79
özlərini reklam edirdilər, xalqa böyük zərər vururdular.. Bu onların
böyük günahı idi. Lakin Rüstəmxanlı məqaləni çap etməkdən və bu
təklifi həyata keçirmək üçün öz tanışlığı və nüfuzundan istifadə
etməkdən qəti imtina etdi. Koridorda uzun, arıq bir şəxslə tanış
oldum, bu adam qəzetin əməkdaşı, indiki deputat Cümçüd Nuriyev
idi. Ona dedim ki, niyə belə oldu, belə axmaqlığı etməyə niyə yol
verdiniz. O dedi:” Biz Bəyə (Əbülfəz Əliyevə) nə qədər dediksə,
yola gətirə bilmədik, bizə dedi ki, bəlkə XXXX (saqqallı) düz deyir”.
Bu həmin saqqallı idi ki, məhz camahatı təşkil edərək barrikadaların
düzəldilməsinə rəhbərlik etmişdi və oraya toplaşanlara “bərk durun,
türklər bizə silah gətirir” deyən idi. Sonra da həmin saqqallını azadlıq
meydanında dəfn mərasimindən əvvəl böyük mitinq zamanı gördüm.
Şeyx sonda “qaldırın meyidləri, gedək” deyəndən və camahat
hərəkətə başlamaq istərkən, o adam tribunada irəli çıxdı və əlində bir
kağız tutaraq Salyan kazarmasında rusların azərbaycanlı, tatar, qazax
və s. müsəlmanları qırdığını dedi və bir- bir onların sayını oxudu.
Nəhayət, dedi ki, camahat, oraya gedək, onları xilas edək”. Lakin
camahat deyəsən cana doymuşdu, heç kəs reaksiya vermədi. Axşam
məlum oldu ki, heç belə hadisə olmayıb. Beləliklə adamların ölüləri
basdırmağa başları qatışdı və həmin şəxsin yeni qurbanlar verilməsi
planı boşa çıxdı. Həmin “saqqallı” və qrupu deyəsən bərk
canfəşanlıq edirdi, bir ağıllı adam yox idi, bu işdən baş açsın və
ağlın göstərdiyi yolu seçsin. Maraqlıdır ki, bu “saqqallının”
xidmətləri unudulmadı, ona ali dövlət vəzifəsi, yəni “yemək stolu”
arxasında yer verdilər, yeyib doyandan sonra “indi də get, həzm elə”
deyib çıxartdılar. O xidmətinin əvəzini aldı. İndi yenidən həmin
səhnələri təsəvür edirəm və görürəm ki, 20 yanvar siyasi məqsədlə
təşkil edilmişdi, “cəbhənin” həmin saqqallının qrupu ilə əlbir işi
nəticəsi idi. Ssenarini yazan Amerikan kəşviyyatı, icraçılar isə
“Cəbhə” və Sovet qoşunları idi. (Həmin CİA məhz Türkiyə kadrları
vasitəsilə işləyirdi, sonralar da H. Əliyevə- Rusiyaya yaxınlaşdığı
üçün bir neçə dəfə qəsd təşkil edilməsi bunu sübut edir). Savadlı
adamlar kəmsavad bir fəhlənin oynadığı oyuna tabe olmuşdular,
Əsas məqsəd, şübhəsiz, o idi ki, daha çox ara qarışsın, insan qırılsın,
ali rəhbər yeri boşaldılsın, kimsə rəhbərə çevrilsin; Rusiya ilə ara
vurulsun”, SSRİ dağılsın, ölkə ABŞ və NATO – ya (görünür, xarici
kəşviyyat yaxşı işləyirdi) tərəf dönsün. Əgər insanlar aldadılaraq
məqsədli şəkildə gecə yollara doldurulmasaydı və döyüş imitasiyası
yaradılmasaydı, heç bir qırğın və sonrakı mənfi nəticələr
olmayacaqdı, şahidlər hələki sağdırlar. Ermənilər praktiki olaraq
80
hücum edir, ərazini tutur və insanları öldürür və qovurdular, “cəbhə”
isə mitinqlə cavab verirdi. Lakin separatçı Krunk təşkilatının əksinə
yaradılmış “Xalq cəbhəsi” bu erməni təşkilatına bərabər qabiliyyət
və ağılı göstərə bilmədi. Çünki burada “cəbhə” əsas diqqətini
ermənilərdən fərqli olaraq, hakimiyyəti əlinə almağa və SSRİ-dən
çıxmağa yönəltmişdi və vəziyyətin daha da pisləşməsi və mitinqlər
vasitəsilə bunu edirdi. Halbuki mitinqlərə ehtiyac yox idi, torpağı
qorumaq istəyən gedib qoruya bilərdi. ”Cəbhə” daxilində bəzi
qruplar yerli özünü müdafiə dəstələrinə-sərhəd rayonlarına müəyyən
yardımlar edirdi, lakin burada elə xəbis məqsədli rəhbərlər və onlara
sadiq dəstələr var idi ki, sonralar dəstə düzəldib yerli adamlara
kömək adı ilə getsələr də, vəziyyətdən baş açmayıb öz ağalarının
göstərişi ilə döyüşü və kəndləri buraxıb tərk edərək (məsələn,
Şuşanı, Laçını, Qubadlını, Qarabağda Sürət Hüseynovun cəbhəni boş
qoyub qoşunları geri çəkməsi, Xocalı hadisəsi zamanı və s.) həmin
ərazilərin erməni əlinə keçməsinə səbəb olmuşdular. Sonralar məlum
olmuşdu ki, bu hərəkətlər təxribatçılıq olmuş və onları hakimiyyətə
gəlmək üçün edirmişlər.
...1991-ci il 6 dekabr gəldi. SSRİ ləğv edildi, ayrılmağı dinc
aparmaq üçün MDB təşkilatı yaradıldı. Həmin “cəbhə” liderləri
hakimiyyət uğrunda mübarizəni davam etdirərək, yenə ölkədə
vəziyyəti kəskinləşdirməyə, 90-cı il hadisəsindən sonra hakimiyyətə
gəlmiş prezident Mütəllibovun sərəncam və göstərişlərini sabotaj
etməklə onu axmaq vəziyyətə saldılar. Onların təsirində olan hərbi
dəstələr 1992 –ci il 26 fevraldan əvvəl Xocalını xilas etmək üçün
qurulmuş planı pozaraq hücum etməkdən imtina etdilər, hər dəstə
dağılıb bir yerə getdi, bununla onun məhv edilməsinə imkan
verdilər, günahı da Mütəllibovun üstünə yıxaraq onu istefa verməyə
məcbur etdilər(ANS TV arxivi). Demək olar ki, Mütəllibovun özü də
nə baş verdiyindən, Amerikan və Rusiya planlarından xəbərsiz idi.
Elə bilirdi ki, Rusiya bu məsələləri özü nizamlayacaq, o isə yalnız
əmrləri icra edəcəkdir. Məntiqə görə o düz fikirləşirdi - Rusiyanın
ağla uyğun hərəkəti SSRİ- ni dağılmaqdan qorumaq, daha yaxşı
siyasət yeridərək respublikalar arasında nayrazılığa, separatizmə
imkan verməmək olardı (onlar bu fikrə xeyli sonra, Putin
hakimiyyətə gələndən sonra gəldilər). Lakin həmin dövrdə məhz
Amerikan kəşviyyatının işi və radiolarının dağıdıcı təbliğatı böyük
rol oynayırdı.
81
Düzgün strategiyalar uğurun açarıdır.
Azərbaycanda dövlət strategiyalarının qəbulu dünyada anoloqu
olmayan çox orijinal üsulla edilir. Cəmiyyətdə ehtiyaclar,
problemlər, çətinliklər haqda tədqiqat aparmadan, gələcəyin necə
olacağı haqda proqnozlar hazırlamadan, müxtəlif təkliflər, tapşırıqlar,
nazirlər kabinetinə, prezident aparatına verilir. Müşahidə edirəm ki,
ölkədə idarəetmənin məqsədi elmin göstərdiyi üsulla gələcəyin dəqiq
müəyyən edilmiş hədəflərinə deyil, son dəqiq məqsədi olmayan
idarə nəticəsində yaranan problemlərin həllinə yönəlmişdir. Bunun
özü də səmərəsiz, keyfiyyətsiz və kompleks yanaşma və kompleks
həllərin əldə edilməsi məqsədi qoyulmadan edilir. Ali rəhbərlik ilk
ağlına gələn istənilən ideya ortaya ata və onun icrasına başlaya bilər
və buna strategiya adı verə bilərlər. Bütün cəmiyyətin mənafeyi
mövqesindən belə idarə, şübhəsiz, faydalı deyildir. Tədqiqatları və
ictimai ehtiyacları, yüksək elmi ağlı nəzərə almayan belə tapşırıqlar,
şübhəsiz, öz şəxsi düşüncə və kaprizlərə və qrup mənafeyinə xidmət
edən məqsədləri seçir. Neft starategiyası, Qarabağ probleminin həlli
strategiyası, təhsil strategiyası, körpü strategiyası, həbs etmə - həbsdə
saxlama strategiyası, idarəetmə strategiyası, kapitalizmə keçid,
özəlləşdirmə, qiymətləri və tarifləri artırma və sonra maaş və
pensiyaları qaldırma yarışı, şəhərin maqazin və bazara, talkuçkalara
çevrilmə strategiyaları; bağ və uşaq oyun sahələrinin, maşın
dayanacaqlarını, yaşıllıqları, ağacları ləğv edilib bina, maqazin
tikmə; torpaqların satılma; olimpiya idman kompleksi strategiyaları
və s. belə yaranmışdır. Belə üsulla qəbul edilmiş strategiyalar xalqın
mənafeyi mövqeyindən elm və ağılla əsaslandırıla bilmir və xalqın
inkişafına xeyli zərərlər vurur.
Gerçəklikdə, qurulan bütün strategiyaların məqsədi azad,
müstəqil deyil, siyasi kapitalist yaratmaq- özü də bu kapitalistlərin
əksəriyyəti yalnız məmurlar və qohumları, dostları ola bilər- ölkəni
ağalar və qullar ölkəsinə çevirmək, ölkəninin idarəsini pul və bazar
hegemonlarına tapşırmaqdır. Yəni hakimiyyətdə olanlar belə üsulla
özləri özlərinə rəhbər və idarə vəzifələri verirlər. Bu prosesdə xalqın
iştirakı isə bir teatr oyunudur. Dünya kapitalist dövlət sistemi
ümumiyyətlə belədir. Belə sistem kitabın əvvəlində göstərdiyim kimi
daim böhranlar, inflyasiya, qiymətlərin və tariflərin daim qaldırmaq,
insanları daim ehtiyac içində saxlamaqla onları çörək üçün həddən
artıq işləməyə vadar edən istismar və işsizlik yaradır. Belə növ
idarəetməyə bir rəhbər şəxsin ağlı ilə idarəetmə adı verə bilərik. Əgər
Dostları ilə paylaş: |