60
investisiyaların istismarının son nəticəliliyi, kommersiya
marjası, məhsulun rentabelliyi və istehsalla satışı xarakterizə
edən digər parametrlərlə xarakterizə olunur. Bu göstəricilər də
özü-özlüyündə əsas vəsaitlərin dövrliliyi, fondverimi,
fondtutumu, əmək məhsuldarlığı enerji və xammal tutumundan
asılıdır. İndiki şəraitdə son nəticədə maliyyə amillərinin təsiri
də mühümdür. Buraya bütün aktivlərin verimi, debitor
borclarınnın dövriliyi, müəssisənin likvidliyi, iflas dərəcəsi
xüsusi və borc vəsaitlərinin nisbəti və sair daxildir. Bütün
bunlar bir daha belə bir qənaətə əsas verir ki, müasir mərhələdə
müəssisənin səmərəli fəaliyyətinin qiymətləndirilməsi əsaslı
dərəcədə maliyyə vəziyyəti ilə bağlıdır. Son zamanlar
müəssisəsinin maliyyə təsərrüfat fəaliyyətinə təsir edən
iqtisadi, ictimai-siyasi və texniki amillərin nüfuz sferası
dəyişikliklərə məruz qalmışdır. Məlumdur ki, energetik sektor
daha çox təsir obyektidir. Burada istehsalın təşkili və məhsulun
satışı prosesi müəyyən dərəcədə rəqiblərin imkanlarının
öyrənilməsi, qiymət siyasətinin təminatı satışı stimullaşdıran
reklam şəbəkəsini əhatə edən marketinq proqramlarından da
asılıdı. Bununla belə müvafiq proqramlar nəzərdə keçirilən
prinsipləri də özündə ehtiva etməlidir.
Neft sənayesində iqtisadi islahatların strategiyasında
indiki keçid mərhələsində mühüm istiqamətlərindən biri də
məşğulluqla bağlı problemlərdir. Uzun illər kompleksdə
hasilatda və istehsalda-enmə müşahidə olunmuş, əmək
məhsuldarlığı dəfələrlə aşağı düşmüş və müvafiq olaraq işçi
qüvvəsinə tələb də azalmışdır. Bu problem yaxın illərdə neft
sənayesində iqtisadi islahatların çətin və mürəkkəb, daha çox
sosial əhəmiyyət kəsb edən istiqamətlərindən biri olacaqdır.
Buna görə də sahədə məşğulluqla bağlı ayrıca strategiya
işlənməli və həm də bununla yanaşı problemi mülayimləşdirən
operativ taktiki gedişlər də mütəmadi səviyyə daşımalıdır.
Bazar münasibətlərinin qərarlaşdığı indiki mərhələdə
ictimai tənzimləmənin xüsusi rolu nəzərə alınmalı və o xalq
61
təsərrüfatında sabitləşmə meyllərinin həllində, iqtisadiyyatın
inkişafında mövcud disproporsiyaların təcrid olunmasında
özünü göstərməlidir. Bu prosesdə qeyri-hökumət təşkilatlarının
xüsusən də üçüncü sektorun əhəmiyyətli təsirini qeyd etmək
lazımdır. Daha səmərəli tənzimləyici mexanizm isə şübhəsiz
ki, dövlətin iqtisadiyyata müdaxiləsidir ki, bu da fiskal, pul-
kredit siyasətdə özünü göstərir.
Sərt vergi şərtləri ilkin mərhələdə nəticəli olsa da,
sonradan iqtisadi artımın təmin edilməsində müəyyən maneəyə
çevrilir. Məhz buna görə də vergi siyasəti istehsala ağırlaşdırıcı
təsir etdiyini büruzə verdikdə imtiyazların tətbiqi vacib sayılır.
Bu həm də hesablaşmaları asanlaşdırır və rasional nəzarətə
səbəb olur. Vergiqoymaya yanaşmada münasibətin
dəyişdirilməsi vergi rejimində mülayimləşdirmə ilə xarakterik
olmalıdır. Marginal yataqlarda vergi rejimi daha çox
mülayimləşdirilməli və belə yataqlarda istismarın rentabelli
olması məqsədilə imtiyazlar sistemi işlənib hazırlanmalı
proporsional-reqressiv vergiqoyma şərtləri tətbiq edilməlidir.
İnteqrasiyanı gücləndirmək, xarici investisiya axınını artırmaq
məqsədi ilə vergilərin harmonizasiyasının tətbiqinə də
imkanlar açılmalıdır. Vergi sistemində aparılan islahatlar uçot
prosesini deformasiya etdirməməli, sahənin rəqabət
qabiliyyətini artırmalı və buraya cəlb edilən kapital axınını
sürətləndirməlidir. Maliyyə prosesinin yaxşılaşdırılması,
müəssisələrin manevrliliyinin yüksəldici faktorudur. Məhz
buna görə də istehsalının inkişafının maliyyə təminatı əsas
qovuşdurucu mövqedə durur.
Yataqların işlənməsində yerli bankların cəlb edilməsi də
mühüm şərtlərdən sayılır. Rusiyada yerli banklar bu
istiqamətdə müəyyən prioritetlərə malikdirlər. Müşahidələr və
təhlil göstərir ki, Rusiya banklarının investision prosesə cəlb
edilməsi qüvvəsi yüksəkdir. Hətta böyük lahiyələrin
gerçəkləşdirilməsində regional və kiçik bankların birgə,
konsorsium formalı əməkdaşlığı da diqqətə gətirilir. İnvestision
62
partnyor kimi birgə fəaliyyət ümidverici ovqat yaradır. Bu
nəzəri aspektlərin gerçəkləşməsi üçün respublikamızda yeni
bazar strukturunun formalaşmasının tam başa çatması həlledici
əhəmiyyət daşıyır. Məhz buna görə də strateji planlaşdırmada
dünyada mövcud olan modellərdən birinin milli iqtisadi
potensiala və konyukturaya uyğun olaraq qəbul edilməsinə səy
edilməlidir.
Hazırda dünyada çox qlobal dəyişikliklər baş verir.
Bunlar iqtisadiyyata, xüsusilə neft-qaz sənayesinin inkişafına
böyük təsir edir. Bazar iqtisadiyyatına keçid müəssisələrdə
istehsalın səmərəliliyinin və
rəqabət qabiliyyətinin
artırılmasını, elmi-texniki nəaliyyətlərin, mütərəqqi forma və
metodların tətbiqini, təsərrüfatsızlıq meyllərinin təcrid
olunmasını və digər bu kimi keyfiyyətlərin reallaşmasını tələb
edir. Apardığımız təhlilin məntiqi nəticəsi respublika neft-qaz
sənayesində yeni bazar mexanizmlərinin formalaşmasını
islahatların ardıcıl, prinsipial davamlı inkişafından asılı
olduğunu bir daha diqqətə gətirir.
2.2. Azərbaycanın qaz sektoru islahatların yeni
mərhələsində
Azərbaycanda qazdan geniş istifadə XIX əsrdə intişar
tapmışdır. Bu illərdə qazın əhəmiyyəti ilə bağlı keyfiyyətlər
bütünlüklə dərk olunmurdu. Hasil edilən qaz əsasən səmt qazı
olduğundan onun səmərəli tutulması əlavə texnoloji proses
tələb edirdi. Sonralar təbii qazın səmərəsi daha artıq dərk
edildikdə ondan istifadə sferası da genişləndi. Azərbaycanın
neft ölkəsi olması onun şöhrəti elə neftlə də ehtiva olunurdu.
Lakin qətiyyətlə demək olar ki, Azərbaycanın «Odlar ölkəsi
kimi» şöhrət qazanmasında daha çox qaz amili əhəmiyyət
daşımışdır. Hələ min illər öncə Abşeron torpağında yanan
ərazilər, hətta ara-sıra dənizdə belə müşahidə olunan alovlanma
Dostları ilə paylaş: |