81
1.
şəxsiyyətlər arası münasibətlərin idarə edilməsi. Bu
təşkilatdaxili və ondan xaric müxtəlif insanlarla
münasibətlərin yaradılması və müdafiə edilməsində əks
olunur. Şəxsiyyətlərarası münasibətlərdə rəhbər sosial
və hüquqi öhdəlikləri, təntənəli tədbirləri, xarici və dax-
ili münasibətləri, liderlik funksiyalarını əks etdirir.
2.
informasiyanın idarəedilməsi-bu məlumatların to-
planılması və yayılmasında özünü göstərir.
3.
qərarların qəbul edilməsi.
Bu funksional mahiyyət, prinsip etibarı ilə əvvəlki me-
todologiyalardan əsaslı dərəcədə fərqlənməsə də, daha geniş
çərçivədə bazar formalı müasir təşkilatın rəhbərinin əsas iş
prinsipini canlandırır. İndiki məqamda idarəetmədə uğurun
ətrafını strateji planlaşdırma tələblərinə uyğun maliyyə
menecmentində, rasional informasiya şəbəkəsinin işlənib hazır-
lanmasında, idarəetmə bacarığının inkişaf etdirilməsində
müəyyən olunur. Strateji planlaşdırma dəyişkənlikləri qa-
baqcadan düşünmək, məqsəd və vəzifələri geniş spektrdə uzun
müddətli mahiyyətdə kerçəkləşdirməyi ifadə edir. Səmərəli
idarəetmə bütün resursların cəm olunması, onların
məqsədyönlü bölgüsündə qiymətini alır. Müvafiq bölgü isə
təcrübədən geniş bilikdən qaynaqlanır.
Görkəmli ABŞ alimi Piter Drukerin «iqtisadi resursların
yeganə mahiyyəti bilikdə ehtiva olunur və ya bilik iqtisadi
rsursların yeganə mahiyyətidir» tezisi biliyin idarəetmədə əsas
amil olduğunu təsdiq edən daha bir istiqamətdir.
Neft-qaz sənayesində struktur islahatlarının sürətləndiril-
məsi, kompleksin elmi əsaslarla, bazar prinsiplərinə müvafiq
idarə edilməsi apardığımız tədqiqatda bir daha əksini taparaq
belə bir qənaətə əsas verir ki, islahatların uğurlu nəticələri
təkmilləşən struktur dəyişikliklərindən, səmərəli idarəetmə
mexanizmlərinin tətbiqindən əsaslı dərəcədəndə asılıdır. Bu
asılılığın zəiflədilməsi davamlı praktiki tədbirlərin reallaşması
ilə mütənasibdir.
82
2.4. Neftqazçıxmarma müəssisələrinin yeni bazar
subyektinə çevrilməsi problemləri
Neft-qaz sənayesi istehsalat birliklərinin struktur
vahidləri-neftqazçıxarma idarələri abreviaturada NQÇİ-lər
neft-qaz hasilatının bilavasitə təmin edən iri kompleks istehsal
təşkilatlarıdır. Yataqların ölçüləri, istehsal tsikli və sair
parametrlərdə əks olunaraq NQÇİ-lər 1000-dən 5000-nədək,
bəzən daha çox işçi qüvvəsini əhatə edir. Onların da strukturu
geniş şəbəkəlidir. Dəniz və qurudakı istehsalat birliklərində
müvafiq olaraq DNQÇİB və QNQÇİB Sovetlər İttifaqından
miras qalmış 15 müvafiq təşkilatdan, indi klassik formada 11-i
fəaliyyət göstərir. Digər 4 müəssisə bir neçə NQÇİ-lərdən
qopmuş kiçik mədənlər indi keçid iqtisadiyyatının prinsiplərinə
uyğun səciyyə daşıyan müştərək müəssisələr formasında
fəaliyyət göstərirlər. Müvafiq NQÇİ-lərin yeni bazar
subyektinə çevrilməsi perspektivin məqbul cəhətlərini təhlil və
təqdim etmək üçün bu silsilədə olan və daha çox özəl formasını
saxlayan Balaxanıneft NQÇİ-nin strukturuna və fəaliyyət
prizmasına həm tarixi, həm də müasir rakursda nəzər yetirək.
Azərbaycan neftinin beşiyi sayılan «Balaxanıneft»
NQÇİ-də sənaye üsulu ilə istismar XIX əsrin ikinci yarısında
təşəkkül tapır. Bu ərazilərdə tapılan daş kitabədə Balaxanılı
usta Allahyar Nurməmməd oğlunun 1594-cü ildə inşa etdiyi 60
metrlik quyunun tarixi əks olunmuşdur. 1871-ci ildə Bakılı sa-
hibkar Ağamirzə Mirzəyevin burada texniki üsulla qazdığı qu-
yunun fantan vurması isə ümumiyyətlə, Azərbaycanda sənaye
üsulu ilə neft hasilatının əsası sayılır. Sonrakı 10 il ərzində belə
quyuların sayı 200-ü ötüb keçmişdi. Tezliklə Balaxanı neftli-
qazlı yatağı iri sərmayədarların diqqət obyektinə daxil olur.
Müvafiq yataqların istismarında «Nobel qardaşları», «Rotşild»
şirkətləri, Mantaşov, Nağıyev, Əsədullayev kimi məşhur sa-
hibkarlar fəaliyyət göstərmişlər. Müasir mərhələdə Balaxanı,
Sabunçu, Ramananı yataqlarının istismarını həyata keçirən
83
Balaxanıneft NQÇİ-nin inzibati binasını vaxtı ilə «Nobel qar-
daşları» şirkəti inşa etmiş, zamanın mövcud istehsal prosesi
buradan idarə və nəzarət olunmuşdur.
1901-ci ildə bu yataqlarda rekord səviyyədə 8 milyon
821 min ton neft hasil edilmişdir ki, bu da Rusiyada istehsal
olunan bütün neftin 73,8 faizinə bərabər olmuşdur. Sovet
hakimiyyəti illərində «Leninneft» adlanan bu təşkilat samballı
yataqların, əsas istehsal fondlarının nəhəngliyi və digər texniki-
iqtisadi göstəricilərə görə anoloji neftqazçıxarma idarələrinin
avanqardı olaraq milli neft sənayemizin ən qabaqcıl təşkilatı
kimi indiyə qədər liderliyini qoruyub saxlamışdır. İkinci dünya
müharibəsi zamanı Azərbaycanın Sovet cəbhəsinə verdiyi 75
milyon ton neftin 17%-dən çoxu bu yataqlarda hasil edilmişdir.
Bütün tarix ərzində NQÇİ-nin istismar etdiyi yataqlardan 330
milyon tondan çox neft hasil olunmuşdur ki, bu da müvafiq
dövr ərzində bütün respublikada çıxarılan neftin 75, quru
sahələrindəki hasilatın 35%-i həcmindədir. Buradakı laylarda
hələ də kifayət qədər ehtiyatların qaldığı söylənilir. Bununla
belə köhnə yataqlar çox sulu olması ilə fərqlənir. NQÇİ-nin
təhvil verdiyi neftin əksər hissəsi I qrupa aid, yüksək
keyfiyyətli xammal hesab edilir. Hətta mütəxəssis rəyi zərərli
qatışıqlıqlardan xeyli dərəcədə azad olan bu neftin dünyada
analoqu olmadığı fikrini bəyan edir. Vaxtı ikən 7-8 min kollek-
tivin çalışdığı, hər il milyon tondan çox neft hasil edildiyi
NQÇİ-də işçi sayı indi 2300 nəfərə, gündəlik hasilat isə 600
tona enmişdir. Lakin buna baxmayaraq müvafiq göstəricilər
baxımından NQÇİ yenə də həmkarları arasında ən böyüyü
olaraq qalır.
«Balaxanıneft» NQÇİ-nin müasir strukturuna 7
neftqazçıxarma sexi ( neft mədəni), istismar avadanlıqlarının
təmiri və prokatı, elektrik avadanlıqlarının təmiri və prokatı,
quyuların əsaslı və yeraltı təmiri, elmi-tədqiqat və istehsalat
işləri, istehsalın avtomatlaşdırılması, neftin və texniki suyun
kompleks hazırlanması, xüsusi texnika, qazın yığılması və
Dostları ilə paylaş: |