150
Salam. O zaman belə bir banal sualı verməkdən özümü
saxlaya bilmirəm. Adi oxucu ki, bu “hala” düşdü, bəs onda,
ümumiyyətlə, ədəbiyyat kimin üçündür?
Kamal Abdulla. Banal suala “banal” da gərəkdir cavab
verəsən: ədəbiyyat, əlbəttə, ədəbiyyat üçündür.
Etimad. Bu gün dünyada çoxlu sayda ədəbiyyat müka-
fatları mövcuddur. Bir Rusiya qəzetindən oxumuşdum ki,
yalan-doğru, təkcə Fransada 4 minə yaxın müxtəlif ədəbiy-
yat mükafatı var. Aydın məsələdir ki, yazıçı əsəri qələmə
alarkən mükafat barədə, bəlkə də, heç düşünmür. Ancaq öz
əməyinin bu və ya digər şəkildə qiymətləndirildiyini görmək
hər kəsə xoşdur. Bu baxımdan Azərbaycanda, ümumiyyətlə,
heç bir iş görülmədiyini demək doğru olmazdı. Məsələn, bu
yaxınlarda təsis olunmuş Milli Kitab Mükafatı bizdə də buz-
ların əriməsindən xəbər verir. Hər halda, bunun belə olması-
nı istərdik. Nəzərə alsaq ki, Azərbaycanda verilən ədəbi mü-
kafatların çoxusu, bir qayda olaraq, kseroksda tirajlanan
“qramota” tipli kağız parçasından ibarətdir, MKM-in doğur-
duğu ictimai rezonans tamamilə başadüşüləndir. İstənilən
halda, bizdə dövlət mükafatlarından savayı da cəmiyyətdə
müəyyən bir hərəkətliliyin olması təqdirəlayiq sayılmalıdır.
Əlbəttə, Azərbaycanda, başqa ölkələrdə olduğu kimi on
müxtəlif nominasiya üzrə (ayrıca fantastika, detektiv, esse,
sənədli əsər və s.) mükafatların verilməsi haqqında danışmaq
çox tezdir. Xarici ölkələrdən baxanda bu problem xüsusilə
qabarıq görünür. Çünki bu, hər yerdə bir mədəniyyət göstəri-
cisi kimi qəbul olunur. Sizcə, bu sahədə işlərin səhmana düş-
məsi üçün nələr edilməlidir?
151
Kamal Abdulla. İnanmıram ki, hal-hazırda Fransada
dörd minə yaxın ədəbi mükafat var. Amma inanıram ki, bu
say bizdə olandan qat-qat çoxdur və prosedurlar da qat-qat
cilalanmış şəkildədir.
Hər hansı mükafat, mənim qəti inamıma görə, əgər ədə-
bi yarış (cıdır?) düzənləyib onun nəticəsində ortaya çıxırsa,
bu çox pisdir, çünki mahiyyətində ayırmaq, parçalamaq, ni-
faq salmaq var. Ədəbi cıdır yolverilməzdir!
Digər tərəfdən, əsərin dəyərini müəyyənləşdirməyin di-
gər yolları, üsulları da yox deyil... Ümumiyyətlə, bu suala
cavab vermək mənim üçün çətindir. Məncə, uzaq və yaxın
dövr sayıla bilən XIX əsrdə ədəbi “məhsul”lar birinci, ikinci,
üçüncü adlanan yerlər uğrunda mübarizə aparıb qiymət
almırdı. "Ol zamanlar" belə şeylər nəinki olmurdu, təsəvvürə
belə gəlmirdi. Elə bil, "ol zamanlar" gözlər daha tox idi.
Ədəbiyyat idman deyil və onu idmana çevirmək istə-
yənlər nə qədər deyirlər desinlər ki, məqsədləri ancaq ədə-
biyyata diqqəti artırmaq, ədəbi prosesi canlandırmaqdır, bu,
belə olmur. Ədəbi prosesin canlanması, bəli, belə "yarış"lar-
da özünü təbii şəkildə göstərən ədəbi intriqalar hesabına ola
bilər, amma bu hal nə birinci, nə ikinci, nə də onuncu səbəb-
dir. Əsl səbəbin "quyruğ"u aşikarcasına görükməyindədir.
Salam. Sizin, demək olar ki, hamıya belə bir sualınız
olur: "Axırıncı dəfə hansı kitabı oxumusan?"
Kamal Abdulla. Bu sualı verməkdə əsas məqsədim
odur ki, adam gərək özünü həmişə intellektual bir gərginlik-
də saxlasın. Başqa məqsədlərim də var. Məsələn, "dostunu
mənə göstər, mən də deyim ki, sən kimsən" kimi. Kitabların,
152
yazarların adı qaranlıq və dolaşıq labirintdə bir-birini axtaran
iki adamın Ariadna ipidir. Ancaq bəzən bu axtardığın adam
qaranlıq otaqda qara pişiyə dönür. Onu tapmaq çətinləşir. İl-
lah da ki, o qara pişik o qaranlıq otaqda, Konfutsi demiş, ol-
mayanda.
153
Aşkar Dədə Qorquddan
gizli Dədə Qorquda...
Salam. “Dədə-Qorqud”un gizli tərəflərini
elmi, ədəbi-ictimai rəyə ilk dəfə siz gətirmisi-
niz. Bu mövzuda elmi əsərlər, esselər, pyeslər,
roman, şeirlər silsiləsi... Daha hansı janr qaldı
ki, “Dədə-Qorqud”u o süzgəcdən keçirməyəsi-
niz?
Kamal Abdulla. Esse, pyes, roman və
şeirləri saymasaq, mənim “Gizli Dədə Qorqud”
adı altında yazıb çap etdirdiyim beş kitab var. Onları ümumi
qayə və vahid bir ad birləşdirsə də, onlar bir-birinin eyni
deyil. Hər sonrakı nəşr əvvəlkinin kifayət qədər dəyişdiril-
miş, ciddi əlavələr − fəsil, paraqraf, abzas, elmi aparat və s.
əlavə edilmiş nəşridir. Sən dedin: “Dədə Qorqud”la bağlı
hansı süzgəc qaldı? Biri qaldı. Özü də yarımçıq qaldı.
Salam. Bu barədə açıqlama verməzdiniz ki?!
Kamal Abdulla. İlk dəfə “Dədə Qorqud”a ciddi və hə-
qiqi məhəbbəti məndə universitet müəllimim, tanınmış dilçi-
alim, mərhum professor Musa Adilov yaratdı. Musa müəllim
dünya dilçilik nailiyyətlərinə yaxşı bələd olan son dərəcə
ciddi və dərin bir dilçi idi, daim axtarışda idi. Görün o, mənə
14-úö ìÿãàì
154
– üçüncü kurs tələbəsinə nə təklif etdi?! “Kitabi-Dədə Qor-
qud” dastanının söz lüğətini hazırlamağı.
Təsəvvür edirsiniz, bu nə deməkdir?! Görkəmli ustad
Əli Sultanlının antik yunan ədəbiyyatı və filologiyası üzərinə
apardığı qiymətli tədqiqatlar ilə böyüyən bir gənc olan mən
tələbə “Dədə Qorqud” dastanının hər cümləsini “kartoçkala-
ra” yazmalı idim. Cümlədə neçə söz var idisə, o qədər “kar-
toçka” yazmalı və hər dəfə o sözlərdən birinin altından xətt
çəkməli idim. Əgər cümlədə on söz vardısa, o cümlə on dəfə
yazılırdı. Sizi inandırım ki, bu çox üzücü bir iş idi. Mən o
cümlələri, demək olar ki, əzbər bilirdim. Evdə hara baxırdın,
“Dədə Qorqud”dan cümlələr yazılmış kartoçkalar idi. Amma
sonrası daha maraqlı olacaqdı. Sonrakı proses ayrıca sözlər
haqda ayrıca oçerklərin yazılışı olmalıydı, amma mən o vax-
ta qədər bu “zülümdən”, necə deyərlər, canımı qurtardım,
universiteti bitirməyə "macal tapdım". Düzdü, niyyət yarım-
çıq qaldı, amma qazancım, xeyrim o oldu ki, mən indi bu
unikal Dastanın hər cümləsi ilə bu dastanı bir bədii əsər,
hətta tədqiq obyekti şəklində oxuyanlar kimi tanış deyiləm.
Mən bu Dastanın hər bir cümləsi ilə əməlli-başlı dostlaşmış
bir adamam.
O vaxt – tələbəlik illərində “Dədə Qorqud”un yarımçıq
qalan söz lüğəti üzərində intensiv çalışmalarım mənə imkan
verdi ki, A.Blok deyən kimi, mahiyyətə nüfuz etməyə çalı-
şım və Azərbaycan filologiyasında antik yunan və Roma
ədəbiyyatlarının sistemli şəkildə öyrənilməsi kimi şərəfli bir
işin pioneri olan görkəmli ədəbiyyatşünas alim Əli Sultanlı
vasitəsilə (onun "Antik ədəbiyyatı tarixi" adlı klassik əsəri
on iki-on üç yaşlarından mənim, demək olar ki, stolüstü
kitabım idi, mən buradakı müxtəlif əsərlərin süjetini dönə-
Dostları ilə paylaş: |