121
tədqiqatçılarına da yaxşı tanışdır və bir çox elmi
və elmi-kütləvi nəşrlərdə
onun haqqında ətraflı məlumat verilir. Biblioqrafik məlumat mənbəyi kimi
«Fihrist» əsəri az öyrənilmiş, yalnız B.Semenovkerin məqaləsində (2, s. 86-
89) daha ətraflı tədqiq edilib araşdırılmışdır. Məqalə müəllifi bu yazılı
abidəni öyrənərkən onun mətninin iki nəşrindən istifadə etmişdir. Onlardan
ərəb dilindəki Q.Flüqelə, ingilis dilində olan isə B.Dodja məxsusdur.
B.Dodjin nəşri «Fihrist»in daha dolğun və tam olan müasir variantıdır.
Həmin variant indiyədək məlum olan əlyazmalar əsasında yaradılmışdır.
Belə əlyazmalardan bəzilərini Q.Flüqel XIX əsrdə əldə edə bilməmişdir.
Qeyd edək ki, Q.Flüqel bu əsəri 2 cilddə 1871-1872-ci illərdə ərəb dilində,
1970-ci ildə isə B.Dodj ingilis dilində çap etdirmişdir.
Ən-Nədimi haqqında məlumat çox azdır. Onun əsl Adı Əbül Fərəc
Mühəmməd ibn İshaq ibn Mühəmməd ibn İshaqdır.
Amma onu sadəcə
olaraq Ən-Nədim, yəni yüksək vəzifəli şəxslərin həmsöhbəti adlandırırdılar.
Nədimin vəzifəsi himayədarlarını mənalı söhbətləri ilə əyləndirmək idi.
«Fihrist»in ən qədim əlyazmasında müəllif Ən-Nədim adlandırılmışdır.
Sonralar bəzi müəlliflər onu İbn Ən-Nədimi (Nədimin oğlu), yaxud Əl-Varraq
(kitab taciri) adlandırmışlar.
«Fihrist»də olan məlumata görə Ən-Nədimiin təqribən 935-ci ildə anadan
olmuşdur. Atasının kitab dükanı olduğundan o, uşaq yaşlarından kitab ticarəti
və kitabların üzünün köçürülməsi ilə məşğul olmuşdur. Bu məşğuliyyət
onda biblioqrafik işə və kitabşünaslığa maraq oyatmışdır.
Belə güman edirlər
ki, o, 990-cı ildə «Fihrist» əsərini bitirdikdən sonra vəfat etmişdir.
X əsrdə yaradılmış Ən-Nədimin «Fihrist» əsəri dövrümüzə tam şəkildə
gəlib çıxmış ən qədim mədəniyyət abidələrindəndir. «Fihrist» ərəbcə
«göstərici» və ya «məlumat kitabı» deməkdir. «Biblioqrafiya» sözü ilə eyni
məna kəsb edən və müasir ərəb dilində biblioqrafik fəaliyyət mənasını verən
«fihrisiyə» sözü də bu deməkdir.
Əsərin ümumi səciyyəsi onun giriş hissəsində verilmişdir. Bu, bütün
xalqların, ərəblərin, qeyri-ərəblərin ərəb dilində yazılmış kitabları, elmi
əsərləri,
müəllifləri, onların mənsub olduqları təbəqələr, doğulduğu tarix,
həyatı, ölüm tarixi, yaşadıqları şəhərin yeri, üstünlükləri və çatışmayan
cəhətləri, hicrətdən sonrakı 377-ci (987/988-ci illər) ilədək olan hadisələrin
göstəricisidir. Beləliklə, «Fihrist» bibliloqrafik abidə kimi 987-ci ildən erkən
yaranmışdır. Minilliyi tamam olmuş bu biblioqrafik soraq kitabının əsasını
dil prinsipi təşkil edir. Bu prinsip Milli
biblioqrafiya nəşrlərində
ədəbiyyatın əsas uçot prinsiplərindən biridir.
Ən-Nədiminin atası kitab taciri olmuşdur. Müəllifin ömrünün çox hissəsini
Bağdadda keçirməsi və oranın kitab bazarı ilə tanış olması «Fihrist»in
coğrafi əhatəsini müəyyənləşdirir. Əsərdə Çinin, Hindistanın, Fransanın,
rusların və b. yazı nümunələrindən bəhs olunur. «Fihrist»in tədqiqatçısı
122
Y.Funkin finkrincə, çox güman ki, bu əsərə Bağdad kitab bazarına gəlib
çıxan kitablar haqqında məlumat daxil edilmişdir.
«Fihrist»in həcmi barəcə danışarkən burada sadalanan adların sayı
heyrət
doğurmaya bilməz. Təkcə II fəsildə 238 müəllif və 1116 əsər haqqında
məlumat verilmişdir. Ümumiyyətlə, 3428 müəllifin adı çəkilmişdir. Bunların
içərisində ərəb, yunan, roma və d. hökmdarların, rəsmi simaların, hərbçilərin,
hüquqşünasların, hətta kitab cildləyənlərin adlarına rast gəlmək olar. Əsərin
əsas xüsusiyyəti onun elmi, tarixi-ədəbi xarakter daşımasıdır. Təkcə bu ilk
nəhəng biblioqrafik əsərin yaranması faktı ərəb
kitab mədəniyyətinin o
dövrdə yüksək təşəkkül tapmasına sübutdur. «Fihrist» universal biblioqrafik
göstəricidir. O, müxtəlif elm sahələrinin müəllifləri və əlyazma əsərləri
haqqında məlumatı əks etdirir. Burada material müəllifin özü tərəfindən
yaradılmış təsnifat əsasında sistemli qaydada qruplaşdırılmışdır. Bütünlükdə
«Fihrist» 10 fəsil və 34 bölmədən ibarətdir. Fəsillər aşağıdakılardır:
1. İslamaqədərki
elmlər və Quran, o cümlədən müxtəlif xalqların yazı
sistemləri və kitab mədəniyyəti haqqında
2. Filologiya, ərazi məktəbləri üzrə bölgü ilə.
3. Tarix (islam tarixi).
4. İslamaqədərki və islam poeziyası.
5. Müsəlman ilahiyyatı, təriqətlər üzrə bölgü əsasında.
6. Müsəlman hüququ, məktəblər üzrə bölgü əsasında.
7. Fəlsəfə, riyaziyyat, astronomiya, təbabət.
8.
Əyləncəli ədəbiyyat, o cümlədən qeyri-müsəlman xalqların tarixi.
9. Qeyri-müsəlman xalqların dini təlimləri.
10. Kimyagərlik.
«Fihrist»in təsnifat sxemi üçün bütün elmlərin iki qismə (ərəb və yadelli)
bölünməsi xarakterik cəhətdir. Bu bölgüdə o dövrdə ərəb mədəniyyətinə xas
olan cəhət-dini və fəlsəfi biliklərin qarşılaşdırılması öz əksini tapmışdır.
Əsərin ərəb fəsilləri də öz növbəsində iki qismə ayrılır: dini (1-4) və tətbiqi
(5-6). Burada fəsillər X əsrdə elmlərin nüfuzuna görə yerləşdirilmişdir.
Filologiya onların arasında birinci yeri tutur. Çünki Quranın şərhi və ərəb
dilinin təmizliyinin saxlanması üçün bu çox vacibdir. Müsəlman
tarixşünaslığı filologiya əsasında yarandığı üçün ikinci yeri tutur. Onun
ardınca
poeziya, xüsusilə islamaqədərki poeziya haqqında olan fəsil gəlir.
Nəhayət, yalnız X əsrdə hüquq ilahiyyatdan ayrıldığı və mənəvi deyil,
əməli elm olduğu üçün islam bilikləri sırasında sonuncu yeri tutur.
Fəsillərdəki bölmələrin ardıcıllığında isə elmi məktəblər və elmi təlimlərin
əhəmiyyəti əsas götürülmüşdür.
Bölmələrdəki bioqrafik və biblioqrafik materiallar məzmunundan asılı
olaraq müxtəlif səviyyələrdə qruplaşdırılır. Burada həm xronoloji ardıcıllıq,
həm müəlliflər arasındakı əlaqə, həm müəllim-şagird münasibəti nəzərə