BAŞ-BOYUN ŞİŞLƏRİ
24
Bioloji kanserogen amillərin aşağıdakı növləri fərqləndirilir:
• Helmintlər (parazitlər)
• Bakteriyalar
• Viruslar
• Hormonlar
• Reproduktiv amillər
• Genetik (irsi) amillər
• İmmunçatışmazlıq (immunodefisit)
İnsanda bədxassəli şiş əmələ gətirə bilən
parazitar helmintlərə opistor-
xoz və şistomatoz aid edilir. Opistorxoz (opistorchis felineus)
qaraciyərin
xolangiosellülyar xərçənginin, şistomatoz (schistosoma mansoni et shictosoma
haematobium) isə sidik kisəsi xərçənginin kanserogen amili hesab olunur.
Qeyd olunan parazitar mənşəli şişlərə əksərən Çin, Misir, Zambiya, Zimbabve
və Əlcəzairdə rast gəlinir.
Helicobacter pylori (HP) hal-hazırda kanserogen
effekti təsdiq olunan
yeganə
bakteriyadır. Bu infeksiyaya yoluxmuş xəstələrin sayı dünya əhalisinin
50%-ni, inkişaf etməkdə olan ölkələrdə yaşayan insanların isə 90%-ni təşkil
edir. Bu infeksiya əhali sıxlığı çox, gigiyenik səviyyəsi aşağı olan regionlarda
daha çox yayılmışdır. HP mədə xərçəngi üçün kanserogen amil rolunu oynayır.
Avropada HP mədə xərçənginin əmələ gəlmə səbəblərinin 6%-ni təşkil edir.
İnsanda bədxassəli şiş əmələ gətirmək qabiliyyətinə malik olan
viruslar
aşağıdakılardır:
− insan papilloma virusu (HPV)
− insan herpes virusu (HHV8-KSHV)
− T-hüceyrəli leykemik virus (HTLV)
− Epşteyn-Barr virusu (EBV)
− hepatit B və C virusları (HVB, HVC)
− insan immunçatışmazlıq virusu (HİV)
İnsan papilloma virusu (HPV) ağız boşluğu, udlaq, uşaqlıq boynu
xərçənginin əmələ gəlməsindəki rolu təsdiq edilmişdir. Yer kürəsində hər il 2
milyondan çox HPV yoluxmuş insan aşkar olunur.
ABŞ-da bu virusa yoluxmuş
20 milyon insan yaşayır. HPV yoluxma cinsi yolla baş verir. HPV çoxsaylı
tipləri arasında yüksək onkogenliyə malik olanları onun 16, 18, 31, 35, 39, 45,
51, 52, 56, 59 və 66-cı tipləridir. HPV vaxtında aşkar edilməsi və mültivalent
antivirus vaksinlərdən istifadə onun kanserogen amil olduğu xəstəliklərin
effektiv profilaktika metodudr. HPV 6, 11, 16 və 18 tiplərinə qarşı profilaktik
vaksin 2006-cı ildən başlayaraq dünyanın 60 ölkəsində qeydiyyatdan keçmiş,
20 ölkədə isə Milli vaksinasiya təqviminə daxil edilmişdir.
İnsan herpes virusu (HHV8-KSHV) Kapoşi sarkomasının bütün formaları
üçün etioloji amil sayılır. HHV8 infeksiyası immunodefisitlə assosiasiya olu-
nur və ona insan immun çatışmazlığı virusu (HİV) infeksiyasının geniş yayıl-
Fəsil 1. KLİNİKİ ONKOLOGİYANIN ÜMUMİ ASPEKTLƏRİ
25
dığı Afrikada daha çox rast gəlinir. Eyni zamanda aralıq dənizi regionu (Cə-
nubi İtaliya, İsrail) HHV8 üçün endemik ocaq hesab olunur.
T-hüceyrəli leykemik virus (HTLV) leykemiyalar üçün kanserogen
amildir. HTLV daşıyıcısı olan hər 30 nəfərdən birində T-hüceyrəli
leykemiya
inkişaf edir. Bu virusun çox yayıldığı regionlara Yaponiya, Karib adaları.
Cənubi Amerika, Yaxın Şərq və Mərkəzi Afrika daxildir. Şimali Amerika və
Avropada bu virusa az rast gəlinir. Dünya üzrə bu virusun daşıyıcılarının sayı
15-18 milyon insan təşkil edir. HTLV üç ötürülmə yolu vardır: döşlə qida-
lanma, cinsi və hematogen. Virus əksərən 50 yaşından yuxarı insanlarda rast
gəlinir, virusun daşıyıcıları isə daha çox qadınlardır.
Epşteyn-Barr virusu (EBV) ilə yoluxma dünyada yaşlı əhalinin 90%-də
(endemik regionlarda – 100%) aşkar olunmuşdur. İnkişaf etməkdə olan ölkə-
lərdə virusa yoluxma erkən uşaq dövründə,
inkişaf etmiş ölkələrdə isə
yeniyetmə dövründə baş verir və ikinci halda infeksion mononukleoz ilə
müşayiət olunur. EBV insandan insana keçməsi hava-damcı yolu və ağız suyu
vasitəsilə baş verir. EBV Berkitt limfoması, burun-udlaq xərçəngi, Xockin
limfoması, T və B hüceyrəli limfomalar üçün kanserogenliyi sübut olunmuş-
dur. Ekvatorial Afrikanın endemik rayonlarında Berkitt limfoması olan xəs-
tələrin 100%-də EBV qarşı antitel titrinin artması müşahidə olunur.
EBV ilə
nazoforingeal xərçəng arasındakı əlaqənin öyrənilməsi bu xəstələrdə virusa
antitel titrinin dəfələrlə artmasını müəyyən etmişdir.
Dünyada
hepatit B virusuna (HVB) yoluxmuş 2 milyard,
hepatit C
virusuna (HVC) yoluxmuş 80 milyon insan aşkar edilmişdir. Bu virusların
xroniki daşıyıcıları Avropa və Şimali Amerika əhalisinin 1-2%-ni, Yaxın Şərq
və Cənubi-Şərqi Asiya əhalisinin 4-8%-ni təşkil edir. HVB və HVC olan
insanlarda hepatosellülyar xərçəngin inkişaf riski çox yüksək olub müvafiq
olaraq inkişaf etmiş ölkələr üçün 25% və 20%, inkişaf etməkdə olan ölkələr
üçün içə 60% və 35% təşkil edir.
İnsan immunçatışmazlıq virusu (HİV) birbaşa
kanserogen effektə malik
olmayıb, xərçəngin əmələ gəlməsinə immun çatışmazlığı vasitəsi ilə dolayı tə-
sir edir. HİV qazanılmış immunçatışmazlıq sindromunun QİÇS (AIDS –
Acguired Immune Deficiency Syndrome ) diaqnostik əlamətlərindən biri olan
Kapoşi sarkomasının əmələgəlmə riskini artırır və, çox güman ki, burada əsas
kanserogen amil – HHV8-dir. Digər tərəfdən, HİV
ilə Xockin və qeri-Xockin
limfomaları, həmçinin mərkəzi sinir sisteminin bəzi bədxassəli şişləri arasında
əlaqənin olması müəyyən olunmuşdur.
Hormonal status bir sıra lokalizasiyalı şişlərin, ilk növbədə qalxana-
bənzər vəzi, süd vəzisi, uşaqlıq cismi, yumurtalıq, prostat vəzi xərçəngi üçün
risk amili rolunu oynayır. Çox yəqin ki, bədxassəli şiş orqanın artmış hormonal
stimulyasiyası nəticəsində əmələ gəlir. Bədxassəli şişlərin əmələ gəlməsində
rolu olan hormonlar endogen və ekzogen mənşəli ola bilər.
Endogen hor-
monlara progestron, estrogen və androgenlər, ekzogen hormonlara isə fəal kon-