312
sərhəddini göstərir.
Bundan əlavə, erozion şəbəkənin radial-mərkəzdənqaçma
formasında şaxələnməsi nəzərə çarpır; ağ-qara aerokosmik şəkillərdə bu şa-
xələnmə ovalın kənarındakı açıq rəngli zonada, spektrozonal şəkillərdə isə
həmçinin ovalın mərkəzində də yaxşı görünür. Ortamiqyaslı kosmik şəkillər
tədqiqat obyektinin konfiqurasiyasını dəqiqləşdirməyə imkan yaradır. Düzgün
oval qapanması yalnız şimal-şərq hissədə qeyd olunur, cənub-qərb qurtaracağı
isə müasir və ya palçıq-vulkanik çöküntülərlə örtülmüşdür.
Deşifrələmə sxemi-
nin aerovizual və yerüstü yoxlanılması nəticəsində aydın olmuşdur ki, baxılan
fotoanomaliya relyefdə hündürlüyü bir neçə metr olan azmeyilli təpəciklərdən
təşkil olunmuşdur; təpəciyin rənginin ətraf fona nisbətən açıq olması onun quru
olması ilə əlaqədardır. Təpəciklər yaxşı işlənmiş erozion şəbəkə ilə parçalan-
mışdır. Üç- və bəzən də dördsəviyyəli erozion dərələr qeyd olunur.
Lokal qalxmanın maraqlı xüsusiyyətlərindən biri də, burada çoxlu miq-
darda qalxan duzlu bulaqların olmasıdır; bir çox bulaqlarda yalnız parlaq ağ
rəngi ilə seçilən, dendrit formalı duz axınlarının izləri qalmışdır.
Təpənin mər-
kəz hissəsində fotoanomaliyanın tünd nüvəsinə uyğün gələn, qırmızımtıl süxur-
lar (gillər və alevrolitlər) çıxır. Bu süxurlar,ehtimal ki, holosen çöküntülərilə
əhatə olunmuş alt- və ya orta dördüncü dövr yaşlı çöküntülərdir.
Göstərilən amillər fotoanomaliyanın bir neçə on metrdən az olmayan am-
plitudlu kondenudasion lokal qalxmalara uyğunluğunu təsdiq edir. Bu növ də-
qiq geoloji-geomorfoloji təhlil çox lazımlıdır, lakin bu həmişə mümkün olmur,
yeni tədqiqat aparılan sahələrdə xüsusi geoloji indikatorlar
çox zaman müşahidə
olunmur və indi-kasiya dolayı səciyyə daşıyır.
Dnepr-Donetsk çökəkliyində dərinlik strukturlarının indikator rolunu
qədim buzlaq relyef formaları oynayır. Distansion zondlama materiallarının
geomorfoloji deşifrələnməsi yüksək çatlılığa malik zonalarda əmələ gələn aralıq
dərələrin (Dnepr buzlaqlarının ərimiş suları axan qədim dərələr) yerləşməsinin
və morfologiyasının öryənilməsinə imkan vermişdir. Nəticədə, neft və qaz axta-
rışı üçün perspektivli dərinlik lokal qalxmaları ayırmağa imkan verən infor-
masiya alınmışdır. Qeyd edilən misallar, lokal strukturlara
müəyyən dərəcədə
uyğun gələn müxtəlif neftli-qazlı əyalətlərdə landşaft anomaliyalarının aşkarı
üçün distansion zondlama materiallarının böyük imkanlarının olduğunu
göstərir. Onların bir çoxunda sənaye əhəmiyyətli yataqlar kəşf edilmişdir. Kos-
mik təsvirlərdə görünən fərz olunan lokal qalxımların axtarışı geoloji şəraitin
müxtəlif dərketmə səviyyəsində gedir; lokal strukturlar geoloji modellər
çərçivəsində çox dəqiqliklə təyin olunur, lakin neftli-qazlı hövzələrin sahələri,
adətən yaxşı öyrənildiyinə görə, yeni informasiyaların artma ehtimalı azalır.
Landşaft modeli çərçivəsində yeni açılan obyektlərin miqdarı artır, lakin onların
dəqiqliyi nisbətən azalır; əgər rəng-çalar-həndəsi modeli ilə kifayətlənsək, onda
neftli-qazlı hövzələrdə açılan yeni potensial tələlərin miqdarı onlarla sayılar;
onların təsdiqolunma ehtimalı isə adətən böyük olmur.
313
Ona görə də təsadüfi deyildir ki, bütün dünyada neft və qaz axtarışı üçün
distansion zondlamanın əhəmiyyətinə xüsusi diqqət yetirilir. 15 neftli-qazlı
nəhəng yataqların kosmik təsvirlərinin araşdırılması belə nəticəyə gəlməyə
imkan
vermişdir ki, əgər kosmik informasiya əvvəldən məlum olsaydı, həmin
yataqlar əvvəllər də açıla bilərdi. Bu tədqiqatlar az öyrənilmiş neftli-qazlı höv-
zələrdə və həmçinin düzənlik az ziddiyyətli relyefi olan əyalətlərdə xüsusən
effektli olur.
13.5. Neft və qaz yataqlarının birbaşa axtarışı
Potensial neft və qaz tələlərinin aşkarı hələ onların karbohidrogen yığımlı
olmasına təminat vermir. Ona görə də son zamanlar neftli-qazlı yataqların
mövcudluğu ilə birbaşa əlaqədar olan landşaft və digər əlamətlərin aşkarı üçün
geniş işlər aparılır. Hazırda karbohidrogenlərin birbaşa aşkar edilməsi üçün,
əsasən təyyarədən, istilik planalmasından istifadə nəzərdə tutulur. Yatağın aşkar
edilməsinin mümkünlüyü onunla izah edilir ki, karbohidrogenlərin oksidləşməsi
ilə əlaqədar olaraq, neft və qaz yığımlarından üstdə yatan laylara miqrasiya
zamanı istilik ayrılması baş verir (burada sərbəst
mübadilə və aerasiya
müşahidə olunur). Akvatoriyada neft və qaz axtarışı neft örtüklərinin və qaz
təzahürlərinin identifikasiyası (eyniləşdirilməsi) yolu ilə aparılır.
Neft-qaz yataqlarının tapılmasında İQ (infraqırmızı) planalmanın müvəf-
fəqiyyətlə tətbiqinə misal, Ukrayna və Qərbi Qazaxstanda aparılan işləri göstər-
mək olar. Qərbi Qazaxstanda aparılan işlərin nəticəsində müəyyən edilmişdir
ki, yüksək radiasion hərarət sahələri, neft yataqlarının tağında yerləşən qaz
papaqlarının sərhədlərinə uyğun gəlir. Qeyd etmək lazımdır ki, istilik anomali-
yası amplitudlarının kiçik və istilik maneələrinin yüksək səviyyədə olması ilə
əlaqədar olaraq, quruda karbohidrogen yığımlarının axtarışında istilik planalma-
sının tətbiqi çətinləşir. Son zamanlar kənar və daxili dənizlərin şelf zonalarında
neft-qaz axtarışı işlərinin genişlənməsi ilə əlaqədar olaraq, bu məqsədlərlə su
səthlərinin planalması ilə bağlı işlər nisbətən yaxşı vəziyyətdədir. Bu da onunla
əlaqədardır ki, su səthi eynicinsliliyinə görə fövqəltəbii mühitdir və burada
kiçik amplitudlu istilik anomaliyalarının qeyd edilməsi mümkündür. Buna
nümunə olaraq, Adriatik dənizinin şimal hissəsində qaz təzahürlərinin
axtarışında istifadə olunmuş istilik planalmasını göstərmək olar.
Burada dəniz qaz təzahürləri çoxdan məlum idi, lakin onların istilik plan-
alması materiallarına əsasən aşkar edilməsi xüsusi işlərin
nəticəsində müəyyən
edildi. Fərz olunurdu ki, dənizin səthində qaz təzahürlərilə əlaqədar, mənfi termal
anomaliyalar aşkar edilməlidir. Yay fəslində suyun hərarəti dənizin dibində səthə
nisbətən xeyli azdır.Qaz, dənizin dibindəki suyun hərarətinə yaxın hərarətlə
ayrılaraq, ətraf mühitdəki hərarəti udur və səthə doğru öz hərəkəti yolunda su
laylarını soyudur. Digər bir
hipotezə görə fərz edilir ki, səthdə istilik anomaliyaları
qazın genişlənməsində özünü göstərməlidir, çünki 40-60 m dərinlikdə qaz 0,4-0,6