14
Amma hökmən bir məqamın altından cızıq çəkmək la-
zımdır: ədəbiyyata kitabdan gəlməklə internetdən gəlmək
arasında yer-göy fərq var və bu, gün işığı kimi aydın görü-
nür. Ədəbiyyata kitabdan gələrlər, belə olmasa, onun intel-
lektual əsası olmasa, o yaşamaz. Brodski, 20-ci əsrin ən nə-
hənglərindən biri ədəbiyyata hardan gəlmişdi?! Uydurma
"məkanlar" icad eləməyə nə hacət?!
Bəzən deyirlər ki, bu şeir ürəkdən gəlib, bu isə beyin-
dən. Gülməlidi. Ürəkdə gəzən və tüğyan eləyən hər şeyin və-
təni beyin deyilmi?! Bunun, əlbəttə ki, belə olduğunu fizio-
loqlar yaxşı bilir.
Amma mən nə düşünürəm, bilirsənmi? Banal bir şey
deyəcəyəm, hərçənd, kontekstdə banal görünməyə də bilər.
Mən düşünürəm ki, şeir və ya nəsr gərək yazmamaq müm-
kün olmayanda yazılsın. Bədii əsərdə bir var, sən duymuş,
içdən yaşamış oldugun bir şeyi, məsələn, dərdin özünü gös-
tərirsən, bir də var, dərd haqda uzun-uzadı danışırsan. Biri
əsl sənətdir, o biri isə sənətətrafı gəzişmə, var-gəldir. Dərdin
özünü o zaman göstərirsən ki, yazmaya bilməyəndə yazır-
san. Dərd haqda isə o zaman yazırsan ki, nə vaxt gəldi alır-
san əlinə qələmi, qılınc kimi sıyırırsan. Marsel Prust idi, de-
yəsən, deyirdi ki, hiss haqda düşüncəni hissin özündən fərq-
ləndirmək lazımdır.
Etimad. Məncə, üslubçuluq kimi qorxulu bir hal da elə
qələmi qılınc kimi sıyıranda meydana çıxır.
Kamal Abdulla. Tamamilə doğrudur. Gərək özünü
zorlamayasan, öz rolunun əndazəsindən çıxmayasan. Roma
papasından artıq katolik ola bilməzsən. Nə vaxt ki, bədii əsər
duyğunun özünü göstərir, ora əlavə dil materialı daxil olmur.
15
Üslub üslubçuluğa çevrilmir. Forma şərti məsələdi. Deməyə
söz olmayanda isə əndazə itir və sən duyğunu yaşamırsan,
onun haqqında danışırsan və bu zaman başlayır forma əlla-
məçiliyi. Amma digər tərəfdən – forma nədir?! Ən böyük
problemlərdən biri buna cavab tapmaqdır.
Stendalın «Qırmızı və qara» əsərində bir qəhrəman var
– Jülyen Sorel. O, zadəgan, kübar gənclərin bir məclisinə
düşür. Ona yeni bir zadəgan libası geydirirlər. Onun o məc-
lisdəki gənclərdən üstünlüyü o olur ki, Jülyen Sorel öz geyi-
minə qətiyyən fikir vermir. Amma başqaları geydikləri pal-
tarı aşkar və ya gizli şəkildə nümayiş etdirir, paltarın üstün-
lüklərini gözə soxmaq istəyirlər. XIX əsr fransız aristokrat
məclisinin tipik bir mənzərəsi. Üslub, forma Jülyen Sorelin
paltarı kimidir. Diqqəti onun üzərində quranda səndə heç nə
alınmayacaq. Geyiminə fikir verməyəndə isə öz-özlüyündə
gözəl görünəcək. Gözəl görünmək ona yaraşacaq. Elə bi-
lirsən, gözəl görünmək bütün gözəllərə yaraşır?! Əsla və qə-
tiyyən!
Hər bir ədəbi cərəyanın içində forma iddiası var. Ro-
mantizmin də, realizmin də, sentimentalizmin də öz forma
iddiaları olub. Amma onu son dərəcə qabarıqlaşdıranda, çıl-
paqlaşdıranda bəzən gülünc və bəzən də qəribə nümunələrə
gəlib çıxıblar.
A.Voznesenskinin «Xoruzların döyüşü» adlı bir şerini
xatırlamamaq olmur. O şeir başdan-başa ancaq bir-birilə dö-
yüşən xoruzların çıxardığı müxtəlif səsləri təqlid edir, mətn
büsbütün mənasız səs yığımından ibarətdir. Şair buradakı
səsləri ətraf aləmdən çıxararaq tanış bir mənzərəni kitab
səhifəsində canlandıra bilir. Ultraformalizmin ideal təzahü-
rü! Sadəlövh adamda “hamı bunu yaza bilər” təsəvvürü oya-
16
nır. Amma Voznesenskinin də, Rembonun da, Xlebnikovun
da başqa şeirləri var. Onlar bütün ölçüləri, vəzn və qafiyələri
son dərəcə cilalanmış bir hala sala bilirlər. Başqa sözlə, əv-
vəlcə «klassik» boylu-biçimli əsər yaza bilmə bacarığını
ortaya qoyandan sonra sənətkar hər hansı eksperiment etmə
səlahiyyəti qazanır. Ən abstraksionist rəssam belə əvvəlcə
adamı olduğu kimi, realistcəsinə çəkə bilməlidir – ən ab-
strakt və romantik ştrixin arxasında min illərin sərt təcrübəsi
və içdən gələn ilahi bir şey durmalıdır. Bir sözlə, oxucu və
seyirci “Xoruzların döyüşü” zamanı olan kimi çaşmamalıdı.
O, Rembrandtın “Gecə qarovulu” tablosunun qarşısındakı
kimi heyrətlənməlidi.
Salam. Siz oxucunun çaşdırılmasını deyirsiniz. Müm-
künsə, bu məqamın üzərində bir balaca gəzişək. Neçə illərdir
ki, ədəbiyyatla oxucu çiyin-çiyinə addımlayır. Bununla belə,
ədəbiyyatla oxucu arasındakı münasibətlərdə oturuşmuş, bir-
mənalı qaydalar da, sanki, yoxdur. Hətta biz yazıçılar bu
kontekstdə həddən artıq eqoistik də. Gah şeiri oxucuyçün
yox, özümüzçün yazdığımızı iddia edirik… Gah oxucunu bi-
zim yazdıqlarımız səviyyəsində olmamaqda suçlayırıq…
Gah Azərbaycan oxucusunun başı üstdən keçib dünyaya çıx-
maq istəyirik… Gah oxucuyla Allah arasında ikinci dərəcəli
peyğəmbərlik iddiasına düşürük… Gah oxucu zövqünü for-
malaşdırmaq vəzifəsini daşıdığımızı bildiririk və sair. Ancaq
oxucuya necə yanaşmağımızdan asılı olmayaraq bir şey
aydındır ki, ədəbiyyat oxucuyla vəhdətdə bütövdür. Baxın,
oxucu çox böyuk eqoizmlə bizim hansısa yazımızı, hansısa
eksperimentimizi, hansısa «yeniliyimizi» qəbul etməyəndə
biz də eyni eqoizmlə onu zövqsüzlükdə, «bizi başa düşmə-
17
məkdə» ittiham eləyirik. Və o dəqiqə hikkədən doğan bir bə-
yanat veririk ki, deməli, bu dövrdə bizi anlamadılar, biz
gələcək nəsillərin dahisiyik .
Mənə belə gəlir ki, ədəbiyyat ilahi faktdır və ilahi bütün
dövrlərdə göndərdiyi ədəbiyyata onun oxucu elitasını da
göndərir. Və yaxud bütün dövrlərdə hazır oxucu kütləsinin
bədii ehtiyacına uyğun ədəbiyyat da göndərir. Problem – ila-
hidən gəlmə bu ədəbiyyat – oxucu mütənasibliyinə, bu me-
xanizmə kənar detallar kimi soxulmaq istəyən «ədəbiyyat-
çının» öz problemidir. Günahı nə oxucuda, nə də başqa yer-
də axtarmaq lazım deyil. Yəni mövcud oxucu elə mövcud
səviyyəsiylə də istənilən yeniliyi qəbul etməyə hazır vəziy-
yətdədir. Hansısa «yenilik» qəbul olunmursa, deməli, o, baş
tutmamış eksperimentdir. Bu mənada, məncə, oxucu heç
vaxt çaşmır və oxucu hər kəsi öz yerində oturda bilən əda-
lətli hakimdir.
Kamal Abdulla. Məncə, sən məsələnin canını həm
tutdun, həm də buraxdın. Bunu uzun illərin sovet məfkurəsi
ehkam etmişdi ki, əsər oxucu üçün (yəni, xalq üçün) yazılır.
Səhvin kökü, məncə, elə burdadır. Doğrudan da, axı sən niyə
elə düşünürsən ki, şeir oxucu üçün yazılır?! Bəlkə də, sənət
ilk yarandığı primitiv dövrdə, o uzaq "mağara dövründə" ət-
rafdakılar üçün (belə deyək: qəbilə, tayfa, xalq üçün) yarana
bilərdi. Amma zaman yeknəsəq şəkildə keçib gedirdi və ma-
ğaradan "darıxıb" çıxanlar fərdlərə çevrildikcə, daha şerin,
sənətin çözümləyici mahiyyətinə elə böyük ehtiyac duyul-
mayanda şeir, sənət də müstəqilləşir, yavaş-yavaş öz içinə,
öz qınına çəkilməyə başlayır. Mənə belə gəlir ki, şeir ilk
növbədə adamın özünün özü ilə mübarizəsidir. Markesin xo-
Dostları ilə paylaş: |