116
bir dirçəliş hiss olunur. Buna səbəb kitabxana
işinə dair bir çox qərar, qanun,
təlimatların qəbulu və kitabxana işçilərinin əmək haqqlarının artırılması idi.
Ümumiyyətlə, hər bir Mərkəzləşdirilmiş Kitabxana Sisteminin təşkili və
fəaliyyəti aşağıdakı dövlət sənədlər ilə tənzimlənir:
1. Dövlət kütləvi kitabxanalarının mərkəzləşdirilməsi haqqında Əsasnamə;
2. Mədəniyyət orqanlarının əmr və sərəncamları;
3. Metodiki mərkəzlərin tövsiyələri;
4. MK, MUK və kitabxana-filiallar haqqında Əsasnamə;
5. MKS işçilərinin vəzifə təlimatları;
6. Kitabxanadan istifadə qaydaları;
7. Daxili əmək intizamı qaydaları;
8. Əsas texnoloji proseslərin təşkili üzrə təlimatlar.
Məhz bu dövrdə Mərkəzləşdirilmiş Kitabxana Sistemində biblioqrafik
informasiya xidməti daha geniş miqyasda həyata keçirilirdi. Hər bir mərkəzi
kitabxana vahid fonda daxil olan yeni ədəbiyyatın
bülletenlərini nəşr edir, öz
ərazisində yerləşən idarə və müəssisələrə, filial-kitabxanalara göndərirdi. Bu
illərdə Xətai rayon Mərkəzləşdirilmiş Kitabxana Sisteminin S.Vurğun adına
mərkəzi kitabxanası hər ay vahid fonda daxil olan ədəbiyyatın məlumat
bülletenlərini nəşr etdirib müvafiq idarə, müəssisə məktəb və filial
kitabxanalara göndərirdi. Bu proses 1988-ci ilə qədər davam etmişdir (9).
MKS-lərdə biblioqrafik fəaliyyətin inkişafı müstəqillik illərində daha
intensiv olmuşdur. Belə ki, bu dövrdə MKS-də yeni
informasiya
texnologiyalarının tətbiqi onların bazasında elektron-informasiya
mərkəzlərinin yaradılması işinə başlanmışdır.
1998-ci ildə Milli Məclis ölkəmizin tarixində ilk dəfə olaraq «Kitabxana işi
haqqında» Azərbaycan Respublikasının Qanununu qəbul etdi (5). Bu qanun
ölkəmizdə kitabxana işi sahəsində dövlət siyasətinin əsasıdır. Professor
A.Xələfovun yazdığı kimi, «Bu qanun Azərbaycanda kitabxana işinə dövlət
münasibətinin, dövlət qayğısının və dövlət siyasətinin əsası, onun məhək
daşıdır kitabxana işinin qorunub saxlanılması və inkişafının hüquqi bazasıdır»
(3).
Bu qanundan sonra MKS-lər də öz inkişafının
yeni mərhələsinə qədəm
qoymuşdur.
Müasir dövrdə MKS-lərin əsas vəzifələrindən biri onlarda informasiya
texnologiyalarının inkişafı tutur. Çünki, müasir informasiya texnologiyasının
biblioqrafik proseslərə
tətbiqi olmadan cəmiyyətin
informasiyalaşdırılmasından danışmaq qeyri-mümkündür. MKS-lər
cəmiyyətin informasiya təminatında iştirak etməklə dövlətimizin bütün
sahələrdə apardığı siyasətin müvəffəqiyyətlə
yerinə yetirilməsində əsas
müəssisələrdən biridir.
117
Məlumdur ki, biblioqrafiya insanlar arasındakı informasiya münasibətlərini
tənzimləyən
əlaqə vasitəsidir. Bu mənada cəmiyyətimizin
informasialaşdırılmasında kitabxanalarda aparılan bibiloqrafik xidmətin
əhəmiyyəti əvəzolunmazdır. Çünki, informasiya tələbatçılarının biblioqrafik
təminatı məhz kitabxanada aparılan biblioqrafik informasiya və soraq-
biblioqrafiya xidməti zamanı ödənilir.
Hər bir MKS-də biblioqrafik
informasiya xidməti elə təşkil edilməlidir ki, tələbatçı ona lazım olan
informasiyanı tam və dolğun əldə edə bilsin. Bunun üçün isə ənənəvi
bibiloqrafik xidmət vasitələrindən əlavə müasir texnologiyadan da istifadə
etmək lazımdır.
Ölkəmizdə kənd təsərrüfatı və sənaye müəssisələrinin çoxu elmi və elmi-
texniki kitabxanalar yerləşən mərkəzdən, ərazi məlumat orqanlarından uzaq
olduqları bir vaxtda adları çəkilən müəssisələrin biblioqrafik təminatında
MKS-lərin rolu və əhəmiyyəti inkaredilməzdir. Aydındır ki,
MKS-lər ancaq öz
fondlarına əsaslanaraq yüksək ixtisaslı mütəxəssislərin biblioqrafik
təminatını ödəmək iqtidarında deyillər. Ona görə də MKS-lər mütəxəssislərin
biblioqrafik informasiya tələbatlarının ödənilməsində yüksək səviyyəli
kitabxanaların informasiya ehtiyatlarından, ərazi məlumat orqanlarının
xidmətlərindən geniş şəkildə istifadə edirlər. Beləliklə də, ərazi və sahəvi
məlumat orqanlarının olmasına baxmayaraq xalq təsərrüfatı mütəxəssisləri
MKS-in iştirakı olmadan kitabxana-biblioqrafiya xidməti ilə əhatə oluna
bilməz. Artıq bu gün MKS-lər ayrılıqda deyil, bir-biri ilə əlaqədar,
bir-birini
tamamlayan vahid sistem kimi fəaliyyət göstərir.
Kompüter texnologiyasının biblioqrafik proseslərə tətbiqi, İnternet
əlaqələrinin genişlənməsi, elektron informasiya daşıyıcılarının ildən-ilə artması
MKS-lərdə də bu işlə məşğul olacaq xüsusi şöbənin açılması zərurətini
yaradır. Bunun üçün isə birinci növbədə maddi-texniki baza və həmin
texnologiya ilə işləməyi bacaran mütəxəssislər olmalıdır. Onu da qeyd etmək
lazımdır ki, artıq bu gün bir çox rayon MKS-də Regional İnformasiya
Mərkəzləri yaradılmışdır. Nümunə olaraq Xaçmaz rayon MKS-də 2005-ci
ildən fəaliyyət göstərən Regional Kitabxana. Məlumat Mərkəzini göstərmək
olar. Bu şöbədə 5 ədəd
kompüter, 1 printer və İnternetə çıxış var. Son 2 il
ərzində Mərkəzdən 1170 nəfər istifadə etmişdir. (8).
Təəssüflə qeyd etmək lazımdır ki, bunu bütün kitabxana sistemləri haqqında
demək olmaz.
Bütün tip kitabxanalarda olduğu kimi MKS-lərdə də soraq biblioqrafiya
aparatı (SBA) biblioqrafik fəaliyyətin əsas bazası hesab edilir. SBA-nın əsas
məqsədi kitabxana fondunu tam əks etdirməkdən ibarətdir. Onun ayrı-ayrı
tərkib hissələri qarşılıqlı əlaqədə olmalı və bir-birini tamamlamalıdırlar. SBA-
nın tərkib və məzmununa kitabxananın xidmət göstərdiyi rayonun profili və
onun oxucu kontingentinə təsir göstərir. SBA-nın optimal təşkili, onun elmi