309
Şəkil 125. Pamir-Alayın struktur-geoloji sxemi:
1 – dəqiq deşifrələnən geoloji gövdələr, 2 – intensiv cavan qalxımların vilayətləri (üst
pleystosen-holosen). 3 – cavan enmələrin vilayətləri, 4 - regional lineamentlər (A –
Alakutan, D - Darya), 5 – sənaye karbohidrogen yığımı.
13.4. Potensial neft və qaz tələlərinin axtarışı
Neft-qaz geoloji tədqiqatların bu növü, distansion üsulla əlverişli şəraitdə
neft və qaz toplaya bilən geoloji obyektlərin aşkarına yönəlmişdir. Bu obyektlər
ya törəmə struktur formaları (antiklinal qırışıqlar, vallar və tağlar; monoklinal-
ların və s. qırılmalarla ekran-laşmış sahələri), ya da neftli və qazlı kompleks-
lərin sedimentasiya şəraiti ilə bağlı olan ilkin (çökmə) strukturlarıdır (bioherm
əmələgəlmələri, məhsuldar qatın pazlaşma zonası və s.). Törəmə struktur
formalar (bunlara həm də tələ strukturları deyilir) relyefdə açılmış və basdırıl-
mış, müasir hərəkətlərə nisbətən fəal və passiv rejimdə ola bilir.
Bütün bunlar
obyektlərin axtarış üsuluna və eyniləşdirilməsinə təsir edir.
Antiklinal qırışıqlar relyefdə daha asan aşkar edilir. Neftli strukturlar,
adətən kifayət qədər böyük ölçülərə (ilkin kilometrlərdən çox) malik olduğuna
görə, əlverişli şəraitdə, hətta kiçikmiqyaslı kosmik şəkillərdə də aşkar olunur.
Neftli-qazlı hövzələrin geoloji quruluşu, adətən yaxşı öyrənilmişdir, ona görə
də bu üsulla yeni strukturların aşkar edilməsi şansı çox da böyük deyildir; lakin
məlum qırışıqların quruluşunun dəqiqləşdirilməsi (dəqiq səviyyəli şəkil-lərdə)
yeni axtarış obyektlərinin aşkar edilməsinə gətirib çıxara bilər.
Basdırılmış passiv struktur tələlərin axtarışı üsulu
lokal dərinlik struktur-
larının öyrənilməsi üsuluna uyğun gəlir və basdırılmış antiklinalların (və ya
digər struktur formaların) landşaft-indikator formalarının məqsədəuyğun axtarı-
şına gətirib çıxarır. Çoxsaylı tədqiqatlar göstərir ki, basdırılmış passiv antikli-
nallar ərazinin hidrogeoloji rejiminə intensiv təsir göstərir. Bununla yanaşı,
310
konkret geoloji şəraitdən asılı olaraq, antiklinalüstü qruntların sulanması ilə ya-
naşı, həm də onların quruması müşahidə olunur. Lakin bütün hallarda basdırıl-
mış struktur özünü nəmlik anomaliyasının izometrik ləkəsi kimi “göstərir”. Bu
da ya spektral parlaqlıq xüsusiyyətlərinə görə, ya da birbaşa bitki örtüyünün
variasiyasına görə tanınır. Bəzi işlərdə, basdırılmış tələlərin birbaşa axtarış
əlamətləri hesab olunan onlarla fotoanomaliyalar nəzərdən keçirilmişdir. Bu
fotoanomaliyaların 80-90 faizinin yerüstü geoloji və buruq
işləri ilə təsdiq olun-
masına bax-mayaraq, basdırılmış strukturların vahid indikatorlara görə ay-
rılmasından çəkinmək lazımdır. Çünki nəmlik anomaliyası bir çox, o cümlədən,
qeyristruktur səbəblərdən baş verə bilər.
Fəal lokal strukturların axtarışı aktual problemlərdən biridir. Bu halda
axtarış obyektləri “lokal qalxımlar” adlandırılır, çünki onların konkret geoloji
təbiətini distansion üsulla çox zaman təyin etmək mümkün olmur. Lokal qal-
xımların əlamət-indikatorlarının yığımı, əksər hallarda qalxmanın hansı geo-
morfoloji inkişaf fəzasında olmasından asılıdır. Konsedimentasiya inkişaf fəza-
sında olan qalxmalar passiv basdırılmış strukturlarda
olan landşaft əlamətləri ilə
indikasiya edilir, lakin burada bundan əlavə, ərazinin, lineament sistemlərinin
öyrənilməsilə əlaqədar olan dərinlik və səth blokluluğunun ümumi təhlili
mümkün olur.
Lokal qalxmalar çox zaman,sadəcə olaraq, bu blokluluğun elementlə-
rindən biri olur. Lineamentlərin və “halqavarı strukturların” (müxtəlif təbiətli
landşaftın izometrik anomaliyaları)
öyrənilməsi, hətta eynicinsli geoloji qurulu-
şa malik müasir çökmə əyalətlərində də perspektiv obyektlərin ayrılmasına
imkan verir.
Kondenudasion fazada və konerozion inkişaf fazasının ilkin mərhələ-
sində, lokal qalxmalar landşaftın, o cümlədən geomorfoloji xüsusiyyətlərin çox
geniş spektri ilə indikasiya edilə bilər. Məsələn, dağarası çökəkliklər üçün lokal
qalxmanın aşağıdakı indikator seçimi ayrılmışdır: çay dərələrinin kəskin daral-
ması; erozion şəbəkə kəsiminin lokal artması; tranzit su axımlarının çay yatağı-
nın düzlənməsi; çayların dirsəkvari əyilməsi və izometrik
sahələrin çay şəbəkə-
silə əhatələnməsi; çayların anomal meandrlaşması; gətirmə konuslarının anomal
forması və konusların, quru deltaların lateral miqrasiyası; çay yatağının lateral
miqrasiyası; lokal quruma və ya nəmləşmənin izometrik sahələri; nəmləşmə və
quruma zonalarının konsentrik yerləşməsi; erozion qalıqların izotermik
qrupları; anomal
mozaik parçalanma sahələri; son işlənmə əyalətlərində qədim
səthlərin reliktləri; naməlum təbiətli qapalı xətti fotoanomaliyaların konsentrik
yerləşməsi və onların hidroşəbəkə ilə əhatələnməsi. Burada, relyefdə açılmış
antiklinal strukturların birbaşa indikasiya əlamətlərinin adı çəkilməmişdir.
Aydındır ki, başqa geoloji quruluşlu əyalətlərdə indikatorların siyahısı başqa
cür ola bilər.
126-cı şəkildə ortamiqyaslı kosmik şəkillərin deşifrələnmə sxemi və
Qərbi-Türkmənistan çökəkliyində yerləşən Cənubi-Moncuklu lokal qalxımının
311
relyefinin quruluş sxemi göstərilmişdir. Kiçikmiqyaslı kosmik şəkillərdə fərz
olunan qalxma, tünd-boz holosen çöküntülərinin arasında açıq-boz rəng-çalarlı
düzgün, dəqiq əhatələnmiş oval formada deşifrələnir.
Şəkil 126. KŞ deşifrələmə məlumatlarına görə Cənubi Monjuklı lokal qalxı-
mının geoloji sxemi (a) və onun aerovizual müşahidə məlumatlarına görə
ümumi hissəsinin relyefinin sxemi (b). M.L.Koppa görə.
1 – geoloji sərhədlər, 2 – qırılma pozulmaları, 3 – 4 – lokal qalxımlar: 3 – müəyyən edilmiş, 4 – fərz
edilən; 5 - müvəqqəti su cərəyanları, 6 – duzların dendritşəkilli izləri. Qalxımlar: I – Monjuklı, II –
Cənubi Monjuklı, III – Berkelin.
Holosen çöküntülərinin tünd foto rəng-çaları nəmləşmə ilə izah olunduğu
halda, fərz etmək olar ki, baxılan açıq rəngli sahələr nisbətən qurudur (yəni
nisbətən hündürdür). Lakin kosmik şəkillərin deşifrələnməsinin məlumatlarına
görə fotoanomaliyaların landşaft təbiətli olması haqqında hər hansı bir konkret
nəticəyə gəlmək olmaz.
Tədqiq olunan sahələr, ortamiqyaslı kosmik şəkillərdə həmçinin açıq foto
rəng-çalarlı olur,lakin bu zaman onun konsentrik quruluşu görünür: nisbətən
tünd nüvə açıq örtüklə əhatələnir, qövsvari tünd zolaqlar nəzərə çarpır (istinad
horizontu ola bilər), ovalın çərçivəsinə paralel yerləşməsi qalxmanın
xarici