Azərbaycan Tarixi
273
demokratlar Bakıya gəldilər. Onlar fəhlələr arasında
təbliğat
aparırdılar ki, sahibkarlara təzyiq göstərmək üçün mədənləri
yandırsınlar. Lakin fəhlələr onların bu təxribatçı təbliğatına
uymadılar. Şendrikov qardaşları Ramanı neft rayonunda yanğın
törətməyə nail ola bildilər. Sonradan məlum oldu ki,
jandarmanın agentləri olan bu sosial-demokratlar Bakıya təxri-
bat törətmək üçün hökumətin xüsusi tapşırığı ilə gəlmişlər.
Yanğını söndürmək üçün şəhərdən yanğınsöndürənlər dəstəsi
göndərilməsi əvəzinə silahlı hərbi dəstə göndərildi. Lakin silah-
lı dəstə gələnə qədər fəhlələr yanğını söndürməyə müvəffəq ol-
dular. Jandarma fəal fəhlələri həbs etmək istədikdə fəhlələr
tərəfindən tərksilah edilib qovuldu.
Tətilçilərin inqilabi əzmini görüb sahibkarlar başa düşdü-
lər ki, fəhlələr tam qələbəyədək tətili davam etdirəcəklər. Ona
görə də fəhlələr ilə birgə danışıq stolunun arxasında oturmağa
razılıq verdilər.
1904-cü il dekabrın 30-da fəhlələr ilə sahibkarlar arasında
“Kollektiv müqavilə” bağlandı. Fəhlələrin «Mazut
konstitusiyası» adlandırdıqları bu
müqavilə Rusiya tarixində
kapitalistlər ilə fəhlələr arasında bağlanmış ikl kollektiv
müqavilə idi.
Kollektiv müqaviləyə görə fəhlələr 9 saatlıq iş günü,
gecə növbələrində və qazma işlərində isə 8 saatlıq iş günü əldə
etdilər. Qeyd etmək lazımdır ki, o vaxt bütün Rusiyada
fəhlələrin iş günü 11-14 saata çatırdı. Müqavilənin şərtlərinə
görə fəhlələrin əmək haqqı artırılırdı; xəstəliyə görə fəhəllər 3
həftə ərzində əmək haqqınını yarısı məbləğində vəsait almalı
idilər. Müqaviləyə görə emalatxanalar kifayət qədər işıqla
təmin edilməli, buxar istilik
sistemi və hava təmizləyici
qurğuları və s. gigiyenik vasitələrlə təchiz edilməliydilər.
Müqavilədə xüsusi bir maddə vardı ki, ona əsasən fəhlə
kazarmalarında yaşayış yeri olmayanlar kirayə pulu almalı
idilər. Müqavilədə belə bir maddə də vardı ki, sahibkarlar
fəhlələr ilə nəcib rəftar etməli idilər, onlara «Sən» deyil, «Siz»
Qəzənfər Rəcəbli
274
deyə müraciət etməli idilər. Kollektiv müqavilə bağlandıqdan
sonra, dekabrın 31-də fəhlələr tətili dayandırıb işə çıxdılar.
Bakı proletariatının Dekabr tətili Rusiyanın mərkəzi
vilayətlərində geniş əks səda verdi. Peterburq, Moskva,
Xarkov, Rostov, Yekaterinburq, Samara, Simbirsk, Tiflis,
Qroznı və Rusiya imperiyasının başqa şəşərlərində fəhlələr
Bakı hadisələrinə dair inqilabi vərəqələr buraxdılar. Həmin
vərəqələrdə Bakı proletariatının Dekabr
tətilində qələbəsinin
bütün Rusiya fəhlə sinfi üçün böyük əhəmiyyəti olduğu qeyd
edilirdi. Saratov fəhlələrinin intibahnaməsində deyilirdi:
“Proletariatın azadlığı uğrunda müqəddəs mübarizənin alovları
genişlənir. Bu alovlar bütün Rusiyanı bürüyür, Bakının
arxasınca Piter, Piterin arxasınca isə Moskva gedir”.
Dekabr tətili günlərində Bakı proletariatı Rusiyada
yaxınlaşmaqda olan xalq inqilabının yol göstərəni kimi çıxış
etdi. Bu tətil Rusiyada 1905-ci il şanlı yanvar-fevral çıxışları
üçün bir siqnal oldu. O yetişməklə olan hadisələr üçün bir növ
tufandan öncəki ildırım oldu.
Bakı proletariatının bu qələbəsi Rusiyada zülm və əsarətə
əsaslanan sükunət buzunu sındırdı. Həqiqətən də az sonra
ölkədə 1905-1907-ci illərin xalq inqilabı baş verdi.
17.2. 1917-ci il Rusiya inqilablarından sonra Azərbay-
canda ictimai-siyasi həyat və Bakı Sovetinin hakimiyyəti
ələ alması. 1917-ci il fevralın 27-də Rusiyada
Fevral burjua-
demokratik inqilabının qələbəsi nəticəsində çarizm devrildi,
ölkədə ikihakimiyyətlilik yarandı. Bu hakimiyyətlərdən biri
burjuaziya və mülkədarların hakimiyyəti olan Müvəqqəti höku-
mət, digəri isə fəhlə, kəndli və əsgərlərin hakimiyyəti olan So-
vetlər idi. Rusiyanın paytaxtı Petroqradda Sovetlərə eser (so-
sialist inqilabçılar) və menşevik sosial-demokratlar başçılıq
edirdilər.
Paytaxtda inqilabın qələbəsi və çarizmin devrilməsi xəbə-
ri Bakıya martın 2-də gəlib çatdı.
Bu xəbər Azərbaycan əhalisi-
nin zəhmətkeş və demokratik təbəqələri tərəfindən sevinc və
Azərbaycan Tarixi
275
ruh yüksəkliyi ilə qarşılandı. İnqilabın qələbəsi nəticəsində
ictimai-siyasi həyatın liberallaşması şəraitində əvvəllər gizli
fəaliyyət göstərən siyasi partiyalar leqallaşdılar. Həmçinin
Azərbaycanda yeni siyasi partiyalar yarandı.
Açıq fəaliyyət göstərməyə başlayan siyasi partiyalardan
biri də "Müsavat" idi. Bu partiya 1911-ci ildə Bakıda "Müsəl-
man Demokratik Müsavat Partiyası" adı altında yaranmışdı.
Onun təşkilatçıları M.Ə.Rəsulzadə, T.Şərifzadə və A.Kazımza-
də idi. 1908-1910-cu illərdə Cənubi Azərbaycanda inqilabi
hərəkatda fəal iştirak etdiyinə görə hökumət tərəfindən təqib
olunan və millətçilikdə ittiham edilən M.Ə.Rəsulzadənin İstam-
bula muhacirətə getməsindən sonra "Müsavat" partiyası öz
fəaliyyətini dayandırmalı olmuşdu. 1913-cü
ildə Romanovlar
sülaləsinin 300 illik yubileyi münasibətilə siyasi məhbuslar və
mühacirlər haqqında verilən amnisiyadan sonra Bakıya qayıt-
mış M.Ə.Rəsulzadə “Müsavat partiyasının ideyalarını” "Açıq
söz" qəzeti vasitəsilə təbliğ edirdi. Bu ideyalar "türkləşmək,
islamlaşmaq və müasirləşmək" devrinə əsaslanırdı.
1917-ci ilin martında N.Usubbəyli tərəfindən Gəncədə
"Türk Federalistlər Partiyası" yaradıldı. Həmin ilin iyun ayında
"Müsavat" və "Türk Federalistlər Partiyası" birləşmək qərarına
gəldilər. Oktyabrın 26-da isə bu partiyaların birləşmiş I qurul-
tayında yeni partiyanın rəsmi adı "Türk Federalistlər Müsavat
Partiyası" oldu, lakin bir qayda olaraq həmişə "Müsavat" adını
daşıdı. Partiyanın Mərkəzi Komitəsinə M.Ə.Rəsulzadə,
N.Usubbəyli, H.Ağayev, M.H.Hacınski və b. daxil oldu.
Partiyanın sədri M.Ə.Rəsulzadə, sədrin müavini N.Usubbəyli
seçildilər. Fevral inqilabının qələbəsindən sonrakı ilk illərdə
milli ərazi muxtariyyəti şüarını belə irəli sürməyən "Müsavat"
birləşmədən sonra I qurultayında Rusiyanın gələcək dövlət
quruluşunu "milli ərazi muxtariyyəti əsasında
federativ
dedekratik respublika formasında" nəzərdə tutan proqramı
qəbul etdi. 1917-ci ilin yazında kiçik zəif partiya kimi
Qəzənfər Rəcəbli
276
fəaliyyətə başlayan "Müsavat" həmin ilin payızınla Azərbay-
canda ən iri, nüfuzlu və güclü siyasi partiyaya çevrildi.
Gizli fəaliyyətdən leqal fəaliyyətə keçən siyasi
partiyalardan biri də RSDF(b)P-nin Bakı Komitəsi idi. Fevral
inqilabından sonra sosial-demokrat "Hümmət" təşkilatı da
yenidən fəaliyyətə başladı. "Hümmət" 1904-cü ilin sonlarında
RSDF(b)P-nin Bakı komitəsinin yanında müsəlman fəhlələri
arasında iş aparmaq üçün yaradılmış siyasi təşkilat idi. Birinci
Rusiya inqilabın məğlubiyyətindən sonra "Hümmət"
də gizli
faliyyətə keçmişdi. "Hümmət"in yaradıcıları N.Nərimanov,
M.Ə.Rəsulzadə, Ə.Axundov və S.M.Əfəndifev olmuşlar. 1917-
ci ildə açıq fəaliyyətə keçdikdən sonra "Hümmət"in sədri
N.Nərimanov seçildi. "Hümmət"in rəhbər heyətinə M.Əzizbə-
yov, Ə.Axundov, H.Sultanov, B.Sərdarov, B.Hacıyev,
S.M.Əfəndiyev və M.Qədirli (İsrafilbəyov) daxil idilər.
1917-ci ilin martında İrəvanda "İrşad", sentyabrında Ba-
kıda "Rusiyada müsəlmanlıq" və Gəncədə "İttihadi islam" ("is-
lam birliyi") adlı Azərbaycan milli siyasi partiyaları da yarandı.
Fevral inqilabından sonra Bakıda hələ əsrin əvvəllərindən
mövcud olan rus dilli əhalinin "Kadet", "Trudovik", "Eser" və
"Sosial-demokrat (menşevik)" partiyalarının Bakı təşkilatları,
habelə ermənilərin "Daşnaksütyun" partiyasının yerli təşkilatı
mövcud idi. Siyasi həyatın liberallaşdırılması şəraitində böyük
təcrübəyə malik olan bu siyasi partiyalar ilk çağlar müəyyən
qədər populyar olub hakimiyyət orqanlarında və ictimai
təşkilatlarda üstün mövqelər tutmağa nail ola bilmişdilər.
1917-ci il martın 4-5-də Bakıda Fəhlə Deputatları Sove-
tinə seçkilər keçirildi və martın 6-da 52 nəfərdən ibarət Bakı
Fəhlə Deputatları Soveti təşkil olundu. Həmin gün Bakıda Za-
bit Deputatları və ayrıca Əsgər Deputatları sovetləri yaradıldı.
Martın 29-da onlar birləşib vahid Hərbi Deputatları Soveti
adlandırıldı.
Azərbaycanın digər şəhərlərində də Fəhlə və Əsgər
Deputatları sovetləri yaradıldı. Rusiyanın mərkəzi şəhərlərində