Microsoft Word Near-Miss cr final az text rvs ns 2015 rvs sa ns
Yüklə 363,84 Kb. Pdf görüntüsü
|
- Bu səhifədəki naviqasiya:
- ÜST-nin "Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası"
- 3. Gözlənilən nəticələr
- 4. “Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası”nın şəhər/rayon və
Hamiləlik ağırlaşmaları və mamalıq fəsadlarında tibbi yardımın keyfiyyətinin qiymətləndirilməsi. ÜST-nin "Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası"
16
Əlavə 3-də məlumatların təqdim olunması üçün cədvəllərin nümunələri və məlumatları interpretasiyası üçün təlimat yerləşdirilib. 2.1.7. İcra metodu ÜST-nin “Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası” səhiyyə sistemi çərçivəsində xidmətlərin keyfiyyətinin yaxşılaşdırılması məqsədilə istifadə edilmə üçün nəzərdə tutulub. Tibb müəssisələrində bu yanaşma mövcud platformalar və ya mexanizmlər (məs., yan təsirlərin araşdırılması üçün təsis edilmiş komitələr, ölüm hallarının tədqiqi üçün yaradılmış komitələr və s.) əsasında həyata keçirilə bilər. Ölümlə nəticələnməyən hamiləlik/mamalıq ağırlaşmalarının tədqiqi üçün mövcud olan bu cür komitələr və ya komissiyalardan istifadə və ya yeni komitə/komissiyaların yaradılması yanaşmanın daha keyfiyyətli və uzun müddətli (davamlı) tətbiqinə, habelə onun nəticələrinin tibbi xidmətlərin keyfiyyətinin yaxşılaşdırılmasına yönəlmiş tədbirlərin həyata keçirilməsinə xidmət edə bilər. Bütün hallarda metodikanın tətbiq edildiyi tibb müəssisəsində tədqiqatın aparılmasına məsul olan və fəaliyyəti koordinasiya edən bir nəfərin müəyyən edilməsi tövsiyə olunur. Həmin şəxsin hamiləlik və mamalıq ağırlaşmaları və onların müalicəsi sahəsində müvafiq klinik bilik və təcrübəyə, habelə liderlik bacarıqlarına və həmkarları arasında müəyyən avtoritetə malik olması tədqiqatdan əldə edilmiş tövsiyələrin icrasına təkan verə bilər.
“Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası” iki variantda istifadə edilə bilər. “Tam variant” metodikanın tətbiqində xəstəxanada saxlanılan tibbi sənədlərin təhlili ilə yanaşı ayrı-ayrı xəstələrlə müsahibələrin aparılmasını nəzərdə tutur. “Baza variant” isə yalnız xəstəlik tarixləri, ambulator kartlar və digər müvafiq tibbi sənədlərin analizini əhatə edir, lakin xəstələrlə bir başa müsahibələrin aparılmasını istisna edir. Beləliklə, metodikanın “baza variantının” tətbiqi zamanı xəstələrlə birbaşa ünsiyyətin qurulması tələb olunmur. Bütün lazım olan məlumatlar tibb müəssisəsində saxlanılan xəstəlik tarixləri, ambulator kartlardan əldə edilir. Buna görə də xəstələrlə fərdi müsahibələr aparılmır. Düzdür, nadir hallarda müəyyən məlumatlara aydınlıq gətirmək və ya çatışmayan məlumatları əldə etmək üçün xəstələrlə ünsiyyətin qurulması faydalı ola bilər. Konkret iştirakçıların kimliyi haqqında məlumat xüsusi kitabçada məlumatı toplayandan gizli saxlanılır və ancaq çatışmayan və ya şübhəli məlumatların təsdiqi üçün istifadə olunur. Lakin nəzərə almaq lazımdır ki, xəstələrin kimliyini özündə əks etdirən jurnallar (məlumat bazası) məxfi saxlanılır və yalnız nadir hallarda istifadə edilir. Məlumatların əsasən xəstəlik tarixləri, ambulator kartlar və tibb müəssisəsinin saxladığı digər sənədlərdən əldə olunduğunu nəzərə aldıqda, xəstələrdən heç bir razılığın alınması da tələb olunmur. Lakin tədqiqatın aparıldığı tibb müəssisəsinin rəhbərliyinin icazəsi əldə edilməlidir. Bütün hallarda xəstələrə aid məlumatların məxfiliyinin qorunmasına xüsusi önəm və diqqət yetirilməlidir. Tədqiqatın bu cür metodologiya əsasında aparılması ÜST və digər etik komitələr tərəfindən etik normalara uyğun qəbul edilib (21, 22). Diaqram 1 ölümlə nəticələnməyən hamiləlik/mamalıq ağırlaşmalarının tədqiqinin “tam variant” üzrə aparılmasını təsvir edir. Bu variantdan istifadə zamanı əlavə etik məsələlər nəzərdən keçirilməlidir. 2.1.9. Qiymətləndirmədən sonrakı tədbirlər Ümumiyyətlə, klinik halları ölümlə nəticələnməyən hamiləlik/mamalıq ağırlaşmalarının tədqiqi prosesinə cəlb edilmiş qadınların təqibi tələb olunmur. Lakin tədqiqatın nəticələrindən asılı olaraq həmin Hamiləlik ağırlaşmaları və mamalıq fəsadlarında tibbi yardımın keyfiyyətinin qiymətləndirilməsi. ÜST-nin "Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası"
17
qadınların keyfiyyətli tibbi xidmətlərlə təmin olunması üçün tibb müəssisəsi müvafiq addımlar ata bilər. İlkin qiymətləndirmə bitdikdən sonra tibb müəssisəsi tərəfindən tövsiyələrin yerinə yetirilməsi üçün müvafiq tədbirlər görülməlidir. Beləliklə, qiymətləndirmə və təkmilləşdirmə prosesi dövrü olaraq aparılır (adətən ildə 1 dəfə). Bəzi böyük tibb müəssisələrində bu metodika əsasında tədqiqat davamlı olaraq aparılır. Nəhayət vaxtaşırı və ya davamlı aparılan bu cür qiymətləndirmələr tibbi xidmətlərin təkmilləşdirilməsi üçün görülmüş tədbirlərin və ya qəbul edilmiş təlimatların nəticəsini də qiymətləndirməyə imkan verəcəkdir.
Gözlənilən nəticələrə aşağıdakılar aid edilə bilər: –
hamilə və zahı qadınların xəstələnmə və ölüm hallarının yerli xüsusiyyətləri barədə məlumatlığın artması, –
hamilə qadınların xidmətlərə yönəldilməsini təmin edən sistemin (qadın məsləhətxanaları, doğum evləri, təcili tibbi yardım müəssisələri, poliklinikalar və s.) güclü və zəif tərəflərinin müəyyən edilməsi, –
hamiləlik və mamalıq ağırlaşmalarının müalicəsində klinik və digər növ müdaxilələrinin istifadəsi. Yuxarıda təsvir edilmiş metodikanın (“Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası”) şəhər/rayon və ya ölkə səviyyəsində tətbiqi isə ağırlaşmaları olan hamilə və zahı qadınlara göstərilən tibbi xidmətlərin çatışmazlıqları və ya üstünlüklərini təhlil etməyə imkan verir. Ümumiyyətlə, qeyd edilmiş metodikanın istifadəsində üstünlük onun standartlaşdırılmış metodologiya əsasında aparılmasıdır. Həmin metodologiyanın düzgün tətbiqi etibarlı və müqayisə edilə bilən (şəhər və rayonlar arasında, tibbi müəssisələr arasında) nəticələrin əldə edilməsinə kömək edir. “Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası”nın istifadəsi həmçinin tibb müəssisəsində sübutlu təbabətə əsaslanan tövsiyələrin tətbiqini araşdırmağa imkan verir. Həyat üçün təhlükə yaradan ağırlaşmalarla müşayiət olunan klinik halların təhlili gələcəkdə oxşar ağırlaşmaların erkən aşkar edilməsi və qabaqlayıcı hazırlıq tədbirlərinin görülməsinə təkan verə bilər.
“Ölümlə nəticələnməyən hamiləlik ağırlaşmaları və mamalıq fəsadlarının tədqiqi metodikası” əsasən ayrı-ayrı tibb müəssisələrində tətbiq olunmaq üçün nəzərdə tutulub. Əgər bu metodika şəhər/rayon səviyyəsində tibbi xidmətlərin keyfiyyətinin qiymətləndirilməsi üçün istifadə edilirsə, bu zaman həmin şəhər/rayonda hamilə qadınlara xidmət göstərən bütün tibb müəssisələri tədqiqata daxil edilməlidirlər. Şəhər/rayon səhiyyə sisteminin qiymətləndirilməsi zamanı ikinci və üçüncü səviyyəli tibb müəssisələrində bu metodika ayrı-ayrı tibb müəssisələrində olduğu kimi tətbiq olunur. Qeyd edilmiş metodikanın şəhər/rayon səhiyyə sisteminə tətbiq edilməsi zamanı tədqiqatçılar aşağıdakı fərziyə ilə çıxış etməli olurlar: icmada daxilində yaşayan və hamiləliklə bağlı kəskin orqan çatışmazlığı qeydə alınan və vaxtında və ya ümumiyyətlə müvafiq tibb müəssisələrinə çıxışı olmayan hamilə qadınlar ölür (yəni onların sağqalma ehtimalı çox aşağı olur; hətta 5%-dən də az). Bu fərziyyədən irəli gələrək icma daxilində ana ölümlərinin sayı və ağır
Yüklə 363,84 Kb. Dostları ilə paylaş:
|