Яли Щясянов, Адил Вялийев
202
prezident (14 yanvar 2012-ci ildən etibarən Vətən Partiyasının
üzvü xanım Roksana Baldettidir) majoritar sistem əsasında iki
mərhələli, birbaşa ümumxalq səsverməsi yolu ilə, bir dəfədən
çox olmamaqla 4 il müddətinə seçilir. Mövcud Konstitusiyaya
görə vitse-prezident, vəzifə müddətinin bitməsindən 4 il sonra
Prezident seçkilərində iştirak edə bilər.
Dövlət başçısı qarşısında kollektiv məsuliyyət daşıyan
Hökumət vasitəsilə icra hakimiyyətini həyata keçirir.
Hazırkı ölkə Prezidenti 14 yanvar 2012-ci ildən Vətən
Partiyasının təmsilçisi
Otto Peres Molinadır.
Qanunverici hakimiyyət: Mövcud konstitusiyaya görə bir
palatalı qanunverici orqan Konqresdir. 158 yerlik Parlamentə
29 deputat ümummilli siyahı üzrə, qalan 129 üzv isə yerli
departamentlərin müəyyənləşdirdiyi siyahılar üzrə birbaşa
seçkilərdə 4 il müddətinə seçilir.
Konqres mütləq səs çoxluğu ilə onun və Prezidentin qarşı-
sında məsuliyyət daşıyan istənilən nazirə etimadsızlıq göstərə
bilər və bu da sonuncunun istefası ilə nəticələnə bilər. Prezi-
dent nazirin istefasına razılıq verməzsə, Parlament 2/3 səs
çoxluğu ilə istefanı təkid edə bilər.
11 sentyabr 2011-cu ildə keçirilmiş son seçkilər nəticə-
sində Parlamentdə təmsil olunan əsas siyasi partiyalar:
Vətən Partiyası- (56 deputat),
UNE – GANA -(48 deputat),
Milliyyətçi Dəyşiklik İttifaqı- (14 deputat),
Yenilənmiş Demoratik Azadlıq - (14 deputat),
Kompromis, Yenilənmə və Qanun (12 deputat),
VİVA – (6 deputat) və s.
Məhkəmə hakimiyyəti: 5 illik müddətə seçilən 13
üzvdən
ibarət Ali Məhkəmə, habelə eyni müddətə ölkə Prezidenti,
Konqres, Ali Məhkəmə, Qvatemala Universitetinin Ali Şurası
və Vəkillər Kollegiyası tərəfindən seçilən 5 üzvdən ibarət
Konstitusiya Məhkəməsi ölkədə məhkəmə hakimiyyətini
həyata keçirir.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
203
QVİNEYA
Ümumi məlumat: Müstəmləkə dövründən əvvəl indiki
Qvineya ərazisində müxtəlif erkən
feodal dövlətləri mövcud
olmuşdur. XIX əsrin sonlarında ölkə ərazisi fransız müstəm-
ləkəçiləri tərəfindən işğal edilmişdir.
1958-ci ildən etibarən Qvineya müstəqil dövlətdir.
Qərbi Afrikada yerləşən
Qvineya Respublikasının paytaxtı
Konakri şəhəridir.
Ölkənin ərazisi 245,857 km², əhalisi (2009) 10,057,975
nəfərdir (əhali sıxlığı 40.9 nəfər/km²).
Qvineya Respublikasının rəsmi dövlət dili fransız dilidir.
Dövlətin İnsan İnkişafı İndeksi - 0.344 – aşağıdır (178-ci yer).
Dövlət quruluşu: Məhdud hakimiyyətli prezident idarəet-
mə üsuluna malik respublikadır. Milli bayram günü olan
müstəqillik günü (1958) oktyabr ayının 2-də qeyd olunur. Ölkə
Konstitusiyası 23 dekabr 1990-cı ildə qəbul edilmişdir.
İnzibati bölgüsü: Ölkə 8 əyalətə
(Boki, Farana, Nzerekore,
Mamu, Kankan, Kindiya, Labe əyalətləri və onlara bərabər
tutulan paytaxt Konakri) və 33 prefekturaya bölünür.
Dövlət başçısı: Ümumxalq səsverməsi yolu ilə 7 il müd-
dətinə seçilən prezident dövlət və hökumət başçısı, eyni za-
manda silahlı qüvvələrin ali baş komandanıdır. Dövlətin idarə
olunmasında kifayət qədər geniş səlahiyyətlərə malik olan Pre-
zident icra hakimiyyətinə rəhbərliyi 8 region və 33 prefektura
üzrə həyata keçirir və bu fəaliyyətində dövlət başçısına, təyin
və azad etdiyi 25 nazirdən ibarət olan Hökumət üzvləri kömək
edirlər.
Яли Щясянов, Адил Вялийев
204
Mövcud Konstitusiyada təsbit edilməsə də, məhdud səla-
hiyyətə malik olan Qambiyanın Baş naziri qarşısında birbaşa
məsuliyyət daşıdığı Prezident tərəfindən təyin edilir.
Dövlət başçısı aralarında prinsipial dövlət məsələləri ilə
bağlı tənzimlənməsi mümkün olmayan fikir ayrılığı yarandığı
hallarda Milli Assambleyanı buraxmaq və erkən seçkiləri elan
etmək səlahiyyətinə malikdir.
2010-cu ilin 27 iyun (I tur) və 07 noyabr (II tur) tarixlə-
rində, ölkə vətəndaşlarının iştirak etdiyi son Prezident seçki-
lərində 52.52% səs toplamış Alfa Konde Qvineya Respub-
likasının dövlət başçısı seçilmişdir.
Qanunverici hakimiyyət: Birpalatalı, 114 yerlik
Milli
Assambleyadır. Parlamentin 38 deputatı majoritar, 76
üzvü isə
proporsional seçki sistemi üzrə 5 il müddətinə seçilir.
Son Parlament seçkiləri 2002-ci ildə keçirilmişdir. 2008-ci
ildə ölkədə baş vermiş hərbi çevrilişdən sonra ölkədə
Parlament fəaliyyətini dayandırmışdır (İlkin versiyalara görə
Qvineyada növbəti Parlament seçkilərinin 11 illik fasilədən
sonra, 2013-cü ilin martında keçirilməsi nəzərdə tutulur ).
İcraedici hakimiyyət: Hökumət (Nazirlər Kabineti) Qam-
biya Respublikasında icra hakimiyyətini həyata keçirməkdə
səlahiyyətlidir. 24 dekabr 2010-cu ildən etibarən Məhəmməd
Səid Fofana ölkə Prezidenti tərəfindən sayca 12-ci Baş nazir
vəzifəsinə təyin edilmişdir.
Fofananın təyinatı dövlət başçısının
susu və cənub bölgə-
sinin digər əhalisinin seçkilərdə ona verdikləri dəstəyə cavab
olaraq minnətdarlıq jesti kimi qəbul edilir. Belə ki, Baş nazir
təyinatından əvvəl o qədər də tanınmayan M.S.Fofana susu
xalqının nümayəndəsidir.
Məhkəmə hakimiyyəti: Hakimləri Prezident tərəfindən
təyin edilən və ölkədə Konstitusiya nəzarəti orqanının səlahiy-
yətlərini həyata keçirən Ali Məhkəmə, habelə Apelyasiya və
birinci instansiya məhkəmələri Qvineyanın məhkəmə haki-
miyyətini həyata keçirir.