Microsoft Word Sirler Xezinesi doc

Elә fәğan qopardı göylәrә qalxdı ahı. 
Ağladı, ikiәlli qapaz saldı başına, 
Nahaq qanlar zalımı qәrq edәr göz yaşına. 
Zülmünü yada salıb, dişlәdi barmağını: 
Quşlar da eşidibdir zülmünün sorağını. 
Var üçün insan nәsli bu obadan silindi. 
Toyuq qaqqıldayırdı, bayquş ulayır indi. 
Dünyaya uymuşam ki, qәflәtdәyәm hәlә mәn. 
Peşman-peşman başıma gәrәk döyәm hәlә mәn. 
El varını soymuşam, xalqa divan tutmuşam, 
Ölmәyi, son mәnzili büsbütün unutmuşam. 
Talan, qarәt dalınca haçanacan qaçım mәn, 
Әmәlimlә, başıma-olmaz oyun açım mәn? 
Şahlığı, mәmlәkәti tanrı verib baxtıma. 
El nifrәt yağdırmasın qoy tacıma, taxtıma. 
Mis deyil, qızıl sikkә nәsib olub adıma. 
Bu qәdәr haqsızlıqla haq çatarmı dadıma?! 
Zülmkartәk tanınım eldә, obada niyә? 
Ömrü zülmkarlıqla verim mәn bada, niyә? 
İndәn-belә qәlbimdә mәrhәmәt olsun gәrәk, 
Tanrıya, ya özümә bir hörmәt olsun gәrәk. 
Haqsızlığın hәddini lap aşmışam daha mәn, 
El gözündә dönәcәm әn, yaramaz şaha mәn. 
Yanmalıyam, yanmalı, gör kimә yanır qәlbim?! 
Qiyamәtdә yanacaq qәlbimә yanır qәlbim. 
Qılıncımla ellәri biçmәyim bәsdir daha, 
Alçalıb, insan qanı içmәyim bәsdir daha. 
Talançıyam, fәxr edib öyәcәyәm özümü? 
Qiyamәtdә sorsalar, döyәcәyәm gözümü. 
Xәcalәtәm, mümkünmü daha şadlana qәlbim? 
Daşqәlbliyәm, mümkünmü dönmәsin qana qәlbim? 
Qaxıncam, nalә, fәryad qopardığım budur, bu! 
Qiyamәtә özümlә apardığım budur, bu! 
Öz köhlәnim özümü tapdayacaq orada. 
Can zülmün cәzasına tablayacaq orada? 
Saysız xәznә yığmışdı qılıncının zoruna. 
Ondan Samla Firidun nә apardı goruna? 
Dünyaca var-dövlәtim sayılarmı dünyada? 
Dünyadan apardığım bir şey varmı dünyada?" 
Şah bir odlu mәşәldi, yandı yalı köhlәnin, 
Nәfәsindәn әridi polad nalı köhlәnin. 
Şahanә dәbdәbәylә sarayına yetişdi, 
Şәfqәtilә hamının harayına yetişdi. 

---

Bir yolluq qәlәm çәkdi bac-xәracın üstündәn, 
Son qoydu haqsızlığa, ellәr çıxdı pis gündәn. 
Әdalәt göstәrәrәk atdı sitәmkarlığı, 
Ömürlük arzusuydu elin bәxtiyarlığı. 
Taleyin imtahanı canını alan oldu, 
Әdalәti dünyada әbәdi qalan oldu. 
Ülviyyәt alәmindә yenә dә şahdır özü, 
Şan-şöhrәt sikkәsinә yazıldı "adil" sözü. 
Bәxtiyar hökmdardı, tarixdә qaldı adı, 
Kim ki adil şah oldu, belә ucaldı adı. 
Hәr ürәyi sevindir, xürrәm yaşa dünyada, 
Tanrı qoymaz ki, dәysin oxun daşa dünyada. 
Günәşi oyadanlar xoşbәxt olsun sayәndә, 
Dosta sәadәt olsun fikrin, zikrin, qayәn dә,  
Dәrdlәrin tәbibi ol, mәlhәm qoy hәr yaraya, 
Yiyәlәn taxta, taca, hәşәmәtli saraya. 
Eşqinlә atәşә dön, nifrәtinlә buza dön, 
El yolunda günә dön, aya dön, ulduza dön. 
Yaxşılığı әzәldәn adәt etsәn özünә, 
Yaxşılığın hәr yanda qapı açar üzünә. 
Hәr әmәlin üstündәn sanma keçәndi dövran, 
Hәr yaxşını, yamanı yaxşı seçәndi dövran. 
Ülviyyәtә qulluq et, günah dalınca varma, 
Günahkar insan kimi boyun büküb yalvarma. 
Ömür keçib gedәndi, dünya qalandı sәnә? 
Ülviyyәtә sәdaqәt şәrәfdi, şandı sәnә. 
Hәr üzrün, yalvarışın - hiylә, kәlәk, aldanış. 
Quru sözdәn nә çıxar? İşdәn, әmәldәn danış. 
İşlәr sözlә düzәlsә, hәr iş dә düz gәlәrdi, 
Nizami hünәriylә göylәrә yüksәlәrdi. 
 
 
ÜÇÜNCÜ SÖHBӘT 
 
DÜNYANIN KEŞMӘKEŞİ VӘ BӘŞӘRİN  
İZTİRABLARI 
 
Yerә, göyә sığmayan ey hәşәmәt ağası! 
Olma bir an cahana etinasız baxası! 
İztirabın, әzabın edәr üzüağ sәni, 
İstәrәm ehtişamdan mәn görüm uzaq sәni. 
Son gününü unutma, ömrün boyu sal yada, 

---

Möhtәşәmlik ağası yoxsulluqdur dünyada. 
Süleymanın mülkünü sorma hәr an hardadır? 
Mülkü öz yerindәdir, de, Süleyman hardadır? 
Vamiq - toylu, büsatlı sadiq yardı cahanda, 
Әzra - nazlı gәlindi, bir nigardı cahanda. 
O toy, gәlin otağı indi hardadır, harda? 
Vamiq, Әzra hardadır? Mәzardadır, mәzarda! 
Bilәydim ki, bilirmi yaşını qoca alәm? 
Arsızdır, ağartmayıb başını qoca alәm. 
Bu torpaq boynuyoğun bir qansızdır әzәldәn, 
Bu fәlәk başkәsәndir, amansızdır әzәldәn. 
Dünyada sәfa var ki, sәfa da görәk onda?! 
Vәfa görәn varmı ki, vәfa da görәk onda?! 
Torpaq üstә kim vardı - qucub haçandı torpaq, 
Bizә öz udduğundan söhbәt açandı torpaq?! 
Hәr gözәlin çöhrәsi bir lәçәk, yarpaq olub, 
Hәr şahzadәnin başı tapdanan torpaq olub. 
Vermişik bu dünyaya biz öz gәncliyimizi, 
Doğmaca balasıyıq, niyә qocaltdı bizi? 
Zümrüd quşu bәslәyәn Sam oğlu Zaldı bәşәr, 
Dünya - Samdır, qocalmaz, Zaltәk qocaldı bәşәr. 
Öz çarxını tәrsinә çox dolandırır fәlәk, 
Әdasıyla qәlbini yaxıb-yandırır fәlәk. 
Gah ucaldır canlının şahlığı ilә sәni, 
Gah döndәrir kuzәçi әlindә gilә sәni. 
İki rәngli fәrşә ki, ayaq qoyubdu varlıq, 
Hәyatından bezardı, cana doyubdu varlıq. 
Sәhrada hәyat sürәn deyinәr biixtiyar: 
"Dәryalar qoynundakı bәxtiyardır, bәxtiyar!" 
Dәryadakı darıxar, nalәsi qalxar göyә, 
Xiffәtindәn qovrular "sәhra gözәldir" deyә. 
Keşmәkeşli hәyatı fәlakәtdir insana. 
Hәr yerdә narahatlıq bir adәtdir insana. 
Köç yükünü karvana çatmalıyıq, çatmalı! 
Bu yurdu, xanımanı atmalıyıq, atmalı! 
Karvana qoşulmayan düşәcәk bәndә, demәk, 
Şәhәrdәn sürgün olar әn ucqar kәndә, demәk. 
Әldәn düşәn yolçunun, bil, hәdәrdir yolu da, 
Yoxluqla arasında tük qәdәrdir yolu da. 
Uyma vara, dövlәtә, tәkәbbürdәn uzaq gәz, 
Zülmәt ömür yoluna günәş nuru çilәmәz. 
Әylәncәylә vurursan öz ömrünü başa sәn, 
Әylәncәnin hәddini lap aşmısan, haşa, sәn. 

---