Яли Щясянов, Адил Вялийев
54
əsaslanaraq özünün siyasi sistemini və idarəetmə formasını
müəyyənləşdirmək Azərbaycan xalqının suveren hüququdur.
Azərbaycan Respublikasında şəxsiyyət, cəmiyyət və döv-
lət arasındakı qarşılıqlı münasibətlər tarazlandırılmış şəkildə
formalaşır, vətəndaşların hüquq və azadlıqları sosial dəyər
kimi qiymətləndirilir və qanunla müdafiə olunur. Bu məqsədlə
müxtəlif sosial qrupların, siyasi-ideoloji mövqeyindən asılı ol-
mayaraq bütün siyasi partiyaların və çoxsaylı ictimai təşkilat-
ların sərbəst fəaliyyət göstərmələri üçün qanuni təminat verilir
və dövlət tərəfindən lazımi şərait yaradılır.
Dövlətin demokratikliyi həm də onun əhalisinin əsas in-
san və vətəndaş hüquqlarına hörmətlə yanaşılmasını, hökumə-
tin fəaliyyətinin və dövlətin idarəçilik prinsiplərinin xalqın
idarəsinə söykənməsini tələb edir.
Azərbaycanda demokratik dövlət rejimi nümayəndəli de-
mokratiyanın (seçkili orqanların fəaliyyəti) mövcudluğuna və
əhalinin həyatı ilə bağlı qanunların, qərarların qəbulunda onla-
rın (parlament, bələdiyyə və s. şəklində) iştirakına əsaslanır.
Azərbaycan Respublikasının demokratik dövlət olmasının
əsas şərti onun hüquqi xarakter daşımasıdır. Öz fəaliyyətində
hüququ rəhbər tutmayan, əsas insan hüquq və azadlıqlarını tə-
min etməyən, qanunun aliliyinə söykənməyən, ictimai həyatın
bütün sahələrini qanunlar əsasında idarə etməyən sistem hü-
quqi ola bilməz. Bu mənada Azərbaycanda hakimiyyətin əsas
mənbəyi kimi xalqı (seçicini) və əsas məqsədi kimi onun ma-
raqlarının təmin edilməsini qəbul etməsi, eyni zamanda hüquqi
dövlətin mövcudluğunu şərtləndirir. Bu halda vətəndaşlar döv-
lətin işlərində yaxından iştirak edir, cəmiyyətin demokratik şə-
raitdən bəhrələnməklə özlərinin hüquq və azadlıqlarını reallaş-
dırırlar. Dövlət konstitusion normalar vasitəsi ilə ictimai-siyasi
sistemin sabitliyinə, əhalinin təhlükəsizliyi və maraqlarına təh-
lükə yaradan bütün halların qarşısını alır.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
55
Hüquqi dövlətin təşəkkülü və inkişafı vətəndaşların siyasi
və iqtisadi hüquqları ilə sıx şəkildə bağlıdır. Mərkəzi və yerli
icra hakimiyyəti orqanları hüquqi dövlətin inkişafını təmin
edərkən hər şeydən əvvəl, Azərbaycan Respublikasının Kons-
titusiyasından və qanunlarından irəli gələn tələbləri və norma-
ları rəhbər tutur. Bu isə təsadüfi deyil, çünki Konstitusiya və
qanunlar hüquqi dövlətin əsas institutlarının özünüinkişafına
və özünütəşkilatlandırmasına geniş imkanlar yaradır.
Azərbaycan Respublikasında dövlət hakimiyyəti daxili
məsələlərdə yalnız hüquqla, xarici məsələlərdə isə ölkəmizin
tərəfdar çıxdığı beynəlxalq müqavilələrdən irəli gələn müd-
dəalarla məhdudlaşır.
ABŞ-ın “Azad ev” təşkilatı yuxarıda qeyd etdiyimiz kimi
Azərbaycanı digər postsovet respublikaları – Rusiya, Ukrayna,
Moldova, Gürcüstan və s. ilə birlikdə “nisbətən azad” dövlət
kimi dəyərləndirərək “demokratiya istiqamətində irəliləyən”
ölkələr blokuna daxil edib.
“Azad ev” “nisbətən azad” ölkələrin siyasi sistemlərini bir
neçə faktorla xarakterizə edir. Bunlardan: hakimiyyətə gəlmə-
nin və onu idarə etmənin rəqabət prinsiplərinə, açıq və demok-
ratik siyasi mübarizəyə söykənməsi; dövlətin vətəndaşların
əsas hüquq və azadlıqlarını dönmədən təmin etməsi; hakimiy-
yət bölgüsü prinsiplərinin bərqərar olması; vətəndaşların döv-
lət həyatında, daxili idarəçilikdə, dövlət siyasətinin formalaş-
ması və həyata keçirilməsində iştirakı; hakimiyyətin forma-
laşması və azad seçkilərin keçirilməsində vətəndaşların sərbəst
iştirakı; azad mətbuatın mövcudluğu və s. bu təşkilatın diqqət
yönəltdiyi əsas meyarlar hesab olunur.
2
Əlbəttə, bütün bu parametrlər üzrə Azərbaycan “Azad
ev”in standartlarına cavab verir və demokratik dövlət hesab
olunur. Lakin “Azad ev”in təsnifatında “tam azad”, “nisbətən
2
Bax: Ə. Həsənov. Müasir beynəlxalq münasibətlər və Azərbaycanın xarici
siyasəti. Bakı, 1995. s. 176
Яли Щясянов, Адил Вялийев
56
azad” və “qeyri-azad” olmaq üzrə ölkələrin üç qrupa ayrılma-
sında başqa meyarlar da nəzərə alınır ki, bu da tədqiqatçılar
arasında fikir ayrılığına səbəb olur.
Şübhəsiz, postsovet respublikalarında mövcud olan de-
mokratik rejim və vətəndaş cəmiyyəti inkişaf etmiş Qərb döv-
lətlərindəki kimi (bu qrupu “Azad ev” təşkilatı birinci təsnifata
aid edir) inkişaf etmiş və yetkin deyil. Bu özünü ilk növbədə
onda göstərir ki, postsovet ölkələrinin Konstitusiyalarında
təsbit olunmuş normalar real fəaliyyət üçün əsas deyil, prinsip
xarakteri daşıyır. Konstitusiya normaları və prinsiplərinin real-
laşması əlavə qanun yaradıcılığı tələb edir ki, bunu da “Azad
ev” təşkilatı öz təsnifatında nəzərə alır.
Bundan başqa “nisbətən azad” ölkələrdəki vətəndaş cə-
miyyətinin vəziyyəti də inkişaf etmiş Qərb dövlətlərindən xey-
li aşağı səviyyədədir. Tədqiqatçılar bunu ilk növbədə, əhalinin
siyasi mədəniyyətinin, mentalitetinin və psixoloji vəziyyətinin
keçmiş sosialist sistemindən miras qalmış ənənələrindən tam
azad ola bilməməsi ilə bağlayırlar. Onların fikrinə görə, Qərb
standartlarına uyğun vətəndaş cəmiyyətini indiki deyil, növbəti
nəsil həll edəcəkdir.
Azərbaycanın siyasi sistemində müxalifət partiyalarının
rolu, siyasi və ictimai institutların yeri məsələsi də “Azad ev”
təşkilatının təsnifatında nəzərə alınır. Əlbəttə, siyasi partiya-
ların mövcudluğu, sərbəst fəaliyyət göstərməsi, hakimiyyəti
tənqid etməsi – bütün bunlar faktdır və “Azad ev” bunları si-
yasi rejimin demokratikliyinin əlaməti kimi təqdim edir. La-
kin, partiyaların təşkilati, siyasi və maddi cəhətdən zəifliyi,
cəmiyyət həyatına və hakimiyyət strukturlarına təsir imkan-
larının çox cüzi olmasını “Azad ev” Azərbaycanın hələ keçid
mərhələsində olması ilə əlaqələndirir.
Azərbaycan unitar respublikadır (maddə 7). Düzdür,
Azərbaycan Respublikası tərkibində Naxçıvan Muxtar Res-
publikasının mövcud olması onu nəzəri cəhətdən ərazi federa-
Dostları ilə paylaş: |