hər qətrədə, hər zərrədə tapdınsa təcəlla,
Ol dəmdə «ənəllah» səsi zərrətdən ucaldı.
F.Nəimi
Vəhdəti-vücud təlimində ilahi varlıq vacib aləm hesab
olunursa, maddi varlıq da
mümkün aləm, imkani varlıq, çüzv
aləmi adlandırılır.
Bu aləm əbədi deyil, onun mövcudluğu
mümkün ola da, olmaya da bilər. Eyni zamanda Haqqın mütləq
varlıq aləminə tək və bütöv vücud olduğu üçün vəhdət aləmi,
maddi aləmə isə çoxlu sayda əşya və cismləri əhatə etdiyi üçün
kəsrət (çoxluq) aləmi deyilir.
Beləliklə, həqiqət birdir. Lakin onun iki tərəfi vardır: batini
və zahiri. Batini tərəf Haqqın özü, zahiri tərəf isə maddi aləm-
dir. Bütün maddi aləm, mümkün varlıqlar, sonsuz sayda cism
və əşyalar, rəng və surətlər isə vacibi – Tanrını tanımaq
üçündür. Hər zərrəsində ilahinin bir nişanəsi, feyzi olan cism və
hadisələrin özü Haqqın varlığını sübut edən dəlillərdir. Bir
sözlə, vahid və tək olan həqiqətin özü: müəssir və əsər, yaradan
və yaradılan, xaliq və xilqət olmaqla ikili quruma malikdir.
Ancaq mahiyyətdə müəssirlə onun yaratdığı əsər (kainat)
eynidir. Əsərin təcəlli və təzahürü isə yalnız müəssirin sübutu
naminə onun öz iradəsi ilə onun öz zatından qopmuş zərrələrdir
ki, sonda Haqqın özünə qayıdır.
Təsəvvüfçülərə görə bütün masiva Haqq zatının təcəllisi
olduğundan varlıqda hansı səmtə baxsanız Allahı görərsiniz,
kainatdakı hər bir cism və mövcudluqda Haqqın nişanəsi və zü-
huru vardır. Quranın «Əl-Bəqərə» surəsində də Allahın hər tə-
rəfdə mövcud olduğu xüsusi olaraq vurğulanır: «Şərq də, Qərb
də Allahındır. Hansı tərəfə yönəlsəniz (üz tutsanız) Allah orda-
dır» («Əl-Bəqərə», ayə 115). İ.Nəsimidə deyilən fikir bu
şəkildə ifadə olunur:
Hər yanə kim dönər üzüm, yarı görər anda gözüm,
Çün bu qəmindən qəm yedim, şadani məsrur olmuşam.
32
Burada «yar» dedikdə, təbii ki, Allah nəzərdə tutulur. Tə-
səvvüf və irfanda insan da vəhdət xəzinəsindən ayrılıb kəsrət
aləminə düşmüş zərrə hesab olunur. Yəni bəşər övladı da tək
vücuddan qopmuş, surət və rəngə gəlmiş ilahi varlığın təcəlli
nuru olan hissədir.
Mən gənci-nihani, küntə kənzəm,
Mən gənci-nihan, nihan mənəm mən!
Mən zatü sifati-kün fəkanəm,
Mən ruh ilə can, can mənəm mən!
Nəsimi bu qəzəlində demək istəyir ki, insan «gizli xəzi-
nə»dir («gənci-nihan» farsca, «küntə kənzə» ərəbcə). Həm zat,
həm sifət (surət, cism), həm «ol» deyən («kon», «kün»), həm
də olan («fəkanə»), yaranandır. Buradakı «küntə-kənzə» ifadəsi
Qurandan götürülmüşdür ki, orada Allah «gizli bir xəzinə» ad-
landırılır və bu ifadə bir neçə yerdə təkrarlanır.
Tək vücud olan Tanrı zatı gizlin, sirli və dərkolunmazdır.
Haqqı Haqqın özündən başqa heç nə dərk edə bilməz, çünki ya-
radılmış hər şeydə əskiklik və nöqsan vardır. Nöqsansız olan
isə yalnız Tanrı zatıdır. Özünü sifətlər, surətlər şəklində təzahür
etdirən Haqq özü əslində gizli qalıb sirr pərdəsinin arxasında
anlaşılmazdır. Füzuli məhz bunu nəzərdə tutaraq izhar edirdi ki,
onu bilmək yetər ki, Haqqı bilmək olmaz:
Ol pərdəyə kimsə rah bulmaz,
Təhqiq bil, ani bilmək olmaz.
Gər yetsə idi bu sirrə idrak,
Deməzdi rəsul: «Maərəfnak».
Burada həm də Məhəmməd (s.) peyğəmbərin dili ilə deyi-
lən bir hədisi-qüdsə işarə vardır. Peyğəmbər Haqqın dərk olun-
33
mazlığı barədə demişdir: «Biz səni yetərincə tanımadıq» («Ma-
ərəfnakə həqqə mərifətikə»).
Vəhdəti-vücud təlimində dövri hərəkət anlayışı da mühüm
əhəmiyyət kəsb edir. Həmin anlayış və inanca görə vücudi-
külldən ayrılan hər bir zərrə-cüzv çeşidli qeybi və maddi yollar-
dan keçərək yenidən əslinə – vücudi-küllə qayıdıb ona qovu-
şur. Başqa sözlə, Haqqın gizli və sirli zatı ilkin təcəlli göstərir.
Bu təcəlli ilə də yaradılış dövrəsinin ilkin zühuru başlanır.
Allah zatından sonsuz sayda nurlar ayrılır ki, ona ruh deyirik.
Həmin nurlar ilahi varlıqdan – lahut aləmindən maddi aləmə
doğru eniş yoluna başlayırlar ki, buna təsəvvüfdə «qövsi-nü-
zul» –
«eniş qövsi» deyilir. Aləmi-lahutdan ayrılan nurlar
əvvəl Cəbərut aləminə enir, oradan da Mələkut aləminə keçir
ki, bu ruhlar aləmi də adlandırılır. Həmin nurlar Misal və ya
Şəkil aləmində qərarlaşır. Qeybi aləm olan Misal aləmində
nurlar sonsuz sayda şəkil və sifətlərdə təzahür edir. Lakin bu
şəkil və sifətlər cismani deyil, xəyalidir. Əslində bura Tanrının
adlar və sifətlər aləmidir. Buradkı nəhayətsiz sayda varlıqlar
insanın yuxuda gördüyü mövcudluqlar kimidir. Yəni onlar
mövcuddur, ancaq fiziki xassəyə, cismani vücuda malik
deyillər. Onlar xəyali və şəffaf şəkildədirlər, yəni cismə və
rəngə malik deyillər. Əslində bu, gözəlliklər aləmidir. Başqa
sözlə, Tanrı gözəlliyinin müxtəlif xəyali təzahürləri burada
cəmlənmişdir.
İlahi zatdan qopmuş nur üçün bu Aləm gözəl olsa da, onda
vücud sevgisi vardır. Həmin sevgi ona ilkin yaradılış zamanı
verilmişdir. Ona görə də nur vücudla qovuşmağa can atır. Eniş
yo-lunu davam etdirir. Doqquz fələkdən keçib maddi aləmə
çatır. Burada istilik, soyuqluq, quruluq və nəmliklə üzləşir.
Sonra dörd ünsürlə qovuşur. O yerdə ki, dörd ünsür (hava, od,
su, torpaq) var, deməli, orda maddi həyat var. İlahi nur maddi
aləmdə üç mövlud – cansız varlıq, bitki (nəbatat), heyvanat və
nəhayət, insanla qovuşur. Yəni vücuda daxil olur. Surət, forma
və rənglə tanınır. Beləliklə də, «qövsu-nuzul» başa çatır.
34
Vücudda qərarlaşmış nurda Allah sevgisi yaranır. Vücud
sevgisi Haqq sevgisi ilə əvəzlənir və o, öz əslinə qayıtmaq
arzusuna düşür. Çünki vücudun özü keçici, ötəri olduğundan
vücud sevgisi də ötəridir.
Burada bir cəhəti də qeyd etmək lazımdır. Vücuda girən
nur maddi aləmdəki başqa cismlərdə olan nur və gözəllikləri
görür, onlara qarşı bir sevgi və cazibə hiss edir. Ancaq
bunların nə olduğunu və batini həqiqətini anlamır. Belə bir an-
lamı və bəsirəti qazanmaq üçün ruha maddi sevgini, dünya
həvəslərini, masiva qayğısını atması və yalnız Haqq sevgisini
tutması lazımdır. Belə olduqda ilahi nurun – ruhun yenidən
yüksəlişi – «qövsi-üruc» başlanır. Əgər bəşəri həvəslər tama-
milə atılırsa, insan öz varlığında Haqq nurundan başqa hər şeyi
unudursa, yalnız pak əxlaqi-mənəvi dəyərləri qəbul edib nəfsi
həyatla və natamam əxlaqi-mənəvi düşüncə ilə əlaqəni kəsirsə,
fənaya uğrayır
. Yəni öz ruhunu Allaha qovuşdurur. Buna
təsəvvüfdə fəna-fillah deyilir. Fəna-fillah öz cismani vücudu-
nu və maddi həyatı unudub ruhunu ilahi varlıqda yox etməkdir.
İnsan varlığındakı ilahi «mən»in Haqqa qovuşub onda yox
olmasıdır.
Bundan sonra isə bəqa (əbədiyyət) mərhələsi gəlir ki, buna
bəqabillah deyilir.
Bəqabillah fənaya uğramış ruhun ilahi var-
lıqda əbədiləşməsi, onunla daim var olmasıdır. Bəqa-billahla
«qövsi-uruc» - «yüksəliş qövsü» başa çatır və təsəvvüf və irfan
düşüncəsindəki dövri hərəkət tamamlanır.
Fənanın, bir qayda olaraq, insan cismən öldükdən sonra
baş verdiyi qəbul edilir. Amma B.Bistami, H.Mənsur, C.Rumi,
Ə.Yəsəvi və s. kimi müstəsna şəxsiyyətlərin hələ sağ ikən fəna-
ya uğradıqları düşünülür. B.Bistaminin belə bir sözü
məşhurdur: «Mən Bəyazidlikdən bir ilan öz qabığından çıxdığı
kimi çıxdım. Sonra baxdım və gördüm ki, sevən, sevilən və
sevgi birdir». Yəni varlıqda vücudü-mutləqdən başqa heç nə
yoxdur.