Mirzə İbrahimov və xalq yaradıcılığı
41
“Çörəyi ver çörəkçiyə birini də artıq” (35), (38, 486-491) kimi
ifadələrdən və atalar sözlərindən istifadə olunmuşdur.
“Metamorfoza” hekayəsində Kəlbiyevin işdən qovulması
da gözlənilmədən baş verir. Sənətkar əsərin sonunda məsəli
xatırladaraq yazır: “Kəlbiyev istədi məşhur məsəli söyləsin.
Lakin dilinin ucundan qaytarıb susdu” (35, 492) “İgidin adı
çıxınca, canı çıxsa yaxşıdır” zərbi-məsəli əsərə şuxluq gətirir.
Oxucunu intizarda saxlayır. Xalq müdrikliyinin məhsulundan
sənətkarlıqla istifadə baxımından yanaşsaq, hekayəni Azərbay-
can nəsrinin ən yaxşı nümunələrindən hesab etmək olar.
Cənubi Azərbaycana həsr olunmuş hekayələrdə M.İbra-
himovun folklor üslubundan istifadəsində yenilik özünü göstə-
rir. Folklor nümunələri xalqın apardığı azadlıq mübarizəsinə
hesablanmışdır.
Mirzə İbrahimovun ədəbi irsində xəlqiliyin güclü
olmasında da folklor mühüm rol oynamışdır. Xalq yazıçısı
folklorun daha yaxşı öyrənilməsinə diqqət yetirdiyi kimi, ondan
istifadə etməkdə də XX əsrdə Azərbaycan nəsrində yeni
məktəbin əsasını qoymuşdur. Onun 1935-ci ildə yazdığı “İran
qızı” hekayəsi xalq sınamaları üstündə qurulmuşdur.
“Həyətimizdə müthiş bir səs eşidildi. Anam çölə atıldı, atam
alnını möhürdən götürdü... Qalağın başında bayquş oturmuş,
üzünü bizə tutaraq ulayırdı, hamımız mat-mat ona baxırdıq.
Atam təsbehi cibinə qoymuş, Quranı açmışdı, yalvarırdı: Ey
Allahın heyvanı, bizdən nə istəyirsən, çıx get!” (38).
Faciəvi sonluqla bitən hekayədə sınamalar, mifik görüşlər
bir-birini əvəz edir. Quraqlıq nəticəsində çaylar quruyur,
zəmilər külə dönür, lakin yağış yağmır. Üstəlik, “bəylikdə
toyuq banlamışdı” xəbəri camaatı vahiməyə salır. Qapılarında
bayquş ulayan Ulduzla sevgilisi Rza bir-birinə qovuşa
bilmirlər. Onun oxuduğu bayatı həqiqətə çevrilir.
Əzizim, həm arandı
Həm yayla, həm arandı
Fazil Əliyev
42
Sinəm tabutum olsun,
Həm yaylaq, həm arandı.
Ulduz sevgilisi Rzanın qolları arasında can verir.
“Bayquşun ulaması”, “toyuğun banlaması” kimi sınamalar,
kortəbii inamlar nəticəsində üzülən xalqın faciəsi əsərdə təbii
və inandırıcı şəkildə verilmişdir. “Fanatizm xalq üçün ağrıları
unutduran tiryəkdir” fikri hekayədə bədii həllini tapmışdır.
Müəllifin qarşıya qoyduğu məqsəd, oxucuya deyəcəyi sözdə
bu şəkildə çatdırılır.
“Tonqal başında” hekayəsi də Cənubi Azərbaycandan
bəhs edir. Kərim dayının dili ilə söylənən əfsanə və rəvayətlər
əsərin kompozisiyasını təşkil edir. Fədailərin qədim adətə görə
odun başında həlqə vurması, “tonqal başı söhbət” əsərə bir
təbiilik və emosionallıq gətirmişdir. Tonqal başında söylənən
əfsanə fədailəri mübarizəyə səsləyir. “Qədim zamanlarda bu
torpaqda bir el yaşarmış. Bu el nə zindan bilərmiş, nə zəncir.
Orada güclü gücsüzə zülm etməzmiş” (38, 22).
Paxıllıq və yalan bilməyən bu xalq düşmənə qarşı
birlikdə mübarizəyə apararmış. Onların torpağını ələ keçirməyə
çalışan hökmdar Alparsın qulağını Elcan adlı qəhrəman qılıncla
kəsir. Odu sevən, qaranlıqdan xoşlanmayan bu xalqı zorla ram
edə bilməyən Alpars hiylə ilə onların odunu oğurlayır.
Etiqadını itirən xalq əsarət altına düşür. Zalım düşmən dağın
zirvəsində ocaq qalayır. Odu görən xalq gecə-gündüz ağlayır.
Qəhrəman Elcan zirvəyə çıxır. Odu doğma xalqına paylayır.
Döyüş vaxtı Elcan ürəyini çıxardıb qəddar düşməni Alparsa
tullayır. Alpars onun ürəyini yeyir və qan qusub ölür. Düşmən
qoşunu vahiməyə düşüb qaçır. Xalq Elcanı dəfn edir və üstündə
əbədi ocaq yandırır.
Bu əfsanədə Mirzə İbrahimov yunan əsarəti “Promotey
haqqında əfsanə”dən istifadə etmiş və yadda qalan gözəl bir
bədii əsər yaratmışdır. Əfsanədən çıxan nəticə budur ki, xalqı
məhv etmək üçün onun etiqadını əlindən almaq lazımdır. Odur
ki, öz milli varlığını, düşünən xalq doğma torpağını, ana dilini,
Mirzə İbrahimov və xalq yaradıcılığı
43
vətənini, azadlığını canından əziz tutmalıdır. Yazıçı həmin
hekayədə insanları vahiməyə salan, tərksilah edən, ona heç bir
cəsarət, mətdlik, mənəvi kamillik təlqin etməyən şifahi xalq
ədəbiyyatı nümunələrinə də öz münasibətini bildirir.
Kərim kişinin tonqal başında danışdığı ikinci nağılı
dinləyən fədai Saleh “Kərim dayı, bu şəyatin olmasaydı, indi
biz də bir günə çıxmışdıq, - dedi elə millətin evini belə şeylər
yıxdı, gözəl görünməyən şey əfsanə və heçdir. Elcan hekayəti
ilə bu heç tutmur” (38, 28). Yazıçı demək istəyir ki,
ucdantutma bütün folklor nümunələlərini dəyərli hesab etmək
olmaz. Xalqın güclü cəhətləri olduğu kimi, onun zəifliyi,
mənəvi həyatının çatışmayan cəhətləri də vardır. Bu iki
vəziyyət folklorda da öz ifadəsini tapmışdır.
“Folklor əsərlərində əfsunlarda, tilsimlərdə, ağılarda
təlqinedicilik aparıcı bədii – sosial funksiya daşıyır” (40,135).
M.İbrahimov cindən, tilsımdən bəhs edən nağılı fədainin dili ilə
pisləməklə, tənqid etməklə folklor incilərinin sosial
mahiyyətini safçürük etmək məsələcini irəli sürmüşdür. Xalqını
mərdliyə, qeyrətli və qürurlu olmağa ,düzlüyə səsləyən
insanları ilə onun cəsarətini əlindən alan, qorxu və vahimə
içərisində yaşadan insanları ayırd etməyin vacibliyin əsərdə
bədii cəhətdən çox düzgün həll etmişdir.
M.İbrahimovun “Çobanın məsləhəti” (1959), “Şairin
yadigarı” (1959), “Pələng və insan” (1959) hekayələri xəlqilik
əsasında yaranmış əsərlərdir. Uşaqlar üçün işlənmiş bu əsərlər
Cənubi Azərbaycandakı soydaşlarmızın şifahi xalq yaradıcılığı
örnələkləridir. “Çobanın məsləhəti” hekayəsində paxıl, hiyləgər
vəzirlə, zalım, özünü sevən axmaq padşahla rəsədxana
yaratmış alimi haqqında söylənən bu rəvayətin çox dərin
məzmunu vardır. Vəzir alimi aradan götürmək üçün padşaha
onun haqqında yalan məlumatlar verir. Alimi öldürmək üçün
ona qoyun verir ki, altı ay arpa yedirtsin, ancaq elə etsin ki,
qoyun kökəlməsin. Alimin atası çoban olduğu üçün onu bu
çətinlikdən qurtarır. Hər gün yeməkdən sonra qoyuna canavar
Fazil Əliyev
44
göstərirlər. Beləliklə altı ay
arpa yeyən qoyun bir qram da
kökəlmir.
“Ağıllı çoban” obrazı folklorda geniş yer tutan mövzudur.
“Kitabi-Dədə Qorqud” dasatanındakı Qaraca çoban, “Tapdıq”
nağılındakı Budaq çoban öz xeyirxah, sədaqətli hərəkətləri ilə
tanınırlar. Yazılı ədəbiyyatda ilk dəfə dahi Nizami Gəncəvi də
“ağıllı çoban” obrazı yaratmışdır. “Yeddi gözəl” əsərində
Bəhram şaha nəsihət verən çoban buna misal ola bilər.
Mürsəl Həkimov yazır: “İstər şifahi, istərsə də yazılı
ədəbiyyatda rast gəldiyimiz çoxlu çoban surətləri hər yerdə
xeyirxah, etibarlı, yol göstərən, ağsaqqal ünvanlı, müdrik
simalardır” (41,10).
“Şairin yadigarı” hekayəsi də xalq rəvayəti əsasında
işlənmişdir. Şeir yazmaqla şöhrətə çatmış şairin hörməti
padşahı düşündürür. Bu nadan da xalq arasında hörmət
qazanmaq üçün şeir yazır. Yazdıqları cızmaqaralardan şairə
oxuyur. Şeirlərini bəyənmədiyi üçün şairi samanlığa saldırır.
İkinci dəfə şeir oxuyub rəyini soruşduqda şair “Məni samanlığa
qaytarın!” cavabını verir. Az sözlə dərin mənalı əsər
yaratmaqda folklor sənətkara mühüm mövzu vermişdir.
“Pələng və insan” hekayəsi də folklorumuzda yaşayan
kiçik bir əfsanə əsasında işlənmişdir. Hər üç hekayədə
uşaqlarda folklora maraq hissi oyatmaq, xalq təfəkkürünün
məhsulu olan əfsanə və rəvayətləri öyrənmək həvəsi yaratmaq
məqsədi əsas yer tutur.
Professor Paşa Əfəndiyev yazır: “Nizami Gəncəvi xalq
yaradıcılığına tükənməz bir xəzinə kimi baxmış, folklor
nümunələrindən öz fikirlərini, ideyalarını xalqa daha yaxşı
çatdırmaq üçün bir vasitə kimi istifadə etmişdir” (4, 374).
Mirzə İbrahimovun yaradıcılığında da eyni mənzərənin
şahidi oluruq. Yazıçı – akademik folklorumuz haqqında elmi-
nəzəri fikirləri ilə onun dərinliyinə varmış, bədii əsərlərində isə
folklordan sənətkarlıqla istifadə etmişdir. Folklor Mirzə
yaradıcılığında samballı yer tutmuşdur. O, xalq