ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
205
LİVİYA
Ümumi məlumat: Qədim dövrlərdə
misirlilərin, finikiya-
lıların, romalıların və
Bizansın hakimiyyəti altında olmuş
Liviya VII əsrdə ərəb qəbilələri tərəfindən işğal edilmişdir.
XVI-XX əsrin əvvəllərində ölkə Osmanlı İmperiyasının tərki-
binə daxil olmuş, 1911-ci ildən İtaliyanın müstəmləkəsi sayıl-
mış, 1943-cü ildən isə İngiltərə və Fransa tərəfindən işğal
edilmişdir.
1951-ci ildən etibarən Liviya müstəqil dövlətdir.
Şimali Afrikada yerləşən
Liviya Respublikasının paytaxtı
Tripoli şəhəridir.
Ölkənin ərazisi 1,759,541 km², əhalisi (2009) 6,365,563
nəfərdir (əhali sıxlığı 3.2 nəfər/km²).
Liviya Respublikasının rəsmi dövlət dili ərəb dilidir.
Dövlətin İnsan İnkişafı İndeksi - 0.760 – yüksəkdir (64-cü
yer).
Dövlət quruluşu: 2011-ci ildə baş vermiş vətəndaş müha-
ribəsindən (Ərəb inqilabları dalğasından qaynaqlanan) sonra
dövlətin idarə edilməsi tərkibi ölkənin 31 böyük şəhərlərinin
təmsilçilərindən ibarət olan Liviya Milli Keçid Şurası tərəfin-
dən həyata keçirilmiş, 2012-ci ilin avqustunda isə müvəqqəti
Konstitusiyaya əsasən Milli Keçid Şurası siyasi hakimiyyəti
ölkənin legitim Parlamenti sayılan Liviya Ümummilli Kon-
qresinə təhvil vermişdir.
Milli Bayram günü olan müstəqillik günü (1951) 24 de-
kabrda qeyd olunur. 11 dekabr 1969-cu ildə qəbul edilmiş
Яли Щясянов, Адил Вялийев
206
Konstitusiya 2011-ci ildə baş vermiş siyasi hadisələr (vətəndaş
müharibəsi) nəticəsində hüquqi qüvvəsini itirdiyindən, hazırda
yeni Konstitusiyanın qəbul edilməsinə qədərki dövr ərzində
onu referendumda ratifikasiya edilmiş və 03 avqust 2011-ci
ildən qüvvədə olan, 37 maddədən ibarət Konstitusiya
Bəyannaməsi müvəqqəti olaraq əvəz edir.
İnzibati bölgüsü: Ölkə 22 bələdiyyəyə
(Əl-Butnan, Dərna,
Əl-Cəbal-əl-Axdar, Əl-Mərc, Benqazi, Əl-Vaxat, Əl-Küfrə, Sirt,
Misurata, Əl-Mərqab, Tarabulus, Əl-Cifara, Əz-Zəviyə, Ən-
Nuqat-əl-Xüms, Əl-Cabal-əl-Qərbi, Nalut, Əl-Cüfrə, Vadi-əş-
Şati, Sabha, Vadi-əl-Həyat, Qat və Mərzuk) bölünür.
Dövlət başçısı: Dövlətin idarə edilməsində ali mövqeyə
malik olan və 09 avqust 2012-ci ildən etibarən Liviya Ümum-
milli Konqresinin hazırkı və sayca 1-ci sədri -
Məhəmməd Əl-
Məkarif qarşıdan gələn
Prezident seçkilərində dövlət başçısı
postuna ən iddialı namizəd sayılır.
Liviya dövlətinin siyasi böhrandan tam qurtula bilməməsi,
habelə Yeni Konstitusiyanın hələ ki, qəbul edilməməsi səbə-
bindən, dövlət başçısının səlahiyyət hüdudları tam dəqiqliyi ilə
müəyyən edilməmişdir.
Qanunvericilik hakimiyyəti: Liviya Ümummilli Konqresi
dövlətin əsas struktur elementi olaraq ölkədə qanunvericilik
hakimiyyətini həyata keçirməklə yanaşı, müasir Liviyada siya-
si idarəetmənin fövqündə yer alır və hazırkı keçid dövründə
müstəsna hüquqlara malikdir.
Belə ki, ilk növbədə Liviya Ümummilli Konqresi, onun
qarşısında siyasi və kollektiv məsuliyyət daşıdığı Kabinetin
tərkibini təsdiq etməkdə və zəruri hallarda ona etimadsızlıq
göstərməkdə səlahiyyətlidir.
200 yerlik Parlamentə (Liviya Ümummilli Konqresi) 80
deputat partiya siyahıları ilə proporsional təmsilçilik sistemi
üzrə, digər 120 üzv isə müstəqil namizəd qismində müəyyən
edilmiş dairələrdən seçilir.
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
207
07 iyul 2012-ci ildə keçirilmiş Parlament seçkiləri nəticə-
sində Ümummilli Konqresdə mandat əldə etmiş ölkənin əsas
siyasi partiyaları:
Milli Alyans Qüvvələri – 39 yer,
Ədalət və Quruculuq – 17,
Milli Cəbhə - 3,
Vətən Naminə İttifaq – 2,
Milli Mərkəzçi Partiya – 2,
Vadi-əl-Həya – 2,
Digər partiyalar – 15,
Müstəqil deputatlar – 120.
İcraedici hakimiyyət: Dövlətin yeni siyasi prinsiplərinə
uyğun olaraq Hökumət (Nazirlər Kabineti) Liviyada yaşayan
bütün millətlərin maraqlarını və kəmiyyət balansını qorumaq
məqsədilə müxtəlif coğrafi regionları təmsil edən nümayən-
dələrin tərkibindən formalaşır.
Baş nazirin təqdimatı əsasında 27 nazirin daxil olduğu
Kabinetin tərkibi Ümummilli Konqresdə təsdiq edilir və
Hökumət cari fəaliyyətinə görə Parlament qarşısında bilavasitə
cavabdehlik daşıyır.
31 oktyabr 2012-ci ildən etibarən Əli Zeydan Məhəmməd
Liviya Ümummilli Konqresinin hazırkı, sayca 2-ci Baş
naziridir.
Məhkəmə hakimiyyəti: Liviya Konstitusiya bəyannaməsi-
nin 30, 31 və 32-ci maddələrinə uyğun olaraq məhkəmə haki-
miyyəti ölkədə ən yüksək məhkəmə instansiyası sayılan Ali
Məhkəmə, habelə
Apelyasiya və birinci instansiya məhkə-
mələri tərəfindən həyata keçirilir.