76
(3 Pribaltika ölkəsindən başqa) qarşısını almağı nəzərdə tuturdu.
Ermənistan haqda isə Azərbaycanın bir parçasını onun tutmasına
şərait yaratmaqla bu “xidmət” müqabilində onu sonradan hərbi
meydana çevirmək idi. Qərblə çox görüşən Qorbaçov və onun
tərəfdarları sosialist sisteminin perspektivsiz olması qərarına
gəlmişdi - əslində bu sistem perspektivsiz deyildi, onu belə şəklə
salan kommunist diktaturası idi. Qorbaçov və digər kommunist
rəhbərlərə sosializm lazım deyildi- onlara öz rüşvətlə yığdıqları
pullarını və qızıllarını sərbəst istifadə etməyə imkan verən kapitalist
sistemi lazım idi. O, gizli sövdələşmələrdə Amerikanın SSRİ - nin
dağılması və Müstəqil Respublikalar İttifaqı formasına düşməsi
planını qəbul etmişdi. Və özü kimi satın alınmış kadrları ətrafına
toplayırdı, lakin bunu digər ali rəhbərlər bilmirdi. Göstərilən bu
qısa tarixdən bütün xalq və ölkə rəhbərliyi nəticə çıxarmalıdır.
20 yanvar, 1990.
1990–cı il, 20 Yanvar Bakı qırğını SSRİ-nin dağılması planı ilə
deyildi. Habelə Tbilisi qırğını da deyildi, bu hərbi zorakılıqlara
Qorbaçov hərbi qurumların tələbi ilə razılıq vermişdi ki, əsil
məqsədini gizlətsin, göstərsin ki, respublikalar özləri ayrılmaq istəyir
və mərkəzi hakimiyyət bunun qarşısını almağa çalışsa da, heç nə edə
bilmir. Bu hadisə hər iki super dövlətin ssenarisinə uyğun idi.
Azərbaycan tərəfdən isə iştirakçı tərəf müxalifət olan Xalq Cəbhəsi
idi, dövlət rəhbərliyinin isə planlardan xəbəri yox idi, ona görə nə
edəcəyini müəyyən edə bilmirdi, neytrallığını saxlayırdı. “Cəbhə”
hələ 1990, 12-13 Yanvarda böyük mitinqlər keçirərək ermənilərə
qarşı böyük nifrət yaymış və bəzi ermənilərin evləri yandırılmış və
bir neçəsi öldürülmüşdü, Erməni evləri talan edilirdi, burada milis
idarəsi də iştirak edirdi. (halbuki bu hərəkətlərə ehtiyac yox idi-
Qarabağı müdafiə etmək üçün praktiki addımlar atılması lazım idi,
mitinqlərlə Qarabağ qayıtmırdı- gedirdi) Nəticədə 15 yanvarda SSRİ
Ali soveti Bakıya qoşun yeridilməsi və fövqaladə vəziyyət elanı
haqda xəbərdarlıq qərarı vermişdi-bunu Azərbaycan Ali Soveti sədri
xahiş etmişdi. “Cəbhə” uzun sürən daxili gizli sövdələşmələrdən
sonra məhz 1990 –cı il 19 yanvarda, axşam saat 7–də müstəqillik
elan etmək haqda qərar qəbul etmişdi. Məhz belə qərarın
hazırlandığını bilən Sovet dövləti və təhlükəsizlik idarəsi Bakıya
qoşun yeridilməsini sürətləndirdi (3 gün idi ki, Nasosnı, Qala
aerodromlarına qüvvə daşınırdı), qəzetlərdə və televiziyada Rostov
və digər şəhərlərdə mobilizasiya aparıldığı, xüsusi cəza dəstələrinin
77
komplektləşdirilməsi haqda məlumat verilirdi. lakin “Cəbhə”
gecikirdi, vəzifələri bölə bilmirdi, onlar istəyirdi ki, elanı sovet cəza
dəstələri şəhərə girməmiş etsinlər, lakin bunu bacarmadılar, eqoism
və vəzifə düşgünlüyü üstün gəldi, vaxt itirildi, gecikdilər. Bunu bilən
KQB televiziya stansiyasını həmin gün axşam saat 7-yə az qalmış
partlatdı, buna imkan vermədi. Lakin elə əvvəldən “Cəbhə”nin
yaratdığı milli müdafiə təşkilatı axmaqcasına qoşunların qarşısını
almaq üçün insanlardan divar düzəltmək qərarını vermişdi və onu
icra edirdi. Avtobuslarla iş yerlərindən, yataqxanalardan insanları
toplayaraq hərbi qüvvələrin qarşısına çıxartdılar. Cəbhə avamları
müstəqillik elanını edə bilməyəcəklərini artıq axşam saat 7 - də
bilirdilər, lakin onlar “ya qatıq, ya ayran” deyərək özlərinin təşkil
etdiyi insandan düzələn “divarın” ayrılıb evlərinə getməli olduqlarını
demədilər, çox yerlərdə hamıya deyil, xəlvətdə yalnız cəbhə
üzvlərinə bildirdilər və qan tökülməsinə rəvac verdilər. Camahatı
gətirdikləri kimi dağıtmağa çalışmayaraq vicdansız bir hərəkət
etdilər. İşin nə yerdə olduğunu yaxşı bilərək, onlar hətta qəsdən
axşam saat 12 – dək yataqxanaları gəzib avtobuslarla adamları ordu
cəza dəstələrinin qarşısına çıxarmağa davam etdilər. Sanki qəsdən
daha çox adamın ölməsini təşkil edirdilər. Yataqxanada olduğum
üçün bunları mən öz gözümlə gördüm və eşitdim. Axşam saat 11-də
hələ bir avtobus gəldi və çoxlu emosional çıxışlar edərək, qalmış
sakinləri yataqxanadan əsas “müqavimət” yollarına aparmağa cəhd
edirdilər. Cəbhənin içində müxtəlif məqsədli qruplar var idi, hansı ki
qara işi onlar görürdü. Aparıcı qüvələrdən biri xüsusilə canfəşanlıq
edərək, sanki daha çox adamın ölməsini, daha çox qatışıqlıq
yaranmasını, kimi isə sonradan hakimiyyətə gətirmək üçün işləyirdi.
Cəbhə daxili bəzi qruplar “türklər bizə silah gətirirlər, dağılmayın,
bərk durun” deyib insanları aldadaraq və bir çox təxribatlar törədərək
atışma yaratdılar, özləri isə qaçıb getdilər, 120 insan qətl edildi.
Onların rəhbərlərindən biri utanmadan demişdi “azadlıq yolunda qan
tökülməlidir”, lakin o özünün və tərəfdarlarının deyil, günahsız
adamların qanının tökülməsinə yol verdi. Çox şübhəsiz, həmin şəxs
bu qanın tökülməsini və ölənlərin bir yerdə basırılaraq ruslara nifrət
obyekti kimi istifadə etməyi planlaşdırmışdı, lakin adi insanlar bu
nadanın xain planlarından xəbərsiz idilər. Ölüləri xiyabanda
basırandan sonra o demişdi: “indi bizim sitayiş edəcək yerimiz var”,
həmin “tutar qatıq, tutmaz ayran” planı üzrə ölənlərə şəhid, xiyabana
isə şəhidlər xiyabanı adı verərək sonradan burada movzeley
yaratdılar. Yazıq və “işdən” xəbərsiz insanlar aldadılaraq şəhid edildi
78
və siyasi məqsəd üçün qurban verildilər. Bu çox axmaq və ağılsız
hərəkət oldu. Bununla xalqı Rusiyadan çevirdilər və şüurlarda “nə
olur olsun, Rusiyadan ayrılmaq” fikri yaratdılar, Qarabağda da
vəziyyəti daha da pisləşdirdilər. Nə üçün bu fikir lazım idi? Cavab:
çünki hakimiyyətə gəlmək üçün hökmən yeni ideyadan istifadə
etmək lazımdır, əks halda nə üçün keçmiş hakimiyyətin getməli
olmasına səbəb olmur. Rusiyadan vaxtı və yeri gəlməyən ayrılmaq
fikri isə bir çox siyasətçi üçün yaxşı bəhanə idi - başqasını – daha
yaxşısını tapmağa isə onların başı çatmırdı. Onlar eyni canfəşanlıqla
Qarabağdakı azərbaycanlıların və rayonların müdafisəini təşkilk edə
bilərdilər, etmirdilərsə, demək, onlara Qarabağ və oradakı əhali lazım
deyildi, onlara hakimiyyət lazım idi. Bu hadisə sonrakı
bədbəxtliklərin əsası oldu. Azərbaycana ermənilər hücum edir,
insanları qovurdular, öldürürdülər, məhz onlara qarşı tədbirlər lazım
idi. Bunu anlamayan nadanlar xalqın fikrini Rusiyaya qarşı
yönəltdilər, halbuki iki cəbhədə mübarizə heç cür mümkün deyildi,
heç bir cəbhəyə - ermənilərə qarşı adekvat mübarizə apara
bilmirdilər. Bu zaman Rusiyaya qarşı mübarizə etmək və əks
zərbələr almaq tam ağılsızlıq idi. Əsas mübarizə meydanı Erməni
separatçılarına qarşı olmalı idi, məhz bu sahədə ağılla hərəkət etmək
və onların bütün hərəkətlərinin qarşısını almaq lazım idi. Mən özüm
şəxsən bir neçə dəfə yazılı olaraq Cəbhənin rəhbərliyinə öz
fikirlərimi çatdırmışdım. Lakin onlar etinasızlıqla gözlərini
döyürdülər və fikirlərində başqa bir şey tutduqlarını biruzə verirdilər.
1990 –cı il 20 yanvarından sonrakı günlərdə bir məqalə ilə ( hələ 2 il
əvvəl onu yazmışdım, lakin heç kəs onu çap eləmirdi) “Azərbaycan”
qəzetinin redaksiyasına getdim ki, onu çap eləsinlər, onun redaktoru
S. Rüstəmxanlı idi – mitinqlərdə çox vətənpərvərlikdən, millətdən
danışırdı. Məqaləmdə başlanan bu ağır problemi həll etmək üçün ilk
addım-bütün ağıllı, bilikli adamların toplaşıb bir yaradıcı qrup
yaratmasını və Ermənistan – Qarabağ problemini elmi- texniki
metodlarla tam həllini hazırlamasını, zəruri addımları müəyyən
etməli olmasını yazmışdım. Çünki mənasız mitinqlər, boş danışıqlar
bir xeyir vermirdi, nə etməli? sualına aydın cavab vermirdi,
ermənilərə qarşı fəaliyyət təşkil etmirdi. Bu mitinqlər yalnız özünü
reklam etmək, boş - boş danışmaq, ürəyini boşaltmaq, dövləti ittiham
etmək, istefaya məcbur etmək üçün rol oynayırdı, başqa heş bir xeyir
vermədi. Vicdanı düz olan insan üçün erməniyə müqaviməti təşkil
edib onların qarşısını kəsmək və məhv etmək daha ağıllı iş olardı.
Lakin mitinqləri təşkil edənlər məhz bu işdən xalqı yayındırır,
Dostları ilə paylaş: |