123
alınmışdır. Müəllif haqqında
bioqrafik məlumatdan sonra, onun əsərləri
haqqında məlumat əks olunmuş, bir çox kitabların məzmunu açılmış, bəzən
onlardan şeirlər, kəlamlar verilmişdir. Ən-Nədim kitabın müxtəlif variantları,
ölçüsü, səhifələrin miqdarı, sətirlərin sayı haqqında məlumat verməklə
yanaşı, bəzi hallarla illüstrasiyalar haqqında da məlumatı əks etdirir.
«Fihrist» də kitabların qiyməti nadir hallarda göstərilir, hansı kitablara daha
böyük tələbat olduğu qeyd olunur.
I. Bioqrafik məlumatların həcmi «Fihrist»in müəllifinin hansı faktlar
əldə
etdiyindən çox asılı idi. Bəzi məqalələr dolğunluğu ilə seçilsə də, bəzilərində
müəyyən bioqrafik faktlara təsadüf edilmir. Tərtibçi bu halda qeyd edir ki,
müəllifin həyatı barədə məlumat yoxdur və onun kitablarının adlarını
sadalamaqla kifayətlənir. Bəzi müəlliflər haqqında isə o, aşağıdakı
qeydləri verir: «Onun heç bir kitabı da məlum deyil. Lakin sözlərini,
kəlamlarını hələ də xatırlayırlar».
Ayrı-ayrı ədiblərin əsərlərinin siyahısı göstərildiyi halda, bəzilərinin yalnız
kitablarının sayı qeyd olunur. Müəyyən qisim müəllifləri ehtiram əlaməti
olaraq onların əsərləri mövzular üzrə qruplaşdırılmışdır. Məsələn, fəlsəfə,
məntiq, hesab və s.
Əgər hər hansı bir əsərin iki variantı (tam və qısa) mövcuddursa, əvvəlcə
birincisi göstərilir.
Bu onunla izah olunur ki, bəzən ixtisar olunmuş variant
digərinə nisbətən daha geniş yayılmışdır. Yunan, fars və digər dillərdən
tərcümə edilmiş əsərlərin siyahıları da böyük üstünlük təşkil edir. Bu
zaman tərcüməçinin daha hansı əsərləri tərcümə etdiyi və sifarişçinin kim
olduğu da göstərilir. Eyni zamanda şərikli müəlliflər haqqında da məlumat
verilmiş, yaxud hansı müəllifin əsəri başlaması, hansının isə sona
çatdırılması qeyd olunmuşdur. Bəzən belə faktlara da təsadüf olunur ki, kitab
müəyyən müəllifin adı ilə bağlı olsa da, onun yaradıcısı tamamilə başqa
adamdır.
Məşhur kitablar haqqında məlumatlar xüsusi əhəmiyyət kəsb edir. Belə
əsərlərin
təsviri, məzmunu, quruluş prinsipi, əhəmiyyəti, tərcümələri haqqında
məlumat, şərh və təkliflər göstərilmiş, kimin üçün yazılması qeyd
olunmuşdur.
«Fihrist» müəllifi kitabların məzmununu açmaq müxtəlif metodlardan
istifadə etmişdir. Daha məşhur kitablar fəsil-fəsil təsvir olunmuş, onlardan
mətnlər, şeirlər, kəlamlar verilmiş, əsərin əhəmiyyəti ön plana çəkilmişdir.
«Fihrist» ərəb kitab mədəniyyətinin öyrənilməsində tükənməz məlumat
mənbəyidir.
Müəllif məlumatın əldə edilməsinin üç əsas üsulunu tətbiq etmişdir:
kitablarla bilavasitə tanışlıq, şifahi məlumatlar və mənbələrdən iqtibaslar.
«Fihrist»də Ən-Nədiminin istifadə etdiyi biorafik
və biblioqrafik əsərlər
barədə də geniş məlumat vardır. Bioqrafik əsərlərin çoxu sahəvi xarakter
124
daşıyır. Burada Platonun, Aristotelin, Qalenin və başqalarının ərəb dilinə
tərcümə olunmuş biobiblioqrafik əsərlərindən geniş istifadə olunmuşdur.
Ən-Nədiminin bu əsəri şəxsi təşəbbüs əsasında yaranmış və sözsüz ki,
nöqsansız da deyildir. Müəllif özü də bəzən məhdud məlumata malik
olduğunu etiraf edir.
Ən-Nədiminin əlyazması yarandıqdan təqribən 200 il sonra, yalnız XIII
əsrdə ərəb alimləri tərəfindən aşkara çıxarılmış və uzun müddət əlyazması
şəklində üzü köçürülərək yayılmışdır. Sonrakı surətlərdə
mətnə əlavələr və
dəyişikliklərin edilməsi onun əhəmiyyətini daha da artırmışdır.
XIII əsrdən başlayaraq bu günə qədər «Fihrist» mütəxəssislər tərəfindən
yüksək qiymətləndirilmiş və o, ərəbşünaslar üçün ən qədim deyil, həm də
ən mükəmməl informasiya mənbəyidir. O, milli biblioqrafiyanın ilk tam
külliyatı idi.
ƏDƏBİYYAT
1. Гудовщикова И.В., Лютова К.В. Общая иностранная
библиография.- М.: Книга, 1978- 224 с.
2. Семеновкер Б.А. Тысячелетие «Фихриста» Ан-Надима// Сов.
Библиография.- 1987.- № 2.- С. 86-89
Г.С. ГАДЖИЕВА
ПРОИЗВЕДЕНИЕ АН-НАДИМА «ФИХРИСТ» КАК
БИБЛИОГРАФИЧЕСКИЙ ИСТОЧНИК
РЕЗЮМЕ
В статье характеризуется произведение Ан-Надима «Фихрист»
который был создан в Х веке. Это произведение имеет больщое
значение и изучение арабской книжной культуры. Он не только
древний, но и важнейщий источник информации.
126
Solmaz SADIQOVA
Biblioqrafiyaşünaslıq kafedrasının baş müəllimi
AZƏRBAYCAN KİTABINA HƏSR OLUNMUŞ BİBLİOQRAFİK
İNFORMASİYA MƏNBƏLƏRİ
XX əsrin sonlarında yenidən öz dövlət müstəqilliyini qazanmış ölkəmizdə
milli dövlət ideyalarının və ənənələrinin möhkəmlənməsində, demokratik
dəyərlərin bərqərar olmasında, beynəlxalq aləmdə Azərbaycanın rolunun və
nüfuzunun güclənməsində mətbuatımızın xidmətləri xüsusi qeyd edilməlidir.
Azərbaycan Respublikası Prezidentinin Azərbaycan elmində islahatların
aparılması ilə bağlı Dövlət Komissiyasının yaradılması haqqında Sərəncamında
deyilir: «Azərbaycanda elmi araşdırmaların həyata keçirilməsinin zəngin
ənənələri vardır. Yüzillər boyu mütəfəkkir sənətşünaslarımız tərəfindən
yaradılan və bədii-estetik düşüncə tariximizin incilərinə çevrilən əsərlərdə
elmi-fəlsəfi fikirlər parlaq təcəssümünü tapmışdır. Dünya elmi fikir tarixinə
görkəmli şəxsiyyətlər bəxş edən Azərbaycanda bütün bu dövrlərdə elm özünün
yüksək səviyyəsi ilə seçilmişdi» (1).
Kitab
mədəni irsin, xalqın mənəvi sərvətinin qiymətli bir hissəsi, siyasi-
ideoloji mübarizənin qüdrətli vasitəsidir. Kitablar bizim müdrik babalarımızın
yadigarı, tarixin canlı şahidləridir. Yazı və dilin, ədəbiyyat və incəsənətin, elm
və texnikanın inkişafı ilə bağlı olan kitabların mənşəyi tarixin çox qədim
dövrlərinə gedib çıxır. Müasir çap kitabının ən qədim sələfləri daş, ağac, gil və
kaşı qablar, bürünc, sümük və s. materiallar üzərində yazılmış müxtəlif
mətnlərdir. Əlbəttə, kitab sənətinin müasir səviyyəyə çatanadək keçdiyi yolu
bütün ölkələr eyni vaxtda qət etməmişdir. Orta və Yaxın Şərq xalqları öz
qədim yaxın mədəniyyətlərini əlyazma kitabları vasitəsi ilə inkişaf
etdirərək,
ağır və keşməkeşli bir yol keçdikdən sonra kitab çapına başlaya bilmişdir.
Milli mədəniyyətimizin zəngin xəzinəsi olan «Azərbaycan kitabı» ən dəyərli
sərvətlərimizdən hesab olunur. Azərbaycanın müstəqil bir dövlət kimi
inkişafında elm, təhsil və mədəniyyətin inkişaf etdirilməsində kitabın rolu
əvəzolunmazdır. Milli Azərbaycan kitabının ümumi retrospektiv biblioqrafik
repertuarının yaradılması probleminin həlli iki elmi və təcrübi əhəmiyyətli iş
üçün çox böyük kömək ola bilər. Bunlardan birincisi, Azərbaycanda kitab
nəşrinin inkişafında əldə edilmiş nailiyyətlərin biblioqrafik baxımdan
ümumiləşdirilməsi və onlar haqqında ən dolğun informasiya əldə edilməsi ilə
əlaqədardır. İkincisi isə, milli kitablarımızın həm zaman, həm də məkan
etibarilə retrospektiv axtarışının müvəffəqiyyətlə təmin edilməsi ilə bağlıdır.
Bu problemin müvəffəqiyyətli və müasir dövrün
tələbləri səviyyəsində həlli
iki istiqamətli tədqiqat aparılmasını tələb edir. Birincisi, indiyə qədər
«Azərbaycan kitabı» göstəricisinin çap olunmuş I cildinin və II cildin I