67
çox miqdarda və növdə rüşvət tələb edir. Burada bir məna da vardır
ki, xalq ümumiyyətlə dövlət məmurundan yaxşı heç nə gözləmir.
Ona təkcə öz başının salamat olması bəs edir. Mən sizə olmuş çox
gülməli təzə hadisələr danışa bilərəm .
9) “Biz dözümlü xalqıq”, yəni hər şeyə, əzaba dözərik, təki bizə
sağ qalmağa imkan versinlər, başqa sözlə biz öz canımızı (sağ
qalmağı) ləyaqətlə, insan kimi yaşamaqdan üstün tuturuq, yəni
mübarizə aparmağı lazım bilmirik, sürünə-sürünə yaşamaq bəs edir.
10) “Camahat necə, sən də elə”.”Palaza bürün el ilə sürün”
11) “Səs vermisən, səsin çıxmasın” - ən yeni, 2008 –ci ildə
ictimai fikrin yaradıcılığı məhsuludur.
Göründüyü kimi bu aforizmlər bütün tarix ərzində despotik və
avtoritar idarə dövründə yaranıb və insanlara dövlət işinə
qarışmamağı, cəmiyyət və dövlət idarəsində iştirak etməməyi, qul
kimi yaşamağı, sürünməyi və dözməyi tövsiyyə edir. Məhz belə
xarakterdən, düşüncə tərzindən, dünyabaxışlardan imtina
etməliyik və xilas olmalıyıq, əks halda bizə uğur görünmür. Bu
aforizmlərin hər birinə əks aforizm yaratmaq, öyrənmək və həyatda
vərdiş etmək lazımdır.
DÖVLƏTIN ÜMUMI SISTEM ANALIZI.
Elmi analitik metodlar ölkəmiz haqda nə deyir? Bunu bilmək
üçün insan ağlının yaratdığı sistem nəzəriyyəsindən istifadə edək.
Azərbaycan ərazisində yerləşmiş insan - təbiət birliyini
elementlərə ayıraq:
1. Dövlət təşkilatı, 2. Cəmiyyət ( işverən və məmur daxil
olmadan), 3. Bazar (işverənlər, sahibkarlar, tacirlər, şəxsi və
dövlət mülkiyəti), 4. Təbii mühit
Dövlət məmurlarının əsas məqsədi ictimai funksiyaları icra
etmək, daha uzun müddət vəzifədə qalmaq və daha çox pul toplamaq
(vəzifəni istismar etmək), cəmiyyəti və bazarı yola vermək, lakin az
əziyyət çəkmək;
iqtisadi sistemin məqsədi daha çox gəlir almaq;
cəmiyyətin məqsədi isə işləmək, dinc şəraitdə daha yaxşı
yaşamaq, təhsil, səhiyyə, su, mənzil, yol və s. təmin edilməsidir, iş
qabiliyyətinin tətbiq etmək, yaradıcılıqla məşqul ola bilmək
imkanıdır. Göründüyü kimi mənafelər, məqsədlər müxtəlifdir.
Bu 3 elementin bərabər gücdə 4-cü element - təbii mühitdən
istifadə etməklə qarşılıqlı əlaqələr nəticəsində rasional proporsiyada
68
balansı - qanun və idarə hərəkətləri, prinsip və metodların,
məqsədlərin seçilməsi və tətbiqi ölkənin effektiv inkişafına, hər
insanın şəxsi xoşbəxtliyinə səbəb olardı.
Bu təbii qanundur ki, ictimai sistemin tərkib hissələrinin
fəaliyyətinin bir –birilə yüksək dərəcədə, xoşluqla razılaşdırılması
məhz sistemdə inkişafı - normal fəaliyyəti təmin edən amildir. Lakin
gerçəklikdə ölkədə dövlətlə həm cəmiyyət, həm də bazarla
müvazinət, yəni məqsəd və fəaliyyət birliyi, daxili stabillik və yaxud
əlaqələr sərbəst razılıqla əldə olunmur. Insanların razı olmadığı,
onların ehtiyacına cavab verməyən işlər görülür. Bu, sosial nayrazılıq
yaradan və inkişafa mane olan amildir. Burada müvazinət
mahiyyətcə deyil, formal xarici davranışlarda etirazların olmaması
görünüşünü yaratmaq metodu ilə əldə edilir. Bu o deməkdir ki,
dövlət, sistemin digər elementlərini fiziki və mənəvi, hüquqi
cəhətdən zəif vəziyyətə salaraq neytrallaşdırır. Onları etiraz,
mübarizə, öz mənafeyini tələb etmək gücündən məhrum edərək və
səsini çıxaranlara əhəmiyyət verməyərək və onları təqib edərək,
mitinq və nümayişlərin qarşısını alaraq kənar müşahidəçi üçün hər
şeyin balansda olduğu, yənu nayrazılıq olmadığı illuziyası yaradır.
Buradan belə nəticə çıxır ki, dövlət cəmiyyətin və insanın inkişaf
məqsədini əslində güdmür və çox hallarda cəmiyyətin mənafeyi ilə
razılaşdırılmamış davranışı ilə özü - özünü və cəmiyyəti aldadır.
Yaxın tarixdə belə işlər çox olmuşdur. Məsələn, insanlar nə üçün
rüşvət verməlidir? Əhali bütün gəlirlərinin son halda 60%-nin
əhalinin 10% varlı və dövlət məmurunu əhatə edən oliqarxiyaya
çatması ilə nə üçün razı olmalıdır? Nə üçün 90 –cı illərdə bütün
ictimai istehsalı dövlət cəmiyyətlə hesablaşmayaraq məhv etdi,
milyonlarla adamı işsiz, köməksiz qoydu? Məsələn, Xocalı,
Gədəbəyin, Şuşanın işğalı və digər anlarda cəmiyyət və döyüşdə
olan insanlar aktiv mübarizə aparılmasını, kömək göndərilməsini
tələb edirdi, dövlət rəhbərliyi isə tədbir gördüyünü, kömək
göndərəcəyini vəd edirdi və ya göndərdiyini deyirdi. Sonda məlum
olurdu ki, insanlar aldadılır, məsələn Şuşa işğal olunanda göndərilən
qoşun gedib Laçında və Turşsuda durdu, müxbir onun komandiri –
Daxili İşlər Nazirindən soruşanda ki, nə üçün oradan irəli Şuşaya
kömək etmək üçün getmədiniz, o, demişdi: “yaxşı elədim”(məlumat
üçün ANS TV –nin arxivinə baxın). Ölkədə istənilən qədər pul, silah,
insan olduğu halda müdafiəni təşkil edə bilən idarə olmadı.
69
Dövlət onun işini tənqid edənləri, eyibləri göstərənləri
dövlətçilik əleyhinə fəaliyyətdə ittiham edərək, bir qayda olaraq,
həbs edir və ya sıxışdırır.
Vətəni sevmək dəyəri isə hakimiyyətin siyasəti ilə atrofiyaya
uğrayır. Dövlətin bütün fəaliyyəti nəticələri - inflyasiya, didərginlik,
rüşvət, pulsuzluq, qanunsuzluq,öz hüquqlarını qorumaq imkanlarının
olmaması, kasıblıq, əzab- insanların vətənə sevgisini azaldır.. Bu
səbəbə görə dövlət işqal edilmiş torpaqları döyüşlə almaqa risk etmir,
çünki öz bacarığına inanmır. Torpaqların ermənilər tərəfindən 1988-
1993 illərdə tutulması səbəbi -əsgərlərin döyüşə bilməməsi deyil,
məhz dövlət idarəsinin nasaz olmasının nəticəsi idi.
Dövlət və İqtisadi sistem əslində birləşərək bir qüvvə kimi 80%
cəmiyyətin üzərində dominantdır - yəni ondan öz mənafeyi üçün
istifadə edir, öz istədiyi həyat şəratində yaşamağa məcbur edir. Bu
onun əmək hüquqlarının pozulması, əmək müqaviləsi bağlamaması,
pensiyadan məhrum olması, daha çox istismar olunması (10-12
saat), əmək təhlükəsizliyi qaydalarının pozulması, cəmiyyətin
üzvünün dövlət məmuruna hər hansı bir işi düşsə, rüşvət ödəməsi;
işsizlik, 45 yaşdan yuxarı adamların işə qəbul edilməməsi, zəif və ya
gülünc sosial müdafiə və ya etinasızlıq və s. nəticələnir. Bu birlikdə
iqtisadi sistem əsasən elə dövlət məmurlarının özlərinə məxsus
şirkətlər və monopoliyalar və az miqdarda kənar adamlarındır, hansı
ki məmurlara rüşvət verməklə fəaliyyət göstərə bilərlər. Məmur –
bazar oliqarxları adlanan bu sinfin əmlakı - cəmiyyətdən aldıqları
rüşvətlər və ictimai əmlakdan ələ keçirdikləri pul hesabına banklar,
firmalar; müəsisələr, xidmət sahələri, torpaq sahələri, təbii
ehtiyatlardır. Burada dövlət məmuru olmayan və onlarla qohumluğu,
dostluğu olmayan, zəruri rüşvəti verməyən sahibkarların fəaliyyəti
ümumi tendensiyaya görə əsasən sıxışdırılır, dayandırılır, torpaq,
icazə verilmir.
Azərbaycan ölkəsində dövlətin cəmiyyətdən qeyri - asılılığı və
onun bizneslə birləşməsi və cəmiyyət üzərində dominantlığı
cəmiyyətin bu günü və gələcəyi üçün əsas həlledici amildir və çox
zərərlidir , belə ki, onun problemlərinin həlli hədsiz uzun müddətə
uzadıla bilər; yeni problemlərə salına bilər və salınır, əhalinin maddi
vəziyyəti pis qalar; neft, qaz qurtara bilər, qəsb olunmuş torpaqları
həmişəlik erməni əlində qala bilər. Neft nə qədər çox çıxarılsa da ,
sadə insanlara çox az xeyri olacaq və ya olmayacaq, 2007-2008 - ci
illərdə olduğu kimi bu yalnız inflyasiya və həyat səviyysininn əksər
əhali üçün pisləşməsi ilə nəticələnir. Yalnız məmur - varlı sinif
Dostları ilə paylaş: |