Microsoft Word Sirler Xezinesi doc

Atasızlıq qaxıncdı öz başına İsanın  
Әmәlin tәmәl oldu sarayına dünyanın, 
Mәqamında yetişdin harayına dünyanın. 
Şәrәfinlә şanınla tәsdiqlәndi bu fәrman 
Xütbәni tamamladı, yaratdığın bu dövran. 
Qalxıb, yaxşı dolandır bu dövranı fәlәkdәn, 
Hünәr, qüdrәt sәndәdir, mәdәt hanı fәlәkdәn?! 
Fәlәyin gen sinәsi öz meydanındı sәnin, 
Yer topunu buraxmaz koğa kimi çövkәnin. 
Fәnalıq tozanağı sarmamış kainatı, 
İndi meydan sәnindir, çap, şahә qaldır atı. 
Fәna hәyat camını әlindәn ala bilmәz,  
Alçaq yoxluq adını yadına sala bilmәz. 
Qoyma varlıq mülkünә düşsün yolu yoxluğun. 
Әllәrinlә bağlansın әli-qolu yoxluğun.  
Nәfәsinlә dil açıb dilsiz varlıq cahanda, 
Şәfqәtin dәrdin, qәmin mәlhәmidir hәr canda. 
Savaş barışıq oldu sәnin mәslәkin ilә, 
Çıxdı ağlın gәmisi qan nәhrindәn sahilә. 
Doqquz fәlәk qiblәsi yolunda taybataydı. 
Bu altı günlük nәrgiz saçıntәk әtir yaydı. 
Әgәr bircә tükün dә әskik olsa başından. 
Bu dünya saçın kimi dağılar tәlaşından. 
Yazmasan da, yazılı saysız dәri oxudun, 
Dinmәmiş, beyinlәri, ürәklәri oxudun. 
Niyә sәnin barmağın söz üstünә gәlmәdi? 
Kafirlәr deyәrdi ki: nә sözdü, nә kәlmәdi? 
Kim deyәr: sözüm düzdür, üstündәn barmağı çәk. 
Sözünü әzbәr bilir hamı beş barmağıtәk. 
Qubar yox, şәkәr tozu qonub astanan üstә, 
O şәkәr dodaqların innabdı, ya da püstә. 
Bir ovuc şәkәr tozun eşqin biyabanında 
Qırx günlük azuqәdir eşq әhlinin yanında. 
Qurtuluş sәhәrimsәn, sәnsәn bәxtiyarlığım. 
Dirilik suyumsan ki, torpağındır varlığım. 
Könlümün gülşәnidir qapındakı torpağın, 
Hәyat, dünya bağışlar sәfalı cәnnәt bağın. 
Pak türbәnin üstünü zәvvartәk kәsә bilәm, 
Toz olub qona bilәm, yel olub әsә bilәm. 
Torpağını gözünә tutya sanar Nizami,  
Qapında qolubağlı qul dayanar Nizami. 
Türbәtin әtir saçsın әrәnlәrin başında, 
Torpağın әnbәr olsun hәr bir әrin başında. 

---

 
 
DAVUD OĞLU MӘLİK FӘXRӘDDİN 
BӘHRAM ŞAHIN ŞӘNİNӘ 
 
Әrşә mәhkum dünyada almamışam hәlә kam. 
Alnının qırışları düyünlәnәn mәhbusam. 
Qandalımı açmağa tapmayıram bir kәsi. 
Kölgәyәm, başım üstә yoxdu hümay kölgәsi. 
Ayağım torpaqdadır, çoxda ki, yerdәyәm mәn, 
Sözümlә, şöhrәtimlә uca göylәrdәyәm mәn. 
Dünyanı ayaqla yox, dolanmışam başımla, 
Ayaqdәymәz yerlәrә yol açmışam başımla. 
Üzüm ağ, alnım açıq, başdan aşıb sevincim. 
Könlümün aynasıdır şölә saçan söz incim. 
Hünәrimi әks etdim sözümün güzgüsündә, 
Alәmi canlandırdım gözümün güzgüsündә. 
Hansı könül güzgüsü әksimi әks elәyәr? 
Hansı işıq çeşmәsi yanğıma su çilәyәr?  
Ağlın iti nәzәri seyrә daldı hәr yanı, 
Dolaşdı başdan-başa zirәkliklә dünyanı. 
Lәyaqәt, qәdir-qiymәt gördü comәrdlikdәdir, 
Yüksәk mәqama çatmaq, himayә mәrdlikdәdir. 
Bәxti güclü şahımın zәfәr çәngi sәslәnәr. 
Bu dünyanın bağında qönçә kimi bәslәnәr. 
İskәndәr, şanlı Xızır zәkası işıq saçar. 
Sehrikar münәccimdir, "Mәcәsti" sirri açar. 
Onun әzәl qayәsi - varlığın ülviyyәti, 
Şöhrәtә ucaldıbdır tәmiz, ülvi niyyәti. 
O, Süleyman üzüklü, günәş taclı hökmdar. 
Mәlik Fәxrәddin adı: - dünyamıza iftixar. 
Әzәldәn xoşbәxtdir ki, Davud atası olub, 
Süleyman şöhrәtinә gәlib çatası olub. 
Göylәrә ucaltdığı İshaqın bayrağıdır. 
İsmaili - kafiri ona qәti yağıdır. 
Dönübdür bu alәmin dostuna, sirdaşına, 
Doqquz fәlәk dolanar Bәhram şahın başına. 
Qüdrәtini göylәrin öz Bәhramında ara. 
Bәhram Gurla vuruşsa, gömәr onu mәzara. 
Yetkin ağlı, kamalı tanıtdırıb dünyada, 
Şahların sәrvәridir, әsla basılmaz yada. 
Verib dünya mülkünü öz xalqının әlinә, 
Hәm Әrmәnә hakimdir, hәm dә ki Rum elinә. 

---

Xilafәt taxtı kimi şahlıq taxtı ucaldı, 
Abxazda, Rum elindә şanlı qәlәbә çaldı. 
Ondadır comәrdliyi, sәxavәti әrlәrin, 
Ondadır düşüncәsi, әdalәti әrlәrin. 
Mәslәki göylәrdәdir, nur saçır bәxt çırağı. 
Mülki - sәdәf, incidir - dәrgahının torpağı. 
Sәxavәti - dünyanın bir büllur çeşmәsidir, 
Dürr dәryası, balıqlar üzәn nur çeşmәsidir. 
Sәxavәt çeşmәsindәn әli civә sәpibdir, 
Bir yerә yığmaq olmaz, bәli, civә sәpibdir. 
Gün kimi şölә saçar kәmәrinin qaş-daşı, 
Durar yaqut kәmәrli al günәşlә yanaşı. 
Lacivәrd pәncәrәsi bәla sәpәn bu fәlәk 
Onunla әllәşәni eylәyәr әlәk-vәlәk. 
Fәlәyin tәbli susar zәnglәrinin sәsindәn, 
Ayın şüşәsi sınar hәnrindәn, nәfәsindәn. 
Hәr nәşәnin, şadlığın mәnbәyi, ilki odur, 
Әn nәcib insanlığın sonu da, bil ki odur! 
Әli - sәxavәt camı dolandıran saqidir, 
Var olsun, sәxavәti әbәdidir, baqidir. 
 
 
BӘHRAM ŞAHA XİTAB VӘ TӘZİM  
 
Ey bәşәr gövhәrinә şәrәf yaraşıq olan. 
Bu alәmdә hәr kәsin gözünә işıq olan! 
Sirlәrinlә hamilә doqquz qarınlı göylәr 
Şәninә tәbil çalıb: "Zәfәr yar olsun" söylәr. 
İki balıq әzәldәn Yerә, göyә şәrәfdir, 
Qulağı qılıncının gövhәrinә sәdәfdir. 
Ay ki, qılınc şaxıdır gecәlәr hәr buluda. 
Qılıncının zәhmindәn qaçıb girәr buluda. 
Fәrat nәhri yaratdı qanlar tökәn qılıncın, 
Hәyat suyu qaynayan qәlblәr sökәn qılıncın. 
Kim ki şirin yatıbdı fırtınanın selindә. 
Nuh olsa da, batıbdı fırtınanın selindә. 
Camın bәnzәr Cәmşidin, Keyxosrovun camına, 
Günәş bir pәrvanәdir camalının şamına 
İgid әrlәr yıxmağa aslan ürәkli ol sәn. 
Şiri-nәrlәr yıxmağa aslan bilәkli ol sәn. 
Fәlәyә dә bәllidir aslanların meşәsi. 
Zәhmindәn, hünәrindәn çәkinmәkdi peşәsi. 
Hünәrlә, cәsarәtlә sınanar әr döyüşdә, 

---

Sәndәdir yenilmәzlik cәsarәt hәr döyüşdә. 
Göy sәma altındakı obaları, ellәri 
Hökmüylә dolandırır - istәyinin әllәri. 
Taxt vermisәn çoxuna - indi әmir vәzirdir. 
Әmrinә, qulluğuna mәlәklәr müntәzirdir. 
Çarx şahlıq üzüyünü adına bәzәr sәnin. 
Külәk Süleyman kimi hökmünlә әsәr sәnin. 
Tanrının töhfәsidir cavan vaxtı şahlığın. 
Bәxtiyarlıq naminә qurub taxtı şahlığın. 
Ötgün bәxtin qızıla döndәrәr torpağı da, 
Adın dilә gәlәndә şәrbәt olar ağı da. 
Gәlsә sәninlә işrәt Firudinin arına. 
Başı beyni yem olsun Zöhhak ilanlarına. 
Saqiylә müğәnniylә işrәt sәnin mey sәnin, 
Әbәdi sәadәtlә gülsün bәxtin hey sәnin. 
Şahlar da mәmlәkәt dә kömәyinin möhtacı. 
Әlindә odlu qılınc, başında şahlıq tacı. 
Heybәtli qılıncla sәn daim qalib çıxmısan. 
Bәzәn taclar almısan, bәzәn taxtlar yıxmısan. 
Var-dövlәt paylamaqda xәlifәlәrә taysan, 
Tac verib, taxt aldığın saya gәlәrmi, saysan?! 
Baş varmı, qılıncınla tac almamış olasan?! 
Şah varmı ölkәsindәn bac almamış olasan?! 
Ayağına enәn baş - tac alıbdır özünә. 
Qәlbinә yol tapdığın çıxıb bәxtәvәr günә. 
Bayquş - sәadәt quşu bir humay olub indi. 
Ayağının altında başlar zay olub indi. 
Әdalәtin çoxluğu hekayәtә dönübdür, 
Şikayәtin yoxluğu şikayәtә dönübdür. 
Zindandan da ağırdır sәrt dırnağı atının, 
Nalını çarmıx sanar hәr bir yağı atının. 
Gövhәrinә mücrüdür göylәrin yeddi tağı, 
Bayrağın altındadır cәnnәtin sәkkiz bağı. 
Hökmünә baş әymәyәn hökmәn naşıdır, naşı! 
Tac daşıya bilәrmi noxtaya layiq başı?! 
Hәr elmin ustasısan, hünәrinә әminsәn, 
Bir canınla canısan hәr iki alәmin sәn. 
Sәbanın qulağına pıçılda peyğamını, 
Nәfәsinlә alışdır söz-sәnәtin şamını. 
Göylәrin töhfәsini sadiq bәndәyә göndәr, 
Nizaminin qәlbini lütfünlә dağa döndәr. 
Söz - möhtәşәm görünәr igid әrin yanında, 
Cılızdır süfrәndәki nemәtlәrin yanında. 

---