63
hadisələri bu torpağa dünyanın ən qədim dinlərindən biri,
atəşpərəstlərin səcdəgahına çevirmişdi. hələ ötən yüzilliklərdə
inşa olunan məşhur Suraxanı məbədgahı buna bariz misaldır.
XX əsrin əvvəllərində qaz hasilatında yüksələn templər
Azərbaycanda yeni bir sahənin, ona müvafiq sfera və
strukturun formalaşmasına təkan verdi. Bu zaman hasil edilən
qaz nisbətən artıq dərəcədə məişət problemlərinin həllinə
yönəldilirdi. Sonralar təbii energetik xammal kimi ekoloji
təmizliyi ilə fərqlənən, üstün kaloriyə malik, asan nəql olunan
təbii qaza maraq artmağa meyl etdi. 1950-ci illərdə
Azərbaycanda qazdan elektrik enerjisi istehsalında, yüksək
enerji tutumlu sənaye sahələrində istifadə edilməyə başlandı.
Bütün bunlar həmin illərdə Xəzərdə aşkarlanan ayrıca təbii qaz
yataqları «Bahar», «Bulla-Dəniz», «Günəşli»nin məhsul
verməsi ilə bağlı idi. Hasilat artdıqca, respublika sənayesində
qazın istifadəsi diapazonu genişlənir, ucqar ərazilərdə
qazlaşdırma inkişaf edirdi. Lakin bununla belə yerli yataqlarda
hasil edilən qaz respublika tələbatını tamamilə ödəmirdi.
İstehlak isə hasilatı ötməkdə davam edirdi. Azərbaycanın
dövlət müstəqilliyi əldə edildiyi ərəfədə 1990-1991-ci illərdə
respublikada qaz istehlakı 17 milyard m
3
-ə yüksəlmişdi ki,
bunun da 30-35%-i elektrik stansiyalarda enerji istehsalını
təmin edirdi. Dağılan ittifaqın möhtəşəm qaz kompleksindən
Azərbaycana geniş imkanlı müvafiq infrastruktur qalmışdı. Bu
şəbəkə illik gücü 20-25 milyard kubmetr olan altı şaxəli, 4 min
km. uzunluqda magistral, 36 min km kiçik və orta təzyiqli qaz
kəmərlərindən ibarətdir. Azərbaycanın qaz nəqletmə
infrastrukturu İrana, Dağıstana, Gürcüstana, Ermənistana
çıxışlara, geniş tranzit imkanlarına malikdir. Xəzərin
karbohidrogen ehtiyatlarının xarici şirkətlərin iştirakı ilə
işlənməsi prosesi Azərbaycanın qaz sənayesinə də yeni
reallıqlar gətirmişdir. Axtarışlar içərisində Xəzər dənizin
Azərbaycana mənsub sektorunda «Əşrəfi», «Qarabağ»,
«Şahdəniz» strukturunda böyük qaz və qaz kondensat yataqları
64
aşkar olunmuşdur. 45 il öncə Azərbaycan geoloqlarının kəşf
etdikləri «Şahdəniz» yatağında 1999-cu ildə zəngin qaz
ehtiyatları aşkarlanmışdır.
Təbii qaz ehtiyatları digər strukturlarda da böyük
miqyaslıdır. Mütəxəssis hesablamaları indiki gerçəkliklər
kontekstində Azərbaycanda 3 trilyon kubmetr qaz ehtiyatının
olmasına əsas verir. Belə ehtimal edilir ki, yaxın 10 il ərzində
Azərbaycanda qaz hasilatı 20-25 milyard m
3
-ə qədər
yüksələcəkdir. Respublikada qaz sənayesinin formalaşmasında
onun potensialı təkcə adekvat ehtiyatlar və infrastrukturla
qiymətləndirilmir. Qaz sənayesinin inkişafı ölkəmizdə müvafiq
sahəni əhatə edən elmlərin inkişafı, elmi-tədqiqat institutlarının
yaranması ilə müşayiət olunmuşdur. Bir çox azərbaycanlı
mütəxəssislər SSRİ qaz sənayesinin formalaşması və
inkişafında mühüm rol oynamışlar.
Təəsüflə qeyd etməliyik ki, Azərbaycanda qaz
sənayesinin bütün tarixi dövrü ərzində müvafiq kompleksi
vahid qurumda, bütün dövriyyədə təmsil edən, nəzarəti həyata
keçirən təşkilat mövcud olmamışdır. Azərbaycanda qaz
ehtiyatlarının əksər hissəsi dəniz sektorunda cəmləşdiyi üçün
buradakı neft-qaz hasilatını
təmsil edən
«Xəzərdənizneftqazsənaye» istehsalat birliyi SSRİ qaz
sənayesi nazirliyinin tabeliyində idi. Qazın nəqlini,
saxlanmasını təmin edən müvafiq istehsalat birliyi, qazın
təchizatı kompleksi ayrı-ayrı təşkilatların nəzdində fəaliyyət
göstərirdi. Müstəqillik əldə edildikdən sonra qazın hasilatı,
emalı prosesləri neft şirkətinə, nəqletmə və təchizat şəbəkəsi
isə yeni qurumda- «Azəriqaz» təşkilatında birləşmişdir. Bu
vəziyyət-milli qaz sənayemizi tamamilə bir mərkəzdə idarə
etməyə imkan yaratmır. Yeni təşkilatın- «Azəriqaz» QSC-nin
fəaliyyət prinsipləri isə bu çərçivədə bazar iqtisadiyyatının
tələblərinə uyğun və effektli hesab edilmir.
Artıq iki onillikdir ki, Azərbaycanda qaz hasilatında
enmə prosesi baş verir. İndi respublikamızda 6 milyard kub
65
metr həcmində qaz hasil edilir. Bununla belə əlavə olaraq artıq
2 ildir ki, «Azəri-Çıraq-Günəşli» yatağından da qaz hasil edilir.
Burada çıxarılan qazın ümumi qaz hasilatındakı payı indiki
məqamda 14-15%-dir. 2000-ci il üçün Azərbaycanda qaz
hasilatının sabit saxlanılması, yəni 6 milyard kub metr
həcmində qalması planlaşdırılmışdır.
Keçid dövrünün indiki mərhələsində Azərbaycanda qaz
hasilatında və böyük qaz axınında müasir idarəetmə
strukturunun, müvafiq infrastrukturun yenidən təşkili, qaz
təsərrüfatında mövcud neqativ halların təcrid edilməsi mühüm
vəzifələrdəndir. Daha mühüm vəzifə isə ehtiyatlardan səmərəli
istifadədə ifadə olunur. Təcrübədən məlumdur ki, təbii
ehtiyatları bol, izafi olan ölkələrə istehlakda təsərrüfatsızlıq və
israfçılıq xasdır. Azərbaycanın da tarixən qaz ehtiyatları ilə
zəngin olması bu ehtiyatlardan gen-bol, qeyri-rasional istifadə
edilməsinə səbəb olmuşdur. Bütün bunlara baxmayaraq
ittifaqın mərkəzi orqanları təbii ehtiyatlardan, o cümlədən
qazdan səmərəli istifadəni normallaşdıran normativ aktlar
qəbul etmiş və müvafiq nəzarət mexanizmi işləyib
hazırlamışdır.
1990-cı ildə Azərbaycanda qaz itkisi planı ittifaq
tərəfindən 1,13-1,21% həddində planlaşdırılmışdı. Müstəqillik
əldə edildikdən sonra bir çox sahələrdə olduğu kimi
Azərbaycanın qaz təsərrüfatında da reqressiv, dağıdıcı meyllər
müşahidə olunmuş, mərkəzi hökumət orqanlarının zəif
nəzarəti, qeyri-professionallıq meylləri qaz təsərrüfatında
itkilərin 5-6 dəfə artırılmasına rəvac vermişdir. Analoji
vəziyyət elektrik enerjisinin istehsalı və təhcizatına da xasdır.
Qaz təchizatını nəzarətdə saxlayanlar müvafiq qurumlar
avadanlıq və qurğuların köhnəliyini bəhanə edərək texnoloji
itkilərin faizini faktiki olaraq daha çox göstərməklə
koordinasiya təşkilatlarını inandıraraq 1993-cü ildə qaz itkiləri
planının 8,6%-ə qədər yüksəldilməsinə nail olmuşlar. Qaz
itkilərinə müvafiq olaraq məişət qaz cihazları və müvafiq qaz
Dostları ilə paylaş: |