Azərbaycan Tarixi
133
Erkən orta əsrin sonlarında yaranmış bu
feodal dövlətləri türk
dövlətçilik ənənələlərini yaşatmış və gələcək nəsillərə nümunə
ola bilən yeni Azərbaycan dövlətçilik ənənələrini formalaşdır-
mışlar.
Ədəbiyyat:
1. Azərbaycan tarixi. Dərslik, s. 273-289.
2. M.Şərifli. IX əsrin ikinci yarısı - XI əsrdə
Azərbaycanın
feodal dövlətləri. Bakı, 1978.
3. İ.Cəbrayılov. Azərbaycan tarixi. s.118-120.
Qəzənfər Rəcəbli
134
X FßSÈL
AZƏRBAYCAN ATABƏYLƏR DÖVLƏTİ
10.1. Səlcuq oğuz türkləri və onların Azərbaycana
gəlmələri. Qədim türklər zəngin mədəniyyətə malik xalqlardan
biri olmuşlar. Qədim türklər haqqında ilk məlumata e.ə. 2000-
ci ilə aid Çin qaynaqlarında rast gəlmək olar. Həmin
qaynaqlarda
göstərilir ki, e.ə. 2000-ci ildə Mərkəzi Asiyada,
Sayan – Altay dağlarından şimal-qərb bölgələrində və Yenisey
çayı boyu bölgələrdə yaşayırdılar. Onlar e.ə. 1500-cü ildə
Sayan bölgəsindən Altay və Tanrı dalğaları bölgəsinə keçir,
oradan qərbdə Ural dağlarına, Ural çayına və Xəzər dənizinə,
cənubi-şərqdə Balxaş gölünə və ondan şimal-şərqdə yerləşən
böyük çöllük bölgələri əhatə edən geniş bir əraziyə yayılırlar.
Qədim türklər hunlar adı ilə e.ə. 1101-ci ildə Türküstanda
məskunlaşırlar. E.ə. VII əsrdə hunlar 3 istiqamətdə köç edirlər:
başqırdların əcdadları olan soylar Ural dağlarının cənub ətəklə-
rində, yakutların əcdadları olan
soylar Qərbi Sibirə, hunların
böyük kütləsi isə Altayda Ordos bölgəsində məskunlaşırlar.
E.ə. IV-III əsrlərdə çox böyük bir əraziyə yayılmış türklərin
İrtış çayından Xəzərə qədər olan geniş ərazidə məskunlaşan
hissəsinə Qərb hunları, Mərkəzi Asiyada və Çinin Şimalında
məskunlaşan hissəsinə isə Şərq hunları deyirdilər.
İlk böyük Hun imperiyasını Şərq hunları yaratmışlar. Bu
imperiyanı e.ə. III əsrin sonlarında indiki Monqolustanın qərb
hissəsində və Çinin şimal-qərbində yerləşən Ordos bölgəsində
Tuman xanın oğlu Mete yaratmışdır. Bu imperiya e.ə. 174-cü
ildə kiçik dövlətlərə parçalanır.
Azərbaycan Tarixi
135
Hunların bir hissəsi eramızın I əsrinin sonu - II əsrinin
əvvəllərində Xəzər dənizi ilə Aral dənizi arasındakı torpaqlar-
dan Ural çayının cənubuna və sonra İtil (Volqa) çayı boyuna
keçərək 374-cü ildə yeni bir qüdrətli dövlət yaradırlar. Bu döv-
ləti Hun imperiyası xaqanlarının nəslindən olan Balamir
yaradır. Balamir böyük ordu təşkil
edib qərb istiqamətində
hərbi yürüşə başlayır. Onlar öncə alanları sıxışdırıb, onları
Şimali Qafqaza köçməyə məcbur etmişlər. Sonra onlar Qara
dənizin şimalındakı böyük düzəngahlarda məskunlaşmış
german soylarından qotlarla üz-üzə gəlmirlər. O vaxt Don çayı
ilə Dnepr çayı arasındakı ərazidə ostqotlar (şərqi qotlar),
onlardan qərbdə vestqotlar (qərbi qotlar), onlardan da qərbdə
Dunay çayı boyu bölgələrdə isə german soylarından olan
vandallar məskunlaşmışdılar. Balamir qotları və vandalları
özünə tabe edib Roma sərhədlərinə çatır. O, Bizans və Roma
imperiyalarının torpaqlarının bir hissəsini də ələ keçirir.
Balamirin sərkərdələrindən Barsık və Kursıkın başçılığı
altında iki hun ordusu Don çayı hövzəsindən cənuba hərəkət
edərək Gürcüstandan keçib Anadoluya,
oradan da Suriyaya
gedir və sonra Azərbaycandan keçməklə geriyə Volqaboyuna
qayıdırlar.
400-cü ildə Balamirin vəfatından sonra Ulduz xan xaqan
oldu. O, Bizans imperiyasını özündən asılı dövlət halına salır.
Bizans hunlara ildə 10 min talant xərac verməli idi. Ulduz
xandan sonra Qaradon, ondan sonra isə Muncuq xaqan olur.
Muncuqun qardaşı Ruanın hakimiyyəti dövründə dövlət Avro-
pa Hun imperiyası adlanırdı. 434-cü ildə Ruanın vəfatından
sonra Muncuqun oğlu Atilla Avropa Hun imperiyasının xaqanı
olur.
Atillanın hakimiyyəti dövründə Avropa Hun imperiyası
ən yüksək inkişaf mərhələsinə çatır. O, mərkəzləşmiş dövlət
aparatı yaratmışdı. Atillanın dövründə Bizans imperatoru illik
xərac verməkdən imtina edir. Atilla
böyük bir ordu ilə Bizans
üzərinə yeriyir. Qorxuya düşən imperator ondan sülh xahiş edir
Qəzənfər Rəcəbli
136
və bu dəfə illik xəracı ikiqat ödəməyə məcbur olur. Atilla sonra
Roma imperiyasını xərac ödəməyə məcbur edir. Atilla Bur-
qundiya kralı Hundikarı da məğlub edərək bütün indiki
Almaniyanı özünə tabe edir.
Franklar, qodlar və onlarla Avropa
xalqları da Atillanın hakimiyyətini tanıyırlar. Roma sərkərdəsi
Aetius xərac ödəməkdə davam etsə də gizlicə Atillaya qarşı
müharibəyə hazırlaşırdı. Atilla bundan xəbər tutub Roma üzə-
rinə yeriyir və 451-ci il iyunun 20-də Aetiusun ordusunu dar-
madağın edir. 452-ci ildə Roma papası özü onun hüzuruna gə-
lib sülh istəyir və Atillanın Roma üzərində hakimiyyətini tanı-
yır.
Beləliklə, Atillanın hakimiyyəti
dövründə Hun impe-
riyasının sərhədləri şərqdə, Balxaş gölündən başlayaraq, qərbdə
şimal dənizi və İspaniyaya qədər böyük bir ərazini əhatə edirdi.
Atilla Roma üzərinə qalibiyyətli yürüşdən sonra İrana hərbi
yürüşə hazırlaşırdı. Lakin 453-cü ildə onun qəflətən ölümü bu
yürüşə imkan vermədi.
Atillanın ölümündən sonra Avropa Hun imperiyası zəif-
lədi və süqut etdi. Hun soylarından olan xəzərlər, sabirlər
(suvarlar), haylandurlar və başqaları Şimali
Qafqaza gəlir, ağ
hunlar isə Orta Asiyaya gedirlər. IV-VII əsrlərdə xəzərlərin bir
hissəsi Azərbaycana gəlib burada məskunlaşırlar. Hun
soylarının Azərbaycana axını IX əsrə qədər davam edir. IV
əsrdə Orta Asiyada isə ağ hunlar İranın şimalı ilə həmsərhəd
torpaqlarda Ağ Hun imperiyası yaradır və bir müddət İranı da
öz təsir dairəsinə salırlar.
Hun soylarından göy türklər adı ilə tanınan “doqquz
oğuzlar” VI-VII əsrlərdə Orxon-Yenisey bölgəsində Birinci
Göytürk xaqanlığı, sonra isə İkinci Göytürk xaqanlığı adlı, biri
digərini əvəz edən, iki imperiya (Bumin xaqan və İtləris
xaqanının yaratdıqları xaqanlıqlar) yaratmışlar. İkinci Göytürk
xaqanlığının süqutundan sonra oğuzlar qərbə tərəf hərəkət edib
Türküstanda qüdrətli Qaraxanilər dövlətlərini yaradırlar.