55
Məsələ 414: Müstəhəb ehtiyat odur ki, istihazəli qadın orucdursa, bütün
gün ərzində bacardığı qədər qanın kəsilməsinin qarşısını alsın.
Məsələ 415: Məşhur nəzərə əsasən, kəsirə istihazəli qadının orucu o
zaman düzgündür ki, sabahı oruc tutmaq istədiyi gecənin şam və xiftən na-
mazının qüslünü, habelə günortanın da günorta namazları üçün vacib qüslləri
vermiş olsun. Amma onun orucunun düzgünlüyündə qüslün şərt olmaması
uzaq nəzər deyildir. Eyni zamanda daha güclü rəyə əsasən bu, mütəvəssitə
istihazəli qadında şərt deyildir.
Məsələ 416: Əgər qadın əsr namazından sonra istihazə olarsa və axşam
çağına kimi qüsl etməsə, orucu qüsursuz və düzgündür.
Məsələ 417: Əgər qadının qəlilə istihazəsi namazdan əvvəl mütəvəssitə,
yaxud kəsirə olsa, mütəvəssitə, yaxud kəsirə üçün deyilmiş əməlləri icra
etməlidir. Əgər mütəvəssitə istihazə kəsirə olsa, kəsirə istihazənin əməllərini
icra etməlidir. Əgər mütəvəssitə istihazə üçün qüsl edibsə, bunun heç bir
faydası yoxdur və ikinci dəfə kəsirə üçün qüsl etməlidir.
Məsələ 418: Namaz əsnasında mütəvəssitə istihazəsi kəsirə olan qadın
namazını pozub kəsirə istihazəsi üçün qüsl verməli və digər şərtləri icra et-
dikdən sonra həmin namazı qılmalıdır. Qüsldən qabaq dəstəmaz alması müs-
təhəb ehtiyatdır. Əgər qüsl etməyə vaxtı yoxdursa, onun əvəzinə təyəmmüm
etməlidir. Əgər təyəmmüm etməyə də vaxtı yoxdursa, müstəhəb ehtiyata
əsasən, namazını pozmadan, həmin halda namazını tamamlamalıdır. Amma
sonradan qəzasını qılması lazımdır. Həmçinin əgər namaz əsnasında qadının
qəlilə istihazəsi mütəvəssitə və ya kəsirə olarsa, namazı pozmalı, mütəvəssitə
və ya kəsirə istihazənin əməllərini icra etməlidir.
Məsələ 419: Namaz əsnasında qan kəsilərsə və istihazəli qadın qanın
içəridən kəsilib-kəsilmədiyini bilməsə, yaxud paklıq (təharət) əldə edib na-
mazı, ya onun bir hissəsini qılmağa möhlət verib-vermədiyini bilməsə, vacib
ehtiyata əsasən, vəzifəsinə uyğun dəstəmaz alaraq və ya qüsl edərək namazı
yenidən qılması lazımdır.
Məsələ 420: Əgər qadının kəsirə istihazəsi mütəvəssitə olarsa, birinci
namaz üçün kəsirənin əməlini, sonrakı namazlar üçünsə mütəvəssitənin
əməllərini icra etməlidir. Məsələn, əgər zöhr namazından əvvəl kəsirə istiha-
zə mütəvəssitə olsa, zöhr namazı üçün qüsl etməli və əsr, şam və xiftən na-
mazları üçün yalnız dəstəmaz almalıdır. Amma zöhr namazı üçün qüsl etmə-
sə və yalnız əsr namazını qılmaq miqdarında vaxtı varsa, əsr namazı üçün
qüsl etməlidir; əgər əsr namazı üçün də qüsl etməsə və yalnız xiftən namazı-
nı qılmaq miqdarında vaxtı olarsa, xiftən namazı üçün qüsl etməlidir.
Məsələ 421: Əgər hər namazdan əvvəl qadının kəsirə istihazəsi kəsilib
ikinci dəfə gələrsə, hər namaz üçün bir qüsl etməlidir.
Məsələ 422: Əgər kəsirə istihazə qəlilə olarsa, birinci namaz üçün kəsi-
rənin əməlini və sonrakı namazlar üçünsə qəlilənin əməlini icra etməlidir.
Həmçinin əgər mütəvəssitə istihazə qəlilə olarsa, birinci namaz üçün mütə-
56
vəssitənin əməlini və sonrakı namazlar üçünsə qəlilənin əməlini icra etmə-
lidir.
Məsələ 423: Əgər istihazəli qadın ona vacib olan işlərdən birini tərk
edərsə, namazı batildir.
Məsələ 424: Qəlilə və ya mütəvəssitə istihazəli qadın namazdan başqa,
dəstəmazın şərt olduğu başqa bir iş görmək istəsə, məsələn, bədənin bir yeri-
ni Qurani–Kərimin xəttinə toxundurmaq istəyərsə, əgər namaz qurtardıqdan
sonra olsa, vacib ehtiyata əsasən, dəstəmaz almalı və namaz üçün aldığı dəs-
təmaz kifayət deyildir.
Məsələ 425: İstihazəli qadın vacib qüsllərini icra etdikdən sonra məscidə da-
xil olması, orada dayanması, vacib səcdəsi olan ayəni oxuması və əri ilə yaxınlıq
etməsi, hətta, pambığı və parçanı dəyişdirmək kimi namaz üçün icra etdiyi digər
işləri yerinə yetirməmiş olsa belə, halaldır. Hətta bu işlər qüslsüz də caizdir.
Məsələ 426: Əgər qadın kəsirə və ya mütəvəssitə istihazə zamanı nama-
zın vaxtından əvvəl vacib səcdəsi olan ayə oxumaq və ya məscidə getmək is-
təyərsə, müstəhəb ehtiyata əsasən, qüsl etməlidir. Əri onunla yaxınlıq etmək
istədiyi təqdirdə də, həmin hökmü daşıyır.
Məsələ 427: Ayat namazı istihazəli qadına vacibdir və ayat namazını qıla
bilməsi üçün gündəlik namazlar barəsində deyilən bütün işləri icra etməlidir.
Məsələ 428: Gündəlik namazının vaxtında istihazəli qadına ayat namazı
vacib olarsa, hər ikisini ardıcıl yerinə yetirmək istəsə də, vacib ehtiyata
əsasən, hər ikisini bir qüsl və dəstəmazla qıla bilməz.
Məsələ 429: İstihazəli qadın qəza namazı qılmaq istədikdə, əda namazı üçün
vacib olan bütün əməlləri hər qəza namazı üçün də icra etməlidir. Ehtiyata əsasən,
qəza namazında, əda namazı üçün icra etdiyi əməllərlə kifayətlənə bilməz.
Məsələ 430: Əgər qadın özündən gələn qanın yara qanı olmadığını bilsə
və istihazə, heyz yaxud nifas qanı olduğunu ehtimal verərsə, bu halda əgər
həmin qan şəriət baxımından heyz və nifas qanının hökmünü daşımasa, isti-
hazə hökmünə əməl etməlidir. Hətta əgər istihazə qanı, yoxsa digər qanlar
olduğuna şəkk edərsə, onların əlamətini daşımırsa, vacib ehtiyata əsasən,
istihazənin əməllərini icra etməlidir.
Heyz (aybaşı)
Heyz, qadınların rəhmindən (uşaqlıq yolundan) hər ayda bir neçə gün
xaric olan qandır. Heyz qanı gördüyü zaman qadına, “haiz” – deyilir.
Məsələ 431: Heyz qanı çox vaxt qatı, isti, qara, yaxud qırmızı rəngdə
olur, təzyiqlə və bir az da yandırıcı halda xaric olur.
Məsələ 432: Qadınların altımış yaşından sonra gördükləri qan heyz
hökmündə deyildir. Lakin qadınlar əlli yaşından altımış yaşına qədər heyz
qanı görür, hətta müstəhəbdir ki, seyidə olmayan qadınlar bu müddət ərzində