85
yardımlar, böyük demokratiya, qanunçuluq və s. olmalıdır. Digər
tərəfdən, bahalı ölkəyə çevrilmə daim böyük böhranlara, cəmiyyət
üçün əzablı günlərə gətirir. Buradan belə nəticə çıxır ki, bizə - əksər
90% xalqa dünya qiymətlərinin olduğu ölkəyə çevrilmək lazım deyil.
Biz daha ağıllı ictimai iqtisadi sistem qurmalıyıq. Ən aşağı
qiymətlər olan ölkə olmalıyıq. Biz dünyaya nümunə olmalıyıq,
dünya bizə yox. Məsələn, Çin ucuz mallarla dünya bazarlarını fəth
etmişdir və onlardan böyük gəlir alır. Bu o deməkdir ki, malın ucuz
istehsalına baxmadan o başqa ölkələrdə qismən ilk qiymətindən
baha satıla bilər və ölkəyə böyük gəlir gətirə bilər. Başqa sözlə, bizə
süni olaraq tarifləri qaldırmaqla, bahalı mal istehsal etmək lazım
deyil, ucuz mallarımız bizə də şans verir ki, başqa ölkələrdən
gətiriləcək bahalı mallarla rəqabət aparsın, xalq elə öz ucuz malımızı
alsın. Xüsusilə, neft, qazı onlardan alınan məhsulları baha yox, lap
maya dəyərinə və xalq mənafeyi tələb edirsə, daha aşağı qiymətə
ölkə ərazisində satmaq lazımdır. Dövlətin bu nemətləri baha satmaq
strategiyası gördüyümüz kimi ağıllı iş deyildir.
Nəzəriyyəyə görə bütün həyat sahələri harmonik inkişaf
qanununa uyğun, yəni heç nə geri qalmadan, eyni səviyyədə inkişaf
etdirilməlidir. Tikinti quruculuq işləri dövlətin icra etdiyi yalnız bir
funksiyadır, lakin bu işlərin içində də gülməli, ağılla izah edilə
bilməyən, prioritet olmayan və qeyri-rasional tikintilər vardır.
Şübhəsiz, belə işləri qərar qəbul edənlər öz pulları ilə etsəydilər,
bunu etməyə razı olmazdılar. Indiki dövrdə aparılan bu işlərin
müəyyən faydalı və zəruri olanları elə əvvəldən, vaxtında
edilməliydi. Keçmiş dövrdə bunu etməmişdilərsə, demək, səhvə yol
verilmişdi, harmonik inkişaf qanunu pozulmuşdu. Lakin belə
tikintilərə aludəçilik və digər funksiyaları, xidmətləri və onların
keyfiyyətini unutmaq da yolverilməzdir. Dövlətin məqsədi insan və
təbii ehtiyatlardan, ictimai vasitələrdən istifadə edərək insanlara
kifayət edən səviyyədə həyat şəraiti təmin etmək olmalıdır. Bu
məqsəd konstitusiyada yazılmalıdır. Bütün tikinti - quruculuq adı
verilən işlər insanların işsiz qalmağına, müalicə oluna
bilməməyimə, rüşvət verməyə, mühacirətə getməyə məcbur olmağa,
zorla aztəminatlı edilməyinə, hüquqlarını qoruya bilməməyinə əsas
vermir. İnsanlar bu və digər problemlərdən xilas ola bilmir. Böyük
miqdarda problem və nayrazılığın həlli bu tikintiləri və bəzən, hətta
heç pul da tələb etmir. Sadəcə məmurların- dövlət idarələrinin və
yerli özünü - idarələrin insaniyyətini, əxlaqlı davranışını, ayrılan
86
vəsaitlərin düzgün, təyinatına görə istifadə edilməsini, məsuliyyətlə
öz vəzifəsini icra etməsini, rüşvət almamasını tələb edir.
Təhsil və test strategiyası. Kökündən səhv qurulmuş və xalqın
gələcəyinə zidd bir strategiyadır. Nəticədə təhsil pulluya çevrilmiş,
təhsil müəsisələrində yerlər azaldılmışdır, oxumaq 80 % pullu
edilmiş, insanlar kasıblaşmışdır, məqsəd daha az adamın təhsil
alması olmuşdur və yalnız varlılara imkan yaradılması olmuşdur,
verilən diplomlar beynəlxalq aləmdə tanınmır, Dövlət Tələbə Qəbulu
idarəsi özünə test biznesi yaratmışdır. Bu idarənin ləğv edilməsi daha
yaxşı olardı. Gənclər istədiyi ixtisasa daxil olmaqdan müxtəlif
manelər qoyularaq məhrum edilmişdir. 1991-ci ildən təhsil
islahatları başlamış, test üsulu ilə imtahanlar tətbiq edilmişdir. 2008 –
ci ilə yaxşı dərsliklər yazılmış, bir neçə min məktəb tikilmişdir.
Məktəblərdə komputerləşmə aparılmışdır. Mənfi cəhətlər: yeni
məktəblər olsa da, onlarda, habelə köhnə məktəblərdəki təhsil
səviyyəsi yaxşılaşmamışdır. Təhsil məktəbdən qeyri - məktəb
yerlərinə keçmişdir. Şagirdlərdən pul yığılması, işə girənlərdən pul
alınması adətləri yayılmışdır. Komputerlər formal xarakter daşıyır,
bu haqda tam bilik verilmir. Test imtahanı metodunun seçilməsi
test biznesini yaratmışdır. Təhsil yalnız testlərlə məşğulluğa, başqa
sözlə, tapmaca tapmağa çevrilmişdir. 10 -11-ci sinif uşaqları bütün
günü testlə - tapmaca tapmaqla məşğul olurlar. Testlər isə biliyin
artmasına kömək etmir. Əzbərçilik yaradır, uşaqların gözü həddən
çox yorulur və zəyif görmə, psixi xəstəlik, əsəbilik yaranır. Bu
məsələnin başqa cür həll edilməsi lazımdır, eyiblər düzəldilməlidir.
Test tapşırıqları xeyli çətinləşdirilmiş, uşaqları çaşdırmaqla az bal
toplamağa məhkum etmişdir. Peşə təhsili başdan sovdudur və lazımı
ixtisas və peşə vermir. Bu tədbirlər vətəndaşların azad və beynəlxalq
aləmdə tələb olunan səviyyədə təhsil, ixtisas, peşə almağına zərərli
olmuşdur. Böyük miqdarda kasıb və ya ailəsi işləyən gənclər yaxşı
ixtisas almaqdan məhrum edilmişdir. Ali məktəbləri qurtaranlara
təyinat verilmir, onların əksəriyyəti işsizlər ordusunu böyüdürlər və
ya ixtisas tələb etməyən xidmətçi işlərində, alverdə başlarını qatırlar.
Test üsulu gənclərə istədiyi ixtisasa düşməyə mane olur. Ali
məktəblərdə hər bir yaşda olan insanların, qəbul olmadan azad
gələrək mühazirələrdə oturub bilik öyrənməsinə və elmlə məşğul
olmasına, elmi iş müdafiə etməsinə imkan verilmir, habelə ali
məktəbdə oxumağa, istədiyi ixtisası, peşəni öyrənməyə mane olur.
Elmlə məşğul olmaq istəyənlərin qarşısına yerlər məhdud miqdarda
87
ayrılır, ödəmə tələb olunur. Bu sayılan hallar böyük eyiblər və zərərli
praktikadır.
Səhiyyə strategiyası. Səhiyyə əsasən varlı, məmur sinfi üçün
əlçatandır. Həddən çox insanlar müalicə oluna bilmədiklərindən
(diaqnostika, stasionarda yatmaq, cərrahiyyə əməliyyatları, dərmanla
müalicə, UZİ, rentgen, EKQ, diş, kardioloji xidmət və s. yoxlamalar)
xəstə vəziyyətdə qalmışlar, əzab çəkirlər və ömürləri qısalır. Müalicə
olunmaq üçünsə xeyli kasıblaşmaq, evdən məhrum olmaq, borc
almaq lazım gəlir. Formal qanun olsa da, icra edilmir. Səhiyyə pulsuz
elan edilsə də, bütün dövlət səhiyyə sistemi nasazlıq nümunəsidir -
bütün xəstələrdən pul qoparılır və xidmət edənlər məsuliyyət
daşımırlar. Halbuki bu sistem yüksək iş qabiliyəti ilə, funksiyalarını
tam keyfiyyətlə icra edə bilmək gücündə yaradıla və idarə oluna
bilər.
Turizmin inkişafı strategiyası. Hökumət Danimarka şirkətinin
layihəsi ilə Xəzər dənizində Nargin adasında cənnət adası layihəsini
həyata keçirməyi nzərədə tutur. layihənin qiyməti 6 milyard
manatdır. Burada Azərbaycan təbiətnin muzeyi, 5 ulduzlu otellər və
villalar tikilməsi gözlənilir ( 2 fevral 2009 cu il Xəzər TV məlumatı).
Bu üsulla turizmi inkişaf etdirmək tamamilə ölkə prioritetlərinə
ziddir, neft pullarını səmərəsiz sərf etməkdir. Strategiya təbii və
maraqlı ərazi və tarixi obyektlərin istifadəsi əsasında və ən az pul
xərcləməklə qurula bilərdi.
Bu qayda ilə istənilən dövlət strategiyasını araşdırsaq, onun
nasaz olduğunu görərik, Məsələn, kapitalizmə keçid strategiyası - nə
üçün kapitalizmə keçmək lazımdır? Kimə lazımdır? Kapitalizmə
keçid inkişaf deyil, geriyə doğru addımdır. Özəlləşdirmə - Nə üçün
özəlləşdirmə lazımdır? Kimə lazımdır?
Gəlin,bu iki strategiyanı qısa da olsa araşdıraq.
Kapitalizmə keçid və özəlləşdirmə strategiyası. Kapitalizm
yolu Azərbaycana yaramır. Kapitalizm vəhşi istismar, elmi
tədqiqatların nəticəsinə görə insanları qruplara bölərək kasıblar
(80%) və varlılar(20%) yaradır; müharibə, gələcəyə ümidsizlik,
işsizlik, təbiətə vəhşi münasibət, sərvətlərin tez istifadə edilib pula
çevrilməsini, gələcək nəsli pis vəziyyətdə qoymaq, böhranlar və s.
bəlalar yaradır. 300 yüz il mövcud olan kapitalizm artıq öz zərərli
cəhətlərini daha kəskin göstərməyə başlayır və belə nəticə cıxır ki ,
bu yol ancaq kapitala, yəni daha çox gəlir əldə etməyə xidmət edir.
Pullar çox əllərdən çıxıb az miqdarda tək əllərə, əhalinin 10-20
faizinin əlinə keçir. Nəticədə isə insanların maddi vəziyyəti, sosial
Dostları ilə paylaş: |