87
dürülür. Törəmə SC-lər isə bu prosesdə daha çox müstəqilliyə
malikdirlər. Rusiyada mövcud elmi-texniki kadr və maddi po-
tensial neft-qaz sənayesində islahatların çevik aparılmasında
mühüm rol oynayır. Lakin daha geniş miqyaslı islahatlar
yüksək məbləğli investisiyalar tələb edir. Məhz investisiya
çatışmazlığı Rusiya Federasiyasının neft-qaz sənayesində
minlərlə reanimasiya gözləyən quyuların istismara qaytarıl-
masında əsas maneə olaraq qalır. Mütəxəssislərin rəyinə görə
bu quyulardan əlavə olaraq 70-80 milyon ton neft almaq müm-
kündür.
Azərbaycanın da neft sənayesində fəaliyyət göstərən
müştərək müəssisələrdə də heç şübhəsiz ki, struktur
dəyişiklikləri baş verir, islahatlar təkmilləşir. Müştərək
müəssisələrin manevrliliyinin artırılmasında «prodakşin-
şerrinq» tipli müştərək fəaliyyətlə üstünlük verilir. Zənnimizcə,
belə praktikanın müsbət cəhətləri ilə yanaşı, mənfi çalarları da
meydana çıxa bilər. Hər halda Rusiyada aparılan monitorinq və
tədqiqatlar bu strategiyada səhmləşməni daha məqbul saymış-
dır. Səhmləşmənin müasir bazar prinsiplərini tam əks
etdirməsi, dövlətlə bu müəssisələr arasında şaquli deyil daha
çox partnyorluq münasibətlərinin formalaşmasını üstün edir.
Belə cəhət ilk növbədə dövlətin özünün mənafelərini daha
əsaslı qorunmasından irəli gəlir. Bazar islahatları müəssisələrin
səmərəli fəaliyyətinin təmin edilməsində, rəqabət üstünlüyünün
artırılmasında elmi-texniki nəaliyyətlərdən rasional
istifadəetməni tələb edir. Müvafiq işlərin reallaşması
müəssisənin təsərrüfat fəaliyyətinin müntəzəm təhlilinin apa-
rılmasını şərtləndirir. Məhz bu aspekti müəssisənin strateji və
taktiki inkişafını müəyyənləşdirən amil kimi qiymətləndirmək
olar. Müəssisənin təsərrüfat fəaliyyətinin təhlili idarəetmə
funksiyalarının səmərəli təhlilini, qərarların elmi
əsaslandırılmış qəbulunu təmin edir. Bu təhlil elmi xarakterli
olması ilə yanaşı sistemli yanaşmada əks olunan kompleks,
ardıcıl, operativ komponentləri də ifadəsini tapır.
88
Makroiqtisadi səviyyədə iqtisadi yaranışları və prosesləri
öyrənən ümumi iqtisadi nəzəri təhlillə yanaşı mikroiqtisadi
səviyyədə-təsərrüfat subyekti kontekstində müvafiq meylləri
təsərrüfat fəaliyyətinin təhlili reallaşdırır. İndiki mərhələdə
müəssisə və təşkilatların səmərəli fəaliyyətinin təmin edilməsi
məhz onun təsərrüfat fəaliyyətinin təhlili sayəsində mümkün
olur. Bununla belə, müəssisənin təsərrüfat fəaliyyətinin təhlili
prosesi idarəetmə sisteminə təcrübi tətbiqi planda mühüm təsir
və tənzimləmə vasitəsinə çevrilir. Bazar münasibətlərinə
keçidlə iqtisadi mexanizmin təkmilləşdirilməsi və habelə,
cəmiyyətimizdə baş verən yeni yaranışlar da bu proses də
müsbət meylləri artırır.
Milli neft-qaz sektorunda müəssisənin təsərrüfat
fəaliyyətinin təhlili o qədərdə keyfiyyətli aparılmır. Bu bir çox
amillərin təsiri ilə əlaqədar olsa da, ilk növbədə özünü
mütəxəssis bacarığında göstərir. NQÇİ-lərdə müvafiq
peşəkarların azlığı təhlil işinin aparılmasında əks olunur.
İqtisadi profilli kadrlar əvvəllər olduğu kimi indi də hesabat-
məlumat xarakterli işlərin görülməsini yerinə yetirirlər.
Müəssisələrdə maliyyə proseslərini formalaşdıran,
tənzimləyən, maliyyə planlaşdırılması, başqa sözlə maliyyə
menecmentindən söhbət belə getmir. Lakin bu qəti fikir dey-
ildir. Sərbəst iqtisadi maliyyə statuslarında fəaliyyət göstərən
müştərək müəssisələrdə maliyyə menecmentinin aparılması
qaçılmazdır. Müasir tələblər belədir ki, ixtisaslı iqtisadçı,
maliyyəçi, mühasib yalnız keçid iqtisadiyyatının, bazar
münasibətlərinin, iqtisadi inkişafın ümumi qanunauyğunlu-
qlarını və meyllərini bilməklə yanaşı, həm də bu yaranışları,
inkişafı reallaşdıran spesifik və xüsusi iqtisadi qanunları,
habelə, qanunauyğunluqları da dərk etməlidir. İqtisad
xidmətinin əsas iş qayəsini istehsal xərclərinin azaldılması,
iqtisadi artımın və səmərəliliyin yüksəldilməsində öz ifadəsini
tapmalıdır.
Neftqazçıxarma müəssisələrinin real bazar subyektinə
89
çevrilməsində çevik maliyyə mexanizminin təşkili, borcların
azaldılması və digər maliyyə və iqtisadi tədbirlərin görülməsi
də vacibdir. Bunun üçün nəzəri reallıqları və iqtisadi alətlərin
tətbiqi təhlildən keçirilməlidir. Burada ilk növbədə debitor bor-
clarının dövriyyəlilik əmsalının azaldılmasına onların mini-
muma endirilməsinə səy göstərilməlidir. Müəssisə və təşkilatın
istehsal gücünün düzgün əsaslandırılması, məhsul həcminin
proporsiyalarını, rentabelliyini və mənfəəti təmin edəcək
parametrlərin müəyyən edilməsi idarəetmə qərarlarının uğurlu
həllində mühüm rol oynayır. Məhz fəal, elmi əsaslandırılmış
idarəetmə prosesi səmərəli fəaliyyətin təminatçısıdı.
Müəssisələrin maliyyə dayanıqlığı formalaşmış prakti-
kaya əsasən aşağıdakı 4 əmsal göstəricisində təhlilə məruz
qalır:
1.
Müstəqillik ( avtonom-muxtariyyat)
əmsalı:
Mülkiyyətçilərin əmlakının alınmasına vəsait qoyu-
luşunun məbləğini, onun kreditorlardan asılılıq
dərəcəsini xarakterizə edir. Müvafiq əmsal şəxsi
vəsaitlərin mənbəyinin aktivlərin yekununa
bərabərliyində əks olunur. Optimal hədd 0,5-0,7
sayılır.
2.
Maliyyə dayanıqlılığı əmsalı. Bu əmsal stabillik əmsalı
da adlanır və maliyyə mənbələrinin tam xüsusi çəkisini
göstərir. Müvafiq əmsal xüsusi vəsaitlərin mənbəyinin
və uzun müddətli kreditlərin məbləğinin balansın ak-
tivinin yekununa bərabərliyi ilə ölçülür. Standart 0,5-0,7
qəbul edilir.
3.
Borc əmsalı və yaxud maliyyə riski. Təsərrüfat
subyektinin xüsusi vəsaitləri ilə borc vəsaitlərinin
nisbətində təyin olunur. Dünya təcrübəsi 0,5-1,0
həddini qəbul edir.
4.
Dövriyyə kapitalının manevrliliyi. Xüsusi vəsaitlərin
daha mobil aktivlərə qoyuluşunu xarakterizə edir. Cari
aktivlərin qısamüddətli öhdəliklərə fərqinin xüsusi
vəsait mənbələrinə nisbəti ilə müəyyən olunur.
Dostları ilə paylaş: |