İslam dininin’ to’rtinshi sha’rti minnetli tu’rde sadaqa za’kat- so’zbe – so’z
pa’kleniw degendi an’latadı.
Xajı bul islamnın’ besinshi sha’rti bolıp, onın’ ma’nisi Kaaba meshiti bolg’an
«sharapatlı Mekke qalasına zıyaratqa barıwdı an’latadı». Bulardan basqa da
da’stu’rlerinen Oraza bayramı, Qurban Xayt bayramı, İslamnın’ da’slepki da’wirinde
a’wliye adamlarg’a sıyınıw butqa tabınıwshılıq retinde biykar etilgen. Son’ bul dinin’
feodallıq ja’miet quralına aylanıwı menen a’wliyelerge sıyınıw ku’sheydi.
SUNNİZM sunna ko’p sanlı xadislerden ibarat sharapatlı an’ızlar toplamın
moyınlawshılar sunnitler dep ataladı. Olar to’rt xalif h’u’kimetin quwatladı. Orta
Aziya h’alıqlarıda sunnitli bag’darg’a isenedi.
Shiizm
(Bir topar ta’repdarlar yag’nıy partiya degen so’zden kelip shıqqan) og’an
muxammedtinatalas inisinin’ u’lken qızı Fatimanın’ ku’yewi, to’rtinshi xalif A’liy
ta’repdarları ta’repinen tiykar salınadı. Sheitlerde tek A’liy paygambar ta’rpedarlarına
baylanıslı xadisler moyınlang’an.
İslam teologiyası tariyxıy rawajlanıwdı tu’sindiriwde jer – ju’zlik dinler sıyaqlı
to’mendegishe printsiplerge tiykarlanadı:
Birinshiden. Prividentsializm ideyasın – bunda adamzat tariyxı qudaydın’ erki
menen basqarıladı, og’an adamnın’ aqılı jetpeydi.
Ekinshiden. Adamnın’ tuwılg’anınan baslap gu’nakarlıg’ı h’aqqındag’ı ideya.
Ma’selen adamzattın’ jaratılıwında «Adam ata menen xawa ene gu’nakar bolıwı
menen, quday tala adamdı sınaw ushın o’z wa’kilin jiberedi». Ol ra’h’a’t turmısqa
shıgadı.
U’shinshiden. Messionizm – ideyası qudaydın’ qayta tiriltip jibergen wa’kili, ol
gu’nalardı keshiriwshi messiya xristianlıqta İisus Xristos, musılman sheizminde
Aliydin’ balaları U’sen menen Asan bolıp tabıladı.
To’rtinshiden. Adam ta’g’dirinin’ aldın ala quday ta’repinen belgilenip qoyatug’ını
h’aqqındag’ı ideya. Bul boyınsha tariyxıy rawajlanıwdı h’a’m adamnın’ jeke o’mirin
o’zgertip bolmaydı degen ko’z – qaras birinshi orında turadı.
XİLİAZM. (Grektin’ «mın’» degen so’zinen shıqqan) ideyası Xristostın’
keleshekte mın’ jıl patshalıq etiwi h’aqqındag’ı tu’sinik bolıp tabıladı.
ESXOTOLOGİYa. İdeyası aqır zaman h’a’m adamzattı h’a’m h’ar
bir bendeni
qıyamette sawalg’a tutıw tu’siniginin’ jasawı bolıp tabıladı.
5 s. Abu Nasr Farabiydin’ ja’miyetlik siyasiy ko’z qarasları.
Tolıq ismi Abu Nasr Muxammed ibn Muxammed Yazlug’ Torxan al – Farabiy,
h’a’zirgi Shimkent wa’liyatının’ Farab degen jerinde 873 – jılı tuwılg’an, 950 jılı
Damaskte qaytıs bolg’an. Fiolosof, danıshpan, entsiklopedist alım, Farab, Tashkent,
Buxara h’a’m Samarqandta oqıg’an.
Bag’datta jasap, grek alımlarının’ shıg’armaların u’yrengen. 70 artıq tildi bilgen.
Damaskta g’a’riplik turmısta jasap, ilshim pa’n menen shug’ıllang’an. İlim
du’nyasında 160 tan artıq shıg’armalar do’retken. Zamanlasları onı shıg’ısta
Aristotelden keyingi iri oyshıl «Muallamus Soniy» yag’nıy ekinshi mug’allim dep
atag’an.
Orta a’sirlik ilim ma’deniyatqa u’les qosqan matematika, astronomiya, meditsina,
muzıka. Logika, filosofiya, til ilimi h’a’m a’debiyat tarawında do’retiwshilik penen
shugıllang’an. «Aristoteldin’ Metafizika» shıgarmasının’ maqsetleri xaqqında «baqıt
saodatqa jetiw h’aqqında» «qalalardı siyasat ju’rgiziw» sıyaqlı shıg’armalar jazg’an.
Farabiy bilimi. Ta’liymatı oy – pikirlerinin’ ken’ligi h’a’m ideyasının’ teren’ligi
sebepli shıg’ısta Aristotel (Arasits) dep keyinsheli iri oyshıl – «Muallimus soniy»
«ekinshi mug’allim» atı menen dan’qı shıqqan. Farabiy orta a’sir jag’dayında aqıl
h’a’m ilimnin’ saltanatı, ruwxıy azatlıq insanın’ rawajlanıwı h’a’m a’dalatlı h’a’rket
ushın gu’resken ullı aqıl iyesi edi.
Farabiydin’ a’dalatlı ja’miet du’nyanın’ ………… h’aqqındag’ı ideyaları
Evropanın’ oyanıw da’wirine ta’sir ko’rsetken. Onın’ ideyaları ulıwma, Oraylıq
Aziyadag’ı oyanıw da’wirinin’ da’slepki teoriyalıq tiykarlarınan bolıp. Bul aymaqta
oyanıw da’wiri evropaga qarag’anda bir neshe a’sir aldınıraq baslanıwına tu’rtki
bolg’an.
Farabiydin’ Evropa h’a’m ulıwma du’nya filosofiyasına ta’siri ele o’z izertlewlerin
talap etpekte. Farabiy Oraylıq Aziyada oyanıw da’wiri filosofiyasın, ja’miyetlik
tu’sinigin oy pikirin baslap bergen danıshpan bolıp tabıladı. Onın’ a’dalatlı ja’miyet
qurıw h’aqqındag’ı pikiri Orta Aziya g’a’rezsizlik jag’dayında iske asqan sıyaqlı.
Filosof ilimpazı İbn Xalduna (1332-1406 jj.)
Abu ar-Raxmon Abu Zeyd İbn Xaldun arab ma’mleketlik ja’miyetlik, g’ayratker
sotsial filosof, ma’deniyattanıw tariyxshı, tarixiy filosofiyalıq problemalardı
izertlegen Adam. Arab filosofı İbn Rushdanın’ jolın tutıwshı.
Onın’ belgili shıg’armaları «Vsemirnaya istoriya», «Vvedenie v filosofiyu istorii»,
ko’p tomlıq «Kniga pouchitelnıx primerov i svedeniy iz istorii arabov, persov,
berberov i drugix sovremennıx im mogushestvennıx narodov» degen kitap h’a’m de
qol jazbalardın’ avtorı.
1349-1375 jj. Tunis, Fesa, Franada Bidjan qalalarında basqarıwshılar qasınan bir
neshe lawazımlarda islegen h’a’mde Amir Temurdın’ shıg’ısqa atlanısında birge
ju’rgen.
1382-jılg’a kelip diniy quwdalanıwshılıq Egipetke qashadı sol jerde qazı
lawazımında islep ja’ne de Al Aqrar, Al Kamxiya, Al-Zakiriya medreselerinde sabaq
bergen. İbn Xaldunanın’ filosofiyalıq belgili miynetinen («Aqıl na’siyat») arab,
parsı, berber xalqı tariyxınan aqıl na’siyat u’yretiwshi kitabı (kitob al iborat) atı
menen u’sh bo’limnen turadı. Birinshi bo’limi «Tariyx filosofiyasına kiris»
(Mukaddima) arnawlı ma’seleler, metodlar h’a’m printsipler, tariyxıy izertlewler.
Usı bo’limindegi kitabında İbn – Xaldun o’zinin’ bilimlerin ja’miyetti rawajlanıwına
arnalg’anlıg’ın ko’rsetedi. Adamlar o’mirinen da’stu’riy ayırmashılıqlar
h’a’mmesinen burın ko’shpeli h’a’m otırıqshılar arasındag’ı xojalıg’ın ko’rsetken. Ol
ayırmashılıqtı, xojalıqtı basqarıw geografiyalıq ortalıqtı ayırmashılıg’ına
baylanıstıradı, ekinshi bo’liminde shıg’ıs musılman xalıqlarının’ tariyxın, u’shinshi
bo’liminde «Magriba xalıqları tariyxı».
Kitabının’ aqırg’ı bo’limi tolıqlıg’ı h’a’m anıqlıg’ı menen ayırılıp turıp, onda
ko’rsetiwinshe, tiykarg’ı derekleri orta a’sirdegi arqa Afrika tariyxın u’yreniwge
qaratılg’an. İbn Xaldun o’zinin’ avtorlıg’ında Avtobiografiyasın jazg’an, bunda en’
birinshilerden orta a’sirlerdegi memuara a’debiyatınan u’lgi boldı.
Ol o’zinin’ Mukaddima kitabında jazadı: sonı bil, ilimiy qalalardı u’yreniw h’a’m
izertlew predmeti bolıp ekige bo’linedi:
1. Adam ushın ta’biyattanıw pa’nleri bul aqılıy jol menen engiziledi.
2. Traditsiyalıq (da’stu’riy) ilim bolıp, ol og’an negiz salg’an adam ta’repinen
beriledi.
Birinshi adamg’a ta’biiy bolg’an ilim bul – filosof, aqıl oylıq bolıp, adam ushın
ta’biiy oylawlar arqalı engiziledi.
Ekinshi tu’ri bul ilim adam ta’repinen basqalardın’ oy-pikiri, ilimi ta’repinen
beriledi. Usı jag’day sharayatqa juwap beredi, bulardı h’a’mme tarawlarda
paydalanıw mu’mkin emes.
Bul ilimlerdin’ negizin alla ta’repinen onın’ wa’kili quran h’a’m sunnada
belgilep bergen.