Azərbaycan Tarixi
245
1823-cü ildə İran ilə Osmanlı dövləti arasında
müqavilə bağlan-
dı.
Rusiya İranla münasibətdə İngiltərənin fəal iştirak etmə-
sini nəzərə alaraq müharibədən qaçırdı. Ona görə də Rusiya hö-
kuməti danışıqlar aparmaq və ərazi məsələlərini dinc yolla həll
etmək üçün Tehrana öz nümayəndələrini göndərməyi qərara
aldı. 1826-cı ildə general Menşikovun rəhbərliyi ilə rus
nümayəndə heyəti Tehrana gəldi. Menşikov şah sarayının
nəzərinə çatdırmalı idi ki, Rusiyanın məqsədi İranla sülh və
dostluq münasibətlərini qorumaqdan ibarətdir. Menşikov aldığı
təlimata əsasən bütün gücünü şahı razı salmaq
üçün sərf etməli
idi. Rusiya Talış və Qarabağ xanlıqlarının bir hissəsini güzəştə
getməyə hazır idi. Lakin Rusiyanın İranla hərbi münaqişəyə
girməmək üçün bu cəhdi müvəffəqiyyətsizliyə uğradı. Menşi-
kovu İranda çox soyuq qarşıladılar. Hətta Şimali Azərbaycan
sərhədlərinə çoxlu qoşun yeridildi. Menşikov şahın yay iqa-
mətgahı Sultaniyyəyə gələn zaman bunun təxribat olduğunu və
müharibənin labüdlüyünü başa düşdü. O, heç bir danışıq apar-
madan geri dönməli oldu. İran Rusiyaya ultimatum verərək
Talış və Muğanı ona qaytarmağı tələb etdi və rədd cavabı
aldıqda, İran qoşunları 1826-cı il mayın 26-da Rusiyanın
sərhəd
dəstələrinə hücum etdilər. 1826-cı il iyulun 16-da isə şahzadə
Abbas Mirzənin 60 minlik ordusu sərhədi keçərək Rusiyaya
qarşı müharibəyə başladı. Beləliklə, Azərbaycan uğrunda ikinci
Rusiya - İran müharibəsi başladı.
İran sərkərdəsi Hüseyn xanın başçılığı altında ordu
Şoragöl və Pəmbəni tutub Abbas Mirzənin əsas qoşunlarının
gəlməsini gözlədi. Abbas Mirzə yetişdikdən sonra İran ordusu
Gəncə üzərinə yeridi. Başqa bir ordu Şuşaya tərəf hərəkət etdi.
Şuşa qalasına çəkilən əhali yol üstündə olan hər şeyi məhv
edirdi ki, İran ordusunun əlinə keçməsin.
Cənubi Qafqazda rus qoşunlarının sayının azlığı və
pərakəndə halda yerləşməsi İran qoşunlarının Bakı, Quba və b.
bölgələrdə hərəkəti üçün əlverişli şərait yaradırdı. İran
Qəzənfər Rəcəbli
246
qoşunları ilə birlikdə Azərbaycana, vaxtilə İrana qaçmış bakılı
Hüseynqulu xan, şirvanlı Mustafa xan, Gəncə xanı Cavad xanın
oğlu Uğurlu xan və başqaları da gəlirdilər. Gəncədə rus haki-
miyyətindən narazı qüvvələr üsyan qaldırıb iyulun 28-də yerli
rus qarnizonunu məhv etdilər. Beləliklə, hərbi əməliyyatlar Şi-
mali Azərbaycanın, demək olar ki, bütün ərazisini əhatə edirdi.
İran ordusuna güclü müqavimət göstərən Şuşa qalasının
müdafiəçiləri müharibənin taleyində böyük rol oynadılar.
Qalanın 48 gün davam edən mühasirəsi xeyli İran qoşununun
diqqətini özünə cəlb edirdi. Bu da rus ordusunun komandanı
general Yermolova pərakəndə hərbi hissələri cəmləşdirib İran
qoşunlarına qarşı hücum əməliyyatına keçməyə imkan verdi.
Rus hərbi hissələri Şəmkir yaxınlığında İran qoşunlarının
hücumunun qarşısını kəsdi və onu məğlub etdi. Məğlubiyyətə
uğrayan İran qoşunu Gəncəyə çəkildi. Şəmkirdə məğlub olan
İran qoşunları özlərinə gələ bilmədilər. Bir-birinin ardınca
məğlubiyyətə uğrayan İran qoşunları geri çəkilməyə başladılar.
1827-ci ilin əvvəlində İran süvariləri
bütün Şimali Azərbaycan
ərazisini tərk etdilər. Yalnız Talışda vaxtilə İrana qaçmış
Mirhəsən xanın süvariləri qalırdı.
Hərbi əməliyyatlar 1827-ci ilin yazında yenidən canlandı.
Aprelin 20- də rus qoşunları Xüdafərin körpüsünü ələ keçir-
dilər, Cənubi Azərbaycana yol açıldı. 1727-ci il iyulun 7-də
Qafqaz əlahiddə ordusunun döyüşçüləri Cavanbulaq adlı yerdə
Abbas Mirzənin 16 min nəfərlik qoşununu ağır məğlubiyyətə
uğradıb Abbasabad şəhərini tutdular.
Rus ordusu oktyabrın 11-də Xoy şəhərinin yaxınlığında
ciddi müqavimətə rast gəlməyərək, Təbrizə doğru hərəkət etdi
və oktyabrın 18- də şəhərə daxil oldu. 1827-ci il noyabrın 7-də
hərbi əməliyyatların dayandırılması barədə danışıqlar başladı.
Rusiya İrəvan və Naxçıvan xanlıqlarının ona güzəştə
gedilməsini, İran qoşunlarının Talış xanlığından çıxarılmasını,
30 milyon rubl gümüş pul miqdarında təzminat verilməsini
tələb edirdi. Lakin ingilis və türk diplomatiyasının
təzyiqi
Azərbaycan Tarixi
247
altında danışıqlar kəsildi. 1828-ci il yanvarın 24-də rus
qoşunlarının komandanı general Paskeviç qoşuna Ərdəbil və
Urmu üzərinə hücum əmri verdi. Rus qoşunları yanvarın 28-də
Urmunu, fevralın 8-də isə Ərdəbili tutdular. İranın tamamilə
darmadağın olunacağından ehtiyat edən İngiltərə səfiri
Makdonald döyüşən tərəflər arasında vasitəçi kimi çıxış etdi.
1828-ci il fevralı 6-da Təbriz şəhəri yaxınlığındakı Türkmənçay
kəndində şahzadə Abbas Mirzə ilə qraf Paskeviç arasında
danışıqlar yenidən başladı. Rusiya ilə İran arasında müharibə-
nin bitməsi haqqında Türkmənçay müqaviləsi 1828-ci il fevra-
lın 26-da imzalandı. Müqaviləni Rusiya tərəfindən qraf Pas-
keviç, İran tərəfindən isə şahzadə vəliəhd Abbas Mirzə imzala-
dılar.
Türkmənçay sülh müqaviləsinə görə İran Şimali Azər-
baycana iddiasından tamamilə əl çəkdi. Bakı, Dərbənd, Qara-
bağ, Quba, Gəncə, Talış, Şamaxı və Şəki xanlıqları ilə birlikdə
İrəvan və Naxçıvan xanlıqları da Rusiyaya qatıldı.
Cənubi
Azərbaycan isə İranın tərkibində qaldı. Azərbaycan qəti olaraq
iki yerə bölündü.
15.3. Ermənilərin Cənubi Azərbaycan xanlıqlarından
köçürülüb İrəvan, Naxçıvan və Qarabağ xanlıqlarının
torpaqlarında yerləşdirilməsi. Türkmənçay müqaviləsinin 15-
ci maddəsi Azərbaycan xalqı üçün daha acınacaqlı oldu. Bu
maddəyə əsasən İranın Azərbaycan xanlıqlarında yaşayan
xristianlar, daha doğrusu ermənilər ailələri ilə birlikdə 1 il
müddətində sərbəst surətdə Rusiya ərazisinə köçə bilərdilər.
Onlara daşınmaz mülkiyyətlərini 5 il müddətində satmağa icazə
verilirdi.
Qafqaz ordusunun baş komandanı qraf Paskeviç
tərəfindən ermənilərin Rysiyaya köçürülməsi əməliyyatına
rəhbər təyin edilmiş polkovnik Lazarevə (əslən Türkiyə
ermənisi olan rus zabiti Lazarev Paskeviçin adyutantı idi və
Türkmənçay danışıqlarında katiblik edirdi) verilən təlimat 19
maddədən ibarət idi. Təlimatın əsas şərtlərinə görə köçürülmə
Qəzənfər Rəcəbli
248
könüllülük əsasında həyata keçirilməli idi. Köçürülənlər 6 il
müddətinə bütün vergilərdən və 3
il müddətinə feodal
mükəlləfiyyətlərini yerinə yetirməkdən azad edilirdilər.
Mülkiyyəti olmayanlara təcili maliyyə yardımı edilməsi nəzər-
də tutulurdu. Lazarevə tapşırılmışdı ki, erməniləri mümkün qə-
dər tez köçməyə inandırsın. Bu onları yerli əhalinin təzyiqindən
qorumaq və köç zamanı mühafizələrini təşkil etmək üçün lazım
idi. Ermənilər öz əvvəlki yerlərində etibar etdikləri adamlara
daşınmaz mülklərini və əmlaklarını satmağı tapşıra bilərdilər.
Cənubi Azərbaycanın Marağa, Urmu və Xoy
xanlıqlarından ermənilər 1828-ci il martın 9-dan köçməyə
başladılar. Onları Rusiya sərhədlərinə qədər rus məmurları və
əskərləri müşayiət edirdilər. İran şahzadəsi vəliəhd Abbas
Mirzə qraf Paskeviçə məktub yazaraq bildirirdi ki, rus
məmurları Türkmənçay müqaviləsinin 15-ci maddəsilə nəzərdə
tutulmuş könüllülük
prinsipini pozur, erməniləri köçməyə
təhrik edir, hətta pul ilə şirnikləndirirlər. Qraf Paskeviçin
göstərişi ilə polkovnik Lazarev şahzadə Abbas Mirzənin
məktubuna cavab yazaraq bildirir ki, Sizin xanlar yalan danışır
və Sizi aldadırlar. Həqiqətdə isə rus məmurları erməniləri
köçməyə təhrik etmir, əksinə Sizin xanlar köçmək istəyən
erməniləri hədələyir və könüllülük prinsipinə mane olurlar.
Ermənilər öncə Naxçıvan və İrəvan xanlıqlarının
torpaqlarına köçürülüb məskunlaşdırılırdılar. Lakin Lazarev
gördü ki, bu xanlıqlar köçkünləri ərzaqla
təmin etmək üçün
kifayət qədər ehtiyata malik deyillər. O, mayın 29-da Qarsa
gedərək qraf Paskeviçdən köçkünlərin məskunlaşdırılması üçün
daha zəngin xanlığın ayrılmasını xahiş etdi. Qraf Paskeviç təcili
Peterburqa gedərək imperator I Nikolaydan köçkünlərin
Qarabağ xanlığının da torpaqlarında məskunlaşdırılması üçün
icazə aldı. O, bunu çaparla Lazarevə göndərdiyi məktubunda
xəbər verərkən əlavə bildirirdi ki, imperator Nikolay
köçkünlərə paylamaq üçün 14.000 çervon və 400 gümüş rubl
göndərmişdir.