Azərbaycan Tarixi
137
IX əsrdə Türkmənistan ərazisində mövcud
olan Qərbi və
Şərqi Qaraxanilər dövlətləri ilə yanaşı Yabqu dövləti adlı bir
oğuz dövləti də vardı. Yabqu dövləti doqquz oğuz türklərindən
olan 24 oğuz boyunu birləşdirirdi. Dövlətdə hökmdar vəzifəsi
“yabqu” adlanırdı. Hakimiyyətdə ikinci vəzifə qoşunun sərkər-
dəsi olan “sübaşı” (“sü” – qoşun və “başçı” sözlərindəndir) he-
sab edilirdi. Bir qayda olaraq yabqu vəzifəsini “bayat” boyunun
bəyi, sübaşı vəzifəsini “kınık” boyunun bəyi tuturdu.
Yabqu dövlətində görkəmli sübaşılarından biri Dokak
bəy olmuşdur. Tarixdə Əltunqa adı ilə məşhur olan Dakak
bəyin vəfatından sonra onun oğlu Səlcuq bəy sübaşı olur.
Səlcuqun yabqu ilə arası dəyir, münasibətləri gərginləşir.
Səlcuq öz kınık boyunu götürüb Aral dənizindən cənubda
yerləşən bir bölgəyə gedir. O vaxt Türküstanda ən qüdrətli
dövlət olan Qaraxanilərin xaqanı onlara
məskunlaşmaq üçün
torpaq verir. Həmin dövrdə Buxara və Səmərqənd şəhərlərinin
əhalisi artıq müsəlman idi. Səlcuq onlar vasitəsilə İslam dininin
ehkamları ilə tanış olur və İslamın mahiyyətini dərk edib,
mütərəqqiliyini görür. Səlcuq İslamı qəbul edir və onun fəal
təbliğatçılarından birinə çevrilir. Bu onun hörmətini artırır və
qısa müddətdə bölgədə tanınmış siyasi xadimə çevrilir.
Yabqunun adamları növbəti dəfə vergi toplamağa gələndə
Səlcuq onları qovur və deyir: “Mən kafirlərə vergi vermərəm.”
Bundan sonra Səlcuq müstəqil hökmdar olur və özünü “yabqu”
adlandırır. Beləliklə, Səlcuq dövləti yaranır. Qaraxanilər
hökmdarı bu dövləti tanıyır.
Səlcuqun 4 oğlu vardı. Mikayıl, Arslan, Yusif və Musa.
Böyük oğlu Mikayıl hələ 998-ci ildə döyüşlərdən birində həlak
olmuşdu. Səlcuq 1009-cu ildə 100 yaşında vəfat etdikdən sonra
onun oğlanları növbə ilə yabqu taxtına otururlar.
Kiçik oğlu
Musa dörd il hökmdar olduqdan sonra qardaşı Mikayılın
oğlanları Çağrı və Toğrulun xeyrinə yabqu vəzifəsindən imtina
edir. Çağrı və Toğrul yabqu taxtına otururlar.
Qəzənfər Rəcəbli
138
Səlcuq vəfat edəndə Çağrı və Toğrulun 17-21 yaşları var
idi. Səlcuq hələ sağ ikən nəvələrinin tərbiyəsi ilə məşğul
olurdu. O, nəvəsi Çağrı bəyi cəsur döyüşçü və yaxşı sərkərdə
kimi, nəvəsi Toğrulu isə ağıllı və müdrik dövlət başçısı kimi
yetişdirmişdi. Çağrı və Toğrul birlikdə dövləti idarə edir və öz
qabiliyyətləri ilə bütün Türküstanda şöhrət qazanırlar. Onların
şöhrətinin artması Qaraxani hökmdarını narahat edir. Çağrı sə-
fərdə olduğu zaman Qaraxanilərin hökmdarı Toğrul bəyə böh-
tan atdırıb onu həbs edir. Bundan xəbər tutan Çağrı bəy qoşunla
Qaraxani sarayına hücum edir, qələbə çalıb qardaşını azad edir.
Bu hadisədən sonra Çağrı və Toğrul qardaşları Qaraxani-
lərin torpaqlarında qala bilməzdilər. Onlar soydaşları ilə
birlikdə öz ölkələrinə qayıdırlar. Burada isə yabqu onların
mülklərini müsadirə etmişdi və qardaşları ölkəyə buraxmadı.
Qardaşlar dəstək üçün türklərin ən böyük hökmdarı Sultan
Mahmud Qəznəviyə müraciət etdilər. lakin Sultan Mahmud
Qaraxanı xaqanlarının və yabqunun tərəfini saxladı.
Vəziyyət belə gərgin hal aldıqda Çağrı və Toğrul Ön
Asiyaya köçməyi qərara aldılar. Öncə Çağrı bəy 2
min nəfərlik
süvari dəstə ilə Ön Asiyaya, o cümlədən, Azərbaycana
kəşfiyyat səfəri etdi və qayıdıb qardaşına bildirdi ki, səfər etdiyi
ölkələr maldarlıqla məşğul olmaq üçün, qoyun sürüləri və at
ilxıları saxlamaq üçün çox yaxşı, əlverişli yerlərdir. Qardaşlar
ağsaqqallar ilə məsləhətləşib qərbə doğru
köç etməyi qərara
aldılar.
1040-cı ildə səlcuq oğuzlarının qərbə doğru köçü başladı.
Səlcuq oğuzları İranın şimal bölgələrində olarkən xəbər
tutdular ki, Qaznəzi hökmdarı Sultan Mahmud Hindistanda
hərbi səfərdədir və paytaxtı Nişapur şəhərinin müdafiəsi
möhkəm deyildir. Çağrı bəy Nisapur şəhərini hücumla aldı və
Qəznəvilərin xəzinəsini ələ keçirdi. Sultan Mahmud Nişapurun
səlcuqlar tərəfindən alınması xəbərini eşidib Hindistan səfərini
yarımçıq qoydu və geri qayıtdı. Çağrı bəy Sultan Mahmud ilə
döyüşmək qərarına gəldi. O, Sultan Mahmudun 100 min
Azərbaycan Tarixi
139
nəfərlik ordusunun gəlib çıxmasını gözləmədən ona qarşı
hərəkət etdi. Böyük ordu hələ hərbi yürüş qaydası ilə
Hindistandan İrana doğru hərəkət edən zaman Çağrı bəy kiçik
dəstələrlə cinahlardan ona həmlələr edib taqətdən saldı.
Nəhayət, 1040-cı il mayın 20 də Mərv şəhəri yaxınlığında
Dandanakan adlı yerdə baş döyüş oldu. Çağrı bəyin sərkərdəlik
məharəti nəticəsində səlcuqların 20 min nəfərlik süvari ordusu
qəznəvilərin yaxşı təlim görmüş nizami ordusunu
məğlub etdi,
Sultan Mehman öldürüldü.
Dandanakan döyüşündən bir gün sonra Mərv şəhərinin
kənarındakı meydanda səlcuq oğuz türklərinin bəyləri,
sərkərdələri və ağsaqqalları qurultaya toplaşdılar. Qurultayda
Türk Səlcuq Sultanlığının yaradılması elan olundu. Çağrı bəyin
təklifi ilə qardaşı Toğrul bəy sultan taxtına oturduldu. Toğrul
bəy sultan taxtına oturduqdan sonra səlcuq oğuz türkləri qərbə
doğru yürüşlərini davam etdirdilər.
Sultan Toğrulun türk ordusu bütün İranı tutub 1054-cü
ildə Azərbaycana daxil oldu. Azərbaycanda Rəvvadilərin
hökmdarı Vəhsudan Vəhsırdan müqavimət göstərməyib Sultan
Toğrulun hakimiyyətini tanıdı. 17 yanvar 1055-ci ildə Sultan
Toğrulun türk ordusu Xilafətin paytaxtı Bağdada daxil oldu.
Abbasi xəlifələr sultan Toğrulun ali hakimiyyətini tanıdılar.
Xilafət ilə Türk Səlcuq Sultanlığı arasında bağlanan
müqaviləyə əsasən Xilafət və Türk Səlcuq Sultanlığı vahid
dövlət halında birləşdilər. Yeni fövqəldövlət İraq
Türk Səlcuq
Sultanlığı adlandı. Sultanlıqda ali dini hakimiyyət xəlifələrə, ali
dövlət hakimiyyəti isə sultanlara məxsus idi. Beləliklə, səlcuq
oğuzları tərəfindən tutulmuş Azərbaycan da İraq Türk Səlcuq
Sultanlığının tərkibinə qatıldı.
10.2. Azərbaycan İraq Türk Səlcuq Sultanlığının
tərkibində. Sultan Toğrulun vəfatından sonra varisləri
Alparslar və Məlikşahın hərbi yürüşləri nəticəsində bütün
Cənubi Qafqaz, Kiçik Asiya və Suriya da İraq Türk Səlcuq
Sultanlığının tərkibinə qatıldı. Səlcuq oğuzlarının ən böyük qə-
Qəzənfər Rəcəbli
140
ləbələrindən biri 1071-ci ildə Malazgird yaxınlığında Bizans
ordusu üzərində olmuşdur. Bu qələbənin nəticəsində səlcuq-
ların hakimiyyəti şərqdə Orta Asiyanın Qaşqar bölgəsindən
qərbdə Aralıq dənizinə qədər, şimalda Qafqazdan cənubda Yə-
mənə qədər böyük bir ərazini əhatə edirdi. Səlcuqların imperi-
yasının tərkibinə daxil olan dövlətlərin hökmdarları sultanların
vassallarına çevrilirdilər.
Məlikşah və onun məşhur vəziri Nizamimülkün vəfatın-
dan sonra imperiyanın əsas ərazisində böyük sultan taxt-tacı
üstündə mübarizə başlandı. Məlikşahın böyük oğlu
Börküyarığa qarşı onun kiçik qardaşı, Azərbaycanın hakimi
Məhəmməd Təpər çıxış etdi. Onu Xorasanın hakimi,
Məhəmməd Təpərin anabir qardaşı Səncər və bir sıra əmirlər
müdafiə edirdilər. Lakin Sultan Börküyarıq 1101-ci
ildə Hə-
mədan yaxınlığındakı döyüşdə onları məğlub etdi. Xəlifə əl-
Müstəzirin vasitəçiliyi ilə sultanlıq qardaşlar arasında bölüşdü-
rüldü. Məhəmməd Təpər Azərbaycan, Cəzirə və Diyarbəkirin
məliki (hakimi), Səncər – Xorasanın məliki oldu, Börküyarıq
isə sultan elan olundu.
Bir qədər sonra M.Təpər yenə də qoşun toplayıb
Börküyarığa qarşı çıxdı və bu dəfə də Xoy yaxınlığında məğlub
oldu. Lakin ən nəhayət Börküyarıq 1104-cü ildə Məhəmməd
Təpərin Azərbaycan, Qafqaz və Suriya üzərində sultanlığını
təsdiq etdi. 1104-cü ildə sultan Börküyarıq
öldü və bütün impe-
riyanın sultanı Məhəmməd Təpər oldu. Qərbi İran, Azərbaycan
və İraqı o bilavasitə özü idarə edirdi. Xorasanı isə canişin kimi
Səncər idarə edirdi. 1118-ci ildə Məhəmməd Təpərin ölümün-
dən sonra taxt-tac üstündə mübarizə yenidən qızışdı.
Məhəmməd Təpər ölümündən hələ bir qədər əvvəl oğlu
Mahmudu vəliəhd təyin etdi. Əmirlər Mahmuda and içdilər, xə-
lifə əl-Müstəzir Mahmudun sultan hüququnu tanıdı, Bağdadda
onun adına xütbə oxunmağa başladı.
Mahmud hakimiyyətinin bütün illərində qardaşları Toğ-
rul, Məsud, Səncərşah ilə taxt-tac üstündə mübarizə etməli