Microsoft Word vesait fem doc
Məhkəmənin fərdi əmək mübahisəsi ilə bağlı qərarının və
Yüklə 279,73 Kb. Pdf görüntüsü
|
- Bu səhifədəki naviqasiya:
- Məhkəmənin fərdi əmək mübahisəsi ilə bağlı qərarının və qətnamələrin icrası qaydaları
- Məhkəmə qərarının icrasından sonra icraya dönüşün məhdudlaşdırılması
- ƏLAVƏLƏR Əlavə 1. ƏMK haqqında əsasnamə (Azərbaycan Nümunəsi)
- Azərbaycan Mеtal Işçiləri Həmkarlar Ittifaqı Fеdеrasiyası
29 Məhkəmənin fərdi əmək mübahisəsi ilə bağlı qərarının və qətnamələrin icrası qaydaları Əmək Məcəlləsinin 301-ci maddəsinə əsasən fərdi əmək mübahisəsi ilə bağlı məhkəmənin çıxardığı qərarda başqa hal nəzərdə tutulmayıbsa, onda o qərar qanuni qüvvəyə mindiyi gündən dərhal icra edilməlidir. Bu o deməkdir ki, birinci instansiya məhkəməsinin qərarı (qətnaməsi) Mülki Prosessual Məcəllədə nəzərdə tutulmuş müddətdən sonra qüvvəyə minir. Bu müddət qərarın (qətnamənin) tərəflərə təqdim edilməsindən sonra bir ay təşkil edir. Lakin cavabdeh tərəf apellyasiya şikayəti verərsə onda birinci instansiya məhkəməsinin qərarı apellyasiya instansiyasının qərarından asılı olaraq qüvvəyə minir. Yəni Apellyasiya məhkəməsi qərarı qüvvədə saxlasa, qismən qüvvədə saxlasa və ya ləğv edib mahiyyəti üzrə başqa qərar qəbul etsə onda həmin qərar tətbiq edilir. Əgər birinci instansiya məhkəməsinin qərarı (qətnaməsi) işçini təmin etmirsə onda o qərarı (qətnaməni) əldə etdikdən 1 ay müddətində birinci instansiya məhkəməsi vasitəsi ilə apellyasiya şikayəti verə bilər. Apellyasiya məhkəməsinin qərarı tərəflərə təqdim edilən andan icra olunmalıdır. Əgər apellyasiya məhkəməsinin qərarı işçini təmin etmirsə o kassasiya qaydasında Ali Məhkəmənin Mülki İşlər üzrə Məhkəmə Kollegiyasına şikayət verə bilər. Ali Məhkəmənin Mülki İşlər üzrə Məhkəmə Kollegiyasının qərarı işçini təmin etmədikdə o, Ali Məhkəmənin Plenumuna əlavə kassasiya şikayəti verə bilər. Lakin artıq Ali Məhkəmənin Mülki işlər üzrə Məhkəmə Kollegiyasının Qərarı çıxdıqdan sonra şəxs 6 ay müddətində İnsan Hüquqları üzrə Avropa Məhkəməsinə şikayət verə bilər. Lakin bu zaman nəzərə almaq lazımdır ki, Avropa Məhkəməsi sosial iqtisadi və mədəni hüquqların pozulması ilə bağlı şikayətlərə baxmır.
30
İstisna mülkiyyət hüquqları təşkil edir ki, bu da İnsan Hüquqlarının və Əsas Azadlıqların Müdafiəsinə dair Avropa Konvensiyasına əlavə olunan 1 saylı Protokolun 1-ci maddəsi ilə tənzimlənir. Əmək hüquqları pozulmuş şəxs yalnız bu halda Avropa Konvensiyasının 6-cı maddəsinin -ədalətli məhkəmə hüququnun pozulması ilə əlaqədar İnsan Hüquqları üzrə Avropa Məhkəməsinə şikayət verə bilər. Şəraitdən asılı olaraq şikayət zamanı Konvensiyanın 13 və 14-cü maddələrinə də istinad etmək olar. Əgər işçi hesab etsə ki, onun əmək hüquqlarının pozulması hər hansı normativ hüquqi aktın tətbiq edilməsi ilə bağlıdır və bu akt onun konstitusion hüquqlarını pozur, bu zaman o daha bir hüquq müdafiə mexanizmdən istifadə edə bilər. Bu mexanizm də konstitusiya Məhkəməsinə şikayət verməkdən ibarətdir. Lakin məhkəmyə iddia verən hər kəs yadda saxlamalıdır ki, pozulmuş hüquqların təmin olunmasında məhkəmə ən effektiv mexanizm olsa da belə, ondan istifadə etməyin bir sıra çətinlikləri vardır. Belə ki, məhkəməyə iddia və şikayətlər qanunvericiliyin tələblərinə uyğun olaraq hazırlanmalıdır, ikincisi iddia və şikayətlər hüquqi baxımdan savadlı və məntiqli olmaldır, üçüncüsü yaxşı olar ki, məhkəmədə vəkilin xidmətindən istifadə edilsin. Nəzərə almaq lazımdır ki, Ali Məhkəməyə və Konstitusiya Məhkəməsinə şikayət yalnız vəkillər kollegiyasının üzvü olan vəkil vasitəsi ilə verilməlidir. Məhkəmə prosesləri həmçinin məhkəmə xərcləri tələb edir. Odur ki, məhkəməyə müraciət etmək istəyən hər bir kəs, əvvəlcədən şanslarını düzgün qiymətləndirməlidir.
31 Məhkəmə qərarının icrasından sonra icraya dönüşün məhdudlaşdırılması Əmək Məcəlləsinin 302-ci maddəsinə əsasən fərdi əmək mübahisələri üzrə icrada dönüşə məhdudiyyət qoyulmuşdur. Maddədə göstərilir ki, “Fərdi əmək mübahisələri üzrə məhkəmənin qəbul etdiyi qanuni qüvvəyə minmiş qərarı, qətnaməsi icra edildiyi gündən 6 ay keçdikdən sonra nəzarət icraatı qaydasında işçinin zərərinə ləğv edilə bilməz. Məhkəmənin qərarının (qətnaməsinin) icrasının dönüşünə, bu qərar yalnız işçinin, işəgötürənin, şahidlərin verdiyi yalan məlumatlara və ya təqdim etdiyi saxta sənədlərə əsaslanaraq qəbul edildiyi hallarda yol verilə bilər”.
Əmək Məcəlləsinin 303-cü maddəsinə görə “Əmək Məcəlləsi ilə müəyyən edilmiş fərdi əmək mübahisələrinin həlli qaydaları Azərbaycan Respublikasının Konstitusiyasında nəzərdə tutulmuş qaydada vəzifəyə təyin edilən və Azərbaycan Respublikasının Prezidenti tərəfindən vəzifəyə təyin olunan şəxslərə şamil edilmir”.
32
ƏLAVƏLƏR Əlavə 1. ƏMK haqqında əsasnamə (Azərbaycan Nümunəsi) Müəssisələrin, idarələrin, təşkilatların həmkarlar ittifaqları kоmitələri nəzdində Fərdi əmək mübahisələrinə baхılması haqqında 2 Ə S A S N A M Ə I.Ümumi müddəalar
1.1. Fərdi əmək mübahisələri - işəgötürənlə işçi arasında əmək müqaviləsinin (kоntraktın), kоllеktiv əmək müqaviləsinin (sazişin) şərtlərinin, əmək qanunvеriciliyinin tətbiqi zamanı anlaşıqlı danışıqlar yоlu ilə aradan qaldırıla bilinməyən, Azərbaycan Rеspublikası qanunvеriciliyində nəzərdə tutulmuş fərdi əmək mübahisələri оrqanlarında araşdırılmalı оlan və yalnız nоrmativ - hüquqi və ya lоkal aktlar ilə həll еdilən fikir ayrılığıdır. 1.2. Işçinin məhkəməyə müraciət еtmək hüququ saхlanılmaqla müəssisələrin kоllеktiv müqaviləsində nəzərdə tutulmuş qaydada həmkarlar ittifaqı kоmitəsinin nəzdində məhkəməyə qədər əmək mübahisələri kоmissiyaları yaradılır. (FƏMK) 1.3. HIK nəzdində FƏMK-nin yaradılması və fəaliyyət qaydası qüvvədə оlan Azərbaycan Rеspublikası qanunvеriciliyinə müvafiq оlaraq tərtib еdilmiş, Fеdеrasiyanın Icraiyyə
2 Azərbaycan Mеtal Işçiləri Həmkarlar Ittifaqı Fеdеrasiyası tərəfindən hazırlanmışdır Yüklə 279,73 Kb. Dostları ilə paylaş:
|