Mirzə İbrahimov və xalq yaradıcılığı
37
MİRZƏ İBRAHİMOVUN HEKAYƏ VƏ
POVESTLƏRİNDƏ XƏLQİLİK
Mirzə İbrahimovun xalq yaradıcılığına dair elmi-nəzəri
görüşləri bədii əsərlərində folklordan istifadə ilə bir vəhdət
təşkil edir. Xalq yazıçısı Azərbaycan folklorşünaslıq elminin
zənginləşməsində olduğu kimi, xalq ədəbiyyatından istifadə et-
məkdə də orijinal mövqe tutmuşdur. Onun bədii yaradıcılı-ğın-
da folklor bəşəriliyi, milli varlığı, və mənəvi saflığı təbliğ edən
vasitəyə çevrilir. İnsanın bütövlüyü, xalq mənəviyyatı və
təfəkkür aydınlığı folklor üslubundan daha çox özünü göstərir.
Yazıçı bədii obrazlar aləminin təbiiliyini, son dərəcə xəlqi
biçimdən olmasını şifahi xalq ədəbiyyatı ilə daha çox bağlı
olduğunu göstərir.
Səməd Vurğun yazır: “Yazıçı dünya meydanına hər şey-
dən əvvəl, öz xalqının milli aləmini, səciyyəsini, məişətini,
məfkurəsini və mənəviyyatını təbii surətdə tərənnüm etmək
yolu ilə çıxa bilər” (21, 60).
M.İbrahimovun ilk qələm təcrübələri olan “Zəhra”
(1929), “Mələk” (1930), “Qaçaq” (1932) hekayələrində obraz-
ların daxili aləmini açmaqda, sənətkarlıq səviyyəsində bir bəsit-
lik duyulur. Lakin həmin əsərlərdə xalq adət-ənənələrinə mü-
nasibət onların “Mələk” hekayəsində sərxoşluq, çoxarvadlılıq
pislənir. Fərmanın sabiq arvadları Mələk və Sənəm “Molla
Nəsrəddin” jurnalına məktub yazaraq onu rüsvay edirlər. Jurnal
oxucularına müraciətlə yazır: “ilanı görənə lənət, görüb
öldürməyənə lənət, öldürüb basdırmayana lənət. Fərman kimi
vəhşilərin varlığına təəccüb etməyin. Bizcə qoyun olub özünü
onların caynağına salanlar nə qədər tez ayılsalar o qədər
yaxşıdır” (35,38). Zərb-məsəldən sənətkarlıqla istifadə olunmuş
hekayədə xalq deyim tərzi, atalar sözləri samballı yer tutur.
“Yalın əldən iş qorxmaz”, “dovşanı çul etmisən”, “elə dəyənək-
Fazil Əliyev
38
dir ki, iki başı var”, “canına üşütmə salırdı”, “itin dişi, donuzun
dərisi” və s.
Ədib atalar sözlərindən istifadə etməkdə yalnış mövqe
tutmaq, bu sözləri nadancasına anlamaq məsələsinə də diqqət
yetirilir. “Məntiq Həsənoviç “ hekayəsində bu ön plana
çəkmişdir. “Yüz ölç, bir biç”, “Ehtiyat igidin yaraşığıdır”
atalar şözlərini özünə qalxan edən Məmməd Həsənoviç hər
addımını ölçə-ölçə” (35, 117) işlədiyi komunxoza gedib-gəlir,
kağızlara qol çəkməkdən qorxur, titrəyə-tıtrəyə, əsə-əsə yeriyir.
Suda boğulan uşağa əl uzatmır ki, birdən deyərlər: “onu sən
suya salmısan”. Nəhayət kişinin qorxudan bağrı çatlayır.
“Qorxu başa bəladır” atalar sözündə ifadə olunmuş fikir
sənətkar işləməsində yaşayır, əsərə oxunaqlıq, təravət gətirir.
V.Q.Belinski demişdir: “Puşkinin poeziyası, istər rus
təbiətini, istərsə də rus xarakterini təsvir etsin, hər iki halda
həyatı tamamilə düzgün əks etdirir: sanki buna görə də ümumi
bir səs onu “rus milli şairi” adlandırmışdır” (22,113).
M.İbrahimov ilk qələm təcrübələrindən başlayaraq
yaratdığı surətlərin milli görümünə diqqətlə yanaşır. “Etibar”
hekayəsində bu məsələ daha qabarıq verilmişdir. Xalqın namus,
qeyrət, dostluq haqqında düşüncəsi, həya, ismət anlayışı
hekayədə öz bədii həllini tapmışdır. “İndi arvad, kişi birdir.
Amma qızım, yadında saxla ki, elə namus keçmişdə də namus
idi, indi də namusdur. Hər gələnin yağlı dilinə aldanma, qızım.
Gəzdiyin adamı yaxşı öyrən, sonra sənə yaraşmaz. Qız papaq
deyil ki, bu başdan o başa qoyulsun” (35,129). Dilarə bu
nəsihəti ömrü boyu unutmur. Əri Həsənə dar gündə də xəyanət
etmir. Hekayədə cərəyan edən hadisələr “Alıxan və Pəri xanım”
dastanını xatırladır, dastandakı binamus Qara Vəzir və Pəri
xanımın inadını qıra bilmir, onun körpə uşaqlarına divan tutur.
Hacı Səyyadın çörəyi ilə böyüyən Tapdıq, onun qızı Pəri
xanıma xəyanət edir, ona böhtan atır. Nankor Səlim də
Dilarənı ələ keçirmək üçün putla çörəyini yediyi Həsən
müəllimi xəyanət yolu ilə tutdurur. Təslim olmayan Dilarənı
Mirzə İbrahimov və xalq yaradıcılığı
39
sındırmaq üçün Maarif Komissarlığında çalışan Ədhəmlə
əlaqəyə girir: “Səlim yüz cür böhtanı materiallarla Dilaranı
məktəbdən və partiyadan qovdurdu. Dilara yenə sınmadı. Baş
əyib yumşalmadı. Səlim quduzlaşdı. Onu yaşadığı evdən
çıxartdılar. Yenə Dilara yumşalmadı” (35,156). Ədhəmlə Səlim
də Dilaranı analıq hüququndan məhrum edib oğlu Etibardan
ayırmağa çalışırlar. Dilara atasından eşitdiyi müdrik kəlamı
“Qız papaq deyil ki, bu başdan o başa qoyulsun” atalar sözünün
ömru boyu unutmur. Dosta xəyanəti, alçaqlığı xalqımız həmişə
nifrətlə qarşılamışdır. Ədhəmin əməlləri xalqın mənəviyyatına
yaddır. Folklorda da belə əməllər nifrətlə damğalanır.
“Alıxan və Pəri xanım” (36) dastanının sonunda xalqın
gücünü, qeyrətini təmsil edən Budaq çoban Tapdığı və Qara
Vəziri cəzalandırır. “Bir yerdə adam çörək yesə, ora xəyanət
eləməz” – deyərək, hər ikisinin başını çomaqla əzir. Xalq istəyi
qələbə çalır. “Etibar” hekayəsinin sonunda da Etibarın məktu-
bundan sonra ədalət qalib gəlir, alçaqların yuvası dağıdılır.
Həsən müəllim ailəsinə qovuşur.
Mirzə İbrahimovun hekayələrində folklordan bəhrələnmə
müxtəlif səpkidə özünü göstərir. “İki həyat” (1949), “İşıqlı
kənd” (1953), “İradə” (1955) kimi əsərlərdə publisistik üslub
üstünlük təşkil edir. Bu əsərlərdə işlənən atalar sözləri,
məsələlər sənətkarın təhkiyəsindən, folklor üslubundan irəli
gəlir. Ona görə də təbii görünmür. “İşıqlı kənd hekayəsi”,
“Qonşun pis oldu köç qurtar, dişin ağrıdı çək qurtar”, “Dad pis
övlad əlindən”, “Nə çəkib ata bilirsən, nə köçüb qurtara”
(35,181) atalar sözü ilə başlayır. Əsərdə “Eyibsiz gözəl olmaz”,
“hər şey boşluğundan sınar, insan bərkliyindən”, “aydan arı,
sudan duru”, “cərgədən qalan qotur olar”, “ağacı qurd içindən
yeyər” kimi (35,183-214) atalar sözü və məsəllər işlənir. Bir
növ sənətkar müdaxiləsi təsirini bağışlayır.
“Müasir folklorun ən yaxşı öyrənilməsi yerdə müasir
nəsrin ən görkəmli, folklorla bağlı bir nümayəndəsi yetişib:
Çingiz Aytmatov!
Fazil Əliyev
40
Bu təsadüfi deyil. Müasir qırğız nəsrinin nəaliyyətlərin-
də möhtəşəm qırğız folklorunun (və folklorşünaslığının)
nəaliyyətləri vardır! Folklorşünaslığın müasirliyi elə budur.
Onun nailiyyətlərindən bəhrələnən ədəbiyyat, teatr, musiqi və
rəsm müasir dünyaya folklorun gözü ilə baxır” (37, 288).
M.İbrahimovun “Metamorfoza“ (35, 470-492) hekayəsin-
də zərbi- məsəldən sənətkarlıqla istifadə olunmuşdur. Əsərin
girişi də bu cəhətdən maraqlıdır: “Atalar min cür yaxşı-yaxşı
məsəllər qoyub gediblər. Qanan adamların nəzərində onların
qiyməti yoxdur. Evlər, saraylar uçulur, kitablar saralıb gedir,
onlar isə ağızdan –ağıza gəzib yaşayır, çoxları üçün həyat
məktəbi olur” (35, 470).
Hekayədə məsəllər haqqında, mühüm bir məsəl və onun
mahiyyəti haqqında, onu necə anlamaq haqqında təsəvvür
yaradır: “Məsəllər cürbəcürdür. Eləsi var ki, bircə mənası olur,
hər sözü istədiyi şəkildə yazmağı bacaran adamlar belə onlara
ikinci məna verə bilmirlər. Eləsi də var ki, kim necə istərsə elə
də yoza bilər” (35, 470).
Hekayə “igidin adı çıxınca, canı çıxsa yaxşıdır” məsəli
üzərində qurulmuşdur. Şöhrətpərəst, mühəndis Kəlbi Kəlbiyev
müdiri tənqid edir, işçilərin yanında özünü təvazökar adam
kimi göstərir. Daxilən isə vəzifədən ötrü can verir. Təsadüfən
vəzifəyə keçən Kəlbiyev həyatdakı su quyusunu düzəltdirmək
əvəzinə qumla doldurtdurur. Kəlbiyevin iç üzü vəzifəyə
keçəndən sonra açılır. Xalq deyim tərzi hekayədə mühüm yer
tutur.
Köhnə mühəndis Hökumə deyir, “Yanasan, ay Kəlbi! Ca-
maatın başına yaxşı yaylıq bağlayırsan ... tərif eşidəndə qalay-
lanmış cam kimi açılırsan! Tərifin əleyhinə çıxmağın da ona
görədir ki, səni tərifləsinlər (35,474) yaylıq bağlamaq”, qalay-
lanmış cam kimi açılmaq” deyimləri obrazın daxili aləmini
oxucuya çatdırmaq üçün yerində işlənmişdir.
Əsərdə “Köhnə tülkü mənə qaşov çəkir”, “Balığı at
dəryaya balıq bilməz xalq bilər”, “Kişi tüpürdüyünü yalamaz”,