64
alıblar”, “əlifbamızı əlimizdən alıblar”, torpaqlarımızı qəsb ediblər”
“Rusiya bizə mane olur”, ”bizim yolumuz qərbədir və yaxud bizə
müstəqillik lazımdır”. Bu sözləri nə üçün maraqlı adamlar 1988-ci
ildən başlayaraq işlətməyə başlamışlar. Maraqlıdır ki, bu ifadələrdə
xarici mühitə elmin məsləhət gördüyü uyğunlaşmaq, əks təsir
etmək, özünü qorumaq, özünü saxlamaq və qalib gəlmək ideyası
deyil, xarici mühiti pisləmək, onlardan ayrılmaq və qaçmaq ideyası
və məqsədi qoyulmuşdur. Yəni SSRİ - dən çıxmaq və Rusiyadan
uzaqlaşmaq, Qərbə birləşmək. Halbuki belə məqsəd kökündən
səhvdir. Heç bir mühitdən qaçmaqla problem həll oluna bilməz.
Nyutonun təsir və əks təsir qanununa görə hər bir təsir alan obyekt
ona bərabər əks təsir etməlidir. Cisim və ya insan nə qədər yerini
dəyişsə də, o, təsirə məruz qalacaqdır, istər burada, istər orada. Digər
tərəfdən, təsir almayan obyekt məhv olmalıdır. Bu qanunu xalqımız
(dövlət rəhbərliyi) pozmuşdur və uğursuz taleyini özü müəyyən
etmişdir. Yəni xalqımız bütün bəlalarda özü günahkardır. Elm və
insan tarixi deyir ki, hər bir varlıq və icma yaşamaq üçün mübarizə
edir və ətraf mühitlə əlaqədə və ətraf mühitin təsirinə məruz qalaraq
özünə layiqli yer və forma seçir, reaksiya göstərir, yaşayır və inkişaf
edir. Yəni hər bir varlığın inkişafı onun özündən, öz qabiliyyətindən
asılıdır. Təbiətdə və kosmosda, insan və heyvan cəmiyyətində güclü
qalib gəlir, yaşayır, inkişaf edir qanunu işləyir. Demək, gülünc
səslənən “bizi əziblər, torpağımızı tutublar, dilimizi alıblar” demək
əvəzinə deməliyik “biz öz torpağımızı qoruya bilməmişik”, ”bizim
ağıl və qabiliyyətimiz çatmamışdır”, “bizim idarəetmə strukturumuz
və qabiliyətimiz lazımı səviyyədə olmamışdır və deyil ” “Biz öz
dilimizi qorumamışıq” və s. belə dedikdə nə üçün? sualı yaranır. Bu
zaman məhz bu sualın cavabını axtardıqda biz öz eyiblərimizi,
zəifliyimizin səbəbini, qorxaqlığımızı, idarə qabiliyyətimizin
olmamasını, ağlımızın, prinsiplərimizin,
əxlaqımızın, milli
dəyərlərimizin zəif olması və ya ağıllı dəyərlərin hamı tərəfindən
qəbul edilməməsini görəcəyik. Məhz bu andan biz səmərələşməyə,
ətraf mühitin tələb etdiyi səviyyəyə, ağıla, idarə sisteminə, düzgün
qanunlara, əxlaqa, davranışa, qabiliyyətə çatmaq üçün fəaliyyət
göstərəcəyik və xilas olacağıq. Şübhəsiz, axmağı aldadırlar, zəifin
torpağını tuturlar, pis idarə olunanı, özünü idarə edə bilməyəni,
biliyi, qabiliyyəti olmayanı, səhv edəni əzirlər, istismar edir və
nökərə çevirirlər. Sadə bir misal çəkim, nə üçün pələngi əhliləşdirib
ev heyvanı kimi istifadə etməmilər. Səbəb odur ki, pələng imkan
verməmişdir, onu minəsən, özünə tabe edəsən. Habelə qeyd edim ki,
65
bəs erməniləri və gürcüləri nə üçün istismar etməmiş, dillərini
əllərindən almamışdılar, əlifbasını dəyişməmişdilər. Onlar sovet
dövründə hər yerdə öz dillərində danışmış, reklam lövhələrini öz
dillərində yazmış, idarə işlərini də öz dillərində aparmışlar. Əgər
əvvəl yazdığım kimi o dövrdə Moskvadan ayrılan pulu onlar dinamik
və bütün xalqa və əraziyə düzgün planlaşdırır və onu icra
edirdilərsə, Azərbaycanda bu məsələ şikəst idi. Rüşvət, etinasızlıq
və idarə mənimsəmələri nəticəsində ayrılan pul bir effektli nəticə
vermirdi. Məsələn, hələ 1990-cı ildə mən Kommunist qəzetində
oxumuşdum ki, bəs idmana ayrılan 500 min manat pul istifadə
edilmədiyi üçün geri ittifaq büdcəsinə qaytarılıb. Tikintilərdə, neft
qazmasında və hər bir sahədə çoxlu əliəyrilik müşahidə olunurdu.
Vicdanlı adamın qəlbini parçalayan hədsiz misallar var idi.
Effektiv idarəetmənin digər amili isə dövlət rəhbərlik və idarə
işçilərinin periodik olaraq qiymətləndirilməsi, daha səriştəli və
bilikli, əxlaqi insanlarla əvəzlənməsidir (formal olaraq hər şey edilir).
Istənilən fiziki sistem – qurğu, insan, cəmiyyət, idarə daim
təmizlənməli, sazlanmalıdır. Bütün kosmos, bütün kainat daim
təmizlənir, yeniləşir. Bu postulat əbədi və əsas qanunlardan biridir.
Idarənin uzun zaman ərzində
əvəzlənməməsi, sistemin
təmizlənməməsi və təkmilləşdirilməməsi halında bütün rəhbərlik
və idarə icraçıları bir- birilə sıx əlaqələrə girirlər və hörümçək toru
kimi bir -birinə bağlanır və vəzifədə qalmaqlarını, şəxsi mənafelərini
ümumi mənafelərdən üstün güdməyi, habelə yalnız özlərinin və
qohumlarının irəli çəkilməsini təmin edirlər, korrupsiyaya uğrayırlar.
Nəticədə dövlət nəzarət orqanları daha nəzarət edə bilmirlər, çünki
əksər idarələrin, aşağı orqanların, şəxsi şirkət və dövlət idarələrinin,
məmurların müdafiə sistemi yaranır, heç biri digərinə xalq mənafeyi
üçün təsir edə bilmir, hamısı başını aşağı salıb formal işlə, hesabatlar,
rəqəmlər, faizlər yaradırlar, xalqın da şikayətinə cavab vermir, icra
etmirlər.Sistem amerikan sosioloqu Sorokinin sözü ilə deqradasiyaya
uğrayır və dəhşətli nəticələr verir. Bu səbəb daim yeni çevrilişlər və
inqilablar doğurur. Sorokinin tədqiqatlarına görə “Aşağıda xeyli
qabiliyyətli və bilikli şəxslər, yuxarıda isə kəmsavadlar və
rüşvətxorlar toplanır və aşağıdakıların həmin vəzifələrə gəlməsinin
qarşısını kəsirlər”. Belə sistemin məqsədi ağıllıları, gələcyi görən və
gələcəyə istiqamətlənmiş ideyalar verən adamları tez aşkar edib
onları kənarlaşdırmaq, onların ideya və fikirlərinin yayılmasına
imkan verməməkdir. Lakin onların şəxsi mənafeyinə və
ideologiyasına uyğun fikirləri olan şəxsləri həvəslə təblğ edirlər,
66
lakin tənqidin qarşısını kəsirlər.. Filosof İbn Xaldunun fikrincə,
beləliklə idarə çürüməyə və dağılmağa başlayır. Gülünc və
cəmiyyətin xoşuna gəlməyən qərarlar, kal ideyalar və ideologiya,
miflər, yarımçıq və əksər cəmiyyətə faydalı iş qabiliyyəti olmayan
qanun və sərəncamlar xarakterik olur.
Belə bir sistemdə Andersenin yazdığı kimi bir dələduz kralı
aldadaraq ona görünməyən paltar geydirir, cəmiyyət isə beyni daim
yalanlarla kütləşdirildiyindən kralın çılpaq olmasını görə bilmir.
Cəmiyyətin gözünü açan balaca bir uşaq olur ki, qışqırır- “kral
çılpaqdır”. Bu uşağın obyektiv fikri, hansı ki hələ beyni təbliğ
edilən yalan və miflərlə, uydurmalarla çirklənməmişdir, nəhayət,
cəmiyyətin həqiqəti görməyinə kömək edir.
X arakterin-düşüncə tərzinin (mentalitet) davranışlara təsiri.
İctimai düşüncə və ya xarakter ümumi mədəniyyətdə, atalar
sözlərində, aforizmlərdə əks olunmuşdur. Onlarda deyilir:
1) “Canın sağ olsun”, yəni vecinə alma, nə olub-olub, düşdüyün
zərərləri hesaba alma, səbəbini axtarma, ölkənin torpağını tutulubsa,
qoy olsun, lakin canın sağ olsun.
2) “Dünya beş günlükdür”, yəni ye, iç kef elə, bu gün üçün yaşa,
heç nəyi vecinə alma, gələcəyi düşünmə.
3) “Bacarana can qurban “, yəni haqq -ədalət axtarma, sən də
hər yol ilə olur-olsun, yaşamağı bacar və qabağa get.
4) “Bizə qalıb? Və ya sənə qalıb?” Yəni vətən dərdi, cəmiyyət
dərdi, camahatın dərdi çəkmək bizə qalıb(yaxud sənə qalıb)? nə
işinə, başını sal aşağı, yaşa, qarışma heç bir işə, öz işinlə məşqul ol.
5) “Dövlətlə dövlətçilik eləməyəcəyik ki”, yəni dövlət nə eləyir-
eləsin, ona tabe olmalıyıq.
6) “Ağa deyər sür dərəyə, sür dərəyə”, yəni müdirin, məmurun
sözünü sözsüz yerinə yetir, bu halda sən məsuliyyət daşımırsan.
7) “Xalq üçün ağlayanın gözü kor olar”, yəni xalq üçün nə qədər
çalışsan da, qədrin bilinməz, yalnız özün zərərə düşərsən.
8) “Sağ olsun prezidentimiz” bu son dövrdə yaranmış aforizmin
mənası odur ki, nə olur olsun, hansı problem var ya yoxdur, rüşvət
verirsən və ya vermirsən, həyatın pisdir, dəxli yoxdur, sağ olsun
prezidentimiz, yəni bu daha yaxşıdır, problemləri, əziyyəti çəkməyə
hazırıq, başqası öz əsabələrilə torbaları boş gəlib onu doldurmaqla
məşğul olacaqlar, elə bu prezidentimiz yaxşıdır, çünki torbası
doludur. Doğrudan da, təzə gələn məmur daha çox qəddar olur, daha
Dostları ilə paylaş: |