BAŞ-BOYUN ŞİŞLƏRİ
26
traseptivlər, hormonəvəzedici preparatlar aid edilir.
Reproduktiv amillər (qadınlarda – aybaşı və menopauzanın başlama vax-
tı, sonsuzluq, ilk hamiləliyin yaşı, uşaqların sayı, kişilərdə – kriptorxizm) süd
vəzisi, uşaqlıq cismi, yumurtalıq və xaya xərçənginin əmələ gəlməsində risk
amili rolunu oynayırlır.
Genetik amillərin əhəmiyyəti nöqteyi-nəzərindən bütün bədxassəli şişləri
2 qrupa bölmək olar:
− I qrup xəstəliklərdə genetik meyillik xərçəngin əsas səbəbi hesab
olunur, bu qrup xəstəliklərə xərçəngin irsi formaları da deyirlər,
belə ki, xəstəlik gələcək nəslə irsi əlamət kimi ötürülür.
− II qrup xəstəliklərdə çoxsaylı genotipik və fenotipik amillərin təsiri
nəticəsində somatik hüceyrələrdə baş verən mutasiya səbəbindən
bədxassəli şiş əmələ gəlir. Bunlar multiamilli onkoloji xəstəliklər-
dir.
Xərçəngin irsi formaları bütün bədxassəli şişlərin 2-3%-ni təşkil edir.
Uşaqlarda rast gəlinən embrional şişlərdə irsi amillərin payı 40%-ə qədər çatır.
Əksər bədxassəli şişlər üçün onların insanlar arasında əmələgəlmə riski arasın-
dakı fərqin 25%-ə qədər olması genetik meyilliklə əlaqələndirilir. Hal-hazırda
irsi genetik defektlərlə əlaqədar olaraq əmələ gələn 50-yə yaxın bədxassəli şiş
növü məlumdur.
Bədxassəli şişlərin əmələgəlmə riski yüksək olan ən geniş yayılmış irsi
xəstəliklərə və sindromlara, həmçinin irsi bədxassəli şişlərə aşağıdakılar aiddir:
• Reklinhauzen (Recklinghauzen) xəstəliyi (I tip neyrofibromatoz).
Onun maliqnizasiyası nəticəsində neyrofibrosarkoma və neyroblas-
toma inkişaf edə bilər.
• Piqmentli kseroderma – dərinin obliqat xərçəngönü xəstəliyidir.
• Çoxsaylı endokrin neoplaziya (ÇEN). ÇEN I tipi (Vermer sindro-
mu), əsasən, hipofizin, böyrəküstü vəzin şişlərinin, qalxanabənzər
vəzin medullyar xərçənginin, ÇEN II tipi (Sippl sindromu) və III
tipi (Çorlin sindromu) qalxanabənzər vəzin medullyar xərçənginin
və feoxromositomanın əmələ gəlməsinə səbəb ola bilər.
• Plammer-Vinson (Plummer-Vinson) sindromu udlaq və qida borusu
xərçənginin əmələ gəlməsinin səbəblərindən biridir.
• Linç (Lynch) sindromu (çoxsaylı agenokarsinoma sindromu) yoğun
bağırsaq, süd vəzisi, mədəaltı vəzi, mədə, uşaqlıq cismi və ya yu-
murtalıqların birincili çoxsaylı agenokarsonomaları ilə xarakterizə
olunur.
• L. Fraumeni (Li Fraumeni) sindromu (birincili – çoxlu şiş sindro-
mu) autosom-dominant yolla ötürülən irsi xəstəlik olub, süd vəzisi
xərçənginin və uşaqlarda yumşaq toxuma sarkomalarının, kəskin
leykozun, böyrəküstü vəzin və beyin şişlərinin əmələ gəlməsi riski-
ni artırır.
Fəsil 1. KLİNİKİ ONKOLOGİYANIN ÜMUMİ ASPEKTLƏRİ
27
• Qardner (Gardner) sindromu – yoğun bağırsaq xərçənginin risk
amilidir.
• Retinoblastoma – uşaqlarda gözün embrional mənşəli bədxassəli şi-
şidir.
• Vilms şişi (nefroblastoma) – uşaqlarda böyrəyin embrional mənşəli
bədxassəli şişidir.
İmmunçatışmazlıq insan orqanizminin kanserogenlərin təsirinə həssaslı-
ğını daha da artırır. İnsanlarda bədxassəli şişlərin əmələgəlmə riskini artıran
xəstəliklərə anadangəlmə immunçatışmazlıq – Viskot-Oldriç (Wiskott-Aldrich)
və qazanılmış immunçatışmazlıq – QİÇS (AIDS) sindromları aid edilir. Viskot-
Oldriç sindromu limfoma və leykozların, QİÇS sindromu isə Kapoşi
sarkomasının, qeyri-Xockin limfomalarının və bir sıra digər bədxassəli şişlərin
əmələ gəlməsinə səbəb ola bilər.
Kanserogenlər öz təbiətinə görə müxtəlif olmalarına baxmayaraq onlar
bir sıra ümumi əlamətlərlə xarakterizə olunurlar:
− hüceyrənin genomunda geriyədönməz dəyişikliklər törədir, ancaq
hüceyrənin məhvinə gətirib çıxarmır;
− bioloji baryerləri, eyni zamanda hüceyrə membranını keçmək qa-
biliyyətinə malikdirlər. Bu, kanserogenin xromosomların DNT ilə
bilavasitə qarşılıqlı təsiri üçün vacib şərtdir;
− kanserogenlər effektin kumulyasiyası və summasiyası qabiliyyətinə
malikdirlər;
− kanserogenlərin konsentrasiya – doza həddi yoxdur, onun hətta mi-
nimal konsertrasiyası və ya dozası belə müəyyən şəraitdə şişin əmə-
lə gəlməsinə gətirib çıxara bilər;
− əksər kanserogenlər orqanizmin immun reaksiyalarını zəiflədir.
1.3.2. Kanserogenezin genetik aspektləri
Kanserogenezin indiyə qədər müxtəlif nəzəriyyələri təklif olunmuşdur:
• Mutasion nəzəriyyə
• Virus nəzəriyyəsi
• Fiziki-kimyəvi nəzəriyyə
• Dishormonal nəzəriyyə
• Dizontogenetik nəzəriyə və s.
Virus nəzəriyyəsi bədxassəli şişlərin əmələ gəlməsində onkoloji virus-
lara əsas rol ayırır. Nəzəriyyəinin mahiyyətini virus və normal hüceyrə genom-
larının inteqrasiyası, başqa sözlə virusun nuklein turşularının hüceyrənin gene-
tik aparatını zədələməsi təşkil edir. Virus nəzəriyyəsinə görə kanserogenez iki
fazaya bölünür ki, onların da hər birində virusların rolu fərqlidir. Birinci fazada
hüceyrə genomunun viruslarla zədələnməsi nəticəsində normal hüceyrə şiş
BAŞ-BOYUN ŞİŞLƏRİ
28
hüceyrəsinə çevrilir. İkinci fazada əmələ gəlmiş şiş hüceyrələrinin bölünüb
çoxalması baş verir ki, bu prosesdə virus rol oynamır.
Fiziki-kimyəvi nəzəriyyə şişlərin əmələ gəlməsini müxtəlif fiziki və
kimyəvi amillərin təsiri ilə əlaqələndirir. Çox illər əvvəl müəyyən olunmuşdur
ki, müxtəlif qıcıqlandırıcıların təsirindən xərçəng əmələ gələ bilər. Bü muşa-
hidələr R.Virxova hələ 1867-ci ildə xərçəngin əmələ gəlməsinin «qıcıq nəzə-
riyyəsi»ni yaratmağa əsas verdi. Mahiyyət etibarı ilə fiziki-kimyəvi nəzəriyyə
bir sıra əlavələr və dəyişikliklər edilməklə Virxov nəzəriyyəsinin təkmilləş-
dirilmiş formasıdır.
Dishormonal nəzəriyyə bədxassəli şişlərin əmələ gəlməsində və inkişa-
fında hormonal tarazlığın pozulmasına mühüm yer verir. Bu zaman trop hor-
monların disbalansına kanserogenezin işə salınma mexanizmi kimi baxılır.
Dizontogenetik nəzəriyyə Y.Konheym tərəfindən 1877-ci ildə irəli sü-
rülmüşdür. Bu nəzəriyyəyə görə bədxassəli şiş müxtəlif amillərin təsiri nə-
ticəsində embrional dəyişiklikli hüceyrələrdən və inkişaf qüsurlu toxumalardan
əmələ gəlir. Hal-hazırda azsaylı bədxassəli şişlərin əmələ gəlməsini bu nəzə-
riyyə ilə əlaqələndirmək olar.
Müasir təsəvvürlərə görə kanserogenezin nəzəriyyələri arasında mutasion
nəzəriyyə aparıcı yer tutur.
Mutasion nəzəriyyənin əsasını hüceyrənin genetik aparatının zədələn-
məsi nəticəsində hüceyrə siklinin, diferensiasiyasının, apoptozun, hüceyrənin
morfogenetik reaksiyasının, şişəleyhinə immunitetin pozulması təşkil edir.
Hüceyrənin genetik aparatı onun bölünməsi, böyüməsi və diferensiasiyasını
tənzimləyən mürəkkəb nəzarət sisteminə malikdir. Hüceyrə proliferasiyası
(latın dilindən «proles» – nəsil, və «ferro» – daşımaq – orqanizmin toxuması-
nın yeni hüceyrələrin əmələ gəlməsi və çoxalması yolu ilə böyüməsi) iki əsas
sistemlə tənzimlənir: protoonkogenlər (gen – inisiatorlar) və gen-supressorlar.
Protoonkogenlər normal hüceyrə genləri olub onların ekspressiya məh-
sulları olan spesifik zülallar vasitəsi ilə hüceyrələrin bölünməsi prosesini sti-
mulyasiya edirlər. Protoonkogenin onkogenə çevrilməsi onun genetik kodunun
mutasiyası (nöqtə mutasiya) və ya xromosom aberrasiyası nəticəsində baş
verir.
Gen-supressorlar protoonkogenlərə münasibətdə əks funksiyaya malik-
dirlər. Onlar hüceyrənin bölünməsi və diferensiasiyadan çıxması prosesinə tor-
mozlayıcı təsir edir. Bu genlərin inaktivasiyası və protoonkogenlərə antaqonist
təsirinin itməsi hüceyrənin nəzarətsiz bölünməsinə və çoxalmasına, nəticədə
bədxassəli şişin əmələ gəlməsinə gətirib çıxarır. Beləliklə, gen-inisiator – gen-
supressor sistemi hüceyrənin bölünməsi, böyüməsi və diferensasiyası prosesinə
mürəkkəb nəzarət mexanizmini həyata keçirir. Bu sistem normada elə işləyir
ki, hüceyrənin tənzimsiz bölünməsi baş vermir. Bu mexanizmin pozulması
həm kanserogen amillərin təsiri, həm də gen mutasiyası və xromosom aberra-
siyası nəticəsində baş verir. Nəticədə gen-supressorların intaktivasiyası baş ve-
Dostları ilə paylaş: |