ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
215
habelə mövcud Konstitusiya ilə təsbit
edilmiş digər məsələlər
aiddir.
Ölkədə siyasi partiyalar rəsmən fəaliyyət göstərmir və bu
baxımdan Parlamentin tərkibi bitərəflərdən ibarətdir.
İcraedici hakimiyyət: Ölkə vətəndaşlarının rifah halının
yüksəldilməsi istiqamətində ali qanunverici orqan qarşısında
kollektiv məsuliyyət daşıyan, tərkibinə Prezidentin və Parla-
ment üzvlərinin də daxil olduğu Nazirlər Kabineti, Marşal
Adalarının daxili və xarici siyasətinin həyata keçirilməsində
və ona nəzarətdə, Nitijelaya mühüm və təxirəsalınmaz qanun
layihələrinin təqdim edilməsində, dövlət rüsumlarının tətbiqin-
də, səhiyyə, təhsil və digər sosial yönümlü layihələrin həyata
keçirilməsində, əfv verilməsində və s. əhəmiyyətli məsələlərin
həllində geniş səlahiyyətlərə malik olan yuxarı icra orqanıdır.
Tərkibində minimum 6, maksimum isə 10 nazirliyin
(Maliyyə, Xarici İşlər, Kommunikasiya və Nəqliyyat, İnkişaf və
Resurslar, Sosial Təminat, İctimai İşlər və s.) yer aldığı
Nazirlər Kabinetini Aşağı Palatanın razılığı ilə Prezident təyin
edir və ona rəhbərlik edir.
Məhkəmə hakimiyyəti: Marşal Adalarında məhkəmə ha-
kimiyyəti hakimləri (yuxarı yaş həddi 72-dir) Məhkəmə Xid-
məti Komissiyasının təqdimatı ilə
Nazirlər Kabineti tərəfindən
təyin olunan Ali və Yüksək Məhkəmələr, habelə ənənəvi hüquq
və dairə məhkəmələri tərəfindən həyata keçirilir.
Ölkədə fəaliyyət göstərən bütün məhkəmə instansiyaları
kifayət qədər geniş və müstəqil səlahiyyətlərə malikdirlər.
Яли Щясянов, Адил Вялийев
216
MEKSİKA
Ümumi məlumat: Meksikanın indiki ərazisində qədim za-
manlarda yüksək inkişaf səviyyəsinə nail olmuş hindu qəbi-
lələri (asteklər, mayalar, tolteklər, olmeklər və s.) məskunlaş-
mışlar. Amerikanın ispanlar tərəfindən kəşf edilməsinə qədər
Meksika torpaqlarında
mayaların və asteklərin dövləti mövcud
olmuşdur
İspanların 1518-ci ildə bu torpaqlara ilk gəlişlərindən
sonra Meksika XVI əsrdən XIX əsrin əvvəllərinə qədər olan
dövrdə İspaniyanın müstəmləkəsinə çevrilmiş və yalnız 1821-
ci ildə dövlət müstəqilliyini əldə etmişdir.
Şimali Amerikanın cənub
hissəsində yerləşən
Meksika
Federativ Respublikasının paytaxtı
Mexiko şəhəridir.
Ölkənin ərazisi 1,972,550 km², əhalisi (2012) 115,296,767
nəfərdir (əhali sıxlığı 57 nəfər/km²).
Meksikanın rəsmi dövlət dili ispan dilidir.
Dövlətin İnsan İnkişafı İndeksi - 0.770 – yüksəkdir (57-ci
yer).
Dövlət quruluşu: Məhdud hakimiyyətli prezident idarə-
etmə üsuluna malik federativ respublikadır. Milli bayram günü
olan müstəqillik günü (1810) sentyabr ayının 16-da qeyd
olunur. Ölkə Konstitusiyası 05 fevral 1917-ci ildən (sonuncu
dəfə 1993-cü ildə edilən əlavələrlə) qüvvədədir.
İnzibati bölgüsü: 2438 bələdiyyədən ibarət olan 31 ştata
(Puebla, Tabasko, Verakruz-Lave, Yukatan, Zakatekas,
Duranqo, Baya Kaliforniya, Distrito Federal, Qerrero, İdalqo,
ДЦНЙА ЮЛКЯЛЯРИНИН МЦАСИР СИЙАСИ СИСТЕМЛЯРИ
217
Keretaro, Kolima, Sinaloa, Nayarit və s.) və
Mexiko paytaxt
federal dairəsinə bölünür.
Dövlət başçısı: Birbaşa seçkilərdə 6 il müddətinə seçilən
və təkrar seçilmək hüququ olmayan Prezident dövlət və
hökumət başçısı, dövlət aparatının rəhbəri və silahlı qüvvələrin
ali baş komandanıdır. Hökumət üzvləri və ali vəzifə sahibləri
Prezident tərəfindən formalaşdırılır, təyin edilir və vəzifələ-
rindən azad edilirlər. Zəruri hallarda Prezident Kabinetin geniş
tərkibini təyin etməkdə səlahiyyətlidir.
Dövlət başçısı qanunvericilik təşəbbüsü hüququna malik-
dir və Konqresin müzakirə və qəbul etdiyi qanun layihələrinin
böyük əksəriyyəti icra hakimiyyəti tərəfindən təqdim edilir.
Prezident veto hüququna malikdir, lakin dövlət başçısı
qanunvericilik prosesini tam nəzarətdə saxladığı üçün, veto
hüququndan istifadə praktikada çox az hallarda mümkündür.
Qanun qüvvəsinə malik olan fərmanlar imzalamaq, fövqə-
ladə vəziyyət elan etmək, konstitusiya təminatlarını dayandır-
maq və s. mühüm məsələlərdə dövlət başçısı səlahiyyət sahibi
olsa da, Konstitusiyaya görə onun fəaliyyətində məhdudiyyət-
lər (aqrar islahatlar, neft sektorunun milliləşdirilməsi, demok-
ratik proseslərdə iştirakın təmin edilməsi və s.) də mövcuddur.
01 iyul 2012-ci ildə keçirilmiş son Prezident seçkiləri
nəticəsində İnstitusional İnqilab Partiyasının nümayəndəsi
Enrike Penya 38.21% səs toplayaraq Meksikanın yeni, sayca
37-ci Prezidenti seçilmişdir.
Qanunverici hakimiyyət: Konstitusiyaya əsasən Meksi-
kada icra hakimiyyəti ilə qanunvericilik hakimiyyətinin səla-
hiyyət hüdudları dəqiq müəyyən edilmişdir. Bu baxımdan, ali
qanunverici orqan - Milli Konqres fəaliyyətini tam müstəqil
şəkildə həyata keçirir.
Konqres 2 palatadan - Senat (hər ştatın və federal dairənin
4 senatorla təmsil olunduğu - 128 yer) və Nümayəndələr Pala-
tasından (300 yer majoritar sistem üzrə seçilməklə - 500 yer)